牛県

營業中

休息中

經過我個荃灣地膽好友介紹下，😋佢話呢一間嘅評價幾好，👯‍♂️長期都會有人係門口到等緊位，而且食物質素高，服務又好，講到唔食唔得。🧐今日就過左黎呢邊試下，星期日晚上時分，真係有7-8個人係門口等緊位。😳但係佢table turn over 得幾快，我等左十分鐘左右就有位了，⭐️建議黎食嘅朋友可以☎️打電話黎訂位。佢個餐牌好簡單，揀好想食嘅款，份量，配汁呢d基本野，⬆️之後就可以揀追加項目黎升級個套餐了。👍🏼除左欣賞佢可以俾我揀份量200，300，400g之外，我仲好鐘意佢地自己調出黎嘅醬汁，😍特別係阿根廷青醬，有時食牛肉肉感重嘅時候，配上呢個🌿清新嘅青醬，好味又開胃。⭐️上腰西冷👍🏼個板好熱，塊扒黎到嘅時候外面就熟左，裏面就仲係生，由於西冷比較薄，所以佢好容易控制個生熟度，至於個肉味就係高水準，而且佢個脂肪比其他多少少，但肉同脂肪比都平均，所以食落個肉感都幾好！😋⭐️牛側腹扒❤️一黎到個陣嚇親，因為佢好厚身，好似好大舊咁。佢個脂肪比例冇西冷咁多，鐘意食肉嘅一定要試，🤤佢啖啖肉得黎，肉質好軟！追加五選三升級做套餐都係$30！我地兩個都升級左，叫晒五樣！😝⭐️湯⭐️沙拉⭐️薯條😍推薦薯條🍟！好脆又粗！⭐️飲品⭐️飯

同大少放假冇咩做，就車左去荃灣激安行下😆行完都冇咩買嘅😅咁就行返出去搵嘢食啦🙈荃灣出名都係多好嘢食嘅，我冇刻意去搵，順其自然行到邊睇啱就食啦😆點知又比我哋好好彩揀咗間好嘢一入到去，店員唔係第一時間比餐牌，而係比個信封我哋放好口罩，店員話唔想大家因為食餐飯而浪費左個口罩☺️又有搓手液提供👍🏻.牛側腹扒 200g $128呢個係店員大力推介下叫咗嚟試😁脂肪較多，所以食落有陣油香，肉質較為有咬口，呢個唔好煎太耐丫，會好難咬的.上腰西冷 200g $118呢款牛味較油，肉質較腍，煎耐少少都ok嘅但因為我唔太喜愛食太熟嘅牛，所以一上枱後，就好快手切件後略煎到3至4成就放喺碟慢慢品嚐😋

又係荃灣出沒 晚餐想食牛但又唔想做邊爐家族2.0行下行下行過「牛県」見門面都幾有feel 睇真啲原來係主打近年好流行嘅石燒牛😍最鍾意佢可以自己揀食多200g 300g 400g任君選擇唔會做成浪費 同時又划算左😂小編跟友人都每人加左$30轉套餐每份套餐可以搭配五選三(飯、薯條、湯、沙律、汽水)樣樣都想試下 所以每款各一😋日本米飯好食就唔再講重點在細節「牛県」嘅飯仲有灑上飯素㗎！薯條新鮮炸起好香脆麵豉湯都好足料 有兩隻蜆 加強鮮味田園沙律配柚子醋 正常另外一讚係店家提供圍裙俾食客好貼心更窩心係 用餐後送上濕紙巾清潔電話油漬😊又有提供清新劑噴香衣物至於防疫方面 見到有擺放搓手液 令小編好放心埋單仲送漂白水咁有心嘅店主 無私同食客分享資源 好難得👍🏻值得支持上腰西冷 200g ($118)牛側腹扒 200g ($128)配紅酒牛肉汁、阿根廷青醬想肉味更出 沾前者想醒胃醒神 清新感覺 沾後者熱辣辣上枱石燒嘅滋滋聲好療癒😆肉上枱時目測大約一成熟生熟度可以隨喜歡自由發揮 建議先將扒放離開石板再小塊小塊煎😍更容易控制生熟度將肉燒至5成熟兩款肉解凍做得好 無雪味西冷係較為有咬口食落牛味好濃 肉有咬勁

未夠7點已經滿場，好彩我地6點就到，唔係就要等位🤨🤨 睇餐牌有7款唔同牛嘅部位可以揀，職員會好主動介紹唔同部位嘅特點俾你聽，有啲油脂豐富啲，有啲就牛味重啲，任君選擇。 每塊扒都會放喺岩石上面，由廚師用封煎方法煎至一成熟，鎖住肉汁，生熟程度又食客自行決定😛😛我比較鍾意有啲油香嘅部位，所以我就食牛側腹扒 200g ($128) 加$30就有五選三套餐（飯🍚/薯條🍟/湯🥣/沙律🥗/飲品🥤 ）唔好睇少200g，食完相當飽🥰 牛側腹比起西冷冇咁爽，但油脂較為豐富🧐同行朋友就食西冷，同樣200g 但就$118，牛味比較濃，肉稍為實啲，經封煎方法鎖住肉汁，配埋廚神特製紅肉牛肉汁，好夾👍🏻👍🏻至於湯方面，有別於普通嘅麵豉湯，佢係加埋蜆肉落去煮，份外鮮甜🥣無講裝修，服務態度定食物質素都好值得回頭，唔怪得我食食下都聽到隔離枱話係第二、三次返嚟食🤣😍

呢期經常同老公去荃灣行街，差唔多好多餐廳都食過晒，但係行行吓又見到呢間食牛扒嘅餐廳，因為可能地理位置唔係咁好底下，所以可能比較少客人知道呢度有間食牛扒嘅餐廳，就決定同老公入去試吓，入到去環境裝修得好有格調，感覺舒服，氣氛不錯，而且店員服務態度好好，客人亦都唔算太多，所以都唔會坐得太迫，同老公一人一份牛，因為我哋太鍾意食牛，我就叫咗小牛樓，因為店員話小牛樓比較軟身好啱女士食，脂肪比例亦都唔算太多，而老公就叫咗一份上腰西冷，肉就比較實少少，但就好有咬感，而你可以選擇單點，又或者叫套餐，因為我怕食唔晒嘅關係，所以老公就叫咗一份套餐，而套餐有嘅嘢就係一碗白飯，一個麵豉湯，同埋一份薯條，呢啲野我哋都可以share嚟食，麵豉湯都好有誠意，因為佢裏面有蜆肉，而且薯條應該係即叫即整，因為嚟到都仲係熱辣辣，脆卜卜，非常之咁好味，如果你驚食牛食得太油膩的話，建議你叫一份套餐，送客白飯去吓油膩感，會更加開胃，整體而言不錯，有機會都會再黎幫襯👍🏻👍🏻👍🏻

鐵板牛扒食得多，1成上枱再自己切開煎嘅都係第一次，有gimmick!我地二人行叫左兩個餐，價錢相宜。上腰西冷肉質juicy軟熟，牛味較濃。小牛柳都juicy,牛味比較温和，但因為我食得唔夠快，食到尾段肉質開始韌。醬汁方面，我地各自揀左紅酒牛尾汁同阿根廷青醬，兩款汁各有各特式。套餐仲有5選3小食，我地每樣都有試下。個人最欣賞係炸薯條，因為每一條都炸得好脆，又夠熱，好食到停唔到口!另外，沙律嘅食材好新鮮爽甜，可以減低食牛嘅油膩感。總括而言，食物質素真係唔錯，有機會都會再黎。

今日去咗荃灣搵食，見到呢間食石板牛扒嘅店，即刻入去試下，係疫情下，入店要踩一踩漂白水地毯，店員仲會提供信封你包口罩，燒肉用既圍裙都好靚。我地叫咗兩款唔同嘅扒，同樣係200g，分別係上腰西冷同牛側腹。店舖會先預先煎牛扒到一成熟，鎖住肉汁，客人再可自行在熱石上調節生熟度，牛扒唔建議煎太耐，5-6成入口係最鮮味，肉質鮮嫩多汁。西冷同味比較濃，好鮮味，而牛側腹油脂較多，分佈均勻，煎起上嚟特別香同彈牙。餐廳有提供兩款沾醬，阿根廷青醬同紅酒牛肉汁，兩隻既味道都好好，我地點完牛扒仲攞黎點薯條食。而跟餐有味增蜆湯，好鮮甜。雜菜沙律就配上柚子醋，酸酸甜甜非常開胃。另外亦有配上飯素嘅白飯同埋薯條，再加埋餐飲，完美！男士食完都夠飽。兩個餐埋單337元，價錢好公道。

最近開左好多石燒牛嘅食店，今次放工我就近近地去左荃灣呢間牛県試試啦～同朋友一人揀左一款，分別係小牛柳($138)同埋牛側腹扒($128)。兩款牛都點了200g，份量都已經夠飽。價錢每款都只係百多元，食到咁嘅質素牛肉確係好划算！本身牛扒只係燒到一成，上枱後可以自己切成一小塊一小塊咁去煎熟至自己想要嘅熟度。石燒牛都比較會彈油，所以佢地好貼心有小圍裙提供，咁就唔怕彈到件衫啦！小牛柳腍嫩啲牛側腹扒牛香重啲～各有千秋！怕原味食到會膩仲有紅酒牛肉汁或阿根廷青醬嘅蘸料可以配牛扒食～牛扒加配五選三嘅套餐，可以揀飯、麵豉湯、薯條、沙律或飲品。飯面頭有飯素，超好送飯呢！薯條熱辣辣好香脆，仲可以食清新嘅沙律中和返。麵豉湯內仲有蜆肉，好有誠意！整體都好滿足～最後走時先見到佢地有啲新春特別推介，唯有下次再來試！

今天到荃灣搵食，男朋友想食牛，所以上網搵一搵就找到這間，看見好評都幾多😌所以就試一試順便一提，這間店的門口有很多咪錶位，方便泊車。總共有六款牛可以選擇，有平民式的西冷，也有尊貴的A5和牛🤩除此之外，這裏有一個很特別的地方。。。就是你可以選擇牛扒的大細！！因應自己的食量選擇，這樣也不錯不會浪費👍店員很貼心送上了圍裙。下單是劃在紙上的，醬汁有兩款可以選擇，我們每樣叫了一款。除此之外，加$30便可以轉為套餐，仲可以五選三，有薯條，飯，飲品，沙律首先來的是牛側腹扒！上菜時非常香😍，店員提醒可以自行切開，燒到自己想要的程度！肉汁多，配飯一流！另一個是上腰西冷🤩個人非常推薦！除了超級厚身之外，上面也有一層皮，下去很香口。和平時吃的西冷扒完全不一樣。大家黎到一定要試！兩個醬汁中，個人比較喜歡紅酒牛肉汁。店舖非常細心，走時提供了酒精搓手液，也有小熊噴噴，可以清洗衣物上的氣味😚

今日想分享位於荃灣的熱石燒牛餐廳，餐廳有數款牛扒供大家選擇，客人亦可按照自己的食量選擇牛扒的size 。牛扒放在高溫岩石上，客人可因應個人喜好在岩石上控制牛扒的生熟程度。上腰西冷200g (HK$118)牛扒質素相當不錯，因西冷本來較少脂肪，相對會比較有咬口，所以大約燒至五成熟，牛扒不會太韌之餘，肉汁亦保留在牛扒內，牛味香又重。牛側腹扒 200g (HK$128)相對脂肪較多，肉質較軟腍，牛香在口內耐四溢。配上店家秘製的紅酒牛肉汁，令牛扒味道更加豐富。另外，加HK$30 就可在飯，薯條，湯，沙律，飲品裏自選三款。薯條是即叫即炸，炸得外脆內軟，香脆可口。 而湯是蜆肉麵豉湯，鮮味十足。

山長水遠入荃灣，就係為左食呢間，個個朋友都話正既牛排🥩餐廳🍴 去到店面望落細小，但好整齊，有晒酒精搓手液！ 而且店員定時清潔🧽所以，即時座無虛席，都依然冇有怕啊！ 都真係好多人下！即刻睇下係咪真係咁正！ 我同朋友叫作西冷200g, 牛側復200g! 加30蚊套餐！ 薯條🍟沙拉🥗汽水🥤醬料，湯🥣。 講重點先！ 我塊西冷排🥩，真係好有牛味🐂而且肉質好諗！ 你延住d紋切係好容易切，而且塊石好好，你鍾意幾多成熟都🉐️！ 唔好話我唔提你，我本身以為牛越生越好食！ 錯啦，只要牛夠靚，我有幾細塊煎到過熟，但竟然食落去仲好食！一點都唔韌！外面脆脆地，入面全熟，但都好好食😋！ 早知全部煎耐d啦😌🤣到塊本身主導肉質偏諗既牛側腹肉。 都係果句，好啱女仔食，因為懶得咬！ 🤣🤣 至於跟餐果幾樣，我覺得不過不失啦。 薯條🍟好食😋

食肉獸又出動😆 熱石牛扒愈開愈多，今次就去到荃灣試試間小店😏 我知好多熱石牛都係自助形式，但呢間就唔係，staff全程都好好服務👍 坐低之後侍應好快就比左圍裙我地同介紹返唔同item嘅特點，而且有張Menu都清楚寫哂出黎，完全唔怕唔知頭唔知路咁亂叫一通😁牛嘅款式唔算多，有六款，但可謂應有盡有🐄　有簡單款西冷同牛柳，想有更高嘅享受又可以食A5和牛腹，任君選擇🤹我同朋友就分別叫左西冷同牛側腹扒☺師傅會煎香左牛扒先，外表睇落香口，但裹面比較生，其實係方便我地自己再切一小塊牛扒放喺熱石上面，按自己喜好燒到理想熟度😌西冷脂肪會較少，食落唔會太肥膩，自己燒到5成熟(自認為)就帶有咬口，味道濃郁🤩　牛側腹扒脂肪較多所以會重油香，咬落去好紮實好有口感🥳餐廳除左有提供岩鹽、黑椒比你調下味，每款牛扒都可以配一款自家製醬汁，有紅酒牛肉汁同阿根廷青醬，我就覺得西冷配紅酒牛肉汁，而牛側腹扒點阿根廷青醬就十分之match🤠　另加$30選配套餐，有湯、飯、沙律、薯條、飲品等五選三，絕對唔洗擔心食唔飽🤓良心小店仲派左漂白水比我地，走嘅時候都提我地有酒精消毒液同熊寶寶可以用 👍　CP值極高加十分暖心嘅小店💯

有6款牛給客人選擇，而醬汁有2款可選，包括：紅酒石牛汁、阿根廷青醬，個人認為石牛汁會比較好食，係一般食牛會點既汁，而青醬用料有蕃茜、薄荷、檸檬皮，成個味道超清新，也有點青味。-❤️門口有提供酒精搓手液❤️我唔小心跌左條牛，整到電話，店員見到即刻去拎消毒酒精濕紙巾比我🥺❤️貼心地走時會送一支漂白水，係餐廳自己整既，仲講話想同香港人齊上齊落🥺感動-套餐+$30(5選3) 單點$15💕湯（蜆湯）💕田園沙律💕薯條💕飯💕汽水⭐️不是仼添喔⭐️薯條同湯，廚房會一次過整再分比每枱客，所以不用擔心是否溜單了喔-1️⃣上腰西冷 200g $118⭐️⭐️⭐️⭐️脂肪比例適中，肉質細嫩比較腍身，肉味濃郁，煮久了也是保持肉質軟腍、鎖住肉汁。/2️⃣牛側腹扒 200g $128⭐️⭐️⭐️店員推介這個説脂肪比例會比較多，口感一流。咬落肉質有咬感，肉汁鮮甜有油香，不過要注意依個肉質煮久一點很容易會變老變硬，手一定要快喔。-環境：8/10服務：9/10好味指數：8/10回頭率：8/10

最近屈左響屋企太耐，諗住去食下牛扒補充多d 鐵質，提升免疫力😂 當然最重要其實喺好想食牛haha, 所以搵到荃灣呢間小店試下，果然選擇正確❤️門面裝修有日式感覺，先吸引客人眼球。坐底後就會俾紙圍裙食客，咁就唔怕d 油彈落件衫度喇，好細心。menu 有6款牛選擇，仲有詳細解釋牛的各部位，對於只係識"牛肉"呢2個字嘅我，了解左好多，長知識之餘又可以決定到自己想食邊一part. 另外有200g/300g/400g 供選擇，食肉獸就唔驚唔夠食啦。+$30 可升級5 選3套餐：飯、湯、薯條、沙律、汽水。我地2人各叫一份飯/湯、薯條/沙律 + 汽水，日西式套餐都有😋😋😋田園沙律配柚子醋配料有粟米芯、青豆、車厘茄、沙律菜。柚子醋酸酸甜甜好開胃。麵鼓湯裡面有蜆肉、昆布等，所以麵豉湯有海鮮嘅鮮甜味呢。炸薯條喺我最愛嘅粗薯呀😍白飯配飯素，好有日式感覺上腰西冷 200g $118由於鐵板連肉上，所以可以自己控制肉質的生熟，我試過燒至2成熟內帶血紅色，都完全冇血腥味，而且肉質嫩滑，脂肪比例適中，牛肉味亦比較濃，正🥰牛側腹扒 200g $128紋理比較清楚，肉質有咬感，肉味鮮甜又有油香。睇下圖中嘅橫切面幾咁治癒

聽朋友介紹之下去咗呢間好高Cp值(牛県)今次揀咗，牛側腹扒 $128 (200g)再加$30 set dinner 真係抵到爆炸 第一次初體驗石鐵板燒上腰西冷(200g)爆多肉汁，嫩肉以前鐵板燒都係煎完再畀你依家新一代鐵板燒自己鍾意要幾成熟就幾成熟😄再配上紅酒牛肉汁or阿根廷青醬perfect又係我最喜愛 珍珠米飯脆卜卜即炸薯條鹹味啱啱好， 仲有起硯肉食走前仲每台可以派漂白水同埋消毒紙巾比大家抹油真係好貼心呀下次一定會再返嚟食