影片
更多
2019-05-03
56 瀏覽
想去旺角食飯，又想食刺身又想食火鍋，揸唔定主意，同朋友一致決定去食放題。今次試下兆萬8樓既神戶屋，我地6點幾入到去，餐廳環境唔算大，人手都有6-8個，一排排梳化凳望落都幾舒服，由於時間尚早，所以我地揀到一張卡位坐。一坐低我地就二話不說去左攞野飲，因為一入門口就已經見到有荔枝紅茶，最令我意外既係佢地有takara荔枝酒！對於荔枝愛好者既我真係一大bonus，所以今次食飯我淨係飲左呢兩種野飲。點菜紙有火鍋、壽司刺身、串燒、沙律…想食既幾乎都有，每人仲可以點一份生蠔or海膽刺身or韓國雪條，本來我就對兩樣生野都麻麻地，但佢列明係空運直送，我同朋友起初都有啲懷疑，所以就每樣點一份試試去。好快就送左上嚟，色水望落都不錯，生蠔係真心覺得甜，同埋都好滑，意外地新鮮，對於唔係太好生蠔既我嚟講已係滿分！火鍋方面我地揀左壽喜燒，夠味得來不會咸，細細地一鍋已經滿足左我朋友想打邊爐既慾望。刺身方面亦有齊我想食既野，大粒帶子、松葉蟹柳、象拔蚌…蝦仲要有甜蝦巨赤蝦天使蝦同泰式生蝦四種咁多，對於愛好食蝦刺身既我真係覺得好爽～第二樣令我覺得意外既係佢有幾樣小菜簡直係直迫大排檔，非常有大排檔避風塘既味道，啲蒜香同辣椒…
一坐低我地就二話不說去左攞野飲，因為一入門口就已經見到有荔枝紅茶，最令我意外既係佢地有takara荔枝酒！對於荔枝愛好者既我真係一大bonus，所以今次食飯我淨係飲左呢兩種野飲。
點菜紙有火鍋、壽司刺身、串燒、沙律…想食既幾乎都有，每人仲可以點一份生蠔or海膽刺身or韓國雪條，本來我就對兩樣生野都麻麻地，但佢列明係空運直送，我同朋友起初都有啲懷疑，所以就每樣點一份試試去。好快就送左上嚟，色水望落都不錯，生蠔係真心覺得甜，同埋都好滑，意外地新鮮，對於唔係太好生蠔既我嚟講已係滿分！
火鍋方面我地揀左壽喜燒，夠味得來不會咸，細細地一鍋已經滿足左我朋友想打邊爐既慾望。刺身方面亦有齊我想食既野，大粒帶子、松葉蟹柳、象拔蚌…蝦仲要有甜蝦巨赤蝦天使蝦同泰式生蝦四種咁多，對於愛好食蝦刺身既我真係覺得好爽～第二樣令我覺得意外既係佢有幾樣小菜簡直係直迫大排檔，非常有大排檔避風塘既味道，啲蒜香同辣椒…睇下啲相就明我講咩！
最後要讚既係當有個男waiter聽到我問朋友有無紙巾，佢就好有效率地遞左幾張紙巾同濕紙巾俾我，服務👍🏼，大家快啲卜位試試去！
4 瀏覽
0 讚好
0 留言
張貼
