群記牛肉圓豬手

營業中

休息中

推介食物：豬手/豬手麵群記最出名就是豬手，看上去這是一個平淡的豬手，但十分鬆軟惹味而且肥瘦均稱，而麵條也十分彈牙。此外，群記每人也會給予一些傳說中的辣油，吃得辣的朋友必定會一試難忘。炸卷群記別外出名的就是炸卷，內裡是牛肉和一些菇類合成的。重重的牛肉味、結實的肉質、加上喼汁和炸得鬆脆香口的外皮，這是必定一試的食物。可惜的是每每也要等待最少15分鐘的制作時間。而其他的牛圓等食物…只是一般吧！價錢：大手麵：$25細手麵：$23淨豬手：??炸卷：$21

聽就聽得多, 今日都係第一次黎試一黎到門口, 就見到全場滿座.....雖然有晒心理準備, 但都有D 驚訝等左10分鐘, 終於有位坐,即刻睇下牆上個MENU 豬手麵, 炸卷幾錢但係.....完全睇唔明幾錢囉未學過D 迷之符號型既數字......但係都照叫左大豬手米 + 炸卷落完單無耐, 阿姐就擺低左傳說中既辣油十分鐘後, 大手米登場碗湖面滿滿咁鋪滿豬手, 底下就係米粉豬肉十分鬆軟惹味! 肥瘦均稱, 口感十足!豬手位置, 筋入味有嚼勁之餘又唔難咬斷! 豬手更肥而不膩! 二者加上傳說中的辣油, 更係驚奇地好食!!!!!可惜既係米粉偏少, 一大碗落肚尚未有飽肚感再等十分鐘, 炸卷登場賣相對我而言並沒什麼吸引似春卷咁既樣蘸上喼汁, 感覺似牛肉球味, 但內部的肉十分鬆散不過外皮炸得十分鬆脆香口整體評分很好, 就係衛生拉低左少少, 因為地上有D 豬手殘骸

挑起條為食筋, 的起心肝, 約了豬手痴一齊遠征粉嶺, 由九龍駕車直驅粉嶺聯和壚.在那些迀迴曲折的街道中找到目的地, 要把車泊到附近的車場, 才可以到這毫不起眼的老店. 就在馬會投注站的隔鄰.下午兩點九, 人不多, 坐下才知道原因: 目的物的豬手賣完了. 當時如晴天霹靂, 不知如何是好, 老遠來到, 那怎麼辦?好在阿姐很好人, 說三點半會再有供應, 於是無奈接受, 既然來到, 便食住先喇.叫了牛筋麵, 炸卷, 一於食住等. 一分鐘有得食. 麵來先, 不算大碗, 先試牛筋, 很腍, 很入味, 湯底有牛肉和骨的濃香, 麵不算爽, 很滑, 沒有梘水味, 很好.炸牛肉卷的外皮是腐皮, 很脆, 不過牛肉是炸得比較乾, 沒有汁液, 味道郤不錯, 成績普通.吃完只需十分鐘, 還要等多半小時, 怎麼辦?決定離開去逛街, 卒之兩老友頭缶缶在壚中行了半小時. 回到店中坐下, 五分鐘便看見師傅把一個約十公升的不锈鋼煲推出.便知道遠道而來的目的物已經出爐. 於是立即落柯打, 要了兩碗豬手, 一碗牛丸. 一於要食齊這裡的名物.這時才發覺店內和店外都充滿顧客, 人們都知道三點半是豬手再次出爐的時間.一碗碗的豬手上枱

自從N先生6月番左新工後, 鮮有機會再黎群記嘆我地嘅飛弗:手丸米&炸卷, 终於等到尼一日喇雖然店舖裝修殘舊, 地方淺窄又無冷氣, 但一到中午, 店內外就會逼滿哂等住食馳名牛, 豬手&炸卷嘅食客牛丸細細粒但好彈牙, 肉汁仲好鮮甜; 豬手炆到好淋, 但咬落又會feel到好爽口; 炸卷皮脆肉嫩, 正到飛起另外不得不提嘅就係可以無限添加嘅辣椒油, 雖然會越食越辣, 但因為實在太惹味, 真係唔點唔C酷清湯底亦係不可畫缺嘅一部份, 不太咸但很鮮味, 每次都會忍唔住飲埋啲湯先肯走服務方面, 可能因為正值午飯時段, 幫我地落單嘅姐姐一路行一路落單, 於是落錯左淨丸同淨手最後比平時等多左起碼15分鐘先有得食! 衛生方面好有改善空間, 抹檯布都係灰灰的, 地面頗濕滑

粉嶺之行,又食又拎(外帶回家),其中一樣就是群記的家鄉炸卷,和牛丸。炸牛卷,一定要即叫即食(回家翻熱,牛肉已嚡口),我們即時吃一件,牛肉仍有些少肉汁,但感覺牛肉沒什調味,反而是炸腐皮的香脆,成為牛肉卷的大配角!用膠袋袋著,不停散發出陣陣香味,那是點牛肉卷的酢汁/辣汁。和牛卷,絕配!想買現成牛丸,但店員堅持說沒有這種賣法,建議我們買碗淨丸。拿著一豌熱湯,周圍行,很麻煩啫。在理論之時,一婆婆突然說,可以以$25/14粒買。雖然是很貴,但也括出去了。果然是值得!牛丸爽口,每嚼也很juicy的牛”汁”。細細粒,一口一粒!很快吃光。

群記老字號係我到粉嶺必食的店之一. 豬手好林, 一D 都唔肥, 份量仲好多tim ~ 點埋自制辣椒油, 真係好味到不得了 ~家鄉炸卷, 金黃色的皮, 脆卜卜, 入面係鮮味的牛肉, 點埋o急汁, 就perfect 喇 ~ 扣分事項: (1) 牛肉入面有碎骨, 食的時候要小心 ~(2) 新鮮炸完上台就要快D 食, 放超過10分鐘, 牛肉變得乾硬, 影響風味~

今日去了圖書館，忽然覺得有少少血糖低，所以便決定來這兒吃少少東西。今次我叫了淨麵，好好味，而ｄ麵又好爽，又彈牙！不過，ｄ侍應好怪誕，為何個個都不笑呢！不過服務都不錯！下次我會那個炸卷！我會再來的！

嗰日做開嘢，去到粉嶺，咪去呢間食飯。環境：得風扇，冇冷氣，熱到溶。服務：大牌檔feel。食品：豬手米冇豬"臊"，豬手唔算好"淋"，不過都幾ok，豬皮軟，好食，米粉一般，湯頭清而不膩，整體幾好。家鄉肉卷腐皮牛肉碎卷，炸脆， 味濃，蘸喼汁食，都算ok(因為我口味偏濃)。加可樂，$40蚊一餐，都可以，不過，都係天氣凍去好的(我好怕熱)

係粉嶺補完習，專登行二十分鐘黎聯和墟食呢間野！入到去，個環境好懷舊，一睇就知係經歷左好耐的店了個阿姐勁急問我食ｄ咩，我問佢有咩食，佢就話牛丸豬手米，咁我就要左碗未上米粉，已經比左碟辣椒油黎，呢刻已經知道辣椒油係其中一個賣點！（張相影得唔好啊ｓｏｒｒｙ－．－）一飲個湯底，好清甜，唔似有味精，牛丸彈牙，同埋真係好重牛味，正！未食過咁有牛味的牛丸！豬手煮得好淋，但又唔老，ｄ皮都好軟，食落去好有質感！仲有ｄ米粉煮ｇｅ時間都好適中，唔會散，有咬口。不過，其實我最欣賞辣椒油，好香，完全將碗粉同肉吊出另一番味道來！最後夏天咁熱，叫左枝玻璃樽裝的忌廉，正，好懷舊＠＠可惜ｄ阿姐服務態度有少少差，叫佢令支汽水個陣黑口黑面咁，不過整體黎講食牛丸同豬手面就不得不黎呢到試下了

牛肉丸幾好味，呢個係我最鍾意的。清湯豬手都唔算差，可能太多人，做唔切，我份唔夠林，但係唔油唔腥係事實，份量都OK，不過，話哂係做粉面的，我唔慣粉面店的湯頭咁差囉。基本上冇湯頭可言啊，就係蒜味同冬菜味，豬骨味？唔多覺。我估有GE，話哂都陸左咁多豬手。碗牛丸河要加辣我至夠味。河粉質地可以。碟辣椒油真係唔錯。家鄉肉卷就真係唔係太欣賞，太咸啊。肉味濃重，可惜咸得濟。調得淡口D，會冇咁搶肉味，而易入口D。

尋日終於都去左聞名已久既豬手, 地點係遠左少少, 但都好易搵到....去到真係奇景呀..好多人, 店舖型式好懷舊..連冷氣都無...要自己等位, 幸好二人等了15分鐘左右就有lu..二人叫左剩豬手(大) $25 - 份量都幾多, 第一口先渴啖湯, 湯好清, 有濃濃的豬骨味, 豬手雖然是白烚, 但好淋, 一d都吾肥, 又無臭豬味, 果然好食...牛丸米 (大) $25 - 牛丸雖然細細粒, 但有好多粒, 聽說有12粒之多, 牛丸有牛味, 吾錯...果然抵佢咁出名, 真係好食, 不過特別一提, 佢既自尸4辣椒油好正, 好香, 又可太辣...真係好好食...不過真係冬天去會比較好...因為邊食邊流汗

已經很久沒有專程出動去覓食了, 在Openrice見到這間群記的豬手很有名, 食家們的評價也挺不錯的, 於是決定專程入粉嶺一試. 這間店子並不好找, 在聯和墟左轉右轉也找不到, 結果行到最後一條街才找到! 到達時人客也多, 但並不如其他食家所說的人多. 正在懷疑之時, 人不太多的原因終於揭曉: 豬手已經售罄! , 下次再供應要差不多三小時後!!!!!! 專程來試豬手卻空手而回, 當然十分失望. 但是, 由於肚子也實在餓得要命, 又見食家們說這裡的牛丸也不錯, 於是等了約十分鐘, 找個位子坐下吃點東西再出發. 這間裝修懷舊的店子, 沒有冷氣, 只有幾把牛角扇, 顯然不夠用, 眼見食客們都吃到"大汗疊細汗"! 一張張小圓枱坐滿了客人, 地方擠迫得很. 我們的位置很靠近廚房門口, 地面十分滑, 一不留意的話便很容易滑倒. 店員也十分忙碌, 除了落單, 上菜和收拾外, 其他的一概要客人自理. 要茶水嗎? 請自便了! 由於肚子太餓, 所以點了 牛丸河, 牛腩米和炸卷.先來的不是食物, 而是辣椒油! 這個看似平平無奇的辣椒油, 辣味十足, 吃得人連連汗出, 辣得很過癮, 怪不得是那麼多食家讚好.

中學時代其中一個主要飯堂, 就算遲到也會走來這一躺. 時隔多年重來, 門庭依舊, 但以前的同學皆長大只有我獨個兒來這裏尋回逝去的感覺.也是那麼多人, 不管天氣如何, 等了二十分鐘點了一個淨豬手, 大牛丸米, 豬手湯也是經過幾個小時敖出來的很清甜, 豬肉嫩, 豬皮爽, 湯底甜, 正, 以前友人說要單點這個, 喝那個湯才是精華倒是不假. 牛丸有彈牙, 但略嫌牛味不足, 反之元朗勝利牛丸牛味足但不彈牙. 最後在吃午飯的時候, 當年三劍俠竟然在這裏重逢, 時光飛逝, 仍然能有講有笑, 我們的感情就好像這裏的淨豬手味道沒有改變.

牛丸係我食過最好食既平時我唔多點食豬手,因為外面食又硬又無味但我食過先知呢度都d豬手整得好淋..我都忍唔住要食碗豬手面~仲有佢d魚露真係要試下一d都唔鯹...無得頂!

真係抵死~ 其實自己住得好近 但係一直都無試過群記 今日終於的起心肝去試一試啦入到去問阿姐先知原來要自己搵位呢d舊式鋪頭 迫就一定架啦 都係收你廿幾蚊一碗面 我唔會要求d咩 好食就得架啦!結果無令我失望之餘 仲要有驚喜! 係估唔到佢咁好食! 份量都比我想像中多大牛丸面有一打牛丸 正呀! 牛丸size唔係好大 但勝在口感好, 彈牙豬手面都幾足料 雖然自己好少食豬手 但呢隻豬手真係正! 推介另外d面都唔錯 幾好味要encore!