睇到呢度好評如潮 就book左下午同朋友黎慶祝佢生日 第一樣呢度環境好乾淨好舒服樓底又高 第二樣員工態度非常誠懇親切 唔知係咪開係酒店入面，服務無得頂😭 第三樣食物質素好高同份量好大，性價比滿分💯 朋友對呢度都讚不絕口，唔捨得同人share要自私食窩😂 果d零裝修又逼又焗無服務又貴又唔好味既所謂cafe情何以堪... 最後，希望最近疫情唔好太影響wallisit生意 咁好既餐廳一定要bookmark！滿分呀😍

今日帶朋友黎諗住食黃店，中左伏 一行七個人去試lunch set 黎個蘑菇湯傑傑地無乜味，係鹹囉 有人叫黑松露闊條麵，都係無乜味道 朋友叫白咖喱豬扒飯，個飯好硬，d肉係凍既，佢食左兩啖就放棄左 另外有叫番茄意粉果d，都係話無味 一出門口，佢地不約而同講左聲「好貴啊」😂 埋單大概$80一個人，食唔飽...我地去掃街先啦😪

最近多左番大角嘴，發覺開左好多好多食店 琴日就黎富榮試呢個 茶星人 點左奶蓋烏龍茶，特登+$6轉《海鹽特濃奶蓋》 仲係走左冰既，500ml中杯 但飲落無乜茶味，奶蓋好薄，都係無乜味 飲完有d唔滿足😅 希望之後可以越黎越好啦👍🏻

諗住去食，就遇上紅雨😅 觀塘碼頭又有d隔涉，擔遮都行到全身同個袋都濕曬 個觀塘碼頭街市外觀都幾殘舊，走入去有少少冒險既感覺 一上二樓就見到拿督啦，裝修幾別緻， 幾欣賞佢d相同畫既mix n match，有種唔係香港既感覺 三點鐘，好彩未關門 🕒 叫左福建雞扒蝦湯麵 加 怡保雞雜 姨姨好熱情招呼，叔叔又好有禮貌 個麵一黎，夾一夾， e無蝦係入面既，蝦殼都無啵～ 唔理啦！飲湯先啦梗係！ 🦐諗住會有濃濃蝦味湧出黎 點知，一啖入口....超咸😂完全無海鮮味 摻摻份量都比較少，扒左兩啖就食完左。 反而份雞扒好大份，可以食到尾。 雞扒唔知係咪碳燒既，好香好正👍🏻 雞雜好爽甜，個醬都係甜甜地，好啱口味 我自己一個食曬，好滿足😌 雖然我最愛既蝦湯麵佢做得麻麻地 但呢度人情味濃厚⋯⋯板娘同大家有傾有講 態度係絕對可以搭救食物既不足架 所以我會再幫襯，下次帶埋朋友黎試喇沙黑撈先😊

裝修幾得意，但好大塵唔係好敢掂d漫畫😅 嘢食真係好一般，份量又細，塊豬扒太薄炸到硬曬，食到個嘴損左 加埋小食，百幾蚊一個人，都係食唔飽😂 觀塘咁多台灣嘢，呢度去一次夠嚕。

一朝去新蒲崗攞嘢 順便掃黃 睇到好多人對呢度好評 所以過黎試下 店鋪窄長方形 最入面可以坐下等 店面幾乾淨企理 廚房入面就亂d 兩個人踢曬腳 叫左杯堅果奶蓋火龍果 原本想試伯爵朱古力 但食完野驚太飽 飲d水果汁中和下😂 個奶蓋既nuts味好濃烈👍🏻 佢似舊式奶油蛋糕d奶油 痴住個喉嚨 會起痰 扒兩啖還好 再食多兩啖好膩...😖 好彩下面火龍果清清甜甜 如果飲朱古力應該好大獲😂 飲完我行左一個半鐘消化 諗起都仲有少少反胃感覺😅 建議大家要叫例如芒果呢d比較酸既平衡番 如要再幫襯 要隔一段長時間等自己唔記得個油膩感覺先得了

我好鍾意食雲南菜 可惜係香港無咩正宗雲南餐館 基本全部係米線米線同米線😂 難得搵到一間有餌塊同乳餅呢d地道雲南小食 我興奮到前一晚失眠！ 豆花好滑 小辣惹味 $32幾抵食 我唔鍾意食米線 就將米線轉做餌絲 形狀同味道都好似金邊粉 個乳餅超好食啊😭好感動啊⋯⋯ 我朋友都超不絕口～yummy 仲有杯木瓜冰，好似愛玉冰咁～ 其實雲南菜有好多種類 蔬菜水果都好新鮮清甜 好多我地都未聽過未見過 煮法又特別 希望將來可以見到香港有雲南菜館啦！

雖然住得好遠，但有機會去附近，都會去幫襯。 望住個蛋包飯，係會有想流淚既感覺😢 好似好簡單，但係又好溫馨，有d住家菜既感覺，仲會令人覺得去左日本一樣，點解既呢🤔 帶個澳門朋友去過一次之後，佢超級鍾意❤️ 發夢都叫住好好味啊～～～～～😂 然後次次黎香港都要去食！帶曬d朋友去喔！ 成日想試下其他飯，但去到又忍唔住食咖喱蛋包飯😖 要叫多幾個朋友去share食先得 希望疫情之下，無對生意太大影響...... 鋪頭可以保持水準，生意興隆！

琴晚同朋友去飲嘢傾計，個女人（唔知係咪老闆娘）同我朋友講坐到七點要交檯，我地一路傾傾傾，朋友知道過左七點，但佢見個女人無過黎叫我地走，就繼續傾計，亦無覺得要話我聽個限撤令。 到八點個女人突然好嬲咁過黎話，「我俾你地坐到七點，依家已經八點幾啦！你知唔知我外面走左幾檯客啦！」我就話「噢...我唔知原來要走...」女人：「我一早同左你個朋友講七點架啦！🌚」朋友好無奈，因為見個女人無再出聲就諗住可以繼續chill，而塊白色屏障都擋住我地根本睇唔到外面。我地係咁say sorry，當我地起身走既時候，個女人同另外個男人兩個係黑曬面，一句多謝都無講，個男人仲要bear住我地........... 飲食業服務業，態度勝過一切，你覺得我地阻住你做生意，可以有禮貌提醒，唔係黃就可以臭串，你唔憂做你好嘢，但我都唔會再叫身邊朋友幫襯 😊

琴晚同朋友去食晚餐，隔離一對外國夫妻坐低左同隔離檯傾左20分鐘計先幫佢地量體溫。 兩個女waitress長期企係鋪頭深處傾計好難先叫到一次出黎 叫個starter手撕豬肉tapas，d豬肉又孩又硬； 朋友叫左三文魚扒點知黎左三文魚卡邦尼意粉，不過份量幾大； 我叫左雜菇義大利飯，都幾大碟，但有幾粒菇未熟又有幾粒炒穠左。 話就話係義大利餐廳，食d嘢又北京烤卷又burger，其實都係普通西餐廳咁解。 然後全程我都望住地下隻小強爬黎爬去... 結論：試一次就算，唔會再去😅