群記牛肉圓豬手

營業中

休息中

因為打算去花鳥蟲魚展看，所以去群記牛圓豬手食午飯。第1次來到，沒想過群記這麼多人，味道都不差，如果順路都值得入去食，但會坐得不舒服及食完要走。來到看到門口咁多人，我以為咁多人在等位，原來是等外賣。然後入內，嘩，沒想過這麼多人，還要自己找位，人人如此，看來我是井底之蛙了。等了15分鐘終於有位坐，還是一個人的位，要2個人坐，所以來到這裏食飯，一定是好迫。點食時要說明要大還是細碗，明明說了大，點知來了細碗牛丸牛腩米。然後又來了細碗豬手麵，在懷疑之下問下身邊的食客，來的是否細碗，食客也說是細碗，立刻叫人轉回大的。約3分鐘左右，便來了大碗的豬手麵，份量真係多好多。食入口是好新鮮沒有豬的味，還有沒有味精的調味，愛清淡的人會好愛食它。然後又來了大牛丸牛腩米，份量都比細碗多，大的要HKD24，細的要HKD19，以今天來說都不算很貴了。牛丸細細粒其實沒什麼特別好味，但牛腩好入味，值得一食。網上的人說這裏的辣椒醬好味，愛食辣的我，就覺得好普通沒什麼特別，但放入豬手麵內食，又能帶出味道來，但以辣椒醬本身來說，個人認為不是好好味。見好多人叫炸卷，本來都想食，但因怕食不下沒有食。整體來說因為太多人，地方又細位不

超人氣的小店，沒空調，店內只有畔幾把吊扇，大熱天時30多度仍勁爆場，大家吃得汗流浹背。勁爆場之餘，卻沒排隊/登記派籌制度，像舊式茶樓般，自己選定看似快結帳的對象站在旁邊等位。座位擠逼，一定要搭枱。客觀條件好趕客，但仍客似雲來，自有其吸引之處...鎮店名物清湯白烚豬手，和慣常吃到用南乳炆得腍身的豬手很不同。白烚豬手，切成小件，皮爽肉嫩。豬皮滑溜有嚼勁入口不肥不膩，瘦肉也鬆化不韌，沒半點羶味臊味，絕對是鮮肉，好吃。店家說沒什麼特別秘方，只把豬手刷淨後白烚下鹽，最重要是豬手要新鮮。湯是用牛丸、豬骨和豬手煲成，沒味精的原味甘醇可口。手打牛丸體積小巧，剛好一口一顆，爽彈有肉味。原汁牛腩肥瘦均衡，帶點筋膜，肉質鬆軟夠腍多汁。看來像是柱候炆的烹調方法，但醬汁味道輕盈不會遮蓋了牛肉的原味。一入坐店家便奉上每人一小碟辣椒油，近門處大字寫上請大家合作吃完再添不要浪費。這辣椒油，是店子自家秘方調製，入口初嚐到香濃蒜味，繼之是甘甜，收結才吃到辣椒的辛麻，配豬手牛丸牛腩都一絕。

好普通的牛丸面，唔明點解咁多人鍾意食。我朋友堅持話好好食，真係唔明。地方又污糟，職員抺枱係用布掃晒d野落地, 個地下好嚇人. 職員態度又差。問佢有冇炸巻, 佢話冇, 要等半個鐘, 我個fd話好, 佢會話半個鐘喎! 好似唔想你食咁。仲有d牛丸好喊.....我食一啖就想飲一次水

　　在欽記食完不錯的牛雜麵，拉了朋友過來群記，企圖一嚐出名的豬手。朋友說自己食不落了，我說不要緊，叫碗小的，大家share，我請。反正小的也只是$20！　　群記真係坐無虛席，我們要搭臺。原本是一個上了年紀的阿伯，後來變成中年女姓。我們坐了兩個位，不過就只食了廿蚊，群記蝕左比我地啦！好彩四眼侍應都無比臉色。清湯豬手 $20竟有這樣的份量，我覺得好抵！朋友食了兩三件，其他都被我拌以辣椒醬硬啃之。我餐具也懶用了，直接右手就先來一大件。食豬手就是應該粗獷一點，不然食得太不過癮了。豬手浸在清湯內，已經吸了汁，但還是有點淡。點d辣椒醬就正好多，非常開胃。這裡的豬手除了份量不少外，肉的比例也很高，名符其實是大件夾抵食！不像一般的豬手怎咬也只是骨骨骨，肉又碎。群記豬手就唔同，大大片豬皮肉，易咬下來又不失咬勁，而且不會有那種又細又易痴牙的肉仔，骨肉容易分離，不知道是怎樣做到？　　這應是我食過第二好食的豬手吧。第一豬手是珠海某家的白雲豬手，這家還是比不上其美味，但值得一試。

因為住得近 行過去5分鐘 所以一放假就好期待要去群記食 大牛丸米(有12粒) $24+忌廉$6 哈哈哈仲有佢d 辣椒油 好好味 我唔食得辣都好鍾意 其實唔太辣 係好香口!!但接近中午既話一定要1130 就好去 如果唔係 就會開始多人 要等位!牛丸細細粒 有牛丸味 可能由細食到大 食慣左佢既牛丸所以唔係咁鍾意其實地方既牛丸 始終覺得群記係最好!

上回試左將軍澳區NUMBER ONE又試下粉嶺區NUMBER ONE先去到馬會邊的鋪位, 當日跑馬日, 但馬會都唔算特別多人..我仲以為唔係跑馬日添入去就聽到D伙記話冇豬手, 要等到三點半先有~~即係要等個半鐘呀!!!本來諗住出去行一陣先回頭食豬手但係聯和墟有鬼野行咩所以決定坐低食牛腩牛丸先啦叫左碗大丸腩河加碟油菜走蠔油油菜冇得選擇, 只有生菜牛丸同元朗勝利比較就冇咁彈牙, 但係牛味更濃, size比較細粒, 好似一般魚蛋咁上下, 我估係因為牛丸較淋身, 如果太大粒會進一步影響口感牛腩就中上啦, 顏色似柱侯牛腩但味道似清湯腩. 淋, 不俗河就真係一般河粉, 唔鞋口, not bad辣椒油唔夾牛丸, 牛腩都唔算好夾味, 因為兩者的本來味道都被搶曬生菜有d味, 我冇叫上色, 但好似有dd 腩汁., 菜鮮甜, 老婆密密食食完第一ROUND, 用左三個字左右, 仲有排都未到三點半, 所以出去食埋粉嶺區三甲份子的四眼仔腸粉 再行左一輪先到三點半, 再食第二ROUND ROUND 2食豬手十個食家九個都食豬手 等個幾鐘都要試啦廿四蚊碗淨豬手, 有成八至九舊, 非常抵食味道黎講唔係味皇爆炸咁好食但係

聯和墟地方細細但就有好多好嘢食，好彩交通唔係咁方便，好彩粉嶺的住宅唔係堆埋晒係同一個區，如果唔係一到週末呢度肯定旺過旺角! 群記開正係投注站格離，啲馬迷為咗攞過意頭，好多時嚟落注嘅時侯都會嚟食碗豬手，取其意橫財就手，慢慢就變成咗習慣，所以每到賽馬日又特別多人! 前幾日已經突然好都食群記豬手，今日醒目地係開跑前十一點幾嚟到，但店內已經坐無虛席，好彩我係嚟買外賣，不過都要等十分鐘，如果在繁忙時段來，真係試過等二十分鐘先有得攞。本來真係無咩需要寫呢篇食評，群記啲豬手、牛丸有幾好食真係唔洗多講，加上自家辣椒醬油，食咗十幾年都食唔厭! 就係因為食咗十幾年，唔為佢寫小小食評好似好對唔住佢咁，點懶都好都好要bi幾隻字出嚟讚讚佢。爽口牛丸唔洗講，如題，但重有一樣就係，鮮! 一入口就有一輕鮮牛肉香係口腔入面 “浪吓浪吓”，細細粒試吓一次過pak三粒入口重正，又爽又香。有時坐係店內較入的坐位，見到阿叔好努力咁係度唧牛丸，新鮮唧新鮮賣，正!大淨手每次都係叫大嘅，根本唔容許自己叫碗細嘅! 一碗清湯豬手入面有齊晒成隻豬腳嘅每個部份，腳指尖、腳指骨、豬踭肉。豬肉其實係韌咗小小，但豬皮同豬軟骨位嘅爽口質感先係最正嘅

以前住粉嶺..我真係個個星期都黎食架不過依家搬到咁遠..唔係成日食到啦放假返黎食...味道依然!大丸米($24)有成12粒牛太..好味又抵食我2點10黎話無豬手要等到3點半...終於都等到了..但係d豬手好似太un了一樣都係無冷氣, 一樣都係自己搵位超讚!外賣了半斤($30)返屋企慢慢嘆!

平時好少去北區，不過，一年一次的清明都總會陪家父掃墓。掃墓之後，就一家人周圍搵食，次次都會去群記開餐。群記，冇冷氣、環境迫、要自己搵位搭檯。重去幫趁，只因招牌豬手真係好好食。出水後，唔肥膩，好好食。配埋秘製豉味濃郁的辣醬，正。另外，清明時節未算好熱，冇冷氣都重頂得順。牛丸都好彈口，要試。扎肉卷都好有特色。麵食分大小碗，可配合自己食量。食肆唔一家要包羅萬有乜都有得食，群記獨沽一味，好成功。門口就有錶位，不過都幾滿。

上回因太飽，雖然經過粉嶺都沒有來試，今天是假期，又要經過這裏，故此都要決心來試試。因為駕車來到，滿街已泊滿了車，再向前兜兜，原來有一個每小時8元的停車場，也算方便。叫了豬手米（小、$20）、牛腩粗（大、$24）、牛肉卷（$20），吃完後知道有牛丸剛弄好，又聽見進來吃東西的朋友，總會要一碗牛丸，所以又叫了一碗淨牛丸（$18）。豬手很腍，又易入口，看見不少老人家也吃這個，真的老少皆宜。牛腩不錯，因為叫的是大，份量頗多，相比之前去深水埗的那間一樣出名的，那間的牛腩真叫人失望。炸卷也不錯，只是卷的邊有點硬。鄰座有一位老伯，吃了豬手麵後，阿姐跟他說有牛丸了，問他要不要？老伯想了想就要了，看他先喝湯然後慢慢品嘗牛丸，所以我們都要了，共有八粒，吃了一粒才想起要拍照。有新鮮的感覺，但太太覺得稍為腍了一點。最後不得不讚辣椒醬，有點辣也很香，但可能好味的原故，每位客人坐下後就必來一碟，不知道是否可以添加。這樣，早餐連午餐一齊吃了，十分滿足！

群記豬手麵，真係好味都不得了！話說我本身都係粉嶺人，但好少去群記食，因為太多人費事等。但上個禮拜六朝見佢o岩o岩開門，咪入去試下囉~點知，絕對係一試難忘！先講個白鹵水豬手，我係出面真係未食過，出便個D鹵水/南乳豬手完全係冇得比！牛圓唔好睇佢細細粒，原來係鬼死咁彈牙兼好好味囉！仲有，佢每人都會比一碟辣椒醬，記得要試一試，唔太辣的，我諗係佢地自家製，好惹味！PS.: 佢地好似初一十五唔開的。還有千其唔好等出面表位，後面街就有路天停車場囉！

一家三口專登由觀塘走去粉嶺食豬手麵, 因為老公話同同事食過幾次真係好好味, 所以趁放假就帶我去試下~當日可能係平日, 同埋過左食晏時間, 去到唔洗等位, 落單之後好快就有大大碗既豬手牛丸米送到面前, 一見到已經覺得正, 因為好多料~ 老公叫我點埋辣椒油食, 一食真係停唔到口, 好味到不得了~ 我個仔就好鍾意食牛丸, 佢話好好味呀~我地亦都有叫炸卷, 外面脆裡面軟, 再點埋酸酸地既醋, 好開胃~價錢都算抵, 兩碗大米粉, 兩支汽水, 加一碟炸卷都好似係$80左右! 雖然遠...但真係值得一試~

細的淨豬手20.大的淨都只係24.梗係叫個大.抵食又好食.好得意的每人都會送上碟似豆瓣的辣椒醬.豬手伴著肉味香濃不過頗咸的清湯上來.都幾好食.除左有一隻豬腳指不想吮外.其他都很好入口.good!.脂肪有很多.但也會有很多很大舊肉.皮很滑..相反肉有時有點'un'..幾抵食炸卷.像是炸腐皮包著山竹牛肉.也配上一小碟喼汁.肉很深紅色的.皮脆肉鬆.出面都未見過.其實比豬手特別最有趣都是這裡大部份人都只叫忌簾飲.原來這裡好像沒有可樂飲的!.只賣cream soda.型!不過都是同一公司..沒有冷氣.地方是很舊式的店鋪.很大.茶可以自行去拎.是入得口的茶餐廳茶.位置要自己搵..入去像快餐店企係到等位.頗擠迫,隨時要背對背賣單時起身叫姐仔們來寫幾錢.出去比錢.去完大陸.住九龍的我們終於可以話順路去一去由火車站行過去都幾遠.我地仲係3x度左右的炎炎夏天超曬的時候去..都真係幾辛苦好在回程發現有小巴..直達火車站

今天被公司委派到粉嶺工作，既然老遠跑來這裡，中午當然要去吃碗出名的豬手麵。群記位於粉嶺聯和墟，是典型老店風貌，舖內用上紙皮石地、摺枱摺椅等，店內連冷氣也沒裝，只靠天花板上的三葉風扇。甫坐下，店員便為每位食客先派上一碟小小的辣椒醬，我就點了一碗小的豬手麵 ($20) 加一支忌廉汽水 ($6) 。這裡的細豬手麵，一碗大約有四、五件左右，首先喝一口湯，是清淡的純豬骨湯，沒有半點味精，而豬手就是用清湯煮的。豬手的肉燜得很腍，沒有像一般豬手般用生抽、老抽等去炆，只是白烚。環繞著豬手的豬肉非常爽口嫩滑，再加上筋腱附近的軟骨、骨膠組織既滑溜又有口感，所以雖然只是白烚，單食已經味道不俗。豬皮部分雖連著一點肥肉，但吃起來也很爽口，一點肥膩感也沒有。當然，如果想令味道更加豐富，就一定要試試這裡的自製辣椒醬。此辣椒醬特色不在其辣，而在其香，而秘訣當然在於炒製辣椒及其他配料；至於幼麵，其梘水味確是重了一點，但以皮爽肉柔軟的豬手配辣椒醬同吃，再加支冰凍忌廉，絕對有畫龍點睛之妙，如果喜歡德國咸豬手的話，這裡是不容錯過的。

一直也不是太愛吃豬手，原因是怕太ｕｎ，整到成咀都係都仲未食到舊肉，又或者有ｄ肥到不得了，塊皮與及皮下既脂肪，諗起都唔想再咬多次，偶然機會下，去到呢間食豬手出名既群記，心諗即管試下既心態，碗野一來其實有ｄ奇怪，白 lai sia好似白灼既豬手，究竟好唔好食架，咬落去食過之後先知佢點解咁出名，豬手入味，夠林，又唔肥膩，諗下佢既秘方，我覺得有少少似係用清湯腩既煮法來煮豬手，不過令我最驚喜係佢既份量，炸卷又係，好有牛肉味，又多，一路覺得佢地ｄ咁既價錢會唔會太便宜？而家百物騰貴，咁既價錢有咁多舊豬手食係冇其他地方可以做得到，相信佢地就是薄利多銷吧．有人唔鍾意佢地間店舊，其實羊毛出在羊身上，真係裝修既話肯定再唔會係呢ｄ街坊價錢，所以東西是很難兩全其美的．