牛県

營業中

休息中

今次來到荃灣搵食，想食d meaty既野，所以決定入黎試下石燒肉專門店。近年都很流行石燒牛，除了可以自己動手DIY，而且可以控制生熟度，另外價錢也相當便宜。🍽套餐配菜 - 沙拉、飯、麵豉湯、薯條、汽水我們各自加了套餐。沙拉是楊桃火龍果沙拉，非常特別因為很久沒有吃楊桃了，而且火龍果的配搭也很新鮮，甜甜的很fresh。湯裡面有蜆肉，所以非常鮮甜，不會很鹹。白飯上面灑了飯素，令平凡的白飯多一點色彩。薯條絕對不能錯過，厚薯條真材實料，裡面是滿滿的薯蓉，而且新鮮炸起來非常香脆，不會太油，好吃！🍽小牛柳這個非常適合我，不用花費功夫把肥膏慢慢挑走。這個部位偏瘦，肉非常嫩，普通人可能會覺得偏鞋，而且比較腍身。但是滿滿的牛肉吃下去滿足感爆棚！🍽上腰西冷這個是大眾都會喜歡的部位，肥瘦適中，而且肉味相對是最濃的，肉質比較厚實，肥膏都油脂令肉味更加突出。牛肉會附上青醬或紅酒牛肉汁，沒想到pesto配牛肉也很搭，甜甜的紅酒汁也會令燒牛肉的油膩感減少。而且兩款都是店家特別調配的，大家一定要試一下。不過我覺得石燒牛肉真的比較難控制火候，因為石板一直都很熱，大家吃的時候一定要切得很快，而且很快就會熟，然後就要馬上放到

喺荃灣搵野食，網上見呢間舖頭只有笑沒有喊評初時半信半疑，但牛癮起，即管試下，點知...係完全明白點解佢咁多好評！！！！一坐低，店員超用心介紹每一種牛的特式會考慮到你的喜好，給予你建議由於午餐，相對價錢抵食，忍唔住再叫多個和牛串一上枱，係無切過的，一切開裏邊比較生，方便你自己控制不同的熟情度飯夠熱，加上了少少飯素，少少的不同已突顯用心仲可以優惠價加汔水，係阻隔油份既雪碧，令食牛無咁濟，正！牛本身好入味，特別係佢牛味較重果隻，脂肪較少但林身，好味！個和牛串都好正，比較生少少，可以自己用鐵板熱一熱令佢熟D，自己控制唯一既問題就係塊板會不停彈油，食時要小心少少想特別一提係佢超級有禮貌勁熱心既店員走時仲會俾支熊寶寶噴一噴件衫去左D油煙味可以話呢餐飯係我呢一兩年食過最滿足既飯！大讚！

今晚朋友帶我去荃灣一間專食牛扒的餐廳，雖然店舖細細，但坐位尚算舒適。牛扒分為200g、300g同400g 可因應客人的食量來order，唔會浪費，我order咗200g小牛柳，肉質鮮嫩，脂肪含量少，牛味十足。朋友order 300g平鐵牛扒，係牛肩膀部位，肉質鮮嫩多汁。廚師先把牛扒燒咗三成熟用石燒木板上，我覺得要切開放在碗先，咁就唔會太熟。加30蚊可套餐……有飯、薯條、湯、沙律及飲品五選三。每晚湯同沙律醬都不同，我哋今晚係味噌蜆湯，有好大隻蜆同豆腐海帶好好味，沙律醬係石榴檸檬蜂蜜汁，非常醒胃，而日本飯真係好好味，廚師在飯裡加咗芝麻，紫菜同肉鬆，簡直冇得輸。百多元一個餐可以食到咁高質素的牛扒，超值！

荃灣最近變化很大，有多個新商場落成，如心廣場與海之戀連成一線，不少新餐廳出現，加上日本激安殿堂進駐，漸漸形成一個新型小商圈，而在旁邊的小街道裡面，仍有一些充滿特色的餐廳，例如今天嚐試的石燒牛扒套餐，就看看它有什麼好吃的東西。店員指會把客人選擇的牛扒，首先煎一下，大概是一成熟的程度，這可以令牛肉的肉汁鎖上去，使牛肉口感大增，令人每口都嚐到豐富的肉汁，再由自己把肉放石板上，燒至自己喜歡熟的程度。把牛肉配搭，店家自家制的兩種特別醬汁，味道更好。紅酒牛肉汁，是由意大利黑醋、牛肉汁、紅酒混和煮成，類似較酸的燒汁。阿根廷青醬，則由多種西式香料制成，有檸檬汁、檸檬皮、羅勒、薄荷、蒜蓉、蕃茜，類似羊扒的薄荷醬。點了兩種肉的套餐，有飯、麵豉湯、薯條、沙律，薯條幾香脆，水果沙律特別地用上自家制檸檬蜜糖汁，開胃清新。上腰西冷200g牛上腰肉，肉質厚實豐富，脂肪適中，牛肉味較濃，燒熟後，口感變得較軟稔，但牛肉味突出。牛側腹扒200g是牛胸與牛腹之間的部位，脂肪分佈較細，有口感，較有油香，燒成後，口感較西冷好，口感都較多。........牛県荃灣享和街49號地下D1號舖

最近荃灣西開了新商場，直接帶旺了附近一帶的食肆，小弟最近發現了一間很受歡迎的石燒牛，雜誌又有介紹，上開飯網亦發現很受推薦呢，當然要去捧場一下啦！😎😎石燒牛店位於享和街，與西鐵站有兩條街的距離，以木系格調裝修為主，不太起眼之餘亦很難令人發現呢！不過個人覺得店舖空間細小，坐得較為迫夾，略為扣分！🧐🧐餐廳有多款牛扒供應，視乎牛扒部位和重量，定價由數十元至二百多元左右！另外加$30可以轉套餐，有飯、湯、薯條、沙律或飲品裏面選其中三款！餐廳亦有特選醬汁供應，有紅酒牛肉汁和阿根廷青醬，可以視乎自己的口味選擇！👍🏻👍🏻我們點了牛側腹扒和小牛柳（肩胛胛小菲力），兩者都點了最少份量的200g，配上套餐都已經很足夠了！店員說湯和沙律會經常換款，我們今日就有蜆肉味噌湯和火龍果沙律供應，清新特別！😆😆先介紹牛側腹扒，是連接牛胸和牛腹之間的部位，口感豐富，有細緻的脂肪紋路，吃入口肉味鮮甜而且肉質又有咬感，很適合食肉獸的小弟呢！😋😋然後就是女友點的小牛柳了，取自牛隻嫩肩胛部位，特色是鮮嫩多汁，肉質少油少根，而且脂肪含量極低，牛肉風味濃郁，就比較適合貪靚的女士們了！😛😛

近年石燒牛扒專門店在香港愈開愈多，賣的是以自助形式點選喜愛的牛扒部位，廚師會把牛扒燒至一成熟左右，然而放在極高溫的石板上讓客人自己D.I.Y.自行燒製，每一口都可以做到不同熟度。共有六款牛扒選擇，由$88的平鐵牛扒，至$198的日本A5和牛腹，自選重量，豐儉由人，價格十分透明。有時不不妨看看餐廳為客人撰寫的牛扒小知識，起碼也要知道自己在吃啥唄... 小牛柳 (肩胛小菲力) ($138/200g): 蠻出色的一款牛扒，這是肩胛部位，脂肪及筋位較少，但肉質卻是出奇地幼嫩滑口，而且牛味鮮香濃郁，蠻有驚喜。平鐵牛扒 ($128/300g): 這是最具CP值的一款牛扒，因此也不乏捧場客，牛扒不缺油花，肉汁豐富，相比之下，肉質較為紮實，肉感較強，牛味適中，屬中規中矩的一款平價牛扒。另加$30額外五選三配菜/飲品，包括粗薯條、味噌湯、白飯、沙律，以及罐裝飲品。粗薯條份量不少，性價比高，粗薯條炸得香脆，薯味較為濃郁，不妨加配。

味道係好，不過抽風真係好差塊牛扒係正，薯條都好脆，係即刻炸起服務都好 不過無傳說中熊寶寶 成件衫好大味但最最最大問題係真係越食越熱 覺得成個人都唔夠氧氣作為一間普通餐廳我覺得個抽風係可以接受，但作為一間每台都有2塊高溫石板既餐廳抽風就真係唔合格我第一次食牛扒45分鐘唔洗就埋單走人 同男朋友越食越快我同男友食完一出餐廳一齊即刻吸兩啖新鮮空氣 之後「啊～～」一聲結論就係冬天都食得咁幸苦，如果抽風無改善夏天好麻煩

牛県 木門同個格局都覺得有啲日式，同埋睇logo就知係食牛。這間餐廳不算很大，而餐牌都是套餐為主有唔同部位嘅牛肉，有哂圖咁介紹詳細。除了有牛肉，還可在飯、薯條、湯、沙律和汽水當中揀三款。店家好貼心為我地準備左圍裙，而牛扒上台時都有用紙蓋好小牛柳（肩胛小菲力）肉比較大同厚身完全無筋，切開擺係鐵板都好快熟到，小牛柳沒有太多的脂肪，所以食落不會太油膩，牛肉味都幾濃。食落口超嫩同埋真係入口即溶！牛橫隔膜腹肉橫隔膜中間切出嚟嘅 Hanger Steak 非常珍貴，每隻牛只得一塊因為帶有少許油脂，令肉質較鬆軟，牛肉味濃郁。不用點上醬汁也已經很好吃切開可以見到有好多肉汁，把牛煎至5成熟是牛肉最鬆軟的。沙律、白飯，套餐的沙律是水果的，味道幾香濃。而白飯用的是珍珠米。薯條，是粗薯條外脆內軟，點上附有的茄汁味道更惹味! 特撰醬汁有兩款，分別為充滿羅勒香，味道濃郁但能能平衡油感的阿限廷青醬；還有經典又能帶出牛肉味道的紅酒牛肉汁

Beef is beautiful. Sizzling hot beef is orgasmic. There is something very appealing about cooking a slab of meat on a sizzling hot stone and shoving it directly in your mouth.Uchi stone grill is located in the quieter part of Tsuen Wan. Easily located among the many many garages in the area. The staff will carefully explain the characteristics of each beef on the menu and help you pick. We chose the top sirloin steak and hanging tender, known for its texture and beef taste respectively.Since we

曾經響香港興極一時，但凡情人節，生日撐枱腳首選嘅石板燒牛扒，唔知幾時開始逐漸消失咗... 呢一日喺荃灣廣場睇完戲，響附近搵嘢食，竟然比我遇見石板燒，我毫不考慮，就揀呢間，回味一吓...全店係日式格調... 牛扒嘅選擇，都有幾個部位揀，初嚟報到嘅我，當然都係問吓職員邊部位好食啦～職員推介冇咁肥嘅小牛柳、同埋牛側腹扒，話係全場最多人點嘅兩款～小牛柳雖然瘦，但係肉質非常淋，仲好濃牛肉味～牛側腹扒比牛柳有多啲質感，同樣香濃牛味～配上特製紅酒汁、青汁帶出鮮味，兩款試哂，我就鍾意青汁多啲喇，香草味剛好提鮮、青喉～同以往嘅石燒店比，呢度就較平民化，仲可配套餐，每份set，可以配3分side dish或者飲品... 我哋兩份餐就可配6款... 蜆湯、即炸薯條、薯蓉沙律、味飯、汽水... 個蜆湯好好味，臨尾，我哋仲加多一個龍蝦蜆湯～除咗主角牛扒，side dish脆薯條都值得一讚，薯條即炸好脆，粗薯條咬開入面好似食緊薯蓉咁樣，好好味～跟套餐隨便點嘅一個白飯，竟然係有味飯，有驚喜～沙律係薯仔沙，律雖然好味，但係覺得唔襯牛扒～龍蝦湯同麵豉湯相比我更愛麵豉湯，唔會搶咗牛扒鮮味～

最近香港吹起一股日式石燒牛扒熱潮 連荃灣都新開首間石燒「濕式熟成牛排」小店 可以按自己既食量簡份量 生熟度都由自己掌握 實行自己牛扒自己燒😆🥩🍴牆上同Menu都清晰講解牛每個部位既特徵同口感 如果你仲係心大心細 店員都會推介你今日有咩特別既供應客人可以按照當日既食量簡選份量200g、300g同400g 由於我地唔太肚餓就簡左200g可以加$30套餐轉套餐 5選3分別有薯條 沙律 飲品 熱湯同白飯提供 我地都加左2個套餐 所以可以試哂套餐內既選擇 好推介沙律同薯條 沙律係楊桃火龍果粒沙律🥗 好特別 而且份量幾多 酸酸甜甜 正好為之後石燒牛開胃 而薯條🍟好有驚喜 係我鐘意既粗薯條 外脆內軟 有薯味濕式熟成牛排係利用真空包裝技術將新鮮牛肉塑型 而餐廳將點選既牛排煎至一成熟 再放上高溫既熱石板比客人自己控制牛既生熟度 由於牛肉經過熟成同封煎 所以將肉汁鎖住 更有肉味同好juicy多汁💦小牛柳200g $138小牛柳係牛隻嫩肩甲部位 依個部置會少油少筋 脂肪含量算係咁多款最低 而且蛋白質豐富 肉質有咬勁但唔韌 鮮嫩多汁 岩哂想食牛又想健康既牛魔王上腰西冷200g $118好明顯就係牛上腰既脊肉部

男朋友話佢發現荃灣開左間新既石燒牛，但有日walk in 無位，所以今次我地訂左位再黎試過menu 主要有六款牛俾你選擇，價錢由$88~$158/100g. size 有200/300/400g. 加$30變set 可以五選三套餐，有飯/薯條/salad/湯同埋汽水簡見到仲有塊黑板有是日推薦因為第一次食，我地就保守d 試下最normal 既上腰西冷，同埋店員推介好少地方食到既既牛橫隔膜腹肉，兩個各要一份汽水，其他set 既食物都點晒兩份share沙律：新鮮，不過不失，燒緊肉果陣夾雜住食可以清新返個口腔飯加左飯素，男朋友話好好味湯加左兩隻蜆，好足量好味道我地著晒d圍裙準備食，而d 牛上果時會有塊紙cover 住等你唔洗俾油直接濺到，好細心我地西冷係方形dd男朋友件橫隔膜長方形dd我地先切大塊，再慢慢切細食，石板keep 到30min+熱度，非常出色而且牛肉牛味十足又各有不同，好似我既西冷係牛脂味重，佢既橫隔膜係有d 香甜同埋個薯條係五個配菜入面最出色（雖然其他都已經好出色），炸得外脆內soft, 勁好味！臨走再係門口噴返個熊寶貝去d 味，好細心既服務

琴晚和朋友去左位於荃灣既牛県食燒牛肉，由於是荃灣朋友所介紹，所以很期待啊。環境方面，餐廳吾算大；而且客人數目眾多，很大機會需要等位，可知道人氣也很高啊！上腰西冷200g：牛既份量是可以選擇分別：200g/300g/400g，而價錢是有所不同。切開西冷可以見到入面既肉為鮮紅色，可知厚實既肉質新鮮又夠嫩；口感相當豐富，而脂肪比例又吾高，牛肉味香濃啊！小牛柳200g：同樣地份量可供選擇，小牛柳是整個肩胛部最鮮嫩又多汁既部位；而肉質少油少筋，所以肉質會較林口，牛肉味也是濃郁。如果中意食牛食得林口既朋友，可以order依個啊！特選醬汁：每款牛扒可選配一款特選醬汁：紅酒牛肉汁或阿根廷青醬。紅酒牛肉汁味道比另一款多味少少；而阿根廷青醬味道會再清淡，當中有莞茜和薄荷啊！另外，每款牛可以加$30五選三套餐：飯，薯條，味噌湯，沙律和飲品。個人較愛吃熱辣辣既薯條，和飯會更加飽肚啊！

我同朋友都係鍾意食牛嘅人，但係平時好少專登出去搵啲食牛嘅好地方，咁岩今日嚟到荃灣見到呢間叫做牛県嘅餐廳，就決定試吓！見到餐牌上面有好多唔同牛嘅部位選擇，睇完餐牌上面嘅介紹之後，我哋就決定咗要一份上腰西冷同埋小牛柳首先嚟嘅係沙律，有塊楊桃喺上面令到佢嘅賣相好吸引，而且沙律本身都好開胃醒神，啱晒我哋等到流晒口水，份牛終於送到啦，鋪頭店員好貼心咁擺咗張紙係上面擋住啲油，如果唔係啲油就會彈得好勁除此之外，餐廳都安排左每人一條圍裙，以免啲油彈到落件衫度小牛柳有兩小片，雖然只係叫咗200g但係都已經夠食。佢本身上到嚟嘅時候比較熟啲，不過鐵板燒完之後依然可以鎖住啲肉汁，牛味相當豐富西冷都係叫左200g，不過佢就係成塊咁上嘅，佢入面嘅肉相對小牛柳生，咬落嘅肉質就好鮮嫩，而且相對地可以落少啲調味嘅鹽同埋胡椒。牛扒嘅肉同脂肪比例配合得好好，唔會話一啖咬落去有好多肥膏咁

石燒牛扒店近年越開越多，就連屋企附近個商場都開咗間。最近從朋友處得知荃灣西新開咗間主打濕式熟成的牛扒店，據說「濕式熟成」就是利用真空包裝技術將新鮮牛肉包膜塑型，在冷藏運送的過程中，以牛肉本身天然酵素熟成，熟成過程會令牛扒肉質達至更軟嫩多汁，所以食落肉味會更濃。嘩！聽落都幾吸引，一於訂位去試下。餐廳位於荃灣享和街 49 號地下，啡木色門面，望落不大起眼，走入店內，卻發現地方比想像中大，設計同樣以木系格調為主，配牆上的牛隻繪圖，裝潢舒適又骨子。入座後先細心研究一下餐牌，牛扒共有 7 款 (當中一款為新春 2020’s Special)，定價由最平 $88 - $298 不等，視乎所選的牛扒部位和重量而定，另外亦有蒲燒鰻魚定食和海鮮套餐提供，照顧唔食牛的朋友。每款牛扒可以選配一款特撰醬汁，有紅酒牛肉汁同阿根廷青醬可供選擇。如果另 +$30 更可轉套餐，有飯、薯條、湯、沙律和飲品，可以五款揀三款。由於我倆都是初次到訪，所以請店員推介，最後揀咗牛側腹扒同小牛柳(肩胛小菲力)，另外每人加咗 $30 轉套餐。兩份牛扒及醬汁同時送上，聽店員講，廚師已為客人點選的牛扒用封煎方法把肉汁封住，並燒至約一成熟