神燈海鮮酒家 (18廣場)

營業中

休息中

呢間酒樓$168午市放題食足90分鐘實在好抵食🤩，我哋兩個大胃王叫咗好多嘢，食咗兩轉，講起嚟都有啲誇張，佢哋嘅嘢食分咗七個系列包括前菜、點心、粉麵、蔬菜、甜品及兩款小食類別，選擇非常之多，而且每樣都吸引，好想叫晒佢哋，最後除咗粉麵外，我哋每個系列都叫咗啲嘢嚟食。 前菜方面，我哋叫咗鮮蝦雞尾酒🦐、手搖糖心皮蛋、涼拌喵喵耳、佛山燻蹄、蒜泥白肉🥩。個鮮蝦好鮮甜，再點埋啲有酒味嘅醬料，食落去感覺特別，皮蛋整到糖心狀，仲正過普通糖心蛋。燻蹄同白肉都做得唔錯，喵喵耳其實係黑木耳嚟。 至於佢哋嘅王牌一定係點心👑，不得不叫嘅就係金沙熊貓包同豬仔叉燒包，有熊貓同豬仔嘅形狀🐼🐷，非常可愛，打卡一流。而且睇得仲食得，個熊貓包搣開嚟就有啲香濃嘅奶黃，唔係流出嚟，而係湧出嚟，口感實在一流。點心我哋仲叫埋蝦餃、燒賣、牛肉球、魚翅餃，個牛肉球就有啲細，不過放題來講細細粒仲好。 小食方面，佢哋有個叫回本之選嘅系列，我哋就叫咗芝士汁天婦羅小鉗蟹🦀、濃雞湯花膠米線🍜、紅燒乳鴿、鮑汁鳳爪。我推介小鉗蟹，係另一個打卡之選，同埋我幾鍾意雞湯嘅米線，食落口好清甜，再配埋花膠，實在好補身，隻乳鴿都幾大隻又香口😋。 另一組

屋企人話想食粵菜，上網睇食評好多人都推介呢度有好多特色嘅嘢食！除左懐舊菜式，仲有創新的元素加入菜式，所以我覺得值得試，就特登搵食搵到黎神燈海鮮酒家食晚飯。我地一坐低就問我哋飲咩茶，除左一般的普洱、香片等等，呢度有玄米茶架，我哋就即刻揀咗，玄米經大火炒過後與綠茶調配而成的玄米茶，香味清新，真係好好飲！（茶位$ 15）前菜$25先點一份涼菜：麻辣肚絲$58（小食），份量十足！ 肚絲切得整齊，大小一致，食落好有口感。醬料均勻，麻度好高，食得過癮。今晚就食到一碟好重穫氣嘅神燈小炒皇 HK$158，配料豐富，色澤鮮艷，入面有豬板筋、四季豆、馬蹄、 蝦乾、腰果、炸油條等等，炸油條夠香脆，少少辣極之香口惹味，夠晒大碟又香口，鑊氣十足的港式風味的地道小炒。法式蜂蜜芥末大蝦去了殻的大蝦球，外面一層薄薄的炸粉，大蝦炸得好香口，質感彈牙。加入蜜糖和法國的芥末，芥末味唔會好辣，香氣很特別。星州麥皮蝦 HK$248 上面佈滿了金黃香脆的燕麥，很吸睛！份量很足！蝦挺大大隻，食得出大蝦很重鹹蛋黃味，入口淡淡牛油香。還有些香葉和辣椒，令蝦身沾滿燕麥後加添香辣的味道砂鍋蟹粥168店員會在客人面前烹煮蟹粥，為客人添上，約

天氣凍想食啲熱辣辣嘅嘢 中菜就最好不過嚟到佐敦#神燈海鮮酒家 鑊氣小炒熱辣辣上枱第二次黎 呢度勝在就腳價錢夠平民又有水準試左四個小菜 全部都超大碟神燈小炒皇 麥皮蝦 法式芥末蝦球 蜜椒金薯牛肝連唔係誇張 四個都好有鑊氣 好餸飯 好想添多一碗飯小炒皇好多料 腰果 豬頸肉 油炸鬼 蝦乾 韭菜 四季豆最欣賞個蝦球 有成十幾隻 好彈牙飽滿 醬汁帶甜麥皮蝦 用麥皮無油炸咁唔健康仲有個超好餸飯的薯仔牛 蜜汁甜蜜 一粒接一粒整體好有水準 下次會帶埋屋企人黎💛

/神燈海鮮酒家🇭🇰/#sa佐敦篇 ➖➖➖<抵食午市點心美食放題🌟>➖➖➖媽咪好鍾意食點心 所以間唔中都會揾下有邊間酒樓值得食😝睇過佐敦呢間酒樓中午原來有美食、點心任食價錢都好合理 $138 有90分鐘 有多款醒胃前菜、回本之選、求其點心、非食不可、粉麵飯、蔬菜同甜品就可以食到捧住個肚走人真係性價比幾高 今次食左好多 但總算清得曬但記得唔好浪費食物啊！➖➖➖🔹醒胃前菜🔹食啲油膩野之前就要食下啲醒胃啲嘅野！揀左手搖糖心皮蛋同涼拌貓貓耳(雲耳)冇諗過會有原隻皮蛋 蛋黃半熟 連埋酸薑一齊食夠開胃～另外涼拌雲耳爽口微辣🤠➖➖➖🔹回本之選🔹喺呢度嗌左幾樣包括滷水乳鴿、雞湯花膠米線、鮑汁鳳爪同埋天婦羅蟹鉗～乳鴿每人一隻都算幾多肉略嫌被唔夠脆鮑汁鳳爪同埋天婦羅蟹鉗日有一大碟但需要用較多時間食天婦羅蟹鉗亦有芝士醬另外花膠米線都算大碗 ～湯夠清 有一兩塊花膠幾有咬口～➖➖➖🔹求其點心🔹雖然話求其其實都唔係好求其喺呢度幾乎每一樣都有嗌印象最深刻一定係流沙包同叉燒包分別有熊貓同埋豬造型 無論大人定細路都啱另外蝦餃燒賣牛肉都好食 唔會好大梳打粉味➖➖➖🔹非食不可🔹喺呢度都食咗幾樣先係金磚豆腐粒

琴晚去佐食海鮮小炒，環境幾好乾淨又闊落，坐得好舒服有茶水可以揀，我揀佐普洱杯食完可以順便消下滯😏今次個食物真係有驚艷到我，特別佢地個新加坡麥皮蝦，蝦真係好大隻啊，係用蛋黃去炸，非常惹味，呢個一定要叫😏仲有一個係法國的蜂蜜芥末蝦球，唔好聽到芥末以為會辣，其實一d都唔辣，反而係甜甜地，帶少少既酒香，食得出d蝦好新鮮食小炒一定要叫佢地個神燈小炒皇，鑊氣十足，入面有四季豆，馬蹄， 蝦乾，腰果，油條.....夠晒大碟又香口😋仲叫咗金磚豆腐，擺盤好精緻，炸到個皮好香脆，口入邊啲豆腐好嫩，呢個都一定要叫😂整體來講呢間個海鮮小炒份量幾大又好食，同大班朋友一起食最開心，可以叫多d款大家一齊食😎

聽過朋友講呢間餐廳菜式唔錯餐廳名幾得意～小菜都好特別～也頗有Gimmick精選法國蜂蜜芥末用葡萄酒🍷雪梨🍐酒蘋果酒 三種酒調製酒醋，令到味道好香甜，外層薄脆，內層已剝瞉蝦肉非常鮮嫩～食落去帶點微酸微香嘅酒香口感～ 麥皮蝦呢道菜好特別， 麥皮炒到咸香脆口～仲有濃郁既牛油香～ 原隻蝦剝開殼肉層鮮嫩又帶咸香～神燈小炒皇豬板筋、油條粒、四季豆、馬蹄、腰果、蝦乾～炒埋一碟～係經典既小炒菜式～仲食左兩款鮑魚～一款清蒸，一款蠔皇煮～ 好正！👍🏻甜品😋

每次家庭聚會，首選都會想起神燈海鮮酒家吃他們的廣東菜。二次光顧，想試的菜式實在太多，所以這次便點了上次未吃過的，質素依然沒有令人失望。點了一味海鮮，三聖芝脆焗龍蝦。分量驚人的龍蝦非常大大隻，而且焗到金黃的芝士，非常吸引！龍蝦肉很厚肉，肉質爽口又鮮味十足，和鹹香的芝士非常搭！ 神燈小炒王。看似普通，但卻很有驚喜的菜式。材料豐富，有豬板筋、油炸鬼、四季豆、馬蹄、腰果、蝦乾。小炒鑊氣十足，而且不同食材有不同的風味和口感，惹味又送飯。蟹肉菠菜豆腐盒。賣相吸引不止，味道和口感都是一流。層次分明，面頭有蟹肉羹和蟹子，下面則有菠菜和滑溜的炸豆腐。整體味道不會很重口味，但卻很鮮味，非常好吃。梅菜蒸菜心。雖然是比較家常的菜式，但這裏的菜心真的很新鮮很清甜，配上甜甜的梅菜，味道豐富不少。最後還有甜品贈送，以清新花香的桂花糕作結也很不錯。

自從前兩年自己食過神燈之後就再同屋企人食過神燈好幾次，食物水準一直都無令人失望。知道近來推出了蝦類的新菜式，我就決定率先跟先生先去試試，再等限最令放寬後帶同家人來用膳。餐廳當然做了防疫措施，即刻進店前消毒和量體溫已是基本，而餐桌之間亦掛上了大透明膠簾，感覺安全。 銅壺煮水在一定溫度下也會析出微量銅元素，對身體十分有益。《星洲麥皮蝦 $248》這是改良過的星洲麥片蝦，加了鹹蛋黃變成香港風味的菜式。蝦大隻鮮味又肉厚彈牙，加上用過牛油炒成的麥皮更甜香口和口感，很惹味！《法式蜂蜜芥末蝦球 $148》蝦球份量多，大約有8-9隻，每隻都又是肉厚彈牙，外層先炸，酥香鮮味，再配上帶甜的法式蜂蜜芥末好提味！《神燈小炒皇 $148》材料有豬板筋、油炸鬼、四季豆、馬蹄、脆腰果、大蝦乾，聽起來已覺得很有港式風味。豬板筋勁爽口，有嚼感但完全無渣不韌，好吃！大蝦乾有蝦香又有咬口，整體好吃。《鹵水妙齡乳鴿 $68/隻》吃乳鴿我偏愛鹵水製法，而這隻乳鴿相當入味，肉亦嫩滑，十分滿意。《金磚豆腐 $58》每夥豆腐磚都炸得金黃且薄身香脆，豆腐嫩滑，蘸點喼汁已經十分好吃，很開胃。《招牌焗魚腸 $108》我每次來都必點這個焗魚

同屋企人去咗神燈海鮮酒家，唔止個名特別，menu 都好特別，係竹簡呀😍我地食咗以下👇🏻法式蜂蜜芥末蝦球用咗三種酒：葡萄酒，雪梨酒同蘋果酒，甜酒加上蜂蜜，唔會有酒嘅苦味，鮮甜美味，啲蝦仲好新鮮，好彈牙😋星洲麥皮蝦廚師好細心，剪走蝦腳，令到客人容易剝殼，亦令蝦更入味，麥皮脆脆地，蝦雖然用牛油烹煮，但感覺有些黃金蝦似， 鹹香和麥味溶入蝦內。神燈小炒皇雖然我唔食豬肉，但屋企人話味道少少辣，豬板筋很爽脆，加埋四季豆同馬蹄都好惹味。濃湯竹笙浸勝瓜清清地，味道都唔錯，啱晒鐘意食竹笙嘅我😆

這天去了位於佐敦的神燈海鮮酒家晚飯❤兩個人點了很多的菜式😹例如有它們的招牌菜 神燈小炒皇、麥皮蝦、法式芥末蝦球、蟹粥等等⋯其中麥皮蝦跟法式芥末蝦球的蝦肉很新鮮 全部我都吃光光🤤確實是吃很飽～我最喜歡吃海鮮 🦐🦀🦞所以有蝦蟹的我都點了 哈哈️它們家食物的份量是很大份的 吃的時候讓人感覺很滿足！由於這次是第一次食 真沒想到食物的份量那麼大 決定下次要跟喜歡吃東西的朋友一起來再吃這樣可以吃更多不同的菜式而且他們的價格也不貴。

今年因疫情關係，出行也許不能實現 ⋯ 如果神燈給你三個願望，環遊世界會否是你其中一個選項呢？雖然現實中旅遊還未能成行，但神燈這間中菜館就可以帶你品嚐法國的法式蜂蜜芥末大蝦，或是星加坡的星州麥皮蝦。神燈這家老牌中菜館，除了有一般粵菜外，還有不少懐舊菜式，現在還有更多創新的元素加入菜式中，令客人耳目一新。法式蜂蜜芥末大蝦 （HK$148）👍👍👍👍👍去了殻的大蝦球，上了一層薄薄的炸粉，令蝦球外脆內軟。用了蜜糖和法國的芥末籽造成醬汁，味道甜蜜蜜之餘又帶有芥末獨有的香氣，這道菜式很適合一家大小，老少皆宜。星州麥皮蝦 （HK$248）👍👍👍👍👍原隻的海蝦沾滿了邪惡的鹹蛋黃後，再舖上一層烤焗至香脆金黃的燕麥，燕麥混入了香葉和辣椒，令蝦身沾滿燕麥後加添香辣的味道。神燈小炒皇 （HK$158）👍👍👍👍神燈小炒皇與傳統的小炒皇用料有點分別，這個特別版本用了油香滿溢的豬板筋和香脆的炸油條、再配合清新的四季豆、爽口的馬蹄、最後加入香口的腰果和蝦乾，將這個經典的菜式演化的港式的風味的地道小炒。金磚豆腐（HK$58）👍👍👍👍👍一粒粒炸至金黃的金磚豆腐，外脆內滑，豆腐加入了椒鹽令味道加添。砂鍋蟹粥（HK$168）👍

燈神海鮮酒家嘅假日午市點心放題 $168/位 (茶位$10/位, 及加一服務費), 限時90分鐘! 而且仲有優惠, 4人同行一人免費, 非常抵食, 絕對可以食回本!食物上菜速度快, 而且新鮮熱辣! 大家記得珍惜食物, 食得哂先好嗌! 紅燒乳鴿燒得金黃香酥, 乳鴿肉嫩汁多, 吃到滿口肉香, 必食回本推介!金磚豆腐粒外層薄脆, 包著嫩滑豆腐, 再加上少許椒鹽及七味粉, 好味道！芝士汁天婦羅小蟹鉗小蟹鉗肉量雖少, 但夠鮮甜, 加上少許芝士汁, 更滋味!川麻口水雞 雞肉嫩滑, 配上夠麻夠辣嘅口水雞醬汁, 正!順德奶奶卷外層香脆, 內裡軟滑, 帶有淡奶香! 金沙熊貓包熊貓造型可愛! 一撕開, 奶黃餡非常流心, 而且份量多！奶黃味夠好突出, 唔錯!晶瑩蝦餃皇鮮蝦味道濃厚鮮美, 餡料夠多!蝦仁燒賣皇味道非常鮮美爽滑, 美味可口!

🧡 其實中菜真係好好食😋見到OpenRice有咁多好評，就帶左媽咪去食🥰🧡 鮮沙薑豬手粒 $58，前菜叫左豬手粒~ 冷盤來講算唔錯😋 少少酸，又有咬口，幾開胃👍🏼🧡 星洲麥皮蝦(8隻) $248，麥皮蝦大大隻！連埋好多麥皮一齊炒，好香脆🧡 法式芥末蝦球 $148，呢個我更加鐘意！啖啖肉！雖然話有芥末，但係唔辣，反而甜甜地，好好食🤤🧡 另外神燈仲做緊一個優惠叫 "環球三蝦祭"。以上兩款餸，加埋三聖芝脆焗龍蝦🦞賣$688 ~ 鐘意蝦同龍蝦嘅朋友可以考慮吓👍🏼🧡 神燈小炒皇 $158，小炒皇炒左豬肉，豆角，腰果等，最特別係有炒油炸鬼片！好脆，好正🤩🧡 啫啫芥蘭煲 $108，好夠鑊氣！上菜嗰陣仲係咋咋聲😍 好鐘意食菜🥬 🥰

放假當然要食好西啦，身為點心精嘅我之前上網搵到依間點心放題酒家，今次係第二次光顧🤗🤗環境：神燈環境有別於一般酒樓，佢嘅燈光唔會光殘殘，枱數唔多所以唔會太嘈吵，環境好舒服舒適👍👍👍食物：點心就普通咗啲欠缺驚喜，所以今次都無特別叫點心，相反其他食物：前菜小菜甜品都好好味，質素好高，食物賣相靚之餘大大碟唔會寒酸👍👍👍 🤤🤤🤤🤤🤤🤤點心紙🤤🤤🤤🤤🤤🤤好少點心會有＂紅燒乳鴿＂BB鴿外脆內Juice，正吖👅＂鮮蝦雞尾酒＂蝦肉彈牙，掂👅＂豉油王香煎腸粉＂煎得剛剛好唔會太咸，encore再encore👅＂藍莓醬欖角小排骨＂甜甜地好惹味👅＂鮑汁鳳爪＂無諗過放題個賣相咁好，一碟6隻個醬汁同花生絕對冇揸流攤👅“胡麻將茄子條” 炸得好鬆脆都幾好食👅＂佛山燻蹄＂ 好食👅“蒜泥白肉” 好食👅＂手搖糖心皮蛋＂ 真係糖心㗎，好味👅＂紅棗糕＂紅棗味濃，如果再煙韌啲仲好食😚＂薑汁糕＂薑味超濃，個人覺得比紅棗糕好食👅總括：推介值得一試🤤🤤🤤

相信大家對神燈嘅午市點心放題都唔陌生，未食過都實聽過，由$98等到$138終於book 到，係性價比高嘅！老字號酒樓就唔好期望要有優質服務態度，平日都係全場滿人，個個忙到甩晒轆。但點心質素好過唔少酒樓添52款點心、前菜、飯麵、小食任點任食值得一讚係坐低開茶後就自動波上晒各款汁醬！第一回合都叫左12碟～ 紅燒乳鴿必食～即燒熱辣辣，厚肉唔乾柴。仲有滷水乳鴿選擇!豉汁蒸排骨 感覺鬆肉粉唔重，又唔會痴牙。蝦餃餃皮算薄，蝦肉亦都飽滿，最後食了兩碟。燒賣嘅豬肉都紮實，正常發揮。熊貓流沙包又得意不錯吃，仲有豬仔卡通包。花雕雞翼就得酒味，但川麻口水雞翼勁有驚喜。麻辣口水汁勁惹味，食完雞翼個汁仲拎黎點燒賣添鮮茄龍蝦湯粒粒泡飯2-3人份量 有蝦肉、元貝仔等好鮮味，湯底飲得出龍蝦味又飲得出蕃茄味！