群記牛肉圓豬手

營業中

休息中

仲記得多年前，林曉峰同車浣浣喺電台講，陳小春極力推介，呢間佢自小已食嘅粉嶺群記豬手麵，自此之後，每次經過間舖都迫滿人，搞到我唔好豬手嘅，加上望見佢冇冷氣而舖面又唔吸引......都要試一次係咪咁正。果然！！一碗豬手仲多過米粉嘅豬手米上檯，望到好多肉嘅豬手，嚇咗一跳，因為印象中街外嘅豬手麵係冇乜肉，只有一層醬油色厚厚嘅皮！但呢度嘅豬手有d似德國咸豬手，白雪雪，味道好甘香又唔會太淋，食多兩件都冇問題，正！至於牛丸都唔錯，雖然比較細粒，但夠彈牙，好味！ 都有食過佢嘅家鄉炸卷，入面係充滿五香粉味嘅牛肉，但味道只係一般。最有趣係......如果當日有炸卷賣，當你行入舖時，就一定會見到個老師傅，一路切炸卷，就一路執起d炸卷脆皮碎放入口，好滑稽嘅畫面！ 依家天氣已經太熱啦！就算幾鍾意食群記豬手，我都敵唔過呢d咁熱嘅天氣，都係到秋、冬天再嚟食過！

之前星期日黎過，下就兩點幾豬手都賣曬，人龍好長，所以無試到今次終於閒日黎到，但撞岩lunch time好在等左一陣都比我地等到有位因為無冷氣，人又多，地方淺窄，所以大家食完就會起身，唔會坐太耐大豬手米粉，唔似得上海鋪甘得啲肥而無肉，呢到既豬手簡直係啖啖肉，肉質好林好易入口豬手既味道唔會太鹹，亦唔會穌，沾啲自家製既蒜香辣椒醬味道就岩岩好連我唔食得辣既人都覺得好好味可能鐘意食辣既人會覺得個蒜香辣醬唔夠辣，但呢個醬勝在夠香食完一碗唔夠喉，因為佢個份量唔算多，但米同豬手既比例，豬手係比米粉多，所以叫多碗大既齋豬手都食得落正炸卷係落單既時間即時炸，因為岩岩賣曬食落口都唔算好油膩，面既牛肉唔係好鹹，但味道唔算特別，黎到可以一試亦都試埋呢到既牛腩牛丸河好可惜牛腩就麻麻地，唔夠林黎到都係食豬手好啦飲品方面呢到仲有支裝既忌廉添建議weekday過左lunch hr 或之前黎會好啲無冷氣既環境夏天可以會食到出曬汗呢

上星期牙臼痛,唔食得豬手,所以就叫左大丸米牛丸都唔錯,彈牙,算係多牛丸不過對比元朗嗰間勝利牛丸就遜色左少少最正係辣椒油,好香,更加好過其他辣椒油得個辣字食到我已經唔記得影相貴就貴左d,不過偶然經過聯和虛食一次半次都值嘅....

一間好的店 是勝在能日久嘗新 有幾多少食鋪 能保持受好評後來的水準？今天和昨天 略有不同天光天黑 又作一番風味好食不好食 要睇你個日是否比較幸運現在像群記的 買小見小言歸正傳 我吃群記已吃了一年幾為什麼今天才寫食評因為我要寫的 是一篇年觀版食評雖不是天天去但平均1／2星期總去一次牛丸 仍然爽口 沒脂肪粒 就是說裡面沒像骨膠軟 油韌的東西小小一粒粒 好合女生嘴型麵的部份 我分別吃過 粗麵 河粉 米粉粗麵要下醋 皂水味重河粉 和 米粉 都好吃看你想要飽肚感 或 爽口湯底是我最喜歡的清蔥味每次我都會喝完夏天去一定要帶紙巾擦汗

探叔婆山長水遠來到聯和墟,叔婆話無煑飯,落街食粉算！吓！唔係掛叔婆帶我嚟到呢間群記,真係以為時光倒留,去左70年代嘅地方,舊到不得了,但奇怪在人山人海,好不容易揾到兩個位,又好不容易叫到個呀姐落到order 我同叔婆都係叫左豬手米,等左差唔多10分鐘,豬手米终於到了,一食 真係唔怪得地方咁舊,又要坐摺椅,都全場爆滿等哂位,豬手非常有咬口,啲肉香到不得了,因為非常新鮮,肉特別甜,又唔同一般用南乳炆嘅豬手,呢度係用湯烚嘅,個湯最後我都飲埋,好味 最後不可不提係呢度嘅辣椒油,就算平時唔多食辣嘅我,都成碟仔辣椒油食哂,奇貌不揚嘅一間食店,原來暗藏咁正嘅美食

第一次食到咁貴的牛丸河，聽同事介紹，便試試。$34蚊一碗，又貴又唔飽肚，之後我仲要去煮個麵，和同事share食先夠飽。牛丸確實彈牙，可惜沒有牛味，湯底是清湯，還可以。應該唔會再食了。

之後去過群記, 食過豬手, 幾好味. 但我好怕豬手的骨, 大大件食落好麻煩食過牛丸, 有牛味, 彈牙, 但細粒想order個家鄉炸卷,但冇曬得知有同事住起附近終於佢買外賣比我試一試老實講, 家鄉炸卷係乜我都唔知食完都唔肯定佢係乜原料做的總之食落幾香口, 但不知是否外賣關係已淋淋地, 外皮唔脆而且皮厚, 料又唔係咁夠層次感比例好似唔係咁理想 下次再去群記堂食, 會再order' 希望堂食會食到真味道

大豬手, 清湯底好正; 豬手爽,有豬味, 有口感!自家製牛丸細細粒,有牛 味, 配辣椒醬仲好味, 辣椒醬好香, 個種味好獨特,食落去又唔太辣! 有點冬菜! 潮汕味!起正!試埋佢個家鄉炸卷, 個人認為味道神奇, 但太乾太咸,味精重, 卻可口! 下次都會再 order.最反感是入坐安排, 全店擁滿等位容人, 客人受擾, 通道受阻, 易生危險, 生意也少做很多, 忠言老細一句, 若要生言意興隆, 此方面必須改善. 希望貴店業務蒸蒸曰上.廣大市民才有口福.

一個人好快就等到位....叫左個豬手牛丸米, 清湯底已經好正, 飲完仲feel到豬手ge骨膠原, 因為有小小gem住個咀~~自家製牛丸細細粒, 點埋佢個辣椒醬仲好味, 辣椒醬好香, 個種味好獨特,食落去又唔太辣!試埋佢個家鄉炸卷, 個人認為味道一般, 下次唔會order....

仲係暑假 襯仲未返學之前 梗係要玩盡食盡本身好想食群記 但聽聞要12點前起身去食先唔洗同班打工仔 ＆ 尋食者爭食今日好早就爬起身同朋友去試下 究竟有幾好食好啦去到 其實只expect食物好味 但又諗 牛丸豬手有幾好味姐 何況我都唔太鍾意食豬手但原來唔係... 原來牛丸都可以好好食佢D牛丸食落唔似其他粉麵檔咁大粒+上好多粒 （1碗多過7粒）牛味重 好juicy!!!!朋友叫左牛丸豬手麵 上回講到我本身唔太愛豬手佢俾左碟辣椒油我 叫我點黎試下點知一試！ 真係好好食 令到我而家對豬手無再反感（但我呢個月係其他地方食過豬手...omg...就係因為咁 我要係呢度寫我既第一篇食評）

記得幾年前在粉嶺住的時候，我真係好鐘意去呢度食嘢；一個星期起碼有3-5日會幫襯佢哋，平均隔日就會食佢哋嘅辣椒油點牛丸米或豬手，真係食極都唔厭。雖然明知呢度無裝冷氣、一定要搭枱、營業時間不定，賣晒就收舖‧‧‧‧‧‧星期日，老公專程揸車，車我同D仔女入去粉嶺，再度造訪昔日喜歡的食肆。牛丸依舊彈牙好味，豬手米粉爽口，自家製的辣椒油更加唔駛講嘢！本身對牛肉有少少敏感的女兒堅持要叫牛丸食；老公食到大汗疊細汗仍舊食得津津有味，可見食物依舊保持水準。响呢度食嘢，我深切領悟到一個道理：食店縱然有豪裝及一流招呼等等，但食物沒有水準，真係請我都唔到；相反D嘢好食的話，就算間舖開到老咩咁遠都自然有大把人去食嘢，食客好識得選擇的。

久聞群記的大名，礙於它的地理位置對於一個住港島南區的人來說實在是太遠了，這次乘工作之便可以到訪這裡午膳。雖說一早已知到這店沒有冷氣只得風扇，但在炎夏的時分在這個環境吃一碗豬手米實在不是好受。白烚的豬手配著清湯米粉，湯很清沒有很多油份，亦帶淡淡的肉味。豬手肉的部份有肉味亦有咬口，而豬皮及帶肥的部位則爽口彈牙，果然是簡單的煮法便能突出豬手的原味。再試試這裡的辣椒油，吃來香口惹味，用來點豬手來吃更提昇了味道的層次！

以前喺粉嶺番工時，已經聽人講過呢間豬手麵好正，但一直都無去試。直至近日搬左去粉嶺住，終於dick起手肝去試吓。門外看只是小店一間，没有搶眼的招牌，但人流不斷。一入去嘩！今時今日食肆仲可以無冷氣，一於少理。一座低，叫碗細豬手麵試吓先，阿姐即刻放低碟辣椒油正想同佢講我唔食辣，點知見到幾張有關辣椒油的告示，仲好多人出去添，好即管試吓先。豬手麵送到，嘩！23蚊一碗細麵，估唔到都有咁多豬手喎一咬落去，皮好爽口，但豬肉又夠淋喎，而且又唔係好多骨。再試吓點個辣椒油，嘩好香但又唔太辣，配白鹵水豬手一流，最後我唔食辣，都食哂成碟辣椒油。在這裏體驗到做食肆的根本，唔駛花巧，只求貨真價實，食客會懂得欣賞

早陣子在沙嶺上班，沙嶺是在哪裏，未到那邊工作以前完全沒有概念，只知地方相當偏遠，在上水火車站下車後，還要搭大概十分鐘車才到…結果某天同事聽說我未吃過這家聞名已久的豬手店，特地車我們來吃。差不多一時到達，店處於大半滿的狀態，這店的裝修陳舊，很有風味，倒讓我想起以前舅父做的那家茶餐廳，那裏的地板也是鋪著這樣式的紙皮石呀。要了碗大的豬手米，先試一口湯頭，清甜得很，是很純粹的豬骨味，難得沒有臊味，米粉吸了豬骨湯自然也是沒難吃的道理，光是喝一口湯就很知道不得了！大的豬手米大概有六七塊豬手，用白鹵水煮，沒南乳般搶味，更能吃得出本身的肉味，豬肉本身有咬勁，豬皮爽滑，夾著皮下脂肪來吃，嫩嫩爽爽的令人吃上癮！看食評網有不少人說骨多肉少，但也許我那天走運，倒也沒這個問題，除了一塊骨頭較多以外，其他也是正常分量 (總不能完全沒骨吧？？)難得來到，也試了這裏的炸卷，即叫即炸，上桌的時候還處於冒煙狀態，用腐皮包著牛肉碎來炸，牛肉調味不多，吃下口帶輕清的羶味，但老實說這炸卷炸得有點太乾，而且對鄙人來說也有點「太肉」，不太對自己的口味就是。也要了一碗牛丸跟同事分吃，牛丸是很彈牙的那種質感，牛肉味也香濃，比起炸卷要好

炎炎夏日在沒有空調只有吊扇的店內仍然坐滿一枱又一枱的一客足證明它是有它的吸引力點了每次都食的丸手河牛丸比常見的小，但絕對爽口牛味亦很突出其他地方的丸類食品都很少會試，魚丸無魚味，牛丸無牛味總之就唔知自己放左什麼入口現在只會於幾個地方吃丸聽說這裡牛丸都是自己打的豬手，這裡的豬手特別在於外爽內軟皮保持爽但肉煮得軟湯底應該是以豬骨熬成十分清甜很多人對它的環境抱有微言人家就是打開門廿幾蚊賣你一碗丸手河如果你埋怨它沒有空調又沒有親切的服務我想你應該去錯了地方要知道現在大部份地方一碗的粉麵就要30、40蚊質素更沒有保證如果香港人可以少一點怨言就好了試試欣賞它自然的古典美多少仿古的咖啡屋及冰室硬生生把這些吊扇及紙皮石堆砌一起卻失去了神髓