神燈海鮮酒家 (18廣場)

營業中

休息中

今晚黎到呢間零負評嘅神燈海鮮酒家食中菜, 菜單價位屬中上, 但最特別嘅係一 D 刁鑽菜式都可以喺呢度搵到石澳梅菜蒸菜心菜心表面鋪上石澳最出名嘅梅菜後一齊蒸, 令梅菜唔太鹹亦唔太甜嘅味道浸入菜心中, 唔錯唔錯 柑桔醬燒蝦球大大粒嘅蝦球燒熟後, 再用酸酸甜甜嘅柑桔醬快煮, 令每粒蝦球都完全沾上醬汁, 非常開胃蜜椒金薯牛肝連唔好以為牛肝連係內藏, 其實佢係牛腹部邊近肋脊附近嘅肉, 一隻牛只有約 5% 部份係牛肝連, 夠晒稀有, 肉質柔軟, 肉味濃, 而且油花分布均勻, 就連 D 金薯都微微沾有牛香味, 大愛椒鹽豬手咸豬手食得多, 椒鹽豬手都係第一次食, 而且仲係成件上, 豬手外皮燒到焦脆, 肉筋部分夠晒爽滑彈牙, 同時有豐富嘅骨膠原, 不過一定要多 D 人食, 因為食食下會覺得有 D 滯潮式炒手工麵線幼幼嘅麵線又細又長, 加入簡單嘅材料一齊炒, 好味又有咬口, 撈埋隨附嘅潮式辣醬, 更添惹味

自從新年後都沒有再去酒樓食飯，今日突然好想食酒樓既餸菜，朋友介紹來這間酒樓試試。酒樓共有2層，上層地方較大，估唔到原來晚上都有這麼多人選擇到酒樓吃晚飯。餐牌上有多款中菜可以選擇，令人眼花撩亂。坐低後侍應詢問想要什麼茶及為我們送上小食前菜。啫啫芥蘭煲，這個煲份量很多而且大煲，芥蘭香口又爽脆，味道咸香，而且上枱時夠熱辣辣，十分惹味!燒汁牛尾煲，很大煲，上枱時醬汁還是熱辣辣，牛尾份量很多，炆得很冧很入味，牛尾亦有骨膠原感，而且醬汁也很多，用黎送飯一流!砵酒焗鱔球，初初以為這款也是煲上的，原來是碟上，鱔球是炸的，外觀有點像魷魚，味道咸香，魚肉結實，魚肉上淋有醬汁，味道十足!椒鹽豬手，豬手非常大隻，炸得香口，豬手上有很多椒鹽。豬手軟淋淋，很有骨膠原感，而且味道十分惹味!這裡上菜的追度非常快，而且食物質素都很高，值得再來!

// Nostalgic & Authentic Dishes 🏮🍴 //.Is there any kindred spirits here who also love savoring a delightful feast of Chinese delicacies?😋🍽 If so, get your chopsticks ready for these luscious and nostalgic dishes!🥢.▪Deep Fried Tofu▪This is literally my all time fav when visiting a dim sum restaurant.😍 Everyone knows how delectable this dish could be, it's a bite-sized deep fried tofu that's crispy on the outside and steaming-hot on the inside!😋.▪Baked Fish Intestine▪One of the most signature dish

難得約了很久不見的朋友，順著她們的意願吃中菜。隨便在openrice 找找，這餐館的裝修漂亮，好像可坐得舒適，便試試看吧！職員有善的工作態度，讓人有美好的飲食經驗☺️。食物人喜出望外，不單讓人垂涎欲滴的外表，味道也讓人一試難忘。不可不讚招牌豬手，鬆軟可口，一點也不油膩。蝦多士的蝦大隻又彈牙。比較失望的只是魚腸較為普通。價錢合理。下次一定要再組隊再幫襯。

原本想同女朋友食壽司郎，點知情況不似預期，一早爆晒無得食，打開openrice ，睇吓有咩附近餐廳，都唔知係乜嘢情況下就揀咗呢間神燈海鮮酒家，鑒於疫情關係同餐廳位置唔係主街道，人唔多，入到去計埋我都係得兩台客🤔心諗都唔知有冇中伏，坐低後職員詢問飲咩茶，特別地原來佢哋有玄米茶，女士應該喜歡啦！中餐廳例牌茶芥小食都另收費，同時上枱嘅小食同職員講佢都肯取消唔使收錢無怨言👍可能而家我都失緊業啦，見佢嗰個菜單都平均百幾蚊其實都覺得有點貴，最後叫咗價錢較廉宜的魚茄子煲、同比較少見的XO醬爆牛骨髓加碗白飯，冇乜客嘅關係啦餸都好快到，禮貌都做足，餸上到枱其實真係喜出望外，大大份，仲有鑊氣，個魚香茄子煲都仲係啫啫聲，XO醬醬牛骨髓又好香，好似牛骨髓，好難得小菜係配料少過主菜，勁多牛骨髓，好滑嘟嘟，加埋xo醬真係好惹味，到魚香茄子煲，份量都係大，撈飯真係無得輸，又香同惹味，無死鹹，兩個人食完剛剛好，仲估佢唔到原來有份福餅小食送，所以對呢間餐廳都真係喜出望外！值得一試！

佐敦最近開左間懷舊中菜餐廳性價比唔錯份量足料野食款式亦算夠創意有誠意唔覺唔覺叫左好多野食最後仲飽到要打包拎走因為太多款野食既關係我就以我既私心排名由我覺得最正既講起．砂窩蟹粥（$168）一煲有四五碗無論係粥定係蟹既份量都超級足夠粥底綿滑之餘蟹既鮮甜味亦湧哂出黎上枱後仲會幫你滾番熱好細心由於蟹既數量真係好多所以要小心碎殼食既時候要小心啲．招牌焗魚腸（$108）邊款係店員推薦所以我地就點左原來真係好有驚喜佢用既食材令大家都叫佢做富貴版焗魚腸鯇魚腸肥美、日本空運雞蛋蛋味較突出、上等陳皮更加有畫龍點睛嘅作用．巨型椒鹽豬手（$46一件 / 2件起）呢個係必點既菜式之一椒鹽落得慷概令到炸起上黎表面焦香得黎亦脆身同時入面保持滑溜既骨膠原中意食豬手既一定要試．神燈小炒王（$138）RN 話過食中菜有得揀通常都會試佢地既小炒王因為小炒王通常用自己鋪頭名黎做菜式名所以應該質素有保證又的而且確俾佢講埋左 神燈小炒王選材不錯果仁落得好多蝦乾亦有唔少食得超夠火候好滿意．錦江海鮮豆腐煲（$128）而我食中菜館既話好多時候我都會偏好點煲上或者豆腐類既菜式因為有無鑊氣真係一試就食得出呢款份量十足不在話下豆腐夠滑、菇菜

好耐都冇同家人外出食飯了，難得為咗慶祝家人生日，所以大家也破例揀了一間海鮮酒家一齊去食啦。當中呢間餐飯味道相當唔錯，特別多款菜式亦相當新穎，特別佢嘅椒鹽豬手真係一試難忘。而且餐廳內環境寬敞相當舒適，和家人聚會嘅一個不錯選擇。金莎墨魚餅個人就好鍾意佢嘅金莎墨魚餅，墨魚餅相當新鮮彈牙，配上金莎鹹蛋真係好邪惡。椒鹽豬手椒鹽豬手又係必點菜式🤤豬手相當大隻，惹味之餘真係食唔停口，而且每一口都是豐富嘅骨膠原，正呀。石澳梅菜蒸菜心食了咁多肉類當然要叫一點蔬菜，石澳梅菜蒸菜心亦都係不錯選擇，兩者配合更加係相得益彰。薯仔牛肝連這個菜式亦相當出色，牛肝連為大廚精挑牛嘅部位，牛味濃郁，配埋甘香薯仔粒真係一試難忘。

今次搵食搵到黎神燈海鮮酒家！因為睇過食評，好多人都推介呢度有好多特色嘅嘢食！一坐低就問我哋飲咩茶，原來呢度有玄米茶，真係好特別嘅選擇！我哋就即刻揀咗😍之後送上花生，淋淋地好滋味，老公食唔停口！第一碟黎到係懷舊蝦多士！($158)熱辣辣即炸即食，超級香！隻蝦好大隻🦐🦐🦐而且非常彈牙好足料!點埋沙律醬食仲好味!之後就嚟咗個生焗珍寶蜆($108)睇相就見到有幾咁大隻! 因為啲蜆夠大隻，夠新鮮，所以其實唔使太過多嘅調味，都已經可以帶出嗰陣鮮味呢兩件椒鹽豬手（$92）黎到時，簡直嚇親我哋。因為我哋冇諗過係咁大件！大件都好似我隻手掌一樣咁大！個椒鹽做得好出色好惹味。唔會話好多炸粉，只係薄薄一層皮包住豬手嘅肉。除咗刀叉之外，店員仲附上手套，非常貼心！可以啖啖肉咁食！份量真係超級多嚟到重頭戲，就係人人都有叫嘅砂鍋蟹粥（$168），亦都係我同老公最期待嘅嘢食！店員會拎過爐出嚟，喺我哋面前再將煲粥加熱！亦會問我哋需唔需要加葱同配料落個粥度。最值得一讚嘅就係，見我鍾意相機食先，有個店員仲特登話幫我用匙羹撈起個蟹殼，俾我影張靚相！真係好值得一讚👍🏻👍🏻蟹粥好香好綿，粥底好濃味。蟹殼已經由師傅拆開左啲，等我哋容

近排中意食中菜, 咁岩之前睇左篇報導講神燈, 屋企人話以前係上海街老字號, 不過之前已經結左業, 而家係佐敦既神燈海鮮酒家原來係一個對神燈海鮮菜館有情意結的舊街坊重新領牌開業既!  屋企人又話想試下所以就特登今晚黎食晚飯。酒家有兩層, 地下個層係箱房形式, 而樓上先係客人主要用餐既地方。沿樓梯上會見到牆上一幅寫有「神燈」二字牌匾, 旁邊有一道立體橋樑既裝飾橫架其上, 優雅又帶點古色古香。麻辣肚絲先來個前菜小吃, 肚絲入味非常, 面頭撒有香蔥同芝麻, 麻辣味好突出,  食得過癮。椒鹽豬手豬手炸得皮脆肉嫩, 肉嫩到好容易就可以拆到骨, 膠質勁豐富, 香口又惹味!柑桔醬燒蝦球大大隻蝦碌, 爽口彈牙, 柑桔醬酸酸甜甜好開胃, 而且醬汁既濃稠度好好, 包覆住成隻蝦球。燒汁牛尾煲牛尾煲唔係度度有得食, 牛尾大舊多肉而且份量十足, 煮得岩岩好, 肉可以輕易咬出, 唔會痴骨而且一D都唔韌,  燒汁加埋牛尾既味道好濃郁, 撈飯一流, 一定要配白飯食呀!屋企人都好滿意~ 以前既神燈係點我就唔知啦, 而家既神燈我就覺得係絕對值得一試既! 

佐敦呢間新開酒家門面雖然唔算華麗，但係內有乾坤，食物不錯質素呢！餐廳主打懷舊中菜，好多經典名菜都出現咗喺菜單上，等我地今次試一試啦！蜜椒金薯牛連肝未試過牛連肝呢個部位，食落嫩口，非常重牛味！金薯表皮相當酥脆，入面軟綿綿，配搭一流。四頭南非鮮鮑伴玉掌鮑魚好入味同埋煮得好透，咬落腍得嚟唔會失彈性！鵝掌亦然，炆得剛剛好，唔會痴骨好易呡開。椒鹽豬手豬手個Size大過隻手掌，表皮酥脆，唔講以為係炸雞。咬落去骨膠原好重，又差啲以為食緊花膠，食落仲好入味。紅燒乳鴿燒味中除咗脆卜卜燒肉之外，最愛就係乳鴿！所以當日都來一隻，size都算大隻，肉都幾多又唔乾。啫啫生菜煲上菜嘅時候個煲非常之熱，非常有鑊氣，生菜入口爽脆帶少少清甜，蝦膏嘅味籠罩着成個口，非常之適合送飯。最後仲送上懷舊甜品讓我地緬懷一番。

好耐無食中菜 今日同男朋友黎到佐敦呢間神燈淨係個招牌已經夠架勢堂價錢唔貴又多選擇 仲無乜味精添！食左咁多濃味野一啲都無頸渴！首先推介必食係呢個巨型椒鹽豬手店員比左兩對手套我地拎住食 哈哈第一次咁食豬手 椒鹽好惹味又唔會太鹹 豬手骨膠原十足 仲有唔少肉添！之後推介呢個夏天好啱食的柑桔醬燒蝦球酸酸甜甜送飯一流 蝦球爽口彈牙 好新鮮招牌焗魚腸基本上每枱都有叫咁滯！金黃色的焗蛋已經好吸引 入面除左魚內藏仲有叉燒 啖啖配料 一啲都唔腥 食晒都咪話唔飽 絕對真材實料另外叫左半隻蒜香燒雞雞肉嫩滑 燒雞皮香脆 十分惹味！呢度服務態度好好 價錢合理 環境闊落 下次再帶屋企人黎食先！

疫情影響，有好一段時間都係屋企食飯，自己又懶唔多願意煮飯，成日都買外賣。買外賣返屋企食，試左呢間喺長樂街神燈海鮮酒家既外賣自取。兩人食呢一個餸一個炒飯已經好夠。因為呢度啲外賣大大盒既。我就買左蜜椒金薯牛肝連同大富豪炒飯，聽落去好似真係做左大富豪甘。蜜椒金薯牛肝連，個牛好腍，又多汁，個蜜椒薯仔外層脆脆，超入味，加餸真係一流。大富豪炒飯，炒得粒粒分明，而配料又多又夾，好香口。今餐外賣好高水準，可以安哥。

酒樓佈置為中式, 坐得十分之舒服, 地方夠大, 茶方面除左本身茶樓既茶外, 還有玄米綠茶!當中必定要提及既就係牛肝連, 牛肝連係腹部邊的助脊肉, 食落口感鬆軟好味, 油花分均平均, 口感每個位一樣, 肉味濃, 屬靚肉, 煮法係中式煮法同西餐有點不同,醬汁味濃,但不會擋住牛本身的肉味, 食落去味覺衝擊比較大! 必試!椒鹽豬手, 另一樣要試的, 首先好香椒鹽味很重, 一上台已經能感覺到, 入面肉係十分十分之滑,脂肪比較高, 食落係滑過乳豬, 如果中意滑質口感既人必定會喜歡, 椒鹽味道其實不太重, 因為都集中在外皮上.荷葉雞, 都係味道十分香, 主要荷葉包住入面黎煮, 可以焗到好多材料既香味,雞肉本身味道不太濃, 但身邊材料太香, 而且入味, 所以雞味道變得十分豐富.整體水平算高質, 價錢不算太貴 值得一試~

最近聽聞”神燈”復活，所以也去了湊熱鬧。此神燈不同彼神燈，其實兩者並無關係。這裡主打懷舊菜，配上典雅裝修。最出名應該是創新的阿拉斯加蟹兩食，不過人少少也有大量不同的菜式選擇。椒鹽豬手 $46/件椒鹽豬手惹味香口，豬手皮脆卜卜，然後裡面是豐富的骨膠原啫喱，而且大大隻，值得一試。砂窩蟹粥 $168揭開砂窩煲蓋，一股白煙迎襲而來，粥還在熱騰騰地滾著。綿密的粥底，蟹的鮮味全都熬進粥裡。蜜椒金薯牛肝連 $148牛肝連是牛腹部邊肋脊附近的肉，的肉味非常濃厚，肉質腍滑，配以濃香蜜椒味，惹味好吃。懷舊蝦多士 $158多士外脆內軟，大蝦爽口彈牙，配上滋味沙律醬，絕對會讓人吃上癮，停不了口。如果你錯過了以前的神燈，就別錯過新的神燈，的確有驚喜。

同屋企人食飯，首選都係食中菜，如果唔想選擇連鎖酒樓，我非常推介這間佐敦新開的神燈海鮮酒家，開張不久但風評甚佳👏🏼👏🏼一室以黑白灰色作主調的江南蘇杭裝潢，雅緻時尚。作為海鮮酒家，樓梯位置旁設有大魚缸，餐牌選擇甚豐，有大量不同海鮮菜式及惹味小菜。首推柑桔醬燒蝦球（$128）蝦球爽彈新鮮又大隻，外層炸得薄脆，裹上酸甜金桔醬，滋味非常，是入口令我微笑的菜😚😚😚回味之選。其次是沙鍋蟹粥（$168）個人喜歡食蟹，覺得蟹粥真的很美味🥳蟹肉鮮甜，陳皮絲薑絲都切得幼細，店員服務殷勤體貼，席前作最後攪拌，分菜流暢。這裏所有牛肉菜式一律使用牛肝連，牛肝連是牛橫隔膜附近的肉，常用於高級日式燒肉店，油花分佈均勻，柔軟又肉味濃。我選了蜜椒金薯牛肝連 （$148），很有鑊氣，牛肉又軟。另在在做推廣的是椒鹽豬手，懷舊粵式炮製，皮層滿滿是椒鹽，有點鹹的，裡面全都是膠質膠質膠質！！要有心理準備！另外點了小食麻辣肚絲（$58）一樣水準不錯。隔離枱兩位一睇就識食的中年叔叔，點了蝦多士，睇落勁吸引！！！下次要食！！整體地點方便、環境服務好、食物高質有性價比，有回頭率啊❤️每位菜芥$15 小菜一碟$25