神戶屋日韓放題

營業中

休息中

試了很多間不同的日式放題 覺得這間放題的各種食物都很一般 食物種類不多 飲品選擇少 甜品的選擇也不多 好啦 入正題啦 首先我是預定了晚上七點半吃的 由於當天是星期五 人數眾多 所以八點才正式入座吃東西 等了半個小時而已 好閒姐 喜茶都要等兩個小時啦 😆食物種類不多 所以也不怎麼評價啦 唯一想評價的就是枝豆 枝豆端上來是熱的 是熱的 是熱的⋯ 很重要 很驚訝 所以要說三遍 真的是會冒煙的那種熱⋯然後後面很多的食物都很失望呢 還有就是覺得有些搞笑 有些兒戲 AB代表工作人員 A：喂 哩樣嘢邊度嘎？B：唔知喔！然後經過我們 就把食物放給了我們 剛好我們有點 所以就沒多說什麼 綜合以上各種 都覺得這次是不錯的嘗試 但只可一 不可再 希望食物 服務都會有改善 不過我就沒有機會見識啦⋯完

泥到旺角兆萬食放題，價錢相當公道！因為呢度除左可以任食刺身壽司同熟食，仲可以享用埋韓式部隊鍋🥘兩小時任食，一共有二百款食物😛----一坐低就即刻開始用準備左嘅紙仔點菜，開頭梗喺要瘋狂食刺身啦！叫左咁多嘢都泥齊晒，三文魚同甜蝦都叫左幾十片，三文魚夠厚肉，甜蝦夠鮮甜😬因為我地喺預先訂坐，所以有訂坐加推嘅三選一，除左生蠔、韓國雪條仲有產地直送嘅海膽刺身，海膽幾好食，鮮甜帶甘👍🏽至於韓底部隊鍋就好足料，平時食開嘅材料都有齊晒👍🏽加埋芝士即刻變人間美食！----熟食炸物都值得推薦，韓國一口芝士同黃金牛油焗粟米都好好味，可芝士皮夠脆夠熱，入面芝士味超濃，牛油粟米甘甜帶牛油香

瘋狂食刺身朋友想食放題,就訂左神戶屋同佢係星期日放鬆下, 傾下計! 一去到, 店員就帶左我地去坐卡位, 好開心! ☺☺☺ 未夠7點就已經坐滿晒人, 好彩有訂位! 枱上面已經放左3個小食 (泡菜, 螺肉同中華沙律) 同埋3個醬料俾你點炸物一開始拎晒咁多張紙出黎睇下有咩想食, 2個人係咁寫寫寫, 終於可以落單啦😎!!! 我地落完單就去拎野飲, 有好多款既汽水, 啤酒, 果汁同韓國飲品, 選擇都唔少!佢地上菜速度勁快, 落完單冇幾耐就開始上菜👍提早訂座仲送海膽/生蠔/韓國雪糕, 每人簡一份, 我地2個都簡左海膽, 海膽份量都唔細, 都幾新鮮然後就係我地最愛既剌身😍😍😍!!! 全部都勁新鮮好食!!! 蝦刺身都有4款, 仲有松葉蟹棒同松葉蟹腳! 食完真係勁滿足!!藍鰭拖蘿蓉軍艦同鰻魚壽司好味茶碗蒸同溫泉蛋, 落左好多櫻花蝦 我地仲點左d 炸物, 勁多芝士炸物, 岩晒我哩d芝士控😋仲有好味既牛舌同燒扇貝食完仲有好多款雪糕簡, 好滿足!!!!!!!! ☺☺☺

當約朋友出黎聚舊但食放題又驚限時間食太少可以選擇食間，因為只係網上訂座買優惠券就可以由中午12點至6點都可以任食，再送埋6隻生蠔同每人一條韓國雪糕或雪條。不過我地一去到仲未開門，所以等左一陣員工都肯安排左座位俾我地坐先，但俾個前菜雪得太凍了，所以去左拎野飲。因為時間充足都等埋個朋友先落單，一上黎既三文魚同其他刺身都雪到冇晒味道，跟住改食手握壽司就好食得多了。熟食方面太咸同太油因此都好少食，之後食埋個打邊爐就夠了。

以為經openrice訂coupon，晚市可以55折食幾抵，到現場發現係真係伏，大伏以往都係openrice cd-rom，但第一個食評+負評係俾依間餐廳嘅，因為就係唔想有咁多無辜嘅人中伏🐷🐷我食嘢唔醃尖，但都唔會塞下等食物下肚我知便宜冇好貨，可是都唔好俾咁差嘅食物、環境俾客啦係咪🙄原價300幾點都有返咁上下水準啦係咪？冇咁大個頭就唔好笠咁大頂帽，coupon描述吹噓到同埋加加埋埋嗰服務費，其實我不如去食牛陣、炑八啲晚市放題好過？食物質素份量、環境等點都好過依間可能唔熟兆萬中心，兜咗一大圈先到餐廳嗰場細到O嘴份量少之餘，嘢食質量都係一般般🤢好似食緊垃圾咁送餐係快嘅，但快唔係一間好餐廳最主要嘅因素算啦，以後都唔會幫襯有圖有真相，俾大家睇睇嗰新鮮生果嘅份量：0）

實在太耐無食過放題喇，今日突然搵埋朋友一起去旺角兆萬中心搵野食! 大家都知兆萬中心有好多食肆，臥虎藏龍，今日決定到8樓一探究竟! 來食放題點可以無刺身拼盤!一上盤時實在太驚喜了，唔單止無漏單，望落又多種類又新鮮! 個人最鍾意「激巨 赤蝦刺身」新鮮鮮甜好味! 讚! 珍寶帶子刺身亦相當大粒好味!日式茶碗蒸蛋第一次食到茶碗蒸蛋會擺櫻花蝦上去，而且份量絕不客氣，櫻花蝦的咸香搭配茶碗蒸蛋的清新，兩者融合得剛剛好!日式溫泉蛋原來呢種連日式溫泉蛋都會放櫻花蝦，又係另一番風味! 好食!訂座加推的「直送海膽刺身」每位限選一份的訂座加推，無腥味, 清新易入口! 爽呀!藍鰭拖羅蓉軍艦好少放題會有得食拖羅蓉，梗係點都要嗌碟來試下啦! 食落都有驚喜，好食!當然仲有芝士年糕、人蔘雞湯、麵豉湯、炸豆腐、芝士扇貝等香口小食啦! 2個人埋單都係$526, 抵!

去到西洋菜街最好就係去兆萬搵嘢食，神戶屋放題位於旺角兆萬中心8樓，上日星期同朋友去咗食，覺得都唔錯上到去坐好之後，當然係點左嘢食先，限時放題最怕就會上菜慢，但係依間放題上菜好快，落左單無耐啲嘢就陸續咁黎。第一樣黎到嘅係一大盤嘅刺身，依度啲刺身除左三文魚同蝦，仲有松葉蟹鉗、海膽、象拔蚌刺身，呢盤嘢除左外觀一流之外，全部都好新鮮，連平時最怕有腥味嘅帶子、海膽都鮮味十足！除咗刺身之外，依度亦有其他值得推介嘅嘢食，比較喜歡呢度啲卷物、壽司、迷你手卷，份量唔大，唔會食完飽晒，食唔到其他嘢。另外，燒牛舌、雞肉串、鹽燒海蝦都好高質，忍唔住食左幾round。店裏面嘅環境光線充足，座位唔算好闊但係都坐得舒，枱同枱中間嘅距離都好闊，都係一般日式放題嘅價錢，但總體黎講質素都唔差，值得約朋友去依度聚下餐。

身邊總有個鍾意食放題的朋友，見openrice可以用優惠價$179/人 6小時放題，想也不想就買左。餐廳主打日韓放題，入座先知仲有火鍋提供，有兩款選擇- 日本和牛壽喜燒 or 韓式芝士部隊鍋， 作為和牛控，當然食前者~餐廳食物選擇真係多不勝數同時又涵蓋日式及韓式，有刺身、串燒、鐵板燒、炸物、一品料理、火炙壽司、手卷等等，數之不盡。為左值回票價，我地主攻幾款食物。不得不推介刺身，新鮮肥美，款式又多，三文魚、松葉蟹鉗/蟹棒、象拔蚌、希靈魚等，食左兩round，都仲好想繼續食。另外叫左炸物-吉列廣島蠔、蝦卷、仲希我最愛芝士年糕，款款熱辣辣，又好味！仲叫左火炙壽司&黑松露壽司s，份量的式，一口食完，好prefect，因為咁先可以食更多。飲品有汽水、啤酒任均選擇，一個午餐已經食左晚餐分量，真係大滿足😀

星期日約朋友去神戶屋食放題，諗住少少去可以做第一個客人，豈料已經兩三枱客人坐定定食野，真係好旺場。餐廳環境都唔錯，店員有禮貌，上菜速度都幾快。食物款式多樣化，驚喜位有首輪刺身點餐紙優先，經網上book位仲可以order生蠔/海膽一份，計番真係好抵食。呢度刺身多款又新鮮，件件厚身，又夠鮮味，尤其三文魚同北寄貝，三文魚食正魚腩位，魚油脂香，北寄貝又夠爽口，象蛂蚌亦都好爽口彈牙。 訂座而叫左海膽，出奇地新鮮又唔腥。另外仲叫左芥辣八爪魚軍艦&拖羅蓉軍艦，芥辣好攻鼻，好鬼正斗。食完凍食，就食番點熱食暖暖肚，叫左份焗雜菇仲有韓式炒粉絲，帶有少少辣味都唔錯。再食埋個和牛壽喜燒，雖然係一人鍋，但內有好多肥牛及野菜，熱辣辣夠暖胃。

今晚突然想食放題，見朋友之前有介紹過神戶屋，就上咗去兆萬嗰度食，上到去都要等一等位唔係即刻有，都坐到幾爆，不過唔係等左好耐，大約10分鐘左右就有得坐低，呢度啲枱唔算太密，都有足夠嘅空間坐同埋行出行入去攞嘢飲。坐低左之後，侍應姐姐好好咁同我地介紹我哋有啲咩選擇，原來我哋每人可以揀，總之有海膽又有生蠔又有個壽喜鍋，刺身嗰度佢仲問我地究竟我哋自己揀好定係比一盤刺身我哋，總之啲服務我都覺得幾滿意。食物方面，嘢食都唔錯嘅，見到佢個魚生拼盤就知道，我個人來講都幾鍾意食壽司，呢度嘅壽司同魚生款式好多，淨係個刺身拼盤都差唔多有10樣嘢揀，壽司除咗款式多之外質素都唔差。如果係都要講一個缺點，就係佢個雪糕糯米糍冇荔枝味囉，剩係得芝麻味

同朋友捐完血，佢就話要補一補返，於是就去捐血中心後面嘅兆萬中心食放題不過咁多間，點揀呢？我就同朋友講，就揀最熱心派傳單嘅姐姐個間，於是就上左去神戶屋啦~上到去見到好多人排隊，好彩，我去嘅時候未算太繁忙，等左10分鐘左右就有位~等位期間店員俾左Menu我揀住先，所以感覺都好快入到座！話明日韓放題，一坐低就好低韓國餐廳咁有前菜，不過係日式前菜我最鍾意佢有「首輪刺身紙」，的確比第二輪嘅刺身上得快好多，啱曬心急嘅香港人，可以一面食一面點其他野！款式都算多，最特別嘅係有火鍋選擇，如果成班人一齊食，就可以滿足曬「邊爐族」同「哈日族」嘅要求啦~食親放題都唔會有太高嘅期望，不過呢間嘅刺身又OK wor，唔似一般放題質素厚切三文魚好滿足！珍寶帶子真心讚！激巨赤蝦刺身必食！有頭甜蝦夠彈牙！炸物精選榴槤炸彈~榴槤控恩物！外皮脆口，裡面軟淋淋，一咬開成陣榴槤飄出黎~~~日本香芋丸超濃沃香芋味，好似芋頭奶咁濃~日本芝士年糕外層黏韌，加埋流心芝士~正~迷你炸雪糕其實應該叫炸雪米糍，如果熱d嘅話，我相信係好食嘅，不過上到枱即刻食都已經凍左....我知炸物係多左d，不過我真係鍾意食麻~講返火鍋先，一入座可以揀一個限量

呢日同朋友兩個人來左呢間神戶屋食放題，位置幾方便，兆萬。門面就係呢個，有d OnePiece既畫正la入到去之後，因為我地預先book左，所以唔洗點樣等就入座lu。裡面唔係好大，裝修都唔係好華麗，不過都唔會話好逼唔舒服咁樣。裡面有d裝飾，不過我覺得可以更新一下XD 依家三月睇落都有d聖誕feel不過呢個唔係重點啦，重點係食物！咁就開始講下d食物食物種類都好豐富，有A-J。飲品就起飲品區自己揀。店員好熱心幫我地落單，仲問我地要唔要刺身拼盤，即係會幫我地揀好一大盤，唔洗我地自己慢慢落單。店舖推介比我好似又幾好，就要左個拼盤。有幾種蝦、蟹、三文魚、螺肉、帆立貝之類既，幾豐富，點餐紙上面仲有其他，例如希靈魚。因為我地預先book左位，所以有額外送生蠔食個蠔好正，而且唔會有怪味，最驚d蠔有怪味～另外有張點餐紙係鍋物，我就叫左個和牛壽喜燒。裡面有幾多菇同牛肉，唔錯話明日韓放題，所以我地都有叫左d日韓風既熟食，辣牛柏葉，燒帶子好香不過係幾辣XD 仲有天婦羅雪糕，天婦羅炸蝦之類。放題緊係有壽司啦！ 有火炙壽司，唔係講笑，呢間放題d飯幾好食，一個壽司好唔好，飯係好重要既～另外仲叫左d瑞士雞翼，各種炸物，

第一次帶屋企人出來食放題 見到 食評好多 先booking 點知！8:00入座 叫10樣黎5樣 頭盤係黎得好快但唔係黎足 之後半個鐘啲野都冇黎過 之後再吹佢地 都係冇反應 之後得番半個小時就同我地講Last order 之後X佢地先比番啲野食 仲要都係黎唔齊 。食物質素一般 刺身比較無味 刺身下面太多冰又易溶化 令到刺身個口感有所減分 刺身食材分數中等 如愛食刺身的朋友可以多點 但要快吃 感覺易變壞。炸物算可以 熱但分量小黎唔足 雞翼為例 叫10只會比6-8份量。火鍋也還可以 食材黎唔足 但湯有味的 不要太高要求。其他熟食都一般拉 不會太差 但是如果想食物快啲黎要多啲催促先會黎食物種類還可以 但不好食👎 價錢算中等 但不會再去食 希望會有改善🤔

係兆萬食放題會中伏已經唔係新奇事，但見哩間有幾多好評就去試下，點知......先講刺身，黎嘅同我叫嘅數量根本唔同，三文魚好似唔要嘅餸頭餸尾，碎濕濕，八爪魚片淡而無味，唯一鮮味啲係帶子，其餘甜蝦虎等等都毫無鮮味，一個字，淡到手握壽司同卷物，初頭見到咁多選擇都有啲期待，點知先係散收收嘅壽司飯，輕輕夾起都會跌番半舊落黎。卷物上面嘅裝飾，例如蟹子，都係好隨意咁散，賣相都好馬虎，以當時根本未爆場嘅情況黎講真係心諗：洗唔洗咁hea😓熟食方面，上菜速度幾快，落單唔洗好耐就有野食。熟物比刺身壽司好，要讚係天婦羅同炸物，皮薄入面熱辣辣，一口芝士同天婦羅多春魚係推介，其餘就正常不過不失。一品料理嘅牛舌同和牛粒就好伏，和牛粒超多筋，咬落好un，牛舌好霉，咬左啖就唔敢再食喇！最後諗住有啲甜品慰值下，但選擇好少，得啲一杯杯自製甜品同幾款雪糕，只好選擇一定唔會伏嘅牛奶樂。就連飲品都cheap到咁，點搞？除左上菜快同服務員態度幾好之外，真係諗唔到咩原因要黎食了......🤢

朋友食生日飯都唔知去邊間餐廳食好，佢又鬼死咁大食，所以揀咗間放題就最啱佢！上網睇到呢間餐廳啲評價唔錯，見到個價錢又唔係10分貴，所以就book左上去食！好彩都冇令我地失望。食放題我最着重嘅就係刺身嘅質素，我哋一入咗座，侍應即刻幫我地落單，服務好好。冇幾耐就俾咗一盤刺身拼盤我哋！呢度好就好在你叫幾多佢真係比足你㗎。淨係呢一盤刺身已經值回票價。入面有生蠔，海膽，帶子，三文魚刺身甜蝦刺身等等不能盡錄。食物質素冇因為數量而下降，反而可能因為去貨去得快，所有刺身既質素都好好。至於壽司方面，我鍾意佢嘅份量細細舊，可以試吓其他唔同種類呀嘛。個芒果同埋牛油果軟殼蟹壽司做得好出色，我連續叫咗幾round ！至於熟食方面佢哋都做得好出色，種類選擇多不在話下，我影咗哩二個係滷水雞翼同埋炒飯係我覺得值得推介嘅熟食！雞翼整得好入味，另外個炒飯炒得啲飯好軟熟同埋因為佢用珍珠米！正呢一款避風塘炒魷魚都好出色，嗰張執識落唔會太難有啲似我哋喺大排檔食到嘅炒鮮魷咁樣。呢個我都叫咗兩round啊！最後值得一提嘅係呢度嘅燒物都好出色，我哋叫咗呢一個鹽燒大蝦好新鮮，其實燒物最緊要係材料新鮮，我認為呢一間餐廳嘅用料幾好好，所以可