非常滿足的一餐壽司盛宴！ 今村已是心儀已久的店，明明聞說味道很好， 但OpenRice 卻負評疊疊，一直未認真安排。 這次再仔細讀一下OpenRice 的食評， 見到一堆有點茅盾負評， 反而激起了我走一趟的決心。 而幾乎所有負評都有一句：食物是很好的⋯⋯ 咁我就放心啦！ 結果不出所料，這餐晚餐絕對是享樂雙修！味美歡笑更勝「牡丹樓」！ 今天幸運之處： 1）晚餐只有三組人，每組2人 2）三組人同時到場開餐 3）三組人都食相同的omakase + sashimi set 4）我這組是第一次光顧，但另兩組是熟客，仲要幾熟果種，氣氛warmup後變得很好 5）三組人都能喝酒，還喝得不少，而今村san亦是嗜酒之人！ 今晚點的set挺大份，細食者要三思。但壽司部分我按慣例都係掛住食，唔得閒影！今村不同之處，是sashimi 安排穿插於整個壽司過程之間，而且安排得相當合適！非壽司部分我也沒拍足照片，親身吃還是最重要的！ 大致壽司部分有：赤貝、鳥貝、墨魚、炭炙金目鯛、三式海膽platter 、烤赤鯥、烤穴子、赤身吞拿、中吞拿、大拖羅、香蔥拖羅小手卷 生魚片（或熟魚）和少量熱食部分：剝皮魚清湯、剝皮魚刺身（沾魚肝香蔥醬油）、鳥貝群邊沙律、池魚麵豉茸（！）、赤海參、昆布漬牡丹蝦配乾蝦膏碎、熒光魷魚茶碗蒸、清酒昆布淺漬渡蟹、毛蟹肉cocktail 、煮鮑魚、薑片夾小肌、香脆白馬頭魚 埋尾有細香蔥麵豉湯、抹茶pana cotta、不太甜紅豆糕和草莓。 加上今日點了十四代生清酒、十四代的燒酌、還有今村san請飲的天寶sake... 教我們如何不滿足？！ 食物沒有能挑剔的地方！整配搭安排都是一流！尤其三拭海膽，由清甜的馬糞海膽、甘香濃郁的福岡海膽到滿口甘甜並重的北海道白海膽，絕對是澎湃的幸福感一下子湧了出來！而從來是平凡的墨魚，今天也表現得非常有張力、口感豐腴甘甜，果然是seasonal ！ 昆布漬過的牡丹蝦，又彈牙又充滿鮮香，加埋蝦膏碎的酥香，真心全新感受！連平時常吃到的茶碗蒸都做得好出色，滑脫脫程度近十分！湯汁芡勾得剛剛好！ 今村san是個相當幽默的師傅，但在重重爛gag中，也能見到他一面對壽司、食物時的認真和堅持！ 吃飽後三組人邊喝酒邊聊天，過得甚為愉快！ 今村san還介紹了幾家推介食府呢～～有空要去試～ 今餐相當感恩各種幸運機遇，期待下一次！

先表達非常抱歉，進餐時完全沒有拍照。 不拍照原因： 1）埋吧台進餐常忙於與chef傾計，忘了！ 2）食物很精彩，想立即欣賞，can’t wait！ 3）恃住網上類似照片一堆，同樣是那款壽司，照片是不會太大差別的，除非特別為我而做的菜式，另作別論。 金坂，聽聞了2年的大師級壽司處，一直未有去試的原因： 1）食開果開食得我很滿足 2）地點太遠不方便 3）好難訂枱 而今會去試的原因： 1）食開果間的變了朋友的日本師傅離職了，回到家人身邊不再回來 2）其他幾間名店一樣咁難book 入店那天是周六晚，一握入魂牌坊就在吧上，侍應並沒有帶我去大師傅那邊，由另一日本小師傅serve我們，雖然有點小遺憾，不過還是ok的，因為我相信這類店有一定QC。 在吧枱上還見到第三位師傅，是一位本地師傅，平素在後台為主，他在我本來的愛店工作過一、兩個月，人甚勤懇。遇到熟人，他特地向日本小師傅介紹了我，還強調了一下我很喜歡喝燒酌！ 我點了兩客基本壽司套餐（1688），外加三款刺身，內容全任師傅發辦。另外點了一小瓶清酒。埋單七千多澳門元。 餐前小食係時令熒火魷魚🦑，還有樣小點完全失憶，反正都好吃。 刺身第一份是比目魚二食，第二是海膽，第三是黑喉。觀察過，應與omakase shin（2988套餐）的刺身settings 一致。 壽司真的有點忘了，畢竟是2周前的事了。但也是許多post裡或網誌上都寫上的那一堆。 刺身：甜美新鮮，配搭完美 壽司： 飯的大小、溫度都相當標準，鬆/實度合標準，醋的比例可以，不能說是我最喜愛的，但是ok的。 魚生片與飯團之間全都協調得非常不錯，醬油、芥末、鹽花、檸汁、柚子皮、薑蔥油等的選擇都很不錯。例如kohada、iwashi 配薑蔥油真的非常好吃！烤穴子就有柚子皮和鹽花來襯托鮮香。鹽花也是富山白蝦的好朋友。 不過，可能市場競爭是越來越烈，澳門能吃到好壽司的機會還不算少，所以整體沒有非常驚喜就是了。這與不是大師傅有關？ 服務： 環境簡潔乾淨，服務員是有禮的，不過不算很熱情，添茶也有點慢。 師傅們都很nice，就算是小師傅serve, 大師傅都有打招呼，而小師傅被我多番聊傾計後，也熱絡起來，不時糾正我的魚生日文發音，也用英文和我聊各種事。 廂房不時傳出非常吵的敬酒聲，在澳門賭場食肆就習以為常了，畢竟和賭場脫不了干係。這缺點在整個澳門都普遍存在，除非像我喜歡去的街上小店。

牛肉丸幾好味，呢個係我最鍾意的。

清湯豬手都唔算差，可能太多人，做唔切，我份唔夠林，
但係唔油唔腥係事實，份量都OK，
不過，話哂係做粉面的，我唔慣粉面店的湯頭咁差囉。
基本上冇湯頭可言啊，就係蒜味同冬菜味，
豬骨味？唔多覺。我估有GE，話哂都陸左咁多豬手。

碗牛丸河要加辣我至夠味。河粉質地可以。
碟辣椒油真係唔錯。

家鄉肉卷就真係唔係太欣賞，太咸啊。
肉味濃重，可惜咸得濟。
調得淡口D，會冇咁搶肉味，而易入口D。

查實珠記好味ge我從來都認為唔係魚角~ 起碼水餃都好食過佢啦~
but 多年來我一直都會幫襯, 其實係食其它野~
我No. 1 鍾意食佢的 冬菇雞腸伊 !!
佢d 冬菇仔炆得好腍好入味, 而雞腸就好爽口,
伊面好有飽足感, 加少少佢的辣椒油入去, 就吊起左d味, 相當之好~
跟住我還會食佢的牛腩同牛筋, 都好味啊!!
可惜老店的阿姨有漏單的嗜好, 佢地特式係根本就唔寫單, so 咪成日漏囉!!

呢家小食店係AT由細食到大的啦,
基本上每次都係果樣 -- 筋肺米.
我家人就最愛 -- "磅"肚河
佢d 筋係爽筋, 唔係腍筋,
睇人口味囉, 但我鍾意佢有趙口囉~
生雜其實都夠正啦, 係佢招牌嘛~
雜夠腍夠入味, 但係越食越細碟囉...

二十幾年黎我覺佢都冇低到水準, 還好還好~
就係二十幾年如一日的裝修同衛生環境, 就有點那個~

唔係近日食啦, 但係半年前左右啦.
補番個食評.
話說想食避風塘炒蟹, 朋友點來點去,
結果誤打誤撞黎到喜記門口,
老實講, 未食過, 但係諗住灣仔一帶,
呢類食店都應該ok啦,
於是決定入去食.

首先在門口已經難左我一下...
門口呢?!
個門口我唔知係自己盲定係笨...
搵左好耐都摸唔出黎...
要店員開門俾我至得...
好隱蔽... 入到去... 有少少後悔...
燈光好暗, 但都坐滿左人...
好似好多類生意佬人士...
感覺背部有少少汗...但係入到黎, 都係試試啦...

當日我同朋友叫左一隻炒蟹, 大隻瀨尿蝦兩隻,
一個小炒--炒鵝腸, 一份炒蜆, 兩支汽水,
同埋一個白飯,
就食左千六蚊.
真係相當貴... 因為睇外觀, 間店唔應該係咁高價位囉...

味道方面, 蟹好大隻, 幾好肉, 炒法好香, 都幾好味ge~
瀨尿蝦都新鮮, 好好肉地, 有少少膏添, 都算係幾好咖啦~
常規都係椒鹽囉~
炒鵝腸都算過得去, 中等啦,
炒蜆係例牌貨, 冇咩特色.

隻蟹一黎就要左一千大元... 呢一點好有黑店feel....

所以, 我估我唔會再去啦, 而且都會勸親朋好友唔好去...

真的很少會那麼狠批一家日式連鎖式食店.
因為大部份日式連鎖式食店, 就算不是很好,
但也很少 "很差", 加上, 就算有點差,
也不會為自己寫上最諷刺的口號...
這家真是例外之極~~

這裡是suzuki cafe.

那天和友人lunch, 見到光鮮明亮的suzuki cafe,
想想, 應該起碼有UCC或 Pokka的接近水平吧.
so, 我欣然步入.
見到有幾合理的lunch set, ok 啦, order左一個沙律set, 一個海鮮飯set,
wow, 沙律應該唔能夠話有咩大問題, 但係個海鮮飯呢...
又乾, 又鞋, 又淡....
落左好多豉油都搞佢唔掂...

then, 我當然要order我摰愛的咖啡啦,
我要的單品山度士咖啡.... -- 應該是單品咖啡屆中的最穩陣order吧~
天啊... 前面有一食評講得對 -- 真不知那是什麼...
好像啡, 好像古古力, 好像什麼也不像...

我真的不能通過加奶加糖加anything 去改變那種奇怪的味道...
大半杯咖啡被我浪費了... 而且還不停飲水洗口...
但最令我感諷刺的, 就是在這個當口, 竟給我看見杯底下那碟子寫著的大字...
上面說, 它們對質量, 是絕不會 "compromise" 的~!!

真係得啖笑...

但我朋友安慰我說... 或許 不會compromise的, 是指那隻碟 ....

睇到網友黎呢度食過, 話好, 所以某日我行開就試下搵黎食.

因為係樓上舖, 加上我唔係地頭蟲, 所以都搵左一陣仔,
搵到上樓, 當時冇咩人, 因為未到lunch hour,
老闆娘真係好nice, 一黎就知我未黎過,
問我叫咩英文名, 然後好溫柔咁招呼我,
我order左一個蜜糖豬軟骨＋雜菜＋飯的set,
當然唔少得要咖啡啦~

個豬軟骨好腍, 好好味, 蜜糖汁好正, 但係唔夠我點飯食啊, 可以多少少汁就好~
湯係磨姑湯, 幾好味啊~
咖啡呢, 可能我要求比較高, 我覺得只係麻麻地, 不過都唔算太差.

食ge過程中我四圍望, 見到好多人留左咖啡豆, 花草茶包等等係度,
證明好多熟客都會回頭, 而且係以hae的形式逗留,
呢一個小corner的確又幾warm feel,
如果我係香港長住或者呢頭返工, 我都會enjoy 係度發下呆, 飲下野, 食個salad之類的.

可惜後來lunch time, 有一行熟行gathering, 幾嘈下...

第日搵個tea time, 我會再去~

呢間在灣仔廣開分店的潮興,
以我個人口味就係幾鍾意咖~

去過幫襯好多次, 特別去完電腦城,
我成時會去整碗魚蛋魚面.

第一推, 魚蛋魚面, 魚蛋彈牙, 魚面味鮮, 淡清湯剛剛好~
第二推, 坑腩, 有一輪牛貴, 好難至有得食, 近來好轉, 但都係比較貴,
不過清湯坑腩真係好香好香, 咬落去好甘香啊, 不過太肥, 唔敢成時食,
偶一為之, 過下癮~~
第三推, 牛丸, 牛丸都好彈牙呀~ 幾好食~

面店黎計, 唔算平, 唔算太貴, 還好啦, 不過order魚面的話會貴dd~
河粉都幾滑ge, 可以考慮too~

我試過買魚蛋同魚面 (生) 返澳門, 一家都有得食~ c.c~

朋友話未食過韓國菜, 於是前幾日去開利園做facial,
就約朋友去試下呢間啦.
事先已經睇過食評, 訂定位,
所以都心裡有數去食.

去到呢, 見到環境幾好, 招呼都可以,
不過侍應冇主動介紹特式食品,
同埋冇主動介紹一客肉同一套餐的烤肉的區別,
等我明左套餐抵食少少後, 又唔介紹套餐裡面有乜東東,
樣樣野都要我問到足先得, 太被動.

龜背烤肉加水係傳統正宗做法, 唔怪咖 (前面有幾位朋友話怪... ^^"),
我細細個食韓式燒烤, 以至去到南韓食都係一樣.
肉類我地兩個人, 都算化身食肉獸啦,
叫左一客 黑豚肉, 一客鹿肉套餐, 一客鮮魷, 一客帶子,
以黑豚肉最出色!! 肉質腍夾嫩口, 味道腌得剛好,
相當好味, 早知唔要鹿肉或鮮尤而食多佢一客... 呵呵,
鹿肉好耐冇食過, 中等啦, 好似食牛肉咁, 味腌得太咸少少,
鮮魷其實幾好食, 但係龜背燒起鮮魷時有少少難度, 因為尤魚卷起後,
會中間難熟, 周邊易焦, 如果改為厚身的墨魚扒就會very very good,
!! 唔記得寫意見俾佢添!!
帶子中等啦, 好大隻, 好厚身, 不過唔夠鮮甜, 應該係急凍之故.

另外叫左個海蜇做前菜, 加上其中一客套餐有三個小涼菜,
都幾好味呀~
套餐包一個白飯, 一碗蘿白湯, 三個小涼菜, 一份烤肉, 同一客單烤肉差三十蚊左右,
都抵食ge.

因為唔太清楚份量, 所以我仲額外叫左一個熱菜,
係d 豆呀, 菇呀, 魚肉制品呀, 帶子呀炒炒埋的,
一般啦. 下次唔要佢.

仲有一個迷你人蔘雞湯, 幾好味喎, 兩個人剛好, 唔會太多.

下次兩個人食的話, 我會建議order份量 :
一客迷你人蔘雞湯,
一個烤肉套餐 (最好係要黑豚肉啊!)
另外加兩份烤肉 / 海鮮

就夠了.

另外我地仲一人叫左一客飲品.

所以埋單七百幾.

過程當中侍應大哥成日唔記得加水, 鍋邊好黑啊~
但係抽風做得幾好, 在鍋邊環形抽風, d味未升上來就抽走左, 幾好~