418
29
4
港鐵尖沙咀/尖東站 L5 出口, 步行約2分鐘 繼續閱讀
所有分店 (2)
電話號碼
26062722
營業時間
今日營業
11:00 - 22:00
星期一至日
11:00 - 22:00
*18:00-22:00供應火煱及烤魚
付款方式
AlipayHK 支付寶 現金
其他資料
電話訂座
當面支付
食評 (493)
等級4 2020-10-31
2049 瀏覽
其實我真係唔係好食得辣,不過已經由以前完全食唔到,到而家可以食到少少+appreciate到少少辣既惹味,可以話係有進步。朋友極力推介下,我地黎到好出名既烤魚。佢地話食得烤魚點可以唔食辣,唯有食少少少少少辣餐廳係尖沙咀中心,但上一樓就感覺好似去左第二度咁。雖然唔易搵,但都真係好多人識黎,記住要訂位!呢度裝修好有古色古香,成幅牆係放滿茶具既木架,點都估唔到係黎食重口味冰粉可以當野飲咁嗌,當然要嗌定杯頂住之後既辣。 一見到已經嘩一聲,少女心爆發,仲要係養顏桃膠,不得了。係限聚令收緊之前食,人多就可以叫到成枱野。呢條原來係中麻辣,沙巴龍躉肉質好滑,點煮都唔老。三刀就要左少香辣,不過真係要快d食,唔係就會越煮越辣。香辣比麻辣多左陣指天椒既香,而唔係花椒既麻,連唔係好食辣既我都appreciate到呢種香。 不過呢,下面d薯仔同蘿蔔先至最辣火鍋料都好新鮮要海鮮既話要早一日訂,訂左枱之後餐廳會早一日whatsapp問你需唔需要預留海鮮。果日食既韮菜餃係佢岩岩新鮮整出黎,皮薄餡靚。會好想再黎,但下次都係嗌番茄湯底啦,食唔到辣都係唔好逞強。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-04
3312 瀏覽
亞士厘道而家冇以前咁熱鬧,行到盡頭見到呢間烤魚店,上網睇都幾受歡迎,決定試下!平日夜晚來都真係幾好生意,全場坐滿!鋪頭除左烤魚,仲有一碗碗嘅米線、薯粉同撈麵等等,冒菜選擇真係多!好似車仔麵咁,連湯底都有4、5款選擇。 ➡️ 麻辣烤三刀魚 ($288) ⭐️⭐️⭐️⭐️ 經店員介紹,決定叫麻辣口味,佢話麻味重d幾香口咁話喎!當日贈送三個是日素菜,有雲耳、蘿蔔同萵筍。我地另外加料加左寬粉 ($28)、唐生菜 ($32)同脆魚皮 ($38)。烤魚上枱時麻辣味好香,店員提示我地焗5分鐘先開蓋,麻辣味先會出味d!所有配菜加埋一齊食,又飽又惹味。條三刀魚都算幾大條,多肉又冇咩骨,而且好嫩滑,沾埋d麻辣湯汁,食完都唔係好夠喉😝 .............................. 烏蠅館 地址📍: 尖沙咀亞士厘道38號天星大廈1樓B舖 總評分: 8.25/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️💫 抵食💰: ⭐️⭐️⭐️⭐️ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-13
6366 瀏覽
亞士厘道,以往五光十色,有賣衣服行山用品,拉麵、KEBAB、日式店子、吃鵝店、酒吧等等,熙來攘往,人多擠擁,熱鬧時甚至連約人都難以找到🤔現在,不少地舖或樓上的食肆都執粒了。這大廈地下旁有KEBAB,當年曾與幾名兄弟吃過,也倒閉了。烏蠅館的變化也相當之大,之前還是只有幾名大媽型呀姐在店內做店員落單以及端食物,🤔豈料轉下幾個轉下幾個,現在都是幾名年輕男女做店員,🤔而且介紹、端貨、落單,都是這個年輕男子,其實有沒有轉手呢?而且,顧客亦都有多數的師奶或是中年人,變了不少年輕男女,究竟有沒有什麼人或是網台介紹過烏蠅館呢,🤔我也不知道。多次來烏蠅館,也吃火鍋寬粉,還是湯的,往往因為它偏向麻辣,有時候就會吃到非常之生津,即是越吃越流口水的感覺,但這次,年輕男店員介紹了新出的一個撈麵,有普通的款式的撈麵,另一個就是加了肥牛撈麵,這次我就點了米線。真可惜,往往吃火鍋寬粉份量都比較多,但原來係撈米線,米線份量比較少;撈的其實就加入了一點腩肉切粒、辣椒、以及辣椒粉等等,辣椒粉看來比較嗆,味道不算奇辣,但還是令你有點兒嗆口的感覺。米線亦都煮得比較軟林,和以往吃過彈牙爽口的紅薯粉或是火鍋寬粉,就相形見絀,肥牛都有幾條,用來調味都不錯。配料就好像比起湯麵的份量少,海白菜往往都是我的最愛,明明它又是菜,但卻有蒟蒻的質地,爽口而又脆,吃落不覺得像在吃蔬菜,夠爽口彈牙,夠趣,口感一流。另外通常最喜愛的就是豆卜,形成一串的串起,不論空口吃,定還是放在湯內給你,軟化了都是不錯的口感。始終要去尖沙咀,要吃個吃麵的下午茶,還不消$70 ,又有雅座,烏蠅館仍然是不錯的選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-28
5973 瀏覽
朋友想吃川菜,訂了烏蠅館一試。聚餐前一天,餐廳what's app讓我們先選定烤魚種類和預訂海鮮類食品。店員在短訊貼心地解釋不同魚的特色,最後我們揀了厚肉的三刀魚,另外下單了5隻扇貝和一份花甲。訂了枱的我們準時到達,馬上可以入座。店內環境尚算寬敞,與鄰桌的間距足夠。枱上預先放了餐具,清潔得非常乾淨。人齊後通知店員,招牌香辣三刀魚(小辣)馬上上枱,散發濃郁麻辣香氣。店員溫馨提示魚已熟可以先吃,其他配料則要先煮一會兒。三刀魚雖然不算嫩滑,但肉量多而口感厚實,魚骨也少。辣味調得非常好吃,花椒和指天椒令嘴唇輕微麻痺,十分過癮。免費贈送的時令素菜: 豆泡、木耳和白蘿蔔薄片煮過後入味非常,好好吃!把魚肉吃完後便可以加湯變火鍋。加湯後我們覺得辣味被沖淡,便問店員拿了點指天椒,加了後馬上變回重口味扇貝大大隻,肉質肥美。煮過後的扇貝亦未見縮水,味道鮮甜,滿足。花甲的體型比平日見的大隻,清洗得十分乾淨,新鮮飽滿。肥牛肥瘦和厚度適中,有牛味。鵝腸口感清爽,沒異味。寬粉絕對是辣鍋必備,煮了一會的寬粉吸收了辣湯精華,口感煙韌軟糯,CP值極高。總括而言烏蠅館表現出色,值得推介下次會來試午市套餐 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-23
0 瀏覽
因為實在太掛住烤魚嘅關係,所以就特登搵咗呢間幾出名食烤魚嘅烏蠅館。我嗰日係平日嘅夜晚,大概七點去到餐廳已經坐滿,食到一半都有食客要排隊等位,所以想食可能要早少少去就唔使等!食烤魚的話有五款口味,香辣,泡椒,麻辣,蒜香同豆鼓。魚方面都有三款: 龍躉魚,三刀魚同多寶魚。比餐牌嗰陣時店員都好主動咁話俾我哋聽唔同魚有咩分別。同埋每款烤魚都會配三款時令蔬菜,店員都有話埋俾我哋聽今日係邊三款。本身我哋係想揀三刀魚,因為店員話會比較厚肉同埋少骨,不過因為嗰日冇供應所以就變咗紅魚。由於我唔係好食得辣所以就揀咗蒜香,味道真係好濃郁,配埋蘿蔔芋絲同埋木耳,好入味,本身以為唔辣可能會遜色少少,不過都好好食!食落都真係幾厚肉,而且份量都唔少,唯一係我覺得整體偏油咗少少,但係味道方面係幾出色另外我哋仲叫咗幾款配料食完魚之後打邊爐。配料嘅選擇都幾多食烤魚當然要叫寬粉啦,煙銀得來好入味好彈牙墨汁墨魚丸呢款真係有驚喜,彈牙得來入邊真係好多墨魚肉,呢款好好食而且份量都好多!另外本身叫咗蔬菜雙拼,不過店員最尾幫我哋攞咗每樣一整份😂 不過好彩都食得晒 繼續閱讀
(以上食評乃用戶個人意見 , 並不代表OpenRice之觀點。)