翠林辣蟹舫

辛苦工作了一周，決定慰勞一下自己，向來喜歡吃蟹的我知道這家著名吃蟹的餐廳著做半價優惠，二話不說來大吃一頓。這裏除了必吃的蟹做半價優惠外，多款小菜亦是半價，相當吸引。黃酒煮鮮雞叫了半隻，二人分享剛好。很大的一鍋上枱，帶一點黃酒香，香噴噴。當中有大量的紅棗，薑及雞件，還有煎蛋鋪在上面，感覺滋補。先喝一口湯，非常鮮甜。雞件是先炒香，很香口，肉質嫩滑。黃金流沙蟹主角出場，當然是相機食先，大大隻肉蟹埋在大量金沙下，鹹蛋黃香氣撲鼻，非常吸引。肉蟹非常大隻，肉質鮮嫩滑，非常新鮮。蟹鉗大大隻，一口咬下，啖啖肉，非常鮮甜，感覺非常滿足。金沙非常酥脆，每口都散發淡淡的咸蛋黃甘香，惹味而不膩喉。食神炒飯以鯉魚造型上枱，相當吸睛，繼續相機食先。魚身紋理以蟹子造成，非常鮮艷奪目。炒飯配料很多，豆粒，蝦粒，蛋粒，非常豐富，每口飯都口感豐富，蟹子更是卜卜脆，口感更提升。炒飯炒得非常好，飯粒粒粒分明，但又不會太過乾身。不得不提炒飯中有兩種米，一款是白米，一款是黑色的，黑色的飯有外衣，飯粒中間帶一點軟糯。兩種米飯混合在一起，令炒飯口感不單調。炒飯都這麼講究, 難怪命名為食神炒飯。總括而言，這一頓午餐的食物每款都很有質素

我一向好鍾意食蟹，知道翠林辣蟹舫有蟹和小菜半價優惠，就二話不說星期六來食蟹🤤。蟹醬焗香辣蟹🦀我選了蟹醬焗香辣蟹，一上枱香噴噴，大大隻肉蟹，賣相吸晴。秘製蟹醬很惹味，滿滿的蒜粒，這煮法不像避風塘炒蟹般乾身，帶有一點點濕的，濃味得來又不會太咸太辣，不期然不顧儀態地啜蟹殼🙈蟹非常新鮮，肉質鮮嫩厚實，啖啖肉，兩個人食得律律有味。三蔥牛仔骨煲🥩用砂煲上🍲，上枱啫啫聲，好鑊氣。京蔥、洋蔥、紫洋蔥、青椒爆得超香，加上煎牛仔骨的牛香，簡直冇得輸。牛仔骨火侯控制剛好，肉質鬆軟不硬，裏面保留肉汁，每一口都充滿香濃牛肉味。蕃茄滑蛋蝦仁🍤食了蟹和牛，一心想要一點蔬菜類清清油膩。🍅蕃茄正合心意，酸甜酸甜的清新醒胃，蛋又香又滑，再加上爽口蝦仁，是簡單又好味的小菜。

今日和朋友到尖沙咀逛街，是食蟹的好時節，早早已聽過翠林辣蟹舫，所以今天來一嚐蟹的鮮味。最重要的是，有很多餸菜也是半價呢！非常抵。超抵吃😌蟹醬焗香辣蟹（鮮味濃！）據侍應哥哥所說，這隻蟹有斤幾兩，蟹鉗啖啖肉、配上特色蒜香辣醬，很惹味。蟹的大小剛好，兩人分是十分滿足。咖啡骨這道菜創新，有淡淡的咖啡香味，想不到配上一字骨後，感覺也很好：）而且啖啖肉，非常香口。客家小炒王小炒王的材料豐富又健康，有香芹、蓮藕和豬肉等等，一條條炒得金黃香脆，可算口感十足。個人都頗喜歡這道菜，因為鑊氣十足。

同朋友突然想食中餐，想食d有鍋氣嘢～食肆乾凈企理，衛生做得非常足。一坐低，店員就好好招呼，上左碟花生小食，都好好味，好脆。茗茶少不了，服務更加唔錯～叫左個鎮店之寶—避風塘炒蟹一上檯，哇左一聲，造型好靚～齋望個樣已經好吸引!食完都鴻運當頭呀~超級惹味，好有鍋氣，有小小辣，本身鐘意食辣，更加會鐘意呢味招牌菜，係必點!好有蟹味，肉質都非常好。之後黑蒜京都炒牛肉，牛肉好大塊，又滑，重點係黑蒜有益又健康，好好味道，送飯一流！

7月份之前去過好幾次，5折菜式真係好抵，份量同原價時一模一樣。但係...........今次再去幫襯，份量細著好多，隻蟹擺係原來個碟度太明顯縮水，XO醬炒鱔片折著都差不多100蚊，一碟得6片仔，真係誇張！做不到粒個價，少點折囉，而家這樣真沒癮！！！

我同家姐都好like 食🦀今日就一齊去試下翠林辣蟹，環境唔錯好舒服好多卡位連濕紙巾包裝都有🦀好靚，服務員態度真是直得一讚非常有禮貌，🦀有5種煮法~避風塘香辣蟹,蟹醬焗香辣蟹,黃金流沙蟹,黑白胡椒蟹,薑蔥乾煏蟹，我地兩個都是蛋黃粉絲當然選擇了黃金流沙蟹，主角一出真係尖叫了一聲放得好靚又好大隻即時相機食先，吃了一啖更加有驚喜~肉質鮮甜爽口啖啖肉真係超好味😋👍黑椒蜂蜜牛仔粒~薯仔外脆內軟牛仔粒軟腍適中，充滿蜜糖和黑椒汁的濃香😋香辣左宗堂雞～外酥內嫩味道甜酸帶少少辣有啲似辣子雞😋送啤酒一流不過我地兩個都唔飲得就飲凍檸檬茶都一樣咁爽現在可能疫情關係好多野都有半價好抵食

🥰雖然我唔食得蟹，不過朋友想食都會陪佢去既～·🦐黃金流沙蝦球（$76@2）蝦球就岩我食啦🥰啖啖肉！！配埋咸蛋黃香，絕對可以encore!·🦀黑白胡椒蟹（$294）嘩嘩嘩 原價$588.點完先知而家有半價！！！好抵食😍炒法惹味～肉質結實食得出好新鮮.朋友個樣好滋味我只有羨慕妒忌恨😢·🐔秘製麻辣雞煲（半隻$168）最近好想食雞煲😋半隻份量都幾多🥰麻辣唔算好重手，醬汁香濃但不過份咸🙌🏼雞肉嫩滑，不錯👍🏻·🥤凍檸茶·📍翠林辣蟹坊尖沙咀亞士厘道24-38號天星大廈1樓A室

避風塘炒蟹喺香港都係歷史悠久嘅代表作，好味夾大件，未必真係有，成日聽朋友講話呢間好味，一直都未有機會試，尋日行過尖沙咀突然間見到佢招牌，個肚又餓到都打鼓，於是膽粗粗去試吓。因為實在太肚餓，兩個人叫咗好多嘢食。招牌避風塘炒蟹：一嚟到已經賣相出眾，肉蟹非常多肉，佢嘅炸蒜蓉唔會好辣，辣味少少恰到好處，不過有啲鹹。紫羅炒牛仔肉：牛肉都好滑，子薑酸酸甜甜咁，幾開胃。不過子薑如果多啲就好啦。潮式酸菜魚：同一般我哋食開嘅酸菜魚唔同，佢都好酸，同埋有潮州既辣。食神炒飯：夥計話係最出名嘅炒飯，佢有幾種米炒埋，真係好好食，同埋健康嘅穀米，食落唔會好肥。黃金蝦球：食落去先知係鹹蛋黃味，好脆口。飽到頂上心口，整體都唔錯。

我一向好鍾意食新加坡嘅黑白胡椒炒蟹，所以就即刻上網搵吓邊度地方有炒蟹食，見到尖沙咀呢間炒辣蟹好出名，所以就趁而家疫情冇咁嚴重就去試吓。因為我同朋友都好早肚餓，所以就趁晚飯時間之前就去食。去到店員好親切咁向我哋介紹佢哋今日嘅招牌菜式，所以我哋都聽咗佢嘅建議，嗌咗香辣炒醬油蟹、豉油王香煎五花腩、蜜桃咕嚕肉同埋蜜豆煎斑塊。香辣炒醬油蟹一上到枱就香氣撲鼻 餐廳仲用個木架載着 隻蟹好大隻月仲以為係兩隻蟹 個醬汁好濃郁 蟹肉好多 份量啱啱好 夠兩個人食 好好味😋至於豉油王香煎五花腩一上枱嘅時候已經聞到佢燒香嘅味道 色澤好均勻 唔會好乾 伴碟有炒芽菜 我諗應該係想減低五花腩嘅油膩感蜜桃咕嚕肉好有鑊氣 肥瘦均勻 唔會話得渣漿 份量適中 值得再食。蜜豆煎斑塊係我今餐最鍾意嘅菜式其中一樣 因為個斑腩真係好出色 冇骨好厚肉 而且煎得啱啱好 仲有蜜豆鋪底 好有心思😋可能因為疫情，以上食嘅嘢都有半價，真係好抵食，希望呢個優惠會繼續啦。

難得放假可以周圍去下，疫情已經無之前咁嚴重，今日一於同我既愛人出去尖沙咀行街街加食飯上OpenRice睇左一陣，最後決定黎食依間😁以前我好中意食避風塘炒蟹，貪佢夠曬邪惡又香口，令人食到停吾到口🤪宜家因為疫情關係有半價優惠，比之前抵食咗好多tim😊蟹肉肉質一d都吾會梅肉，好結實同鮮甜。加埋蒜蓉、辣椒🌶️一起炒，蟹肉吸曬蒜香既精華桂花鮑魚炒魚翅有不少小菜都做緊特價優惠，依個本來係$198，但係而家都做緊半價，食落佢地係真係用魚翅，呢啲小菜攞嚟送啤酒真係一流。另外值得一題是座位比較寬闊，感覺一啲都唔會侷促。而且招呼亦不錯👍🏻

很久沒有吃蟹，朋友介紹「翠林辣蟹舫」推出半價優惠，於是去光顧。餐廳位於尖沙咀站附近，交通方便。餐廳内部環境雅緻，座位寛敞，店員有禮。避風塘香辣蟹588元(原價、下同)，色香味俱全，蟹大大隻，蟹肉肥美鮮甜，配有大量炸蒜粒和少許辣椒，蒜香味濃，辣味輕微。蜜桃咕嚕肉98元，賣相美觀，色彩繽紛，咕嚕肉肥瘦合適，皮脆肉軟，肉汁豐富，酸味和甜味均恰到好處。潮式酸菜魚168元，湯底酸辣味再加胡椒味，石班片大大件，肉質彈牙嫩滑，配上酸菜一起吃，十分滋味。總結：環境、食物和服務均很好。

翠林辣蟹舫尖沙咀亞士厘道24-38號天星大廈1樓A號舖因為限聚令既關係，已經好耐冇出過街食飯啦，見近排既疫情稍為緩和所以即刻約朋友出嚟食番餐好嘅朋友極力推薦呢間食辣蟹，所以一於黎試一試餐廳就係尖沙咀既中心點，ISQUARE行過黎都唔使5分鐘，非常方便見到個meun已經好瘋狂，原來大部份餐牌上面既小菜都有半價優惠，真係超級抵食呀，如果唔散叫又可以選擇套餐，一樣咁吸引，真係好難揀呀主角黎啦，真係好吸引好大隻，再加上用呢個鐵板+木架上檯真係好有氣勢除左樣靚之外，食落都好正大蟹好食鮮，蟹肉好結實，而且整得好惹味， 用手食完直情要啜埋啲手指先停手呀，好正除左食蟹之外，我地仲叫左幾碟小菜都整得相當唔錯，雖然而家做緊半價優惠，簡直係快餐店既價錢，但絕對唔會因為咁而將價就貨，依然係好大碟同好精緻，而且整得好夠鑊氣，真係極力推介呢間餐廳

最近疫情緩和，係時候約返啲吃貨朋友出嚟食飯聚下！咁啱呢排見到好多人推薦呢間於亞士厘道食辣蟹嘅店舖，就一於約埋一個鍾意食辣蟹嘅老友一齊去試下！由海防道一入亞士厘道，好快就已經見到佢個招牌，位置十分方便！步行上一樓就係該店！餐廳空間闊落，座位寬敞，店員親切友善，好有禮貌地將我地帶到位子，仲慢慢介紹佢地嘅餸菜，十分貼心！其實店舖好多款菜色都做緊半價優惠，十分超值！貼菜方面，當然唔少得要試下佢鎮店之寶，避風塘香辣蟹！佢有辣度比客人選擇，一上枱我同朋友都「嘩」咗一聲，隻蟹十分大隻，表面鋪滿香蒜粒，賣相十分吸引！蟹肉咬落十分嫩滑，一啲都唔老，而且辣味蒜味十足，惹味香口！最重要係除左兩隻蟹鉗外，其餘蟹身蟹腳都十分鬆脆，就連好驚咬殼吐骨嘅我都覺得好易食到。紫薑炒牛仔肉，牛肉肉質香嫰，配上紫薑又香又辣，口感一流，而且份量十足！整體上店員服務、食物質素都十分滿意，再加上現在做緊半價優惠，十分值得一試再試。

🔥酥脆珊瑚蝦餅($128*)份量很大，酥脆的蝦餅帶點蔥花增香，配上蝦的鮮味，不錯的開胃小菜。不過還是有點小油，不敢吃太多。🤦‍♀️-🔥金絲酒糟骨 ($128*)酒糟汁保留一點米粒，包裹著排骨，香甜帶一點酒味，配上酥炸蔥絲令口感多一份香脆。-🔥黑白胡椒蟹 ($588*)今晚的重頭戲黑白胡椒蟹賣相超正宗，以濕炒的方式令黑白胡椒香氣撲鼻，十分惹味！滿滿蟹肉，而廚師則把蟹鉗敲得有裂紋令其更入味，再夾一口吸收了這道菜精華、炒得香甜的洋蔥絲，一流! -餐廳位於尖沙嘴旺區，可能受疫情影響沒有太多人。而餐廳要上一樓有電梯，裝修很有港式風味，侍應亦很有禮貌，介紹菜式、幫忙換骨碟等。-*店內大部分蟹和炒菜均有優惠，加一後半價!

疫情緩和番終於可以出街食下飯🤧🤧平時係屋企剩係識整蒸蟹 今日難得可以出街食 決定去食下呢一間出名食蟹既餐廳依家餐廳做緊半價優惠 好抵食 🤪職員仲好細心介紹我地食個全新套餐 不過實在太細食啦我地2個 所以都係散嗌好啲我地決定嗌一個出面少啲機會食到既蟹 黃金流沙蟹🥰🥰🥰隻蟹好大隻 啖啖都係咸蛋黃既味 但又唔會掩蓋左蟹肉既鮮甜 好好食😋😋😋不過食依隻大蟹搞到冇哂儀態😛職員好細心幫我地扑蟹蓋 令我地容易d食到 同埋比檸檬水我地洗手另外我地仲嗌左個拍蝦芋頭娃娃菜食 估唔到個湯底咁濃味 d娃娃菜都好鮮甜