牛県

營業中

休息中

食牛之人有福了!今日黎到牛県當然係為左食靚牛啦。一坐低就見到牆紙大張牛牛圖,講解牛既每個部位，邊個位係多油脂，邊個位牛味重， 邊個位有口感，非常詳細。頭盤朋友叫左個南瓜湯，我就叫左個沙律開胃一下。南瓜湯清得黎唔會太'杰身，作為食牛前既湯好適合。 食完沙律飲完湯，waiter幫我地收拾左台先上牛同飯跟薯菜，呢方面不得不讚，因為台的確唔大，收拾完會食得舒服啲，好細心。到主角登場，兩塊鐵板上面有張紙蓋住，免得佢啲油彈到周圍。一開張紙，我地即刻落手切呀切，怕切得慢啲牛會老。 我就點左牛側腹，屬於油脂比較重既部位， 果然一路切，一路聞到好香濃牛味，一食落口，正到喊出黎! 朋友就點左上腰西冷，屬於牛味重，油脂比較小既部位，我自己試左佢一舊，可能我本身唔好西冷，朋友就話好食。 薯條即炸，非常香脆! 飯佢就加左啲紫菜碎同甜甜地既粉，配牛食一流。呢個份量其實剛剛好，7成飽又唔會頂住個肚，以後中意食牛既朋友又多一個選擇啦。

<荃灣 牛県>個日本身諗住同朋友去附近間秘食吉列牛 但估唔到兩點幾都仲大排長龍 所以就去左食呢間石板牛 估唔到有驚喜🤤午市去食係唔洗加錢會包埋套餐（沙律，湯，飯）平時常規menu 有分200-400g 個人覺得女仔食200g都ok一坐底店員會好細心講解各種唔同肉既特性 我同朋友都係叫佢既chef’s choice (每日唔同 會有幾款）上枱既時候會大概一成熟 要自己慢慢切開煎～朋友叫個款比較多油脂 食落好香 $158我個款就肉味重啲 $148飯係粒粒分明珍珠米 沙律幾新鮮 好味～整體幾高質 份量好ok 去開荃灣會想再食（個人覺得lunch會抵食好多 lunch除咗牛之外仲有做其他set lunch的～）

荃灣也有這種石燒牛扒，好吃之餘又貼心的提供口罩袋和濕紙巾，自疫情以來已甚少外出用餐，真是想不到這間小店能夠如此貼心。說回食物，店員推介了牛側腹扒和小牛柳，沒什麼偏好的我們就點了這2個試試！牛側腹扒較有彈性，牛味也重，肉質帶點靭度，咀嚼起來卻沒有筋位，很好吃呢！我們燒到這種熟度，還見到小小粉紅色的肉，已經比平常再熟了一點，但也是很易咀嚼而且肉質還是細嫩和有濃濃的牛味有一絲絲的紋理，很特別呢至於小牛柳則比較軟身，切割時就能感受到了！軟林林但也是很厚身的，基本上今次點的牛扒都不用蘸醬汁，因為牛本身的肉已有豐富肉汁，但點餐時可選兩款汁，紅酒牛肉汁固然與牛很搭配，但蘸上阿根廷青醬卻別有異國風味，帶點草青味令牛肉忽然多了一份清新感，暫時未試過有餐廳提供這樣特別的醬汁呢！因為牛柳有點厚肉，所以切著切著就變了這樣的一個圓錐體🤔😂索性把橫切面燒一燒吧加$30便可有五選三套餐，試了沙律🥗飯、薯條和湯沙律開胃但份量頗細，飯是有飯素的，很有日式感覺所以特別好吃😋 薯條是即炸的，而且還是粗身的那種！湯是味噌蜆湯，很鮮甜呢！

難得可以同老公一齊放假，呢個時間就諗起荃灣新開的日本激安，無得都旅行為有去行下激安殿堂！仲係附近俾我揾到間石燒牛扒仲要喺激安行過去都只是5分鐘路程，可能今日是假期的關係，全場爆滿好彩我們等左一陣就有位呢度款式不算多，店員好好，還主動去介紹給我們可以$30為升級套餐，可五選三的，有湯，飯，沙律，薯條及飲品！牛側腹扒脂肪比例較多，口感更細膩肉質比較淋上腰西冷脂肪比例適中，味道濃郁，肉質比較厚實。日本A5和牛腹油脂分布平均,牛味重而且入口即溶，正價錢唔算貴,可以再嚟😋臨走時店員還請我食朱古力，因為今日是白色情人節好窩心的感覺

最近要數至hit 一定石燒牛扒比起一般傳統扒房食店在選擇牛扒方面會更著重牛的品質客人可以選擇不同牛的部位及份量客人可以因應自己喜好在石板上調制牛肉生熟度岩曬對食牛有要求的客人！記得之前我都食過幾間類似的石燒牛扒啦店無比較過就無傷害😂位於荃灣呢間＂牛県＂暫時最得我歡心抗疫期間相信大家都減少外食亦令我打破外食的禁令😂今次揀左牛側腹扒及上腰西冷另外多加$30 可配上飯，薯條，湯或沙律牛県用的是濕式熟成牛排比一般牛排更有肉味及軟嫩多汁由於我地兩人分別都叫左套餐可以試勻不同的配搭蕃茄薯仔魚湯清清地挺開胃口仲有脆薯條新鮮炸起熱辣辣夠香口牛側腹扒 200g牛扒送上兩邊已預煎一成熟再按自己喜好去調節熟度牛側腹扒屬於油脂比較豐厚的牛排牛排入口嫩滑，油脂甘香肉汁juicy上腰西冷 200g為了鎖住牛排豐富肉汁我會切大約1 cm 厚煎兩面煎3分鐘就可以食得 口感最嫩滑最多汁配上自家的阿根廷青醬清清地配上濃郁牛排味道恰到好處不會搶走牛的肉香食岩石燒有一樣比較麻煩就係石板的油花會不時彈出記得著定深色衫及圍上餐廳提供圍裙以防萬一呀！

咁既時勢真係好少機會約到朋友，約都只敢2-3個人食餐飯，聚會都變得珍貴，對餐廳既要求又高左，今次黎到朋友介紹荃灣既牛県，舖頭座位唔多，都適合想避開人群既朋友。Menu既主食就只有石燒牛肉，可以自選重量，加$30就可以升級套餐，可以多3個小食或飲品，都幾抵食。我地點左2個餐：上腰西冷同埋牛側腹扒，2個都升級套餐就可以試哂5個小食。先講小食，我最中意就係個味增蜆湯，啲蜆好鮮甜又唔奀，幾開胃。沙律配和風醋汁，酸酸甜甜；薯條香脆，小食都算幾開胃，份量唔多，餐前食就剛剛好。主食既石燒牛，店員會提供圍裙，唔洗太擔心整污糟，而且上枱時都有張紙cover，唔怕彈到人。肉既份量睇落都大，不過如果淨係得肉既話就真係太dry，好彩加左小食，配飯或者薯條都唔錯。先講貴啲果款牛側腹肉，油脂比較多，入口都幾香；另外西冷表現就中規中舉，勝在紅酒牛肉汁做得唔錯，令成餐都生色不少。btw最後臨走既時候店員話會送返支小漂白水比客人，同心抗武漢肺炎。

首間濕式熟成石燒牛扒登陸荃灣牛扒先以封煎方法把肉汁封住，牛扒會以一成的生熟度放在高溫岩石上牛肉經過熟成後會更有肉味及柔嫩多汁店內有消毒搓手液及除臭噴霧可自行使用還有糖果離開時可自取侍應服務很好，用心用力去介紹食品和服務上腰西冷(200g) - $118即是牛隻上腰部份的脊肉肉質較為厚實，脂肪比例適中，牛肉味較濃郁，口感豐富牛側腹扒(200g) - $128連接牛胸和牛腹之間的部位脂肪較多，但細緻的紋路，使肉質鮮甜又有油香，有咬感自家特製醬汁，分別有紅酒牛肉汁和阿根廷青醬，每個餐只可二選一紅酒牛肉汁，加入了意大利黑醋；而阿根廷青醬，有檸檬汁和羅勒，味道微酸開胃五選三套餐 +$30飯/薯條/湯/沙津/飲品(可樂/雪碧/芬達/忌廉)是日餐湯 – 粟米薯仔湯味道清甜，湯款亦會不時變更沙律用上柚子醋，味道健康清新又開胃薯條外皮十分酥脆，又不會太乾身飯加入了拌飯素，以海苔、鰹魚及芝麻為材料，惹味

幾次經過荃灣享和街附近, 都會見到哩間餐廳排晒隊, 身邊有個牛魔皇終於忍唔住, 訂左位期待以久今晚食返餐先.一早黎到等開門, 店員會先問食過未, 店員好細心講解肉既分別等客人可以揀選到岩自己喜歡食既.餐廳環境, 地方唔算大, 但有好多位, 好似日本小店既和諧感, 當然食石燒牛既用餐時間唔會好似燒烤咁耐, 所以朋友小聚都OK. 今次我地揀左上腰西冷200g, 牛側腹扒200g 加配套餐, 揀完餐後店員提供圍巾, 以免石燒牛既油會濺係衫上.店員再先上沙律菜, 湯同飯.主菜上場了, 上腰西冷, 肉質會較為實但又唔會韌, 肉味好香濃, 油份適中, 一D都唔會覺得油膩牛側腹扒, 肉質口感好豐富, 好有咬口, 亦油份較多, 所以每口都充滿油香同鮮甜既肉味係口內, 好正呀再上埋熱騰騰剛炸起既薯條, 外脆內嫩..由於牛扒先以封煎既方法將肉汁封住左, 係石板上時牛都係有一成熟, 待客人隨喜好而調制生熟既程度, 如果唔想太熟既就要快手咁切....不過我都係手慢腳慢既人, 好值得一讚既係哩間既牛質素很好, 即使我燒耐左既牛, 食落一D都唔會柴皮同韌, 切好後既牛再配上餐廳特製既醬汁(阿根廷青醬/紅酒牛肉汁)

偶爾會出沒在荃灣，開餐這等要事，當然尤其重要，近期大熱的鐵板牛扒店，正好滿足一下牛癮發作的胃口。自選喜愛的牛肉部位，店家會提供一成熟的牛扒及鐵板，讓客人依據自己的喜好，自行調節熟成度，方法甚好。兩口子皆升級為套餐，有湯、沙律、飯、薯條及汽水。二份套餐可以抱含全部選項 😄😄主角牛扒點了牛則腹，味道不錯，有咬口又不會韌，撒點鹽後再點青醬，好味道 😍😍最意想不到是醬汁，制作認真，喜歡這綠色的阿根廷青醬，用了羅勒、蕃茜、薄荷、蒜蓉、檸檬汁及檸檬皮調制，味道獨特，只此一家 👍💖💖沙律簡單但用料新鮮，醋汁去了蔬菜的青澀味，很好的配搭。大蜆麵豉湯，穩妥的味道，有蜆肉的餐湯，算是很不錯。另一份點了西冷部位，西冷相對牛則腹，肉質較有咬口，裏面鎖有肉汁，不會太乾硬。白飯軟熟，加上飯素，已經非常和味 😄😄白飯以外，薯條是另一好選擇，剛炸起，脆卜卜的，撒點鹽已經很好味。還算是滿意的一餐 😄😄

公司附近評價好高既一間餐廳，今日專登約同事嚟試入到嚟一個客人都未有，可以我地比較早，12點幾已經到坐低睇下Manuel,分6種牛，4個size。由於無咩概念，就問下邊種最淋，結果㨂咗上腰西冷300g嚟試下午餐跟湯同沙律都係免費，唔洗加錢朋友叫既橫膈膜腹肉嚟先，上枱時有張紙包住，睇唔到樣，但聞到好香，令人好奇感大增開嚟見真章，原來200g都有兩大件，開始有d R dee我個300g會唔會食唔哂...到我個上腰嚟啦。眼都突，成個波咁厚😳。再望下佢把刀，點切呀......之後就開始我既艱辛旅程，如果你睇到張枱幾咁油，就知佢個扒既油幾咁彈。佢個扒又成呎厚喎，每次把刀切落去，d油就彈上嚟，隻手比油彈到痛又要縮，根本切唔落去。而我，就係度不停切，彈，縮咁輪迴🤦🏼‍♀️🤦🏼‍♀️🤦🏼‍♀️我嗰刻只係諗到，又話件扒好淋既，我切到手軟喎....我朋友最後都睇唔過眼，幫手嚟切🤣🤣🤣，幾經辛苦下，總於分成3大份。但我已經無乜胃心....而塊石亦都已經唔熱....完全唔享受個過程😖😖😖最後到我總於切到入口既size,d牛已經凍哂，變哂膏.....完全唔想食衷心建議餐廳應加強服務：由入嚟問牛既分別，建議到重量，wai

好想食d有質量既牛扒，但又窮唔想食扒房，比係我荃灣搵到間小店可以食到石板上既牛扒。小店除牛以外既款色唔多，可以加沙律，飯，薯條，味噌蜆湯。但係牛扒就有好幾款揀，有平鐵牛扒，上腰西冷，牛橫隔膜腹肉，牛側腹扒，小牛柳同埋最高級既A5和牛。講明affordable，今次就試下個西冷同牛側腹。西冷200g $118相對肉感多d，彈牙d，加上個扒厚d，係個鐵板上放耐左都唔會熟晒，切開細粒再係石板上面調節想要既熟度。牛側腹200g $128側腹既肥膏多d，但好平均分布係肉度，燒到變晒牛油，所以上枱既香味比西冷仲要厲害，同埋肉身會軟西冷軟d，輕易入口，老人家都夠力咬。缺點係個扒身比較薄，比個石板不斷加熱，食到後面就幾乎熟到8,9成，可能要食快小小，幸好全熟都係一樣咁軟咁重牛味。要提下佢有2隻醬配，各有特色，個青醬比較少係扒房見到，清新可口，值得一試。套餐 加$30薯條 單加$152個人食左3百幾，鋸扒喎！

今次去到一間好多人推介嘅熱石牛專門店，裏面位置唔大，坐滿哂人，我哋就坐吧枱位面壁思過XD餐牌選擇好多，但啲部位唔係太熟悉，於是我哋都根據我哋想食嘅質感叫店員介紹一下。上腰西冷$118@200g由於牛上腰運動量少，所以想相關部位的質感會比較嫩，吃起來比較軟身！牛側腹扒$128@200g日本A5質素，肉質明顯細嫩，易於咬開，味道美味，平時出面比較少食到，更加值得嘗試。仲有好食得加錢揀嘅五選三套餐飯/薯條/湯/沙律/飲品（汽水）+$30個Feel好似車仔麵，我哋就咩都試吓，飲品要兩罐，總共升級了兩個套餐。都好好食！但唔係普通白飯，上面有啲芝麻等配料，食落去味道香好多、沙律菜方面真係清新開胃、味增湯鹹味適中，裏面仲送多兩隻蜆、薯條擺明係即刻炸，所以口感非常香脆。走嘅時候留意到有熊寶貝可以幫手消除身上的油煙味以及有消毒酒精，衛生果然做得好。

眾所周知，荃灣好多好嘢食，今日突然之間好想食烤肉，所以就同朋友嚟咗荃灣的一間牛県試下。雖然最近經濟不景氣，但係估唔到呢一間餐廳坐滿晒人，我哋大概等左5分鐘就可以入座。環境🍋🍋先講講呢一度嘅環境，由於餐廳比較細，所以枱與枱之間嘅距離好近，而且亦都算係坐得幾迫下，所以如果大家想搵一個好嘅地方坐得好啲慢慢傾吓計嘅話，呢度未必係一個最好嘅選擇。值得一讚嘅係，我哋一入到去，店員就主動提供紙袋俾我哋裝口罩，真係算係喺抗疾期間既一點小溫暖食物🍋🍋🍋🍋今次特別試咗兩款牛扒，一份係橫膈膜另外一款係羽下牛扒。呢間餐廳亦都有好貼心嘅服務，入座嘅時候有問一問我哋係咪第一次嚟，店員聽到我哋係第一次嚟嘅時候就逐樣同我地介紹一下。橫膈膜油脂分布比例平均，而且入面肉汁豐富，叫左300g，自己一個女仔食都真係食得晒！而羽下牛扒比較貴，非常厚身，食想去肉質亦都算鮮嫩。不過老實講，其實都唔係太食得出同橫膈膜有好明確嘅分別。總括而言兩款嘅牛肉質鮮嫩，肉質豐富，而且價錢亦都唔貴，大家唔夠飽亦都可以加飯薯條沙律，性價比都真係算好高！

今晚來試一試呢間荃灣有名氣的鐵板燒牛肉小店，好期待。我地7點半來到，門口已經有好幾個人排隊等位中，可見係幾有名。主餐牌簡而精，一共有六款牛嘅部位選擇，價錢以200g, 300g, 400g 做單位，加$30轉套餐，有飯/薯條/味噌湯/沙律/汽水，5選3。環境方面，枱之間比較狹窄， 座位坐得唔算好舒服。店員會主動提供圍裙比客人，幾貼心。柚子沙律蔬菜新鮮爽脆，加上柚子汁， 甜甜酸酸，令人好開胃。蜆味噌湯麵豉湯有兩隻蜆食落都幾鮮甜，飲啖湯暖一暖胃。上腰西冷扒 200g $118主菜牛牛終於來到啦。 由於鐵板仲係熱辣辣，所以鋪咗塊牛油紙係上面，防油彈。 切開裏面既肉仲係鮮紅色唔會過熟，肉質好厚實，非常juicy 牛肉味好濃，好新鮮，完全食唔到筋位， 值得一試。牛側腹扒 200g $128脂肪比例比西冷的高少少，口感好淋同鬆軟，肉味都係好濃郁， 非常juicy， 鍾意食肥美既可以order呢個。有兩款醬汁，紅酒牛肉汁同青醬。我比較鍾意紅酒汁多啲， 點牛肉好正。青醬將比較薄荷，香料味比較重，唔啱我口味。薯條即叫即炸，熱辣辣既粗薯條， 唔會感覺油膩。飯牛扒送飯食可以除去油膩感。

困左太耐係屋企冇食好嘢啦，所以好興奮咁出咗去食牛！呢間小店近荃灣廣場，位置有點僻靜，位於眾多車房之間！ 餐廳提供不同熱門套餐，我們點了牛側腹扒，脂肪豐富，咬落很夠油香上腰西冷，厚厚嘅牛扒，牛味很重，肉汁豐富另外，套餐可以加錢$30 就可以5揀3，有薯條、飯、湯、沙律、飲！ 我哋薯條同飯各選一樣，雖然唔係主角，但質素都好高，薯條不會太細條，好趣，又有口感！ 飯係珍珠米，飯上加了日式飯素！ 配牛扒食，一流！ 而且有自家製醬汁 紅酒牛肉汁同埋青醬 配薯條、牛肉都好fresh 👍🏻👍🏻👍🏻 另外值得大讚嘅係 剛坐低侍應已經準備好每人一個信封同水、酒精消毒同埋濕巾俾我哋！最窩心係埋單後，佢哋仲送左一杯漂白水俾我哋！佢哋話老闆為表心意，支持香港人！太突然、太窩心，好感動呀！