烏蠅館 (已搬遷) 新店位置

選擇烏蠅館有幾個原因—— 一、以「烏蠅」起名很有趣；二、我從未試過冒菜，也不知冒菜是甚麼；三、地點極方便，更與我朋友公司位於同一條街上。點菜很自由，選擇也很多元化，圈上自己想要的就行了。兩碗麵上枱，賣相似乎不錯。先說這碗火鍋寬粉。雖然只叫小辣，但也吃得我滿頭大汗😂 其實我選的材料都是一般吃麵的餸，但我認為食麵的精髓在於湯底和麵質。湯底辣而不太膩，光看也不會見到佈滿一點點油漬。寬粉麵質較柔軟，吸盡湯底精華，因此每口也口感十足。另一碗不同的在於清湯底和加了肥牛。清湯底雖然不辣，但也喝得出是熬了良久的好貨色。整體食物質素高，份量（很）大，性價比頗高啊👍🏻

聽到“烏蠅館”個名已經夠特別，就咁聽個名絕對唔知道個店舖係食邊類嘅菜式，前兩日去尖沙咀行街，中午就去咗尖沙咀亞士厘道天星大廈1樓嘅“烏蠅館”食午餐，原來呢度係食川菜。中午嘅形式主要係有d似車仔麵或者湯飯嘅形式，每人一個套餐 或者食二人餐，可以選擇六個餸或者八個餸，另外再加飲品，包你夠晒飽。我同老婆都每人揀咗一個八樣餸嘅一人餐，佢嘅湯底有三樣選擇，清湯、雞湯同麻辣湯，而當日店員表示剛剛有一款新嘅湯底推出，但係未喺餐紙上面顯示，係酸菜湯底，有新嘅湯底當然要試下啦。酸菜湯底酸嘅程度唔會太酸，濃度剛剛好，而且帶點麻辣嘅感覺，始終四川菜嘅特色就係帶點麻辣，令你飲到酸菜味之後味蕾感覺到一陣麻辣，非常好味。另外，配料有好多不同嘅選擇，每人可以揀八樣餸菜， 一定滿足到貪心慾望既我，一定可以滿足到你， 而且啱曬我哋喜歡試多d唔同味道嘅食客。不得不提佢既麵底我哋都選擇咗四川火鍋面底，呢款面底有啲似公仔麵，但係佢畀公仔麵彈牙而且有口感，味道非常好，絕對係唔錯嘅選擇。而飲品方面我就選擇咗普洱奶茶，尼款奶茶喺第二度未必飲到，普洱茶味香濃， 而且奶茶唔太甜，敢先至可以飲出茶味。以尖沙咀離講$56可以食到一個咁豐富

係附近做完facial，習慣就係上Openrice㩒下有咩新餐廳&好西～見到呢間寫住冒菜，吸引左我試下！之前係內地同家人食過冒菜- 來自四川成都的特色小食，覺得幾有特色。原來而家尖沙咀都開左間冒菜餐廳，我一於唔可以錯過。餐廳係上樓舖，都算容易揾嘅～一出𨋢，見到以下呢句句子，覺得幾用心！就睇下佢地點樣擅長法啦！大門口有對看似是門神的門簾，令我想起小孩子時家鄉的舊式大門，門上就貼著類似這樣的圖案。環境佈置有心思，牆上吊櫃擺放精緻茶杯，窗台上都放了不少茶杯和茶具，空間感不錯。呢度嘅冒菜個形式同米線相似，不過可以揀嘅餸好多，特別要提下海帶結、鴨血、貢菜係香港嘅粉面食店少有。一人餐黎講，可以揀6或8樣餸，其實都非常豐富～今日嘅主食可以揀火鍋寬粉、土豆粉。試新野梗係要叫埋朋友啦～朋友仔唔係太肚餓，所以淨叫餸～冬菇、海帶、豬潤、墨丸、貢菜等等，多餸到數唔哂點左清湯配小小指天椒，好惹味～佢讚個貢菜好爽同好味！而我就點左土豆粉配海帶結、豬耳絲、生淮生、紅腸、雞翼等等。睇落去簡簡單單，食落係食得出好用心製作，湯底濃郁。夏天好興藍蝶花，朋友仔就試左杯藍蝶花特飲～因為「茶」是餐廳其中一個主題，四周都放滿茶具，

說到冒菜，對很多人包括我在內都比較陌生，原來冒菜是一款成都的街頭小吃，可說是麻辣火鍋的迷你平民版或麻辣燙的變奏，同樣以麻辣湯頭作膽，客人自行挑選各款親民的薄、脆、嫩材料，例如素菜、豆類、丸餃等易煮易準備的新鮮材料，廚師代煮，一人一碗，經濟抵食。 冒菜與麻辣燙的分別是比較少油、少麻，聽落更合心意，無聊的週日，雖然適逢狂風暴雨，依然不阻我出門的計劃，獨個兒走到尖沙咀雅士厘道這家吃冒菜的小店，取名烏蠅館，真有趣！ 來到門前，意想不到小店子如此雅緻，門外的標語及茶具的擺設，帶幾分文人雅士風、成都小茶館的風格。成都人愛喝茶，冒茶配茶亦相當合理。 據服務員說，他們同時經營茶葉生意，下午非繁忙時段可以只來品茶，印出來的菜單有30款茶的選擇。 入鄉隨俗，我特別選了一款桂花烏龍茶，據說在蒸茶的製作過程中，三次加上桂花，因此沖出來的烏龍茶，見不到桂花卻洋溢著桂花之香。 果然不錯，尤其剛沖出來之時，陣陣桂花香一湧而出，過了一會兒，茶香取而代之，吃過麻辣湯麵之後來一杯茶，果然夾！炎炎夏日，相信凍茶會更受歡迎，只因個人口味我喜歡熱飲。 備以三款湯頭，麻辣、清湯及雞湯，配料選擇非常豐富，有四十款之多

一向都好鍾意食酸辣粉，各種酸辣、麻辣、米線、薯粉我都唔會錯過。今次俾我發現尖沙咀呢間「烏蠅館」，主打冒菜，即刻衢去試！單人b餐任選8款　$56平時食麵，大概最多都係選三款餸吧？而家竟然可以同樣價錢食到八款每份份量冇咁多，可以試多Ｄ款，個人覺得咁樣安排更好～麻辣湯底，十級推薦！！！真正做到麻、辣、鮮、香，辣求容易接受，同時非常惹味，食辣的FANS一定明白咁樣唔容易做到！如果間餐廳開係我公司附近，一定會經常來食！配料揀左牛丸、芝士丸、魚腐、肥牛、冬瓜片、芋絲、火鍋寬粉、土豆粉。土豆粉好似烏冬咁粗，爽口彈牙。建議所有吃麻辣湯底的朋友都選火鍋寬粉！因為這煙靭彈牙的質感實在與麻辣湯底襯到絕，吸哂Ｄ湯汁，更大碗都食得哂朋友不太敢吃辣，所以點了清湯。本來我對佢果碗冇咩期望（邊個去食冒菜會揀清湯？）點知喜出望外－－原來清湯係雞湯來，雖然唔係麻辣果種香口，但清清甜甜都不失美味！難得作為主打冒菜的餐館，連不吃辣的食客都照顧到他選的配料是魚皮餃、牛丸、廚師腸、午餐肉、肥牛、豆卜、蘿蔔片、唐生菜另加$4四川火鍋面第一次吃火鍋面，麵質有點像公仔麵，但這是沒炸過的，感覺會更健康。如果喜歡吃公仔麵的朋友不妨一試！茉

睇完戲，本來想行去港威行下街&食晚飯，點知行到中途落滂沱大雨，唯有臨時改響附近搵餐廳食野傾計。見到樓上鋪間裝修幾引人入勝，中式木裝橫，就上去試一試，上一樓，門口唔係大大招牌，而係一句slogan，真係幾特別餐廳。入座時間套早，幾乎包場。餐廳主打食北方粉麵，重質不重量，來貨質量欠佳，餐廳就直接停呢款菜式/飲品，所以飲唔到桂花蜂蜜。不過由此睇得出餐廳對食物高度要求！我叫左單人A餐-土豆粉配麻辣湯底。菜款選左雞翼、墨丸、貢丸、鴨血、木耳絲、秀珍菇。成碗麵好新鮮，有好多生蒜、芫茜等配料，好香！餐廳老闆娘講過專成請北方人做配料，分量係有量度過，真係好認真！ 而家各款配菜麵好新鮮，滷水雞翼唔會"鞋拾拾"，貢丸夠彈牙。另外叫左杯桂花蜂蜜(凍)，桂花味好重，味道清新，當食完一碗辣麵後，飲一杯清新飲品，成個胃麵舒暢哂👍🏻

假日去左尖沙咀行個靚街，朋友仔想食辣野，但唔想又去譚仔，就 search到呢間新開既餐廳，見裝修幾文青，又坐得幾舒服，岩哂想休息一下既我地冒菜都係第一次食，怕太辣就揀左麻辣小辣我地係叫左雙人D餐可以任選8款，再額外配千層肚、黃喉，鴨腸不過店員通知我地無鴨腸，就換左墨魚仔平時食譚仔最多都係叫3款餸，突然可以叫咁多款，真係要用啲時間諗諗好啦，決定好，就要左豬耳絲、龍蝦丸、魚腐、海膽丸、肥牛、金菇菜、鵪鶉蛋模式有啲似內地既麻辣燙，自己揀款揀辣度再上，只係呢到係連埋湯底，麻辣燙就乾上所以套餐仲包2款主食，我就揀左米線鵪鶉蛋香港地比較難搵到，見到就立即點左，蛋黃吸滿辣辣的湯底，都幾過惹肥牛同丸類質素都唔錯，夠彈牙雙人套餐會額外配千層肚同黃喉，呢2樣反而好有驚喜千層肚即係牛栢葉，切得較為幼身，好爽又吸味而黃喉第一次食，一片片卷起，都係食落爽身，有口感既材料而食辣就一定要飲野，檸檬蝶豆花顏色唯美，味道微甜，夠清新健康

唔明點解呢間野會有甘多好評架呢？我都係lunch果陣時去，人唔太多，menu我無影到，可以參考其他人post點張，一碌野四十幾蚊，加面底要錢，一碗$48, 要再加野飲再加錢。 好期待佢地咩正宗辣，辣度得一種揀，已經覺得唔對路，有同事之前食過都話唔夠麻，所以我特登係紙到寫大麻大辣！碗面黎到，好靚，好紅，有好多餸，多蒜頭，阿姐叫我撈云先食，點知最後都係，完全唔夠麻唔夠辣，仲差過一碗大陸街邊食既酸辣粉，都係食連鎖果幾間算啦！朋友食清湯，無乜特別。

翻過內地食冒菜後一直念念不忘，最近到尖沙咀上班才發現原來樓下就有間冒菜。今日lunch早落去試，無咩人，地方闊落。叫左豬潤魚皮餃墨魚丸、娃娃菜豆皮同寬粉+一碗白飯+普洱奶茶。配菜份量比較少，豬潤得三小塊，沒有丸類划算。寬粉煮得唔夠耐，已經特登最後才食但仲係嚼唔爛，結果食淨d寬粉..鍾意食辣既可能要叫大辣，小辣感覺鹹多過辣。杯普洱奶茶無咩茶/奶味，特別係食完冒菜再飲會覺得比較淡。普普通通，價錢係尖沙咀算係咁。除非貪嘴癮，如果唔係應該唔會特別再食

朋友超鐘意食米線，一早食厭晒譚x,雲x香既佢，介紹我食一間另類四川面食。網上查看過，冒菜是一道以肉类、豆制品、青菜、海鲜、菌菇类作为主要食材制作而成的菜品，將鍋里煮好的菜在干碟里輕輕一蘸。相信呢度既面食係用呢種煮法，有別於一般香港食到既米線。我地落單時雞湯已沽清，而且在場又有小朋友，所以就叫左一清湯，一個麻辣。48蚊就可以揀6款配料，最岩我地心大心細乜都想食。最後我地叫左兩碗任選8款，同埋野飲。玫瑰蜂蜜野飲好快就送到。賣相一流，係好靚既粉紅色，估唔到飲落玫瑰花味都非常重，而淡淡既蜂蜜唔會蓋過玫瑰花香，而且唔會過甜，甜度岩岩好！非常解渴！最後我仲食晒杯低既玫瑰花瓣凍鐵觀音朋友唔飲甜野，就叫左凍鐵觀音。呢度既茶類都唔會加糖，養生健康。茶葉新鮮，青青綠綠，好有香味。麻辣湯底+火鍋寬粉黎到既時候嘩左一聲，既聞到好香既麻辣味，份量都幾多！最中意佢多蒜！火鍋寬粉係類似之前小肥x食過既肥羊粉，除左係果度之外，其他地方都好少供應。我曾經為左想食呢個粉去食小肥x！依家呢度竟然有得食！店員溫馨提示撈均去食。好香既蒜香同麻辣香！食落麻辣真係有料到，唔係得個咸字，條脷都食到麻晒！配料方面，令我最驚喜既係有鴨血

烏蠅館，個名怪怪地，比人感覺好邋遢。豈料上到去眼前係一間裝修得頗清新，似足cafe嘅冒菜小館。牆身放住一餅餅茶葉做裝飾，比人一種簡潔嘅感覺，完全唔似食辣嘢嘅地方。雖然呢度冒菜係出名，但最具特色嘅應該係只售$18嘅茶系特飲。親民嘅價錢，飲到嘅卻係比台式飲品店高級嘅飲品。四川一帶盛產普洱，所以點咗普洱奶茶。採用原片茶葉沖泡，真係飲得出茶葉清新嘅一面，唔會苦澀，但散發茶葉淡香，唔加糖水都好好飲。朋友點嘅玫瑰蜂蜜賣相極為吸引。淡粉紅玫瑰花瓣沉積於杯底，形成漸變層。飲落較甜，玫瑰露香味亦好出。最重要係真係用原朵乾玫瑰沖成，跟餐只係加$10絕對值得。食物方面我哋都揀咗麻辣小辣，花椒味幾香，但唔算好辣，一般食得辣嘅人可試大辣。除返開每個餸唔算貴，不過一叫就起馬要6款餸$48，但喺尖沙咀仍算好抵。火鍋麵同薯粉都好黏韌，同當地食到嘅一模一樣，喺香港真係少有。臨走嗰陣見到一盤盤出爐滷水雞翼，好吸引咁......聽店員講呢度遲啲會做埋火鍋，有機會下次嚟試吓大辣，更重要係飲多次呢度嘅特飲！！

友人介紹到此樓上鋪，舒適整潔，想不到會有這樣的環境慢慢吃個麵。不查不知，冒菜來自成都，把料用湯燙好，快快上碗，簡單來說就是預製的一人火鍋。$56的一人餐有八餸一麵，抵!湯底夠辣，不太油膩，不死鹹，用比較天然的蒜蓉莞茜調味，辣得過癮。首嘗的四川火鍋麵極像即食麵，但吃下比較煙韌，不像油炸。餸菜點了些較少見的如鴨血、貢菜、海白菜，有新鮮感。不得不讚的特色餐飲，檸檬蝶豆花微酸清甜，清熱解暑，侍應更提醒蝶豆花寒涼，女士月事後不宜，十分細心。桂花烏龍茶竟然是原片茶葉，十分足料，根本可冲一大壺。這裏比一般粉麵店多花一點，但環境、食材、服務等十分高質，大推。

第一次聽到烏蠅館這個餐廳名，心裡真是十萬個不解，為何會有餐廳以我們最怕的烏蠅命名？原來在四川，食物需做到頂級，才會被人尊稱作烏蠅館。而這間烏蠅館就是主打四川菜之一的冒菜。餐廳裝潢典雅，牆身櫃放滿茶餅，窗旁放着小盆栽，整個空間予人舒適寫意之感。這兒有點像車仔麵，同樣是自選配料、湯底和麵/飯。麻辣湯底是這裡招牌，湯底以黃油、芥花籽油及三種辣椒熬煮而成，但我倆都不嗜辣，雞湯又售罄，就試試清湯。我們選了雙人D餐（$128），兩個主食+仼選8個配料+千層肚+黃喉+鴨腸，可惜最想試的後兩者都售罄，改成毛肚和酥肉（四川豬肉）。麵條我們亦選了非常特別的土豆粉和四川火鍋面。上菜了，原來是每人各一碗麵，而餸料就全放在一個大碗內分享。麵條份量比較少，可惜，因為土豆粉和四川火鍋面都非常好吃。前者又滑又彈牙，有點像手打烏冬，但又比它彈牙，食落更有口感。後者有點像公仔麵，但少了油炸，感覺較健康。湯底雖然是清湯，但因為有大量蒜、蔥、芝麻，所以香口滋味。所選的配料都屬常見車仔麵餸菜，但雙人套餐額外有的千層肚+毛肚+酥肉就值得一提。千層肚和毛肚都屬多皺摺的部位，吸收湯底精華後特別入味。酥肉外層應是炸得香酥，但放在湯內就

今日同朋友用餐嘅地方就係亞士厘道 天星大廈 1樓嘅烏蠅館大廈樓下係酒吧西餐廳 而我哋今日光顧嘅地方就係一樓掛滿咗特色燈籠嘅地方 搭𨋢上一樓 就係我哋要搵嘅烏蠅館喇入到餐廳見到牆上嘅裝飾都係同茶有關 原來老闆本身有間茶既舖頭 將貨品擺放過來 除咗供客人觀賞之外 客人喜歡的話都可以選購回家呢度嘅飲品 都加入咗茶嘅元素 來一個mix and match烏龍奶茶(凍) 奶茶中有大量茶葉 真材實料 茶味芳香冒菜嘅精髓在於湯底 以22種味天然香料 所淆製而成 麻辣湯底當中用咗三種不同嘅辣椒 雖然顏色火紅 但食落而油不膩 辣而不燥 麻而不痺有時食麻辣湯底 好怕食到一粒粒嘅花椒 咬落去成個口完全麻痺 呢個湯底嘅麻辣味係有嘅 但係就冇當中花椒 八角 麻子 嘅渣宰完全冇四川火鍋面 麵質同公仔麵差不多 但其口感更爽口豬潤爽口 推介鴨血 入口即逝 非常嫩滑晚市期間仲有火鍋供應 但要訂咗先有 皆因食材要事先預備 餐廳對食材的執著 值得令人敬佩下次約埋三五知己 嚟試下呢度嘅火鍋先

我不能吃麻辣，但是在這裡有得選擇，辣不一定是紅油和red chill 引至。小小辣可以用新鮮garlic. 我連吃了2碗。加入了8菜和6菜。一定要選鮮懷山。飲品也很清新。今晚好滿足。