燒肉臻 (已結業)

朋友一直都話想試呢間餐廳，見佢野食種類多，位置方便，就決定試吓！姐食燒肉一向偏向揀單點唔係放題既餐廳，覺得食物質素會高啲，呢間就岩岩好！呢間餐廳落單好方便，可以掃QR code，就唔怕漏單同好方便睇返自己點左啲咩。前菜漬物涼瓜-食燒肉感覺嗌前菜同沙律會冇咁膩🤭-涼瓜口感層次豐富，入口先品賞到酸味，後勁有涼瓜嘅苦味溫泉蛋豆腐沙律-沙律加咗胡麻醬，同溫泉蛋撈埋一齊食，味道清新山藥&雞心- 店員會提醒放係爐邊燒，冇咁易燶，同埋可以熟透-燒雞心: 好香口，肉質會比雞肉更實-山藥: 鮮甜爽口，唔錯伊比利亞豬肋條-豬肋條肉質嫩滑，即使我地唔小心燒耐左都唔會好韌-豬油味好香，食得出係高質豬牛肉盛合-擺得好精緻，標示清楚唔同肉，食既時候更加了解牛肉部位或不同種類既分別👍-最中意係牛舌，口感爽啲，而且牛味好出!月見免治雞肉餅-店員會幫手燒，燒到焦香-配一個加咗溫泉蛋撈埋醬汁，甜甜脆脆，肉質亦好厚實日本麻薯窩夫伴雪糕-麻薯窩夫加咗藍莓醬-雪糕係柚子味，質地係雪葩，一解油膩感😋

早前有朋友推介尖沙咀寶勒巷一間食燒肉店話好得！今晚同好友慶生，決定同佢去食好D。餐廳唔算好大，但服務員勁Nice！我們安排坐在吧枱前，由服務員推介我們餐廳的主打菜。先送上免費冷盤牛肉粒，味道唔錯，我哋首點酒盜薯仔沙律，服務員話好受歡迎，原來酒盜即是魚腸，廚師將薯仔整成薯蓉，加咗少少辣同薯片碎，非常惹味。燒日式魚乾，服務員在你枱前幫你慢慢燒，燒到香脆幫你剪開，配上沙律醬真夾。甲羅燒就唔駛講，鮮味一流。虎蝦燒到差不多就加入蒜蓉同蔥，提升蝦的鮮味。燒鰻鱺非常肥美又冇骨，令到怕魚骨的我都可以大啖大啖食。跟住上牛肉盛合就要自己燒，有牛心，牛舌，牛肋條，牛小排，和牛背峰同三角胸小排，牛味香濃又Juicy！豬肋條就爽脆好香肉味。食飽服務員又推介我哋食甜品，檸檬雪芭酸酸地，飯後食有消滯的感覺唔錯，朋友就order咗chesse cake配雪糕，芝士味濃郁，簡直係女仕之愛。全餐飯朋友讚口不絕，佢話下次可再約其他朋友一齊再來！

今天想食一些好東西，來到尖沙咀一間高級燒肉店吃和牛燒肉！這家店新進了一台最新的自動斟酒機，只需要$198就可以任飲sake放題!真係抵到爆！共有18款酒給你選擇，首先選了自己喜歡酒，再掃描一個QR code，他就會自動幫你斟酒，飲完一杯之後再斟第二杯，如果你酒量好的話，可以試很多種口味！正呀，是很新的體驗！「和牛肉眼扒」肉眼扒就食得多，但係矜貴嘅和牛都有肉眼扒！和牛肉眼扒非常之大塊，仲有職員幫我地燒，專業嘅手勢同火喉，將肉眼扒燒得啱啱好，Medium well好味！另外我哋仲燒咗牛板腱、牛小排、同埋豬肋條，全部肉質都好高質，油脂比例好均勻，就算自己燒，冇咩技巧燒出嚟都好好食，滿足嘅一餐！總結：係一間高質嘅燒肉餐廳，任飲sake放題真係好正！

今晚嚟到呢間尖沙咀人氣燒肉店食飯， 8:30嚟到嘅時候全間舖頭已經好多人，好彩前兩日book到位！蕃茄蒜子沙律蕃茄剝好晒皮，配上一啲炸蒜，食落去感覺好特別，蕃茄好清甜👍🏻👍🏻日本旋風豚肉腸腸仔卷成圓圈形狀，賣相已經好得意，店員好細心地幫我哋笑，一路欣賞住佢笑，一路傾偈，感覺都幾唔錯。腸仔皮好脆，份量好多，肉質結實，入面唔會好油，有驚喜！伊比利亞猪肋條燒嘅時間要耐少少，肉味濃郁，配上醬汁，食落去有不同嘅感覺。炭火雞店員好用心地燒呢個炭火雞，大概燒咗15至20分鐘。呢個雞肉質好嫩滑，好Juicy，口感都好好，加上佢哋嘅調味好日式，食呢道菜真係會即刻聯想起日本😭😭😭😭活帆立貝呢個帆立貝好新鮮，一路燒一路放牛油，雖然好邪惡但係異常美味！甲羅燒咩都好濃郁，配上梳打餅，有解腻嘅作用。日本山藥一向對山藥好抗拒嘅我，見店員推介於是就試一試，食落去味道清新，唔會有滑潺潺嘅感覺，好爽！估唔到係咁好食。我同朋友都好鍾意飲清酒，呢度有部清酒機，可以自己出去選擇鍾意嘅清酒，又好飲又好玩，真心推介！

同朋友約咗係尖沙咀食飯，好耐冇食燒肉，今次試吓呢間係樓上鋪嘅燒肉臻😋日式裝修，座位都算多同闊落，bar枱同卡位都有。食物都係枱上面嘅QR code落單，另外餐廳設有清酒任飲放題，有好大部自助清酒機，足足有18款唔同地方品種嘅清酒🍶總有一款啱你，個人比較推薦君之井純米大吟釀，酒味唔太重容易入口，清酒配燒肉十分夾👍🏼前菜牛舌係餐廳提供嘅，淋身帶少少辣味香辣甜蘿蔔🥕金黃色醃製過嘅蘿蔔，唔會太辣，都幾開胃燒鱈魚乾大塊香脆，送酒小食炭火雞黑色嘅醬料醃製過，燒完可以加少少山葵，有另一種味道甲羅燒燒嘅時候要一邊燒一邊撈，燒到潔身就可以放上餅乾到食👍🏼活帆立貝店員會幫手燒，清甜肥美蒜香牛腱薄燒表面加咗蒜蓉同葱花，輕輕燒吓券埋就食得，唔洗點醬已經好夠味牛肉盛合份量非常多，有厚切牛心，牛舌，美國翼板，牛小排，和牛肋條，和牛背峰同和牛三角胸小排，配菜有好大塊青椒同雞髀菇，和牛淋嫩，入口即溶

其實呢間燒肉 一直人氣都高企，朋友話一定要試下呢間燒肉😂首先要推薦大家食既就係呢款性價比最高既牛肉盛合（廚師發板），總共係有七款嘢食，由最高級既和牛一路食到最後一款牛心，每一層d口感都唔同，由入口即融既和牛到牛心，係一種享受😎而令我好鍾意既都有呢款日本雞頸，真係比較少食到，d肉好嫩，燒完又好香再加埋有咬口，係好好食，d醬汁同d肉都好夾！必食再者就係鰻魚、虎蝦同帆立貝，真係好新鮮，同埋好大隻。鰻魚又有專有既醬料，真心唔錯。仲有專入幫你燒，服務周到。😋最後加埋個甜品，抹茶好濃 又有好香既茶味，用黎埋尾好完美。

朋友約我食晚飯，佢話尖沙咀有間人氣日式燒肉店，佢訂枱。走進餐廳，已經見到不少顧客。呢到燒肉自己燒，每張枱也有一個燒烤爐，而海鮮則由廚師代為安排。我哋點咗：🐮廚師發板牛肉盛合$330盛合由廚師安排，賣相吸引，有日本和牛及美國牛，共7款不同部位。日本和牛🇯🇵：三角胸小排、牛背峰、牛肋條。美國🇺🇸： 牛小排、翼板、厚切牛舌、牛心。牛肉雪花紋理分佈均勻，即燒即食，全部都好好味，特別係和牛三角胸小排，入口即溶；美國厚切牛舌，牛味香濃多汁，帶點嚼勁，美味大滿足。一啖燒肉，一啖清新冰凍嘅「靜岡蜜瓜梳打$48」及朋友的「巨峰乳酸梳打$38」，好爽😄。🥗酒盗薯仔沙律$48加入酒盜的薯仔沙律，多了份鹹香惹味，小驚喜。🐷伊比利亞豬肋條$88肥瘦均勻，燒好後，肉嫩香味濃而不膩，肉質還帶點爽口。🐥炭火雞$98使用日本波尾雞，燒好後，還帶點炭火的焦香，而且肉質比一般雞肉彈牙。廚師燒的：🦐虎蝦$196 2隻全晚，我最鍾意就係呢隻燒虎蝦，虎蝦好大隻新鮮，肉厚鮮甜彈牙，非常好味。🐟燒鰻鱺$168即鰻魚，外面燒得金黃焦脆✨，肉質十分彈牙鮮味，配以蒲燒鰻魚汁及酸汁，各有風味。

之前已經試過燒肉臻，因為實在太正了，所以決定帶朋友再來食。由於沒有訂枱，所以被安排坐四人枱，不過依然有專人服侍，幫你燒埋肉同海鮮。前菜叫了一個汁煮牛舌：好入味而且有口感酒盜薯仔沙律：鹹鹹地的木魚內臟，配上薯仔沙律，味道份外好味雞泡魚乾：店員燒到有少少焦香，加埋沙律醬簡直絕配油甘魚鮫：燒到外脆內軟，而且肉質鮮嫩甲羅燒：蟹肉蟹膏嘅鮮味加上鵪鶉蛋嘅蛋香，再配上梳打餅食簡直一流和牛肉眼：入口即溶，好香油香味牛肉盛合(包括和牛三角胸小排丶和牛背峰丶壺漬牛小排、牛肋條丶翼板丶牛舌丶牛心)：七個牛嘅部位都非常好味，各有特色，基本上全部都好香油香，而且入口即溶；我特別喜歡三角胸小排油脂平均；牛小排有咬口；而牛肋條牛味較重，肉質較有口感；牛舌好厚同好爽。炭火雞：雖然外表不討好，但係用咗自家製嘅醬汁醃過，雞肉鮮嫩Juicy虎蝦：超大隻，爽口彈牙蜜瓜梳打：雖然出面嘅大型超市有得賣，今次都係我第一次飲，超好味

約咗朋友喺尖沙咀食飯，佢帶咗我嚟呢間餐廳，話呢度嘅燒肉好美味，要同我一齊品嚐下，咁我就梗係奉陪啦😆- $48嘅「酒盗薯仔🥔沙律🥗」：沙律菜新鮮，撈埋酒盗薯蓉一齊食，有酒盗嘅鹹香同埋沙律菜嘅清甜，出奇地好味😋- $78嘅「燒日式魚乾」：少少煙韌，作為小食好惹味😋- $88嘅「酒煮文蛤」：蜆肉非常肥美飽滿，用清酒煮🍶，帶出原來鮮味😋座位前面有個火爐，牛肉豬肉都係自己燒😆- $330嘅「牛肉盛合（廚師發板）」：有三種和牛肉🇯🇵➕兩種美國牛肉🇺🇸➕牛舌➕牛心，全部都美味😋，其中特別出色嘅有：「日本🇯🇵和牛三角胸小排」充滿油份幾乎入口溶化😋；「日本🇯🇵和牛背峰」牛味超濃郁😋；「牛舌➕牛心」厚切爽口好味😋- $128嘅「山形縣產煙燻豬腩」：有淡淡的煙燻味又有鹹香味，食落仲好甘香，山形県出產嘅豬肉🐷我有信心😆海鮮就係師傅燒埋俾我哋，咁都啱嘅，燒海鮮控制火候要比較準確，由師傅做比較合適😆- $196嘅「虎蝦🦐兩隻」：蝦肉結實鮮甜，燒完之後依然好大隻，充滿 umami, 出奇地好味，呢隻虎蝦🦐真係食到舔舔脷😋- $168嘅「燒鰻鱺」：日本🇯🇵鰻鱺（俗名白鱔、青鱔、鰻魚、白鰻），肉厚味鮮，沾兩種不同醬汁食

係OpenRice 搵到呢間燒肉 見到價錢唔算貴又有85折就諗住一試醬汁都有分3款 次序由上而下：內臟、海鮮、紅肉 牛肉盛合$330總共有7個唔同部位 其中有3款係和牛 本身都好期待個幾款和牛 但係唔算好多油脂 食落肉質唔係好淋個隻 個樣都唔係和牛咁粉嫩🥲🥲可能咁岩呢次唔好彩 和牛質素麻麻反而唔係和牛個幾款就比較好少少 美國牛小排油脂比較多 咬落都好淋 味道就好似食緊厚切版既肥牛咁🤣美國翼板係最好食既 有牛味 而且肉質好淋 好易咬開👍🏼牛舌都唔差既 咬咬下牛味都好重 肉質幾爽 但就有一件係有筋咬唔開🥲煙燻豬腩$1283大塊厚切 燒緊既時候店員教我地要勤力啲反 先可以迫到啲油脂出嚟 食落有啲似厚切既煙肉 油脂感幾重 都唔錯 服務態度非常好👍🏼店員會keep 加茶 又會教我地點燒肉

成日去寶勒巷食lunch , 呢間真係未食過，大廈入囗有小小暗，入門轉左有專屬電梯上食肆。入去好日式燒肉店，位置幾寬敞，亦有有提供bar 位，人唔多，計埋我地2檯。lunch set 都幾抵食，78至198，包湯同肉燥飯，我地要咗燒肉臻定食同鯖魚定食，都係88，肉等得都幾耐，lunch得一個鐘唔係太夠時間😑。先嚟係前菜酸蘿蔔之後係湯仲有肉燥飯《燒肉臻定食》其實係樣樣都有啲，有豬腩片，牛小排，雞翼，翠玉瓜, 菇同鯖魚，好豐富，份量都幾大，不過牛有啲韌。《鯖魚定食》兩件鯖魚好大件，有配啲南瓜，牛腩片同牛小排總括好抵食，不過節奏就差少少, 同埋如果肉可薄切，魚切細件一點會易燒啲。

今日去了海港城shopping，之後約了朋友食返餐好，多謝佢既仗義幫忙，於是一早book了這間有質素的炭火烤肉，上到去已坐無虛席，但卻無咩油煙味👍🏽👍🏽三種醬汁，侍應詳細講解，燒汁配肉類、柚子醬配海鮮、另一款配內臟🐮前菜牛舌，配上秘制醬，煙勒有咬口👍🏽🥗海盜薯仔沙律$48清新的蔬菜配上一球牛油香的薯仔沙律再有發酵海鮮的辣味，還有小塊的薯片，非常有層次。🐟燒日式魚干$78鱈魚干燒得很香脆，單食鮮甜香口，沾些七味粉沙律醬又另一返口感，各有特色的好味😋🐮日本和牛肉眼$298店員先把油脂塗上燒烤網，再燒至剛熟入口，牛扒油脂均勻，牛味濃郁，入口溶化。🦀甲羅燒$98有蟹膏、蟹肉、味噌、鵪鶉蛋黃、葱伴匀燒熟後塗上梳打餅吃，蟹膏的鮮甜一食愛上。🐔炭火雞$98燒出來炭火味香，皮脆肉嫩滑，沾些芥辣吃又很不錯😋🐠鹽燒油甘魚鮫$158大件多肉且口，由店員代我們燒，一開始加蓋焗一焗，再慢慢將底面燒脆，皮少咸香脆，肉嫩新鮮，非常很好吃😋🦐虎蝦$196非常大隻新鮮，肉厚鮮嫩彈牙，食一隻都好飽😂牛肉盛盒$330一次過吃到七個部位🐮日本和牛三角胸小排: 油脂豐富，一咬爆出來但不覺膩🐮日本和牛背峰: 油脂分布平均，肉少許

今晚同老友開爐燒肉😆😆話呢又有靚牛又有海鮮又有sake 放題，(雖然我唔飲酒) 見到呢度竟然有二三十款日本酒，可以$198, 90分鐘任試，見到都開心。但我都係飲返日本蘋果汁，都好香甜清爽！日本蕃茄沙律做開胃菜，去皮，配蒜蓉薑蓉同醋，清新爽甜。甲羅燒有滿滿蟹膏鮮味，混有蟹肉味噌，鵪春蛋去燒，配梳打餅，蟹香濃郁。一夜干雞翼燒得好考功夫，店員用心幫我地燒好，燒得皮脆肉嫩，完美金黃色。主角之一，芝士燒龍蝦，肉質彈牙，帶奶油芝士香味。鹽燒油甘魚鮫，好厚肉，而且燒得外脆內軟，juicy 肉滑，配酸醋檸檬，帶點清爽的醬汁好夾。牛肉盛合有7款和牛同內臟組合，我最鍾意係和牛背峰，肉質嫩滑，牛肉味香，仲有好少食到嘅燒牛心，唔會有內臟嘅腥味，彈牙爽口。牛脂爆香，值得一提係呢度自制蕃茄洋蔥汁配燒肉燒魚都好夾，唔係下下都甜燒汁咁單調。如果想食高質燒肉，又想有服務坐得舒服，又唔使趕住交枱，呢度係適合同老友飲酒吹水慶祝嘅好地方。

一坐低師傅就好細心介紹唔同醬料嘅用法番茄酸汁 配內臟柚子胡椒 配海鮮自製芝麻醬汁酒盜薯仔沙律酒盗是用鹽醃魚內臟半年以上而成的鹽漬物，味道濃郁帶微辣同鹹香，同薯仔沙律一齊食平衡返味道～日本鳥取和牛肉眼落少少鹽同黑椒調味已經好好食，油脂香溢，口感軟腍，入口即融而且juicy多汁甲羅燒蟹膏份量比其他他餐廳食到嘅多！月見免治雞腿肉 口感豐富，入面有粒粒雞軟骨，配生雞蛋撈埋好滑。燒帆立貝帆立貝鮮甜，師傅燒得嫩滑，仲有牛油香～鹽燒油甘魚鮫油脂豐富，魚皮燒得香脆的，令肉質更幼滑。牛肉盛盒有齊多款部位，包括牛心、牛舌、日本和牛腩、日本牛板腱、日本和牛背峰、美國翼板、日本和牛三角胸小排，啱晒鍾意試唔同款嘅我。日本雞頸肉質柔軟多汁，幾有彈性。日本山藥淮山爽嫩伊比利亞豬肋條食落有少少油脂，再帶少少筋膜，肉質軟腍多汁有咬口，燒完有滿滿香濃肉香。燒日式魚乾師傅燒到魚乾剛剛好，好香～不會太乾帶點濕潤，用嚟佐酒一流～任飲清酒呢間餐廳特別引入自助清酒售賣機，加$198就可以任飲18款清酒，有得玩又有得飲，好正！店員仲好細心介紹唔同清酒特色，推介易入口比較甜嘅可以試1-4號～

同一店鋪於3-4年前來過，前身是一間台式燒肉，轉了日本燒肉後就久久未來一嘗。因為好朋友生日，所以特意提早便BOOK 了位享受一番。鋪面日系裝飾，最吸引的非這部巨型自動販賣機莫屬了。店內可以加198$升級清酒任飲，而清酒選擇就是來自門口旁這部巨型自動販賣機。總共有18款清酒可選，而每杯會定量出30ML，可以適合愛飲酒朋友試盡各口味。酒盜薯仔沙律相信很多人聽到【酒盜】都不明白意思，其實就如字面一樣，吃了酒盜不知不覺喝多了酒，是一種鹽醃漬海鮮內臟送酒的菜。濃味配上清新沙律再混入薯仔之中，帶點辣超易入口。燒帆立貝先吃海鮮，帆立貝鮮甜多汁，不得不點!燒日式魚乾先前講過清酒任飲，當然另一道助酒王牌魚乾又要出場，鹹香滋味!甲羅燒複合配料有別於一般店舖所吃，味道濃郁配上餅乾一流。日本鳥取和牛肉眼之後到每枱都會點的牛扒，師傅介紹用上丁點鹽同黑椒調帶出牛肉汁味，肉眼油脂分佈平均，啖啖汁感滿瀉。月見免治雞腿肉 免治雞肉中再加上雞軟骨，入口彈牙帶軟骨爽脆，再配生雞蛋醬入口一流!鹽燒油甘魚鮫肉質一D都唔(鞋)，嫩滑油份多，入口鮮味滿滿。牛肉盛盒盛盒一共有7味日本和牛三角胸小排、和牛背峰、和牛肋條、美國牛小排、美