熊屋．刺身．料亭 (已結業)

放工約了朋友去坑口村食飯，訂了一間日本料理，因為聽聞食物品質高同埋即時製作夠哂新鮮咁喎！在坑口地鐵站，行過去都係10分鐘左右好快到，一去到見到門面幾好，入去坐下後覺得空間感很足，枱同枱距離不會太近很舒適，服務員上了一壺茶及介紹了食品，餐牌上看上去每一種也很想食於是點了其中幾種食品！第一樣上場的當然是一早收風話這裡出名新鮮的魚生啦點了二人份，特選刺身盛（包括有吞拿魚、活赤貝、牡丹蝦、油甘魚、三文魚、帶子、三文魚子、海胆）每一種魚生都很新鮮油脂感很好不會太濃，呑拿魚好肥美勁好食，活赤貝很鮮味爽口，三文魚子放入口裡一爆帶有小小海水味道正啊，海胆賣相勁靚味道超好，其他感覺不能盡道了，四個字好味同抵食！再來就係其他小食和湯了，海鮮茶壺湯（有蝦、三文魚、帶子、蟹柳）由於海鮮既精華完全融入個湯度，出來味道很清甜美味，用茶壺裝出來好有特色！

呢日入左將軍澳探朋友同佢岩岩滿左四歲既小魔怪同小魔怪玩完一輪，夜晚佢地就帶左我去佢屋企附近既日本料理店到食飯呢度都幾隱蔽，唔係佢哋帶我呢我都唔知呢頭會有間咁“骨子”既日式料理店！除左室内，仲有室外坐位添啵不過同行帶住小魔怪，所以我地都係揀返坐係室内啦睇黎朋友都係熟客仔，一坐底就問店員今日有咩新鮮魚可以做刺身店員話今日入左既活魚係“目仁奈”，咁就黎一盤“目仁奈刺身”HKd$368+10%先啦目仁奈既味道清鮮而甜，沾上混合蕃茄粒既醋汁一同吃下，更能帶出當中既鮮甜，感覺亦更加開胃呢條目仁奈仲可以一魚兩食，除左刺身之外，師傅仲會善用埋個魚頭同魚骨，令我地可以飲到有暖胃又鮮甜既魚湯之後同朋友再追加一份二人份量既“三點剌身盛”HKd$88+10%滿足下個刺身癮先當中帶子面層佈滿蟹子，食落更為鮮甜同時多層脆卜卜既口感然後就唔少得食下壽司既，揀左份叫“熊屋”HKd$188+10%既壽司拼盤同朋友share呢盤壽司拼盤用料新鮮，魚生刺身肥美，加上有齊朋友中意既軍艦同我愛既火炙壽司小魔怪就唔可以食咁多生冷野，所以我地就要左條“蒲燒大盛鰻魚（加配白飯及味增湯）”HKd$138(+$25)+10%原條大鰻魚雖

住了將軍澳區超過十年，區內沒有什麼特色食肆， 不論高或中低消費，大部分都是連鎖式特許經營食店，今晚打算往坑口邨覓食，我們多數去村屋那裏吃泰國菜。 但聽親友提起這裏開了一間日式料理食店， 趁著小週末不如一試。 開了openrice apps 去找尋， 走了一圈好不容易才找到門口 ，似乎相當隱世， 附近距離完全沒有指示牌。店內地方不算太大，但裝修簡約有居酒屋 feel. 七點都未到,已有兩三枱客人， 一定是識途老馬。打開餐牌，基本有的日式料理都齊全。 從店員得知逢星期五，六都會 有從日本空運直送的海鮮， 估唔到村屋都有高檔飛機貨色。魚(全條)刺身 $388今晚翻了魚，每片切得晶瑩通透，肉質結實得來清甜細緻， 加入蘿蔔蓉和幼蔥更能帶出其鮮味。 還鋪上三文魚子， 又可豐富其賣相。當然三文魚子也非常美味! 吃完刺身，会用剩餘的魚骨來做湯或酥炸。 因為不是大魚，店員介紹用嚟酥炸會更美味。 魚骨酥炸後也相當香口惹味。 這個價錢可以兩吃絕對是唔貴。北海之味二人前 (20件) $298 從壽司乘當中選了這款。 很驚訝每款壽司都是jumbo size， 魚生全部厚切，不是一般手握的的骰骰的壽司。 由

身為將軍澳嘅居民，成日聽啲街坊講坑口村有好多好野食，但就覺得唔係咁就腳所以的唔起心肝，咁啱呢日行完鴨仔山，一落黎就係坑口村就梗係無晒借口啦！喺村口就已經聞到好香嘅小炒，但因為唔想食完成頭油煙味，最後俾間環境清幽嘅日本料理吸引左。一坐底侍應就遞左壺麥茶黎，好香好清，完全好啱咁舒服嘅環境。嘆左幾啖茶就上第一道菜:軟殼蟹沙律，準備食主菜前一定要先黎個前菜黎開左個胃先嘅，新鮮炸起嘅軟殼蟹熱辣辣好脆。跟住有二人前特選刺身盛$388有8款刺身，樣樣都好新鮮！吞拿魚超肥美，油甘魚嘅魚油好重，海膽份量都算多，完全無腥味，連埋青瓜食真係無得輸！之後黎個2人前北海之味$298，有20件壽司咁多！仲唔會將價就貨~有海膽、帶子、甘蝦，北寄貝係原隻切開兩邊，唔似出面果啲得半塊，最有驚喜係赤貝~師傅話係新鮮原隻開出黎做壽司，好爽口好鮮甜！咁啱同師傅傾開，先知佢地直接由日本訂貨，每次都係按照當日最新鮮嘅材料整刺身盛同壽司拼盤，所以你未必有我咁好彩~又或者你會比我更有食神！God bless!終於都輪到我嘅至愛喇~西京燒銀雪魚，肉質好滑，好入味，唔使5分鐘就俾我KO左！十分十分值得推介！再黎串燒~鹽燒牛舌、鹽燒和牛粒

起初係order佢地外賣壽司, 覺得味道唔錯, 所以今晚就親身出動現場覓食! 位於坑口村ㄧ間味道出衆刺身店(熊屋)。地方清潔及舒適, 今晚特別介紹係魚刺身~目仁奈, 係餐廳特地由日本空運過嚟, 當然要試ㄧ試! 師父刀法了得, 薄薄ㄧ片,晶瑩通透, 真厲害, 啖啖鮮甜, 再加上專為鮮魚生特設嘅柚子豉油, 更加把鮮甜味帶出來。之後仲將魚骨煲湯鮮甜唔腥又好飲！好嘢陸續有來, 先講三文魚腩壽司及呑拿魚壽司, 厚厚肥美三文魚腩, 咬ㄧ口已經滿怖魚油, 因為係魚腩, 肉質更嫩滑, 呑拿魚壽司賣相了得, 好有心思, 師傅放ㄧ塊金薄在呑拿魚上, 口感ㄧ流,入囗即溶,無得弹! 帶子壽司, 帶子厚肉, 爽口, 而且 sizE並不惹少, 大大粒放在壽司上, 非常吸引。我最愛三文魚子軍艦卷, 粒粒魚子都非常豐滿, 金黃橙色非常新鮮, 毎啖都好有咬口, 每粒魚油都載滿口腔, 滋味非常!炸物必食係炸蝦天婦羅,通常一般都會炸漿太厚, 但呢間就不會, 炸漿 成分啱啱好, 很脆口, 蝦也非常弹牙! 不錯!總括雖然店舖不算大, 但食物質素不錯, 最緊要新鮮! 店舖還有Free delivery服務, 認真窩心, 值得一

今晚去左將軍澳坑口同表妹食飯, 慶祝佢考完試. 佢話想食日本野, 所以帶我黎到熊屋．刺身．料亭.我地一開始點左個池魚刺身先, 好新鮮, 魚味甘香 =] 食完個魚頭唔好浪費, 炸佢變天婦羅咁, 好香脆美味!另外仲點左芥辣八爪魚、一盤"北海之味"既壽司."北海之味" 一盤有20件, eg. 三文魚、甜蝦、海膽、三文魚子、蟹柳、玉子、帶子、蟹膏...etc.件件都好新鮮, 最正係海膽、三文魚子 =]另外我地點左個串燒拼盤, 由師傅決定, 有6串的. 結果有牛舌、雞翼、雞軟骨、紫薯、虎蝦等,  整體好唔錯, 唔會過咸/ 淡, 岩岩好!最後仲有個清酒煮蜆, 蜆既份量好多, 食完好滿足!

為食的我總喜歡周圍搵嘢食，今次去到將軍澳的坑口村，可謂成就解鎖。入邊都有唔少特色地道的餐廳，好多人揸車入嚟搵食。我哋就揀咗一間食日本菜的小店。雖然裝修唔係好華麗，地點亦有點隱蔽，但係都睇得出老闆娘下左唔少心思。無論牆上的掛畫同餐具都好特別。成日食刺身拼盤，今次想食啲特別野，就叫咗原條鯛魚刺身。薄切的鯛魚沾上酸汁，比較清新。佢地仲好貼心咁幫我地將魚頭攞去做湯。前菜係我鍾意食的中華沙律。我哋都點左幾款小食，當中以銀鱈魚西京燒最為出色。火候控制得啱啱好，銀鱈魚的肉仲係非常滑溜。而且西京燒的醬汁甜甜地，好味到停唔到口。壽司拼盤係店內最抵食的item，我哋揀咗第二貴的北海之味。二人前有20件壽司，平均每件都係$15。如果想簡簡單單食餐，其實兩個人淨係呢個item都夠飽，好抵。蟹膏壽司重口味到一個點，唔太容易接受，但我就超鍾意。油甘魚肥美，不過師傅刀工有少少失準。海膽同三文魚子用料靚，味道夠鮮，但如果能夠處理得再好少少就正喇！愉快的一個晚上，睇來我又發現左一個搵食地點，可以搵到唔少隱世的小店，又唔使同人迫。

熊屋取代了前朝舊舖後初次到訪嚐新,感覺是整體走高檔路線。在村屋舖有膽量做高質日本料理,看來其主理人來頭應該不小。就嚐嚐是日的時令刺身看看是否有足夠條件吧！這道時令魚生一出手,便知有沒有。孤陋寡聞的我首趟品嚐這款目仁奈魚生。網上資料顯示此款白身魚出沒在南部九洲一帶的海域。在白身魚中，屬魚腥味稍重的品種，其油分勻稱適中，適合鹽燒和汁煮。亦有不少食客喜愛其質感軟韌適中，故亦有造成刺身或壽司的食法。第一次品嚐這種在一般日式料理較少見的魚，其晶瑩剔透的魚肉外表鮮嫩誘人，但絕對不像網上所言有較重腥味。個人反而感覺魚味不算濃郁，其特質是口感爽脆而滑,故能品嚐其爽口脆身肉質。加上伴以微酸的大根醋汁,味道即時提升了。這裏還有沖繩特產海葡萄,粒粒如爆珠般飽滿,像即日空運的新鮮貨色。目仁奈刺身以三文魚子點綴,頓時變得色彩豐富,味道更有層次。另一新鮮又豐盛的食材是活赤貝刺身。不但肉身厚而大,口感亦非常爽脆, 外形和味道都是一等一的優質貨色。除魚生外,壽司的質素也令人滿意。無論是火炙抑或魚生壽司,都用上厚切和特大塊魚生片舖上壽司飯面。當然壽司飯的品質亦一致地保持高水準。醋的酸度適中。飯粒軟綿而又保持煙靭度,每口

平日真係好少好少好少好少去坑口，如果不是去探望朋友仔的新生BABY，我應該沒有什麼機會會入坑口食飯。朋友說之前10個月都沒有食生冷野，所以好掛住魚生壽司等，所以晚餐便帶我到附近的一間日式餐廳晚餐。要不是朋友介紹，我真的完全不知道原來坑口村一帶有這麼多餐廰。朋友說這家日式餐廳是隔離西式餐廳老板開的，西餐甚有水準，所以一直都好想試一試這家日式的又如何。餐廳唔算很大，但每張枱的空間都好足，讓人坐得好舒服。雖說對我而言這裡有點偏辟，但似乎這家日式餐廳在這區都很受歡迎，因為是夜差不多滿座。MENU選擇都好多，刺身﹑壽司﹑燒物﹑小食等，而且清酒都有不少選擇。壽司和刺身SET的選擇都有幾款，最適合我們不想特別多花心思點菜的人。鳴門壽司SET ($188)超豐富的壽司SET，9款共20件壽司，這個價錢其實真是好抵食，最重要的是水準還要幾好呢。有三文魚﹑魷魚﹑左口魚邊﹑飛魚子﹑鰻魚﹑醋鯖魚﹑北寄貝﹑熟蝦﹑腐皮。醋鯖魚醃得好入味，提升了醋魚的鮮味。還有腐皮都幾好食，唔會太甜味道剛好。壽司上面的刺身都好新鮮，三文魚好厚身，食落好軟身。個人特別喜歡左口魚邊，魚質好滑身而味道好鮮甜。鰻魚燒得好香口，而且燒汁不會

有朋友係坑口到住，去完探佢，佢話帶我地去坑口村食日本野對於坑口村，我黎過，記得多數都係大排檔，仲有西餐到左坑口村，一邊行都唔見有路牌或燈牌指朋友講個間日本野，好有隱世feel，好彩有朋友帶路去到門口，餐廳裝修都似模似樣，唔似係村屋入面，可以選擇坐室內或室外我地研究緊餐牌時，見到牆上話本日鮮魚直送，於是八掛問下侍應最後就要左條小鯛刺身，食完刺身後仲會拎返個魚頭去煲湯，連魚頭都唔放過另外要左2人前既壽司拼盤有20件，平均價錢都ok 喎，仲包埋d貴價壽司，例如三文魚子，蟹膏，海膽刺身黎左先，真鯛刺身，用冰鎮住保持新鮮刺身薄切到透哂光，師傅刀功一流食o既時候包住辣蘿白蓉，蔥粒，再點醬汁食真鯛刺身真係好新鮮，有鮮味之餘，肉質結實有光澤，食落有口感，加埋醬汁，鮮味更突出壽司拼盤，每款有2件，我地由最淡味既開始食每款都非常新鮮甜美，加上厚切，好抵食三文魚，油甘魚，都係拖尾帶子原粒，應該係珍寶size海膽，口感creamy令人驚喜既蟹膏，平時見到唔敢叫黎食，因為賣相麻麻，而且我怕腥，但呢個蟹膏壽司，味道超濃而唔腥呢個時候，侍應補返個真鯛魚頭湯俾我地，煮成奶白色，加些少豆腐粒，仍然飲到魚既鮮甜味， 毫無

細佬連續加班三星期，真係聽到都心痛，今晚就同佢食餐好嘅慰勞下佢。放工後去到坑口問佢想食乜，佢話想試下d小店，咁我就上openrice搵搵，發現坑口村內有好多有名氣嘅餐廳，細佬鍾意食日本野，所以就揀咗間新開嘅熊屋試下。熊屋位置比較隱世😂從富寧花園迴旋處出會易搵。店內面積不大但有戶外位置可供用餐。我先抵達點選了刺身~壽司拼盤，細佬隨後點了些熱食。池魚原條刺身上賣相已經好吸引，今晚呢條size好適合兩個人唔會太多，有別於平日食開就咁一片片刺身，今次師父將佢切條狀撈少少幻薑絲，口感爽滑完全唔腥，唔使加豉油就咁食已經食已經得，刺身有微甜，好清新，另外師父貼心咁附上酸汁提升魚既鮮味。最後食晒刺身就將條魚骨拎去炸，成條池魚就唔會浪費咁完全食晒2人前嗚門(20件壽司)有鰻魚~左口魚邊~魷魚~熟蝦~三文魚~醋鯖魚~北寄貝~腐皮左口魚邊入口溶化，油脂充滿口腔香氣四溢，火炙過帶點焦香味道，一件實在不夠喉。鰻魚同樣火炙鰻魚表面增加焦香味，鰻魚汁不會很多搶去魚的獨特味道，入口甘香，肉質綿軟。熟蝦好有驚喜，見佢個蝦唔厚身夾起一睇原來一舊壽司有兩隻蝦疊住，食落去鮮甜爽口，完全唔會痴埋一舊舊，唔點豉油都食得出蝦個種獨

我搬到附近的村屋居住已有幾年了，好少到附近的村口的食肆食飯，這食肆非常熱鬧，有不少村外的食客專程到村口食飯，那又方便泊車，來往交通都方便，難怪得到附近、或外的食客來幫襯。同事都是住在附近的居屋，她都是一個胃食鬼，都處找尋美食，大家傾起食，她說村口內開左間日本菜，有無興趣一齊去食，食完行返屋企又近，夠方便！我以為在村口裏的日本菜，一定比不上出面的食肆，點知，那是錯覺⋯⋯，原來也是不錯👍的，主打當天的來貨，絕對是新鮮美味。村屋下的餐廳，地方因應村屋的規格，不是很大，只擺設了數張餐檯，幸好，餐廳門前都可以擺放了幾張的木餐檯，方便吸煙及帶著狗隻的人士。魚生刺身：有三文魚、油甘魚、帶子、甘蝦、海膽，樣樣刺身都是以厚切，新鮮又令身，海膽配飯，海膽入口即溶化，幼滑，鮮味，口裏完全比海膽溶掉，難形容。三文魚夠厚身，咬落肉質滑溜，油脂分佈平均，甘味久久不散。帶子大大粒，鮮甜美味，爽口彈牙，仲有海水的鮮味。我地個個睇到都流晒口水，眼睛都發亮。熊屋壽司盛一人前：共有十一件，每件是不同刺身，全部都是我地喜歡食的，新鮮又大件，牡丹蝦真是好大隻，連蝦頭都是啖啖肉， 鮮甜又爽口彈牙。天婦羅蝦，炸得好鬆脆，一點都唔油

今天放工入將軍澳坑口探爸媽，好耐冇同佢地食飯，媽媽中意食三文魚壽司，爸爸就要食熟的食物，女兒知道附近的坑口村有多間食店，其中一間名叫熊屋.刺身.料亭，是食日本菜，有朋友試過話好食，今晚我們就去試試看吧！村居地方都算大，地方整潔，座位舒適。日本直送鮮魚-----真鯛：一魚兩食，首先做刺身，廚師刀工精細，片片厚薄均勻，擺設精緻，魚肉非常新鮮，味道鮮甜爽口。之後再將魚頭和其他部位去煮湯，奶白色的湯加入少許豆腐和蔥花，鮮甜美味，值得推介。特選刺身盛：刺身非常新鮮，有鮮甜的海膽、帶子，爽口的活赤貝、牡丹蝦，肥美的三文魚、吞拿魚，鮮味的三文魚子。而且刺身是厚切的，口感一流！北海之味壽司盛：長長的壽司盛有帶子壽司、甘蝦壽司、三文魚壽司、魷魚壽司、玉子壽司、特級蟹棒壽司、螃蟹膏醬軍艦、三文魚子軍艦、海膽軍艦。壽司食材新鮮，壽司飯調味和軟硬度適中，廚師做壽司力度剛好，飯不散不實，十分美味！初樱(壽司盛)：這壽司盛有三文魚壽司、魷魚壽司、北寄貝壽司、熟蝦壽司、醋鯖魚壽司、腐皮壽司、飛魚子軍艦、加州反卷。壽司實在太好味，食不停口，所以再order另一壽司盛，同樣新鮮美味！日本直送鮮魚----太刀壽司：超好味