影片
更多
2019-05-14
71 瀏覽
9點收工約左同事一齊食放題一黎就叫左嗰刺身，好多款任揀，三文魚、海膽、松葉蟹、帶子、象拔蚌，全部都好鮮好正熟食方面，比起其他放題有更多嘅選擇，日式韓式同中式都任君選擇。佢嘅羊鞍燒得好嫩，調味啱啱好，仲有少少薄荷醬。呢個蓮藕牛柏葉好有四川風味，算係中辣，如果你係鐘意食辣就真係要試下，好入味尤其係啲蓮藕。識食嘅就一定要叫燒蝦同燒菠蘿，燒左嘅菠蘿係特別甜同埋多汁蝦好新鮮，唔痴殼。 嗰焗帶子啲汁調得好好，我忍唔住要再encore🤘🏻🤘🏻🤘🏻燒牛舌就淡左啲，唔係好夠鹽但嗰期間限定嘅日本和牛壽喜燒就真係好正。嗰湯底好正又夠甜，啲牛就勁肥美欣賞佢地唔會落太多味精，食完唔會口渴。仲俾左兩隻新鮮雞蛋🥚馬上俾我煮成溫泉蛋啲炸物值得一讚就係唔會炸到勁深色，炸雞翼同炸鮮奶都好正。最後一定要題嘅就係呢個朱古力心太軟，雖然唔係流心，但真係好鬼正，因為係熱辣辣，一定要叫呀如果你愛朱古力性價比好高，又唔會漏單好滿足，場內大部分都係卡位，食得舒服d😌
熟食方面，比起其他放題有更多嘅選擇，日式韓式同中式都任君選擇。佢嘅羊鞍燒得好嫩，調味啱啱好，仲有少少薄荷醬。
呢個蓮藕牛柏葉好有四川風味，算係中辣，如果你係鐘意食辣就真係要試下，好入味尤其係啲蓮藕。
識食嘅就一定要叫燒蝦同燒菠蘿，燒左嘅菠蘿係特別甜同埋多汁蝦好新鮮，唔痴殼。 嗰焗帶子啲汁調得好好，我忍唔住要再encore🤘🏻🤘🏻🤘🏻
燒牛舌就淡左啲，唔係好夠鹽但嗰期間限定嘅日本和牛壽喜燒就真係好正。嗰湯底好正又夠甜，啲牛就勁肥美欣賞佢地唔會落太多味精，食完唔會口渴。仲俾左兩隻新鮮雞蛋🥚馬上俾我煮成溫泉蛋啲炸物值得一讚就係唔會炸到勁深色，炸雞翼同炸鮮奶都好正。
最後一定要題嘅就係呢個朱古力心太軟，雖然唔係流心，但真係好鬼正，因為係熱辣辣，一定要叫呀如果你愛朱古力
性價比好高，又唔會漏單好滿足，場內大部分都係卡位，食得舒服d😌
張貼
