熊屋．刺身．料亭 (已結業)

💁🏻‍♀️熊屋．刺身．料亭 (將軍澳)🍴-如果唔係返工我應該都唔會有機會去坑口村食野，呢間日本🇯🇵餐廳同事話平時好多人，難得今日少啲人就試吓☺️好多日本餐廳都會有麵豉湯，呢間都算味道唔錯！難得既係佢仲會有茶碗蒸！食落嫩滑，有蛋味😝角切魚生飯（$78）有三文魚🍣、吞拿魚、油甘魚、北寄貝、蟹子、玉子，全部勁厚切，好新鮮，仲要真係勁大碗，食落啖啖肉，絕不馬虎！睇得出好有誠意👍🏻食完仲有綠茶雪米糍做甜品，爽YY😆😆不過同事話佢加左價，如果價錢平返啲就好啦😇📍熊屋．刺身．料亭 (將軍澳)#將軍澳 坑口村31號地下#小丸子搵食記 #小丸子將軍澳-

成日聽人講坑口村好多好野食，今次特登入村搵野食😋😋最後揀左刺身丼飯食什錦海鮮丼😋 有油甘魚，帶子，三文魚，吞拿魚，蝦仲有海膽。好豐盛富😆😆😆海膽好鮮甜，其他都唔錯，係吞拿魚有點腥仲叫左個三文魚親子丼非常足料，起碼有5-6片三文魚，三文魚子都好新鮮，唔會有腥味😋食完碗丼飯都飽哂，食唔落其他小食，下次再黎要試下串燒先😋

服務態度超級差，暑假前一家大細，平日八點半去到，已經見到有一半空枱，同佢講五位，意想不到其藉口就話全部已經有客人訂枱，見OpenRice食評寫得咁好，專登一家大細揸車入去試吓，結果要坐門口位，食完埋單啦根本就冇人留枱，見到有老人家有小朋友，都唔願意俾人哋坐下啲冷氣地方？食物都是一般，唔會考慮再去。就算食物講到有幾好幾新鮮，但係服務態度差，亦不會唔會再去光顧。😡😡😡😡😡😡😡😡😡😡😡😡😡😡😡😡😡😡😡😡

坑口村如果不熟路的話，確實會浪費很多時間在找路上。假設是坐小巴來坑口村，落車後面向坑口村牌匾，往右邊小路前行，見到「Pizza box」後轉左，向前直行見到「輝記小炒」黃色招牌仔再轉右便能到達「熊屋」。店舖的座位之間距離適中，所以坐的比較舒適，適合朋友聚會聊天談心。首先上的是一壺麥茶，個人非常喜歡。前菜是中華沙律和麵豉湯，味道中規中矩。一人前的分量有十三貫件，性價比高，而且比一般壽司大件，可以說抵食，但不會有驚豔感。擺盤確實有點不足的地方，特別是軍艦壽司和太卷賣相都失色了點。壽司飯握的比較小，所以顯得刺身特別大片，壽司飯的酸度剛好，夾起來不算易散。壽司之中比較出眾的是三文魚籽海膽軍艦和鰻魚，較遜色的是油甘魚、玉子和太卷。三文魚刺身雖然厚切第一眼看上去很吸引，但刀工不行，其中兩片還有相連的地方沒切斷，另外有一片有細骨沒清好。三文魚沒什麼味道，不算新鮮。論偏僻和難找程度來說，熊屋確實能稱為隱世小店，壽司盛抵食，但似乎沒有其他食評說的如此驚豔，期望太高容易失望。另，打食評時才發現原來最後沒有上甜品，可能當日用餐時比較接近落場時間，所以吃的比較趕，結果大家都忘了甜品這回事，實在有點小遺憾（注：

同屋企人一共三個人食咗700幾係抵既。係屋企附近好似都出名，所以我地就冒名而來。一人前既份量大約120蚊，有13舊係抵食既。餐牌提供幾個set有分2/3/4人份量，價錢合理。我地叫咗個北海道唔知咩壽司set（第一張圖），有海膽壽司同蟹膏壽司我覺得好抵，不過質素普遍就唔可以驚艷我啦，只可以講性價比高，新鮮就爭啲，好味又爭啲。部分壽司係元氣咁既質素既。刺身都性價比高既，圖中好似係二百幾，唔係好記得。仲有個明太子手羽，可以唔洗叫，冇乜特別，但都唔差，釀咗明太子入去，建議份量可以多一至兩隻？隔離芝麻雞翼好似吸引啲...環境真係唔問人夜晚都搵唔到，個男仔樓面好細個，得佢一個做咁，都理解既，間嘢唔係好大，態度都好好，佢就辛苦啲。

今日同朋友去杭口村食飯，因為食物品質高同埋即時製作夠哂新鮮！跟朋友一起行過去都係10分鐘左右好快到，入到去坐下後覺得空間感很足枱同枱距離不會太近很舒適空氣流通，服務員上了茶及介紹了一兩樣我之前訂位時叫了的食品之後我們再自由發揮了，餐牌上看上去每一種也很想食於是點了其中幾種食品！第一樣上場的當然是一早收風話這裡出名直送又新鮮的魚生啦點了二人份，刺身盛（包括有吞拿魚腩、珍寶活赤貝、珍寶牡丹蝦、油甘魚、三文魚、三文魚子、帶子、韓國紫海胆）每一種魚生都很新鮮油脂感很好不會太濃，活赤貝很鮮味爽口，三文魚子放入口裡一爆帶有小小海水味道正啊，韓國紫海胆可以比美北海道的味道超好，其他感覺不能盡道了，四個字好味同抵食！第二樣當然係壽司啦，點了一個二人份的（包括有三文魚、魷魚、帶子、甜蝦、蟹膏、海膽、蟹柳等等）同之前一樣魚肉都很新鮮，食落口很香味道真係正！另加上牛油果軟殼蟹卷，睇見賣相幾靚，食落外面軟軟的中間脆口好香的味道！蒜片一口牛出來一點也不乾身，食落油脂還在中間在口中，和牛粒在口中唱歌太好味了！還有幾種串燒其中串燒雞軟骨，燒出來一樣不算乾身未道很好，其他串燒都好好食～正啊！食了咁多樣野又新鮮又好味都

上次朋友帶我食過熊屋之後，我實在太回味呢度既刺身、壽司同小食。😋今日到我帶朋友一齊來晚餐，見到朋友食到讚不絕口，食得好開心，就知道我無介紹錯啦！😁位置睇地圖會感覺偏遠，但其實地鐵站行過去都係十零分鐘，同朋友一齊行唔算遠啦！刺身拼盤三文魚腩~肥美，油脂比例非常恰當個人超級喜歡油甘魚~加小小Wasibi將魚既鮮味大大提升海膽、呑拿魚、帶子、赤貝都好鮮味又有咬口珍寶牡丹蝦~蝦頭都咁多汁同肉一人前熊屋有11件壽司🍣🍣一樣用上上盛既魚生，新鮮制作。飯有小小醋味，又唔會太大件。鰻魚同左口魚邊特別好味玉子燒明太子~雞蛋軟滑無比，本來淡淡的味道，加入明太子有小小咸味，又能感受出另一種口味！燒雞泡魚干~金黃色既魚干食落脆口香口，又唔會太硬，點沙律醬食都不會膩，用呢個小食送酒一流。即刻叫杯沖繩生啤飲下先！🍻🍻

星期六揸車入坑口，去到坑口村發現原來都幾多嘢食，於是就停低行入去睇吓有咩好食啦，俾我發現左呢間隱世既日本餐廳，入面地方唔大，應該都係啲小本經營嘅居酒屋，難得避開咗星期六食Lunch嘅人潮，又可以食到我最鍾意食嘅日本菜，即刻坐低睇吓Menu有咩食🤤見枱枱都係嗌午市套餐，我反而想睇下散叫左啲咩食。於是即刻嗌左我最鍾意嘅海膽壽司啦，章紅魚刺身，玉子燒，燒牛舌，炒雜菜同埋海鮮炒飯！個燒牛舌好友驚喜，厚身得黎又燒到岩岩好！

上網看到這間食評不錯 於是同老公跟著GPS去找出來 入到去看到有位又無人招呼 於是就直接坐低 叫左第一輪野 等左半個鐘 只來了一串燒牛舌同三文魚腩刺身（一開始仲落錯單比左三文魚刺身不是魚腩） 再等半個鐘 乜都無來 壽司同燒物都無影 樓面得兩個員工 好明顯完全唔夠人手 旁邊幾張台就我坐無耐 d人走曬半個幾鐘都係無清過台兩個伙計其實好明顯好多野做 但又慢慢做既感覺 因為第一輪d野好多無來 但我地中途加過單 第二輪野反而來左 個時已經大概係坐左45分鐘後 本第以為佢地唔夠人手 所以無吹 點知第二輪來時一問 佢地竟然話第一張單jam紙 所以依家再整 只有解釋一句 一句道歉都無 然後再等多20分鐘 終於有壽司出現啦！ 真係唔該曬最後壽司食曬 燒物來一樣無來一樣 我地放棄了 cut左佢 埋單兩人690 個人覺得唔算平講番食物 三文魚腩可以 夠厚 有鮮味 甜蝦都唔錯 其他好一般 d夠太大夠太實 牛舌係厚個隻 都可以整體是服務令我無言 建議好肚餓同趕時間既 都唔好諗去食 因為等到太餓 有好多來到食左唔記得影了

將軍澳區食店一向被連鎖集團壟斷，壽司店既選擇不多，今次終於搵到間驚喜小店。食材新鮮，而且種類都唔少Wasabi 係手磨個種 唔會嗆鼻海膽本應有兩種，不過今次去得番一種加拿大海膽可以要求店求炸牡丹蝦蝦頭，咁就可以兩食串燒種類都唔少，今次嗌左燒雞翼、牛舌、雞軟骨，仲有燒鯖魚。唔會燒得過火，食落幾juicy 仲有我超喜歡但忘了拍照既燒雞泡魚肝，軟硬岩岩好，又夠味滿足既一餐生日飯❤️雖然要從地鐵站步行大約5-10分鐘或者搭小巴，但都值得既🤤四人食，大約每位三百元

要搵一份好的兼職好難，我當日為兼職去探路，來到坑口村。我除了發現這間兼職公司地理位置很差之外，我還發現了一間美味的壽司店。坐下不久，店員便送上熱茶。我們點了一份雜錦串揚盛，有赤蝦、雞軟骨、牛舌、甜薯等等，算是十分豐富。我們還點了卷物-牛油果軟殼蟹反卷，牛油果軟殼蟹的配搭很好，口感層次很豐富。接着是一人前的壽司盛，壽司很鮮美，而且11件壽司真的很豐富，使人十分滿足。這裏的食物很美味，可惜地點有點偏遠...

同事生日，上網見到介紹就去了。坑口站行過去唔遠，大概五至七分鐘。有户外位，非常適合吸煙人士。第一道上嘅壽司，件件都足料，壽司上的魚生都新鮮油潤。壽司飯握得鬆軟適中，醋味屬偏淡。餐廳提供的清酒選擇都好多，唔同種類，大小，價錢，任君選擇。第二道壽司同樣滿意有加醬油湯底蠔鍋，大家都好鐘意。湯頭味道適中，醬油味香。豆腐超滑嫩，生蠔新鮮大隻鮮甜，蔬菜索晒湯嘅味道好好食，仲要少量粉條又係索湯之選。串燒都唔錯，乾身脆口唔過火最後上嘅天婦羅就普通點了

四周環境寧靜，店舖較細，但感覺舒適，入坐後也坐得很舒服。首先上的是魴鮄魚刺身:擺盤美觀，魚身晶瑩剔透，師傅刀工不錯，每一片厚薄大小均一，味道鮮甜，附帶的醬汁(辣辣地), 很開胃。炸蝦天婦羅:皮薄，炸粉少，香脆。鳴門壽司整體每件都很有水準，啲飯唔會一夾就散，尤其三文魚厚肉，好滑, 脂肪比例均勻，而一向對腐皮壽司不太喜好的我也吃了一件。蒜片一口和牛: 啲牛入口即溶，蒜片炸得很脆及很香，加埋醬汁十分好味鐵板牛油燒帆立貝: 帶子不會煮得太熟，很易咬，還用了一些洋蔥及三色椒放底，令到帶子更香囗。海膽金龍卷:壽司飯包著中間的炸蝦，在壽司上面擺海膽，外形美觀，海膽雖然不是太多，但新鮮鮮甜，食完想再食。

放lunch同同事去坑口村食野見到呢間有位就即刻入去估唔到坑口村咁遠但有間咁嘅日本餐廳入面都好有日本餐廳感覺由於係lunch hour所以好趕咁order最後叫左個滑蛋豬扒定食首先黎既係中華沙律同麵豉湯個麵豉湯都幾易入口唔會太鹹而到主菜貌相不錯不過個豬扒有點硬而飯既軟硬程度就恰到好處最後就有甜品杏仁糕口感幾好如果鐘意食杏仁既都會鐘意食見到隔離枱食壽司就搞到我好想食下次時間充裕可以試下食壽司

大學畢業後，當年日夕相對的好姊妹各有發展，經過十年的奮鬥，有公司高層、專業人士、創業老闆、幸福少婦、我最平穩做了公務員，過往偶有飯局但很難齊人，今年是畢業十周年，一定要齊人，由我呢個為食妹統籌。坑口村，熊屋刺身料亭，由坑口港鐵站步行約六七分鐘就到，店面地方不大，枱數不多，不會覺得擠迫，簡約的裝修有居酒屋的感覺，而且還可選擇在戶外進餐，迎合不同需要的客人。我哋食嘢的宗旨由以前『甚麼都食』，到現在『只吃靚的』。我最清楚各人的口味，由我來為大家點菜。刺身方面，有三文魚、油甘魚、吞拿魚、八爪魚、帶子、牡丹蝦、活赤貝、海膽、飛魚子。魚生新鮮厚切，超級肥美，油脂豐富，口感柔軟細滑；肥嘟嘟白雪雪的帶子切半，有質感，鮮甜可口；牡丹蝦超大隻，鮮甜無比；活赤貝爽口；海膽樣靚味道creamy；飛魚子晶瑩剔透，咬爆魚子滿口海洋味道，真是超正！壽司方面，侍應奉上枱時，我們都嘩嘩聲，壽司飯上面的刺身都是巨無霸，是別人的double，壽司飯的份量則十分適中，不會太大件，飯的品質亦確是高水準，飯的甜度和醋的酸度非常配合，飯粒軟韌適中，再配上各款新鮮食材，每件壽司都美味可口，連最平民的玉子壽司也爭著吃。蒜片一口和牛，蒜