燒肉臻 (已結業)

成日去寶勒巷食lunch , 呢間真係未食過，大廈入囗有小小暗，入門轉左有專屬電梯上食肆。入去好日式燒肉店，位置幾寬敞，亦有有提供bar 位，人唔多，計埋我地2檯。lunch set 都幾抵食，78至198，包湯同肉燥飯，我地要咗燒肉臻定食同鯖魚定食，都係88，肉等得都幾耐，lunch得一個鐘唔係太夠時間😑。先嚟係前菜酸蘿蔔之後係湯仲有肉燥飯《燒肉臻定食》其實係樣樣都有啲，有豬腩片，牛小排，雞翼，翠玉瓜, 菇同鯖魚，好豐富，份量都幾大，不過牛有啲韌。《鯖魚定食》兩件鯖魚好大件，有配啲南瓜，牛腩片同牛小排總括好抵食，不過節奏就差少少, 同埋如果肉可薄切，魚切細件一點會易燒啲。