神燈海鮮酒家 (18廣場)

營業中

休息中

很久沒有到酒樓食飯，今次再次跟朋友來到這間位於佐敦的酒樓!這裡環境寬敞，二人還可以坐卡位呢！餐牌上有多款小菜令人眼花撩亂，想了一段時間先可以下單!星洲麥皮蝦，在香港都可以吃到新加坡的麥皮蝦，麥皮炸到脆卜卜，包住新鮮又大隻的海蝦，海蝦外殼咬落去脆卜卜，蝦肉爽口彈牙，加上味道帶有少少辣，非常惹味！神燈小炒皇，這裡有兩款小炒皇，一款是傳統的，而另一款就是這款招牌的，有豆角、瘦肉、腰果、馬蹄、蝦乾等，味道咸香，醬汁帶有少少甜味，香口又惹味！重點是還有我最愛的馬蹄，鮮甜爽口！椒鹽雙菇，估唔到這款小食咁大份，有茶樹菇和金菇，茶樹菇脆口，點上喼汁味道酸酸的更易入口！而金菇面積相對較大，所以有較多的椒鹽味，脆口又香口！香茜蟹味銀絲鍋，粉絲拌入蟹籽，一粒粒的令口感更豐富，而且粉絲熱辣辣，咸咸香香，幾惹味！啫啫生菜煲，生菜用上煲呈上，用上蝦乾、三色椒一齊炒，味道帶有少少辣，加上有醬汁，用黎送飯一流！最後店員還為我們送上甜品桂花糕，有淡淡的桂花清香，不會很甜，而且還有杞子，很滿足呢!

位於佐敦既神燈海鮮酒家， 環境古色古香主打海鮮、經典及新派招牌粵菜，今晚就約咗妹妹嚟食晚飯，一試神燈功力。🍴🍴新加坡麥皮蝦🦐🦐新鮮海虎大大隻肉質爽彈，被香脆可口嘅燕麥包住，入口酥脆。 麥皮香口又充滿香料味道，好有新加坡風情。🍴🍴神燈小炒皇👑材料豐富，有四季豆，蝦乾，腰果，馬蹄油炸鬼及豬板筋，熱辣辣具鑊氣，味道甜甜地。每種食材都具獨特的口感，好似油炸鬼超脆， 蝦乾鹹香，腰果香脆，馬蹄爽甜，集合成神燈獨有港式風味😎。🍴🍴乳豬（例牌）進店嘅時候見到有師傅燒緊乳豬好吸引，所以都叫咗一客試下，乳豬皮超鬆化，肉質嫩滑。👍👍

中菜要好食 除了食材選購之外，廚師功夫都相當重要，食過＜神燈＞之後，對佢地嘅神燈小炒王 和 星洲麥皮蝦 都刻下深刻印象😍。.🔥神燈小炒王💲158以油香滿滿的豬板筋和油條粒、新鮮脆口四季豆、爽口馬蹄、脆腰果及生曬大蝦乾嗆炒，大蝦乾帶韌嘅質地配上其他脆卜卜配料，口感非常豐富，整個小炒都又香又惹味😋.🦐星洲麥皮蝦💲248八隻大蝦都又大隻又粗身厚肉😍，咬落厚身彈牙，用了鹹蛋黃和牛油去炒香大蝦和麥皮，越食越香口和惹味😋，麥皮份量又多，如果要食曬嘅話都幾飽🤣.🍲金湯海皇豆腐💲138都係落左鹹蛋黃去調味🤩，滆入去 嫩滑嘅豆腐和鮮味海鮮當中，除了味道惹味了之外，連顏色和賣相都出色了。.🍚黑松露脆米海皇炒飯💲128米飯粒粒乾身，啖啖都充滿黑松露味，海鮮份量都唔少。————————————————價錢：💲653 / 2pax味道：😋😋😋😋😋環境：✨✨✨✨✨服務：💁🏻‍♂️💁🏻‍♂️💁🏻‍♂️💁🏻‍♂️💁🏻‍♂️賣相：📸📸📸📸📸等待：0 mins (7pm)回頭率：80％📌 會收茶錢 和 前菜錢

傳說中嘅神燈可以幫人達成願望, 喺佐敦都有 神燈海鮮酒家, 佢主打海鮮、地道小炒和懷舊菜式。今日嚟到試下可唔可以滿足我嘅美食願望！神燈小炒王有豬板筋、油條、四季豆、馬蹄、腰果和蝦乾。油爆豬板筋爽脆嫩滑, 馬蹄腰果脆卜卜, 蝦乾有海味鹹香, 口感豐富。地道小炒, 香口惹味有鑊氣, 送酒一流！招牌焗魚腸經典懷舊菜唔喺度度食得到！魚腸爽口嫩滑有嚼口, 加上果皮絲、油條和雞蛋漿蒸焗而成, 熱辣辣香噴噴加埋胡椒粉一齊食, 童年回憶嘅味道即刻返曬嚟！星洲麥皮蝦大大隻虎蝦肉質鮮甜有蝦膏, 爽口彈牙啖啖肉, 油泡香口惹味, 再加上麥皮伴炒, 食落好乾身吾油膩台風炒新竹米粉新竹米粉較修長幼細, 啱曬用嚟炒, 乾身爽滑煙韌有嚼勁, 加上叉燒、蛋花、蝦肉韭菜、芽菜嚟炒, 材料豐富！飯後奉送甜品有薑汁都同桂花糕。我哋揀咗桂花糕, 冰甜怡人陣陣花香！

今次去呢間餐廳個名好特別😎, 叫"神燈''✨, 餐廳嘅小擺件好有心思, 空間亦都好闊落，令人食得安心。🦐星加坡麥皮蝦: 大蝦同麥皮配上惹味香口鹹蛋黃， 配合得非常好🤩。 廚師將每一隻蝦中間都開一刀令到蝦肉更加入味， 食到我哋舐舐脷😋。🥘神燈小炒王: 有鑊氣嘅小炒王一定要喺呢啲地方食先有feel😬, 呢碟小炒王用豬上爽肉🐷( 豬脊骨和排骨附近嘅瘦肉, 係豬最嫩嘅部位), 果然肉質爽口鮮嫩, 配搭其他 提味配料, 例如腰果, 蝦乾, 脆卜卜嘅油炸鬼), 真係要預備多碗飯😆😆~~~~~📍神燈海鮮酒家佐敦長樂街14-20號18廣場地下及1樓~~~~~

星期日想帶媽媽一齊去試吓特色菜，朋友推薦咗佐敦嘅神燈海鮮酒家。入面環境寛敞，坐得舒服，重點店員態度超好！餐牌上選擇好多，款款都好吸引💖前菜有炸白飯魚，媽媽食唔停口😆點咗佢哋嘅招牌菜 — 神燈小炒皇真係好好食！調味醬汁惹味開胃，用料講究，豬板筋係里脊肉相連的一層筋膜，板筋口感又嫩又糯，肉質爽滑，油香十足❤️好推薦！星洲麥皮蝦 又係超推介！認真勁大隻虎蝦，肉質鮮甜，蝦頭仲有好多蝦膏🤩我連蝦殼都食埋，好酥脆😍再配埋烤過嘅燕麥片，帶少少香甜味，估唔到咁match✨出面勁少見到椒鹽豬手😳同媽媽一人點一隻食好大隻！外層炸皮炸得勁脆口，豬皮軟滑，內𥚃筋肉咬落好嫩，入口滿滿嘅骨膠原🥰法式蜂蜜芥末蝦球炸過嘅大蝦球用三款酒醋加芥末籽醬調味，以前真係未試過呢個組合，蝦球原本都有調味過，口感爽彈味道咸香，再淋上香甜蜂蜜芥末醬，又係值得一試✨最後店員仲送咗紅棗糕同薑汁糕比我哋食，新鮮蒸起超軟糯，薑汁糕口感更煙韌😋兩款都唔會太甜，好滿足！

星洲麥皮蝦🦐$248用燕麥做材料嘅小炒真係未見識過🧐感覺都幾有趣，入口鬆脆可口👌加上六件大大隻嘅新鮮海蝦😍蝦肉爽甜彈牙，牛油香味濃郁🥳不愧為店內主打菜式之一😎神燈小炒皇🥗$158店員亦推薦咗呢款小炒皇🥸入面有豬板筋，油香味相當吸引😝另外油條炸到脆卜卜😋仲有馬蹄、腰果、蝦乾同四季豆😏的確有驚喜，撈飯一流🤩南乳脆香骨🐷$118我自己就最鍾意食呢個😘即叫即炸，南乳味道唔會太重🤓香骨大大件，亦夠厚身😏外脆內軟，啖啖肉，超級滿足😜潮式川椒雞球🐔$148雞球份量都唔少😁食落都幾惹味😇但無想像中咁辣😌不過就鹹咗少少🤏桂花糕🙂Free臨埋單之前，店員主動送上甜品😇桂花糕唔會太甜，味道清香，口感幼滑☺️神燈海鮮酒家 (佐敦)佐敦長樂街14-20號18廣場地下及1樓

假日比較貴好彩用openrice訂位有9折，食物多數是煎炸食物，因我們只有兩人所以選擇其實不算多，如果是平日和多人去食會比較好。食物質素就一般，假日很多人有些食已經不熱，而且因空間不算大，多人便會有些嘈。

得鮮蝦同紅燒乳鴿外，其他食物麻麻，蝦蛟燒賣吾得，連鳳爪腸粉都無，又沒有飲品供應，樓上×記抵食過佢好多，買三送一四人$499，每人$138，只此一次，吾會有下次了

呢間海鮮酒家裝修帶有古代元素，主打各樣小菜，樣樣精緻有鑊氣，近排主打蝦菜式🍤，btw姐姐服務真係好好仲好qq❤️，郁完我影緊相d餸菜又會即刻發現，放返原位😂：-1️⃣ 「法式蜂蜜芥末蝦球🍤🍯($148)」-必食‼️😍！醬汁香甜開胃，蝦大隻彈牙，忍唔住係咁食xd🙈～French honey mustard prawn👍🏻-2️⃣「星洲麥皮蝦八隻🦐($248)」-蝦大大蝦，炸到連殼都食得！超有蝦味但肉質還好，食到麥皮嘅甜味同蛋嘅香味，略鹹🤣~Grilled prawn with oatmeal-3️⃣「神燈小炒王🥗($158)」-呢個都推薦！超有鑊氣，有豬阪筋🐷、油炸鬼、四季豆、馬蹄、腰果同蝦乾🦐，油炸鬼片炸完再炸，香口到不得了😈Signature stir-fry👍🏻-4️⃣「蜜椒金薯牛肝連🥩🍠($158)」-金薯食落好淋好甜，不過prefer有少少脆皮，牛粒超嫩好juicy，整體食落甜甜地，幾惹味🤣~ Sauce beef hanging tender with sweet potato -5️⃣「薑汁糕/紅棗糕/桂花糕🌼(+$0)」-(題外話：想走嘅時候姐姐好好心提我地有糕點送，仲即刻幫我地蒸熱，超好❤️)宜

好耐都冇食中菜喇🤨 最近食得多西餐日本野係時候要轉下口味，呢晚就一行二人收工過去神燈食個靚飯😎🦐 星洲麥皮蝦($248)見到佢地個menu 新出左幾道菜就一於試下🤓 其中一道菜我哋order左佢哋新出嘅星洲麥皮蝦，我哋都係第一次食呢款菜式😍 麥皮蝦用上咗八大隻既蝦配上麥皮去炒同炸，外皮炸到超脆超香口，蝦肉仲有少少牛油味，唔錯🤤🔥神燈小炒王($158)
平時叫餸食飯通常都會整返個小炒王試下😎 今次都唔例外，呢道神燈小炒王材料豐富又幾特別，有豬板筋、油炸鬼、四季豆、馬蹄、脆腰果同蝦乾等等，鑊氣十足炒得好惹味，送飯一流！🐂蜜椒金薯牛肝連($158)呢道薯仔炒牛柳粒用木板呈上既時候仲係出緊煙🔥薯仔粒同牛柳粒既size切得好均稱，牛柳用上牛肝連即封門柳，牛味頗濃而且仲要有肉汁！用上蜜糖同黑椒炒真係無得輸，勁正！👍🏻🐟麵醬干煏魚雲煲($228)呢個魚雲煲份量十足！鮮鯇魚件起碼有五至六塊，每塊都大大件好肥美好新鮮，配上麵醬煮僻左魚既腥味仲更令到魚肉更惹味。整體來講成餐飯都好滿意，睇落平平無奇既餸菜，食得出係有心機做一啲都唔hea，價錢合理，絕對係晚飯嘅好選擇👍🏻

話說尋日先至去過另一間高級食府食點心放題，結果完全唔到位，所以今日再試第二間作補嘗。一見點心紙內容，已知選對了。咁先叫點心放題，由於一人進食，為免浪費，先叫想食又回本點，雖然侍應話每件少少唔會好多，但實情每份都好多！最抵之選係乳鴿，眼見其他檯，兩，三隻乳鴿咁叫，真係值回票價。另外喇沙海鮮米缐都好好食。大推，馬拉糕係一個大籠，熱辣辣配有瓜子，有層次。煎腸粉及排骨就編肥。整體服務都很好，出菜快又冇漏單，年頭第一推介。

新年唔想出去周圍搵材料煮，不如食盆菜就最抵食啦🥰 有乜嘢好過一家人開開心心暖笠笠食盆菜最正呀神燈盆菜用急凍形式處理，真空包裝夠衛生，更可以避免細菌滋生。外層再加上發泡膠盒保冷兼保護，食得安心。.食盆菜前，先取出盆菜料包，打開包裝後原個盆菜放入不銹鋼煲。盤菜包裝內附鮑汁，取出連袋放入沸水5分鐘加熱，之後淋上盆菜，再放上電磁爐調節中火煮25-30分鐘直至熱透食材，即可享用。.🐷盆菜包括十三款佳餚：鮑魚，花膠，海參，瑤柱，鵝掌，蠔豉，豬手，金華火腿，白切雞，花菇，蓮藕，鮑魚菇，杏鮑菇.💡盆菜訂購資訊﹕💰價錢﹕6人盆菜$1,388💰12人盆菜$1,988📞訂購專線﹕9020 0352 (需2日前預訂) 📞查詢熱線：3560 6462 (辦公時間內)⏰盆菜訂購時間﹕星期一至五﹕09:00-18:00；星期六﹕09:00-13:00；星期日不設送貨📍盆菜自取點：暫不設自助點，全部皆為送貨。仲有賀年糕點.香港新鮮製造💯，無添加防腐劑🙅🏻‍♀️的💞好事成雙賀年糕點套裝、💛瑤柱臘味有機蘿蔔糕以及軟糯煙韌的🧡沖繩黑糖年糕，同樣係超衛生真空包裝，今個新年等神燈陪你過~.沖繩黑糖年糕🤩，更選用沖繩黑糖製造的年

早前生日附近去咗呢間神燈海鮮酒家食中菜🤣🤣分享吓先..........本身就好鍾意食中菜嘅我試咗佢呢度嘅神燈小炒皇、麥皮蝦與法式芥末蝦球想講佢個麥皮蝦真係超級好食蝦表面好脆 蝦肉又夠嫩滑😍仲有個法式芥末蝦球味道好特別！！甜甜地有少少酸都係超級開胃仲有神燈小炒王 呢個送飯真係一流🥰..........另外我哋仲試咗蕃茄牛尾骨牛尾骨燉到林晒加埋番茄少少酸味 真係超級好食👍🏻👍🏻👍🏻..........整體來講呢度環境舒適服務態度好 而且都好有佢嘅特色 佢嘅餐牌同埋茶壺都好靚好特別好有中式、古代嘅感覺🥰鍾意食中菜就一定要去試吓啦！..........神燈海鮮酒家地址：佐敦長樂街14-20號18廣場地下

已經是第三次到訪，每次去都無失望，每次都覺得驚喜！1）蝦多士。必叫！每次都要叫，真係好出色！今次有叫蟹，待應教我地要點蟹膏食！又真係幾夾！2）豬手。大家記得做定會員，做會員有豬手送，初初以為送得既都好細隻啦，點知勁大隻，仲要好好味又多肉！3）阿拉斯加蟹二食。好多肉好多膏，多人食先好，我地4個人岩岩好！待應推薦配個煎米粉配汁食，好食既，幾特別。另外仲叫左個菜埋單大約$1600記得向OPENRICE買定現金券，我三次去都用呢個，真心覺得好抵，不過最唔好就係無得即場買黎用，呢餐我無諗住咁貴，買左$1000既現金券，最後埋單想買多幾張，待應點都話唔得。