神戶屋日韓放題

營業中

休息中

假日和好友到處吃喝玩樂，放題當然不可少。我們選擇了這一家日韓放題試一試。先來看看他們的飲品櫃，有我最喜愛的無糖烏龍茶，實在是太好了。神戶屋日韓放題食物種類有很多選擇！包括日本和韓國料理、串燒、炸物、天婦羅、熟食、飲品、甜品。刺生拼盤，刺身有三文魚、帶子、蟹鉗、象拔蚌及甜蝦等。三文魚油脂分怖均勻象拔蚌新鮮爽甜甜蝦彈牙爽口任食質素不錯壽司也有很多的選擇，花之戀香甜美味，而其他壽司的飯也不會太大不會很飽肚。放題也有炒蜆吃，大滿足。燒烤類我最喜愛的當然是燒菠蘿和大蝦一方面可以減低油膩感，實在是我的最愛。大蝦香甜夠彈牙，可以多吃回本。

在旺角逛完街，肚子餓了友人想吃放題，選擇了這家位於兆萬的神戶屋放題，價錢也蠻親民的。晚市放題座位間距大，坐得超舒服，隱私度高。食物的選擇有日本和韓國料理、串燒、炸物、天婦羅、熟食。刺身擺盤精美，食材夠新鮮。三文魚刺身口感軟滑，清甜。鮑片刺身鮮甜。松葉蟹鉗刺身也很鮮甜。壽司的選擇也很多，有蟹棒壽司、花之戀、黑松露三文魚壽司。燒烤食品也有不少選擇。炒蜆蜆肉鮮甜美味，醬汁也十分惹味。很少地方會提供心太軟這個食物，實在是十分滿足呢。最後還有很多韓式的雪條可以選擇。

鐘意食魚生的我又出動去搵放題🤤🤤行過西洋菜街，瓊華就最多野食了😋😋特別係多放題，位置又方便😝魚生貴精不貴多，我特別點左最鐘意的幾樣😍😍推薦蝦刺身👍🏻放題鐘意每樣都試下呢個芝士焗帶子，鐘意佢香得來唔會俾啲醬蓋哂隻帶子👍🏻壽司值得推介喎👍🏻👍🏻細細件唔會濟而且新鮮好食！黑松露好香呢😍😍呢隻係韓式炸雞🍗！單骨方便食，柚子蜜味，甜左少少炒一口牛不過不失，不過對我們2人來講大份左少少啦，但味道可以的鐘意食炸野的我每次去到最好都會點以下幾樣炸芋，炸芝士！作為甜品咁食！最後點埋個心太軟做ending ! 唔錯！有流心

久唔久要食下放題happy下，貪佢多款式又可以有滿足感今次來到呢間神户屋，因為價錢唔貴，而且望落環境幾好。我們前一個星期book定左位，7點去到嗰陣，待應姐姐好好，幫我們執定一張卡位，位置好闊落，坐得好舒服！Book左位可以有野食送，我揀左海膽，男友就揀左生蠔！😍呢個期間限定，我們揀左壽喜燒上菜時間幾快，等左一陣就有魚生食！賣相係靚ge!一般味道都可以，特別喜歡天使蝦😍仲有帶子都不錯😋食到個胃凍凍地，就差不多係時後食佢個壽喜燒！味道幾好呀！之前好怕佢內有烏冬，但無喎！全部肥牛，加少少菇同菜！推薦天婦羅🍤仲第一次食天婦羅香蕉，味道好特別😆😆炒通菜味道可以，中和下啲熱氣感🤪值得一讚的係服務質素，食到差不多，有個待應過來同我們跟單，睇下有咩未到👍🏻👍🏻

之前去過神戶屋食晚餐放題，覺得好唔錯，性價比幾高，$200頭但有出面300幾蚊放題餐廳嘅質素。我同老公見到lunch time 放題嘅價錢好抵，200蚊唔駛，所以我哋又再返cheuk神戶屋呢間餐廳嘅上菜速度真係好快 ，仲要冇漏單，冇俾唔夠數（特別係刺身嘅數量冇特登俾小幾件個d老套野）,抵讚 最重要係刺身質素好唔錯，溶雪處理得好好，唔會破壞左刺身嘅口感，而且夠新鮮，叫左好幾次先夠喉，而我最推介嘅有三文魚同帶子刺身，三文魚夠肥，帶子夠大粒，出面食過有餐廳將帶子切到好細粒，攪到我要將幾粒放埋一齊食先滿足到口感。熟食都好好味，推介大家食燒雞翼、燒羊架、燒牛舌、牛肋骨，味道好好，而且燒到剛剛好，讚讚讚！！！呢間餐廳好特別嘅地方係一個價錢仲可以打埋邊爐，而且有勁多選擇，有好多種丸、肉、海鮮、菜、午餐肉、炸魚皮等，為左健康起見，叫左啲菜食。最後叫左心太軟做甜品，幾好食，朱古力味濃郁，中間流心，正！總結，食物質素高，價錢平，性價比好高。

昨天5：30左右去食.他是食2小時的.但是食了45分鍾左右就飽了.想等一陣子再食.到了6：30左右他們叫我地last order.我本以為是我看錯時間.或很多人等待,,原來不是.空枱還有大半,没有人等待.我們便再下單叫食物.問我們下了last order沒有之後便給我們收據叫我們食物到齊就去買單.坐多15分鐘左右.他再走過來說你們不食我幫你收拾枱面.我們不想他再問我們.我們7：00便走了我不會再去食//不得不說他的服務真的不錯 還有魚生也是不錯的

同朋友去到旺角依間神户屋食放題(有咁多間放題，我地都係第一次食依間)雖然我地得2個人，但都比間空房我地，寬鬆d，包房！👍🏻我地五點幾就到，所以人流唔算太多！ 不過之後就爆棚，仲有好多人排隊!飲品方面都有幾多選擇，除左有一般果汁汽水，仲有啤酒飲！而甜品方面除左有有一般既雪條，雪米滋，都仲有依d果凍布甸，賣相都唔錯，幾靚，味道好👍🏻餐紙有好多張，食物好多選擇！隔離台係一間公司，有一大班同事聚餐，食得好開心，勁熱鬧！另外野食都好快到！全部食物都黎齊。 (員工會不斷問食物黎齊未，確保不會漏單)而食物質素方面，味道都唔錯，刺身新鮮，好鐘意個一人火鍋，湯底味道濃，配料選擇多。依個價錢，食到依d質素食物都算唔錯，下次有機會會再黎！

價錢合理，但服務費很不合理，服務很差，同其他放題一樣寫紙寫幾多同呢幾多係兩回事， 加上冇叫突然會有，玉子我只叫兩塊，但嚟咗4至6塊，加上冇頭甜蝦我冇叫，泰國生蝦我只叫一隻但就嚟咗六隻。 不過一開波有四隻生蠔加少少海膽我好滿意， 但後再叫要加錢唔係免費， 這個很失望，海膽畀得很少， 枱細，又要搭枱。廚師刀公不錯，炸物也炸得剛好，大部分食物都好食嘅， 但甜品太細。經朋友評級，決定以後不會再來這間再食

兆萬出名多野食，只係放題都有幾間。我地揀左依間神户屋，係因為正當係樓下睇餐廳宣傳版既時候，有幾個後生仔係門口極力宣傳，叫我地上九樓，見到d相又好似幾吸引，所以就上左去。因為係日韓放題，餐廳門口已經係度播韓文歌。點餐係傳統的點餐紙，由A至J，10張，都有幾多野食揀！有好多飲品揀，連啤酒都有！食放題點可以唔食壽司刺身呀！依度d壽司剌身食落都幾新鮮，選擇又多😀最推薦係黑松露壽司，係成個壽司既精髓❤️而打邊爐都有好多選擇，一人一鍋，抵食！

老公前晚突然發口痕話想食放題咁減緊肥嘅我唯有捨命陪君子 同佢暴食一餐未食過兆萬8樓既神戶屋 原來閒日都全院滿座一入座有兩張特別嘅放題紙 首輪刺身及火鍋 仲有一張係訂座優惠 海膽或生蠔 二選一 其他放題紙都總共有9張 都有幾多選擇刺身同海膽都好新鮮 帶子厚切鮮甜 北寄貝象拔蚌爽口 最欣賞有原隻松葉蟹鉗海膽色澤金黃 無腥味 入口即溶 日本和牛壽喜燒 初春食啱啱好牛肉份量超多 加上野菜 食完呢個飽咗六成黑松露帆立貝壽司夠香夠厚肉 蔥呑拿魚蓉軍艦 細嫩多油 可以encore 熱食清酒煮蜆 夠酒香 而且粒粒蜆都肉食 無沙韓式炒粉絲以及韓式牛肋骨 炒粉絲材料豐富 如果可以加辣就更好 牛肋骨肉質軟綿綿韓式人蔘雞湯 真材實料 除咗雞肉飲到底真係會見到有幾條人蔘日式茶碗蒸 蛋香滑無起泡情況 面層櫻花蝦香口芝士燒黃金沙律開邊蝦 溶咗嘅芝士極香 加埋無得輸嘅沙律醬 一兜一隻 呢款必食炸物我最鍾意係榴槤炸彈 炸牛奶 炸雪糕平時比較少機會食到 外邊炸到金黃香脆 內裡全部流心 炸物相對其他放題出色最值得一提 係餐廳服務非常好 店員會主動幫手追單 又會怕我地要等 溫馨提示某啲食物可以早啲落單 整體呢間放題可以一戰

已經好耐好耐無食過放題...最近同朋友係旺角行街...見到兆萬樓下有個好熱情既男仔派傳單..於是就上去食下...反正諗唔到食咩好...👇🏻一出電梯已經見到好大個招牌👇🏻好快就有店員帶我地入去坐...超級滿座...相信應該唔錯👇🏻坐低店員話我地兩個人可以選擇生蠔...或者海膽...或者雪糕...👇🏻我地揀左一隻生蠔同一份海膽...生蠔好大隻...新鮮肥美...海膽亦無苦澀味...👇🏻飲品種類唔算話好多...不過已經夠飲...👇🏻我地可以揀日本和牛壽喜鍋...或者韓式芝士部隊鍋...我地要日本和牛壽喜鍋...滿滿一大堆牛肉...唔似其他放題...分量少...👇🏻食放題當然要食刺身啦...特別推薦甜蝦同三文魚😋😋😋👇🏻另外仲叫左好多熟食...種類好多...全部味道都好好...對於好耐無食放題黎講...我覺得呢間真係算高質...價錢又唔會太貴

同朋友去旺角shopping 行街街，周圍搵野食醫肚仔。行過兆萬有好多人派單張。見到呢間lunch 放題又幾抵食咁喎。上到去都幾多人lunch食放題喎🤭🤭當然要即刻叫啲刺身食下先啦🤗都有幾多款既刺身揀喎！我地就每樣都叫d試下。啲質素都唔差喎！上菜既速度都幾快。仲有得食生蠔添😬每人有一客🤤生蠔都新鮮，幾creamy.芝麻雞翼同炸蠔都炸得好脆。好味！炸蠔唔會話好細粒！榴連炸彈好重榴連味，正呀！我喜歡的有芝士年糕，好多好濃既芝士味呀！很好吃！牛舌，咬落好煙韌。都幾大塊喎。燒菠蘿：一咬很多汁流口，而且好甜。很好吃！羊架，好大塊，起初以為係牛肋骨，哈！食落唔會好大陣羊騷味，都ok！壽司方面都幾好，細細舊咁。最好味係火焰三文魚壽司，燒到好惹味！黑松露油甘魚，味道濃郁，幾好食。野飲就自己出去任揀。呢個價錢都幾抵喎！

今日難得閒日放假。😬家人話想食放題話咩都有得食，多野揀喎！但佢明明戰鬥能力就好差，食得唔多但佢講到話要食，咁當然要順下佢意啦！上網睇到邊間放題好先。俾我見到呢間放題話有優惠好抵食。好似又幾多選擇咁地理又方便，就係旺角。一於就揀呢間喇！😬係兆萬8樓，呢間係日韓放題。一般放題既野都有，仲多左啲韓式野叫添。入座後每人都可揀一份海膽或生蠔食。一份既海膽雖然唔多，但味道都幾仲海水味，唔差。仲可以揀一鍋牛肉壽喜鍋或芝士部隊鍋。個牛肉壽喜鍋都唔錯架，好多塊肥牛，有啲雜菜金菇等等，食刺身壽司凍野食得多，食番啲熱辣辣既野會覺得好啲。食放題唔少得既一大盆刺身，選擇都好多！三文魚，肉質鮮甜肥美！帶子刺身亦好大塊，食落爽口！最好味的刺身：我覺得是赤蝦大大隻，食落好彈牙新鮮！口感相當豐富呀！佢亦有好多壽司選擇。壽司既size唔會話好大，唔洗怕食左會好飽肚！炸物都唔錯，熱辣辣，即炸。我就最鐘意食個炸鮮奶卷，甜甜地，幾好味！食左好多野，食到大家投降了🤭

一般放題以日式食物為主，而呢間因應潮流加入韓式元素，所以吸引我去食，雖然怕肥，但遇到放題咁多食物的確難抗拒，偶然一次半次可以放盡去食。食物種類方面，種類頗多，刺身、壽司、天婦羅、串燒 、熱食等等，任飲任食真係不得了。食物質素方面，整體端來的食物質素保持唔錯的水準，當中我最欣賞的食物:炸鮮奶~外皮香脆酥化，內裏的鮮奶軟滑，唔稀唔杰，入口即溶。一口炸豆腐~ 豆腐頗為辛辣，舌頭還受到刺激，呢個時候有炸鮮奶配搭就最啱喇，因為炸鮮奶嘅甜可以中和到炸豆腐嘅辣，掂。韓式炒粉絲~粉絲質感似水晶狀。粉絲有咬口煙韌而不肥膩， 啲芝麻同黑胡椒味道幾重。韓式燒牛舌~厚度適中， 燒的火侯掌握得不錯，加上有少少紅辣椒更加惹味。今次日韓放題感覺整體不錯，再約朋友來盡情一番。

今晚慶祝朋友🤝生日🎂，大家相約此間放題餐廳🥂，我們到步只見人頭湧湧爆棚👥👥，要等一陣就被安排入座🙋‍♂️，見到其他食客食得開懷，我都想即刻食呢😃。我印象中放題來來去去的食物種類差不多，而這間也是一樣，也是大堆頭樣樣有，百多種選擇令人花多眼亂，那就要看食物質素了，這的刺身鮮味，三文魚🐟、厚燒玉子 🥚、八爪魚🦑 、松葉蟹棒🦀、松葉蟹鉗 、北海道角螺🐚、希靈魚、赤蝦刺身🦐、帶子、吞拿魚、赤貝、甘蝦等，不會將價就貨，只要大胃口的任食唔嬲。💦除了刺身，熱食也不錯， 好似韓國牛肋骨🐃、燒有機菠蘿🍍 、雞軟骨、紫番薯天婦羅🥔 、豉椒魷魚鬚等都是不錯，當中韓國牛肋骨嘅肉質夠腍夠入味👈，一咬溶化，調較的醬汁微微香甜，唔錯。💪一如以往，食放題要做個精明食客，先分配想食的次序同份量比例☺，因為最後要留肚食甜點，這裡甜品夠多，當中我喜歡心太軟，外皮微微硬而內裡流出朱古力心🍫，不太甜，甜嘅程度啱我心水。整體食物選擇多，質素不錯，放題之選。😋😊😋😊😋😊😋😊🍻🥢🍻🥢🍻🥢🍻🥢🍻🥢