烏蠅館 (已搬遷) 新店位置

星期六朋友好慘要OT番工，我就去左尖沙咀搵佢食個快閃lunch喇！！佢帶左我去一間好隱蔽既冒菜麵館食。餐廳係大厦一樓，佢話好多OL，係附近番工既人都鐘意黎呢度食！貪佢夠隱蔽，野食夠好味！上到去又真係好多著住制服既人係度食lunch喎！餐廳好有文青feel,周圍都放滿茶具同茶葉。仲有中國風格既壁畫。坐得幾舒服，又大間。呢間晚上有冒菜火鍋食，下午就主打食麵。佢有兩個套餐選擇（一人或二人餐）一人餐可以揀6-8樣餸菜！😍好多選擇，唔洗諗食咩好，樣樣都可以食，又幾好！仲包一杯飲品。而佢既飲品選擇都幾多款。全部都好特別好吸引咁。我就叫左杯 ：檸檬蝶豆花🍹呢杯係一杯好健康既飲品，可以提升體抗力，又含有豐富既維他命A,C,E. 賣相好靚好夢幻。🍹飲落酸酸地又帶有少少甜味！唔錯。朋友就叫左杯：熱既桂花烏龍茶☕好香既桂花味，我試左一啖黎飲。又幾香幾濃既烏龍茶味，再帶少少清甜既桂花味。無幾耐，我地叫既麵黎喇！我叫左清湯底！好驚喜，起初都怕清湯會無味，好清淡！點知原來係藥膳湯底黎！😍滿滿的杞子係面頭，飲落湯底係香濃既杞子味。好味。叫左8款餸，份量相當大碗！配左個火鍋麵，幾好味！火鍋麵個麵質似韓國麵咁，硬身d同

來自雲南嘅酸辣米線，打入香港好多年，除咗各大呀哥呀仔品牌，仲有好多小店，米線好似不知不覺成為我哋呢一代嘅主要食糧。今日我就同食開三小辣嘅A姐介紹一間主打四川冒菜嘅選擇俾大家，雖然呢間位於尖沙咀嘅烏蠅館，唔係米線專門店，但原來將米線配上冒菜係咁好味！起源成都嘅冒菜，表面好似同麻辣燙無乜分別，但其實冒菜較麻辣燙少油，入口辣而不膩。而店鋪以木色為主，仲有好多中國特色嘅擺設。湯底用22種香料炒香，加上藥材，黃油、芥花籽油同三種辣椒熬煮而成，最後再加芝麻、生蒜、葱同芫茜，令到個湯更香！所以辣得香而不麻，仲一啲都唔油膩，最重要係身上無麻辣鍋嘅氣味，咁偷食都無人知啦。而呢度好似食車仔麵咁，喺點單紙剔自己想食嘅配料，米線控嘅我哋就當然一人一碗啦，仲可以揀足8個餸，好豐富呀！我哋推介索晒汁嘅豆卜同魚腐；仲有新鮮爽口嘅淮山同雲耳；當然唔少得乾淨又入味嘅大腸啦。

今日嚟試一間開咗兩個月左右嘅冒菜 究竟咩係冒菜呢 相信好多人都唔知 包括我在內期間同餐廳老闆行談 順便解開我心中疑團簡單來說 冒菜即是一人的火鍋吃過以後便恍然大悟點餐形式有啲似車仔麵 湯底有三種選擇分別係麻辣味清湯和雞湯 然後選配料及麵類 最後仲有貼心嘅選擇 走芫茜 走蔥 走芝麻等等一向喜歡食辣嘅我 揀咗麻辣湯底 六款配料配寬粉火紅色嘅湯底配合大量蒜蓉 蔥花 芫茜， 確實重口味剛才都有提及過冒菜等於一人火鍋 細心留意之下確實相似 配料全部都係火鍋的食材 只是欠一個火爐朋友點左八款配料 清湯底配白飯清湯出乎意料有驚喜 這個清湯並不清 超重香料味 混合白飯一起吃可變泡飯再次一提 蔥花 芫茜 生蒜 是湯底嘅重點 有畫龍點睛嘅效果另外叫咗杯烏龍奶茶 甜到自己調教初時以為會有好濃嘅茶味 茶味並不濃 反而清香 奶味淡 和一般港式奶茶是有分別的另外餐廳仲有好多茶葉同茶壺提供選購 喜歡品茶的客人可以選擇下午時段過來 餐廳有各種唔同嘅茶提供 並會推介適合你口味的 及適合當季的 齊來品味人生

在尖沙咀逛完街，周末的晚上到處都排滿等待吃晚飯的人群，上網找找一些樓上店舖，見到這家新開專門吃冒菜的餐廳，立刻網上查查究竟冒菜是什麼。聽起來挺吸引，價錢也不貴，一於來個新嘗試吧。餐廳位於樓上，挺隱蔽，有點難找，上樓後便來到餐廳，寬敞舒適，裝潢新派，帶點cafe風格，而且有很多中式茶杯茶壺擺設，旁邊還售賣名貴的茶葉餅，很有特色。冒菜是四川成都的小吃，有如香港的車仔麵，把自選的材料煮熟，加入湯底、調味、蒜蓉、香菜、辣油、葱花、芹菜等，即可食用，有麻辣及香辣選擇。另外還有火鍋的選擇。這次肚餓程度未至於要吃火鍋，先吃吃麵餐吧，有單人餐或雙人餐，可以揀選最少6-8款材料，我的選擇是麻辣湯底，材料包括貢菜、海帶結、蓮藕、豆皮、鮮淮山、魚腐、丸子等等，再選擇大辣或小辣，按自己喜好選擇要不要走蒜、蔥、芫茜或芝麻，加入寬粉就如薯粉，很滑很有嚼口，不過顧名思義寬粉比薯粉更加大條、寬闊，值得一提的特色推介是貢菜，第一次吃，色澤翠綠的條狀，清脆爽口，味道有點像海蜇，不似平日吃的蔬菜，挺特別的口感！桂花烏龍茶：光看浸滿茶葉的杯，已經可以想像到茶味很濃，的確真材實料，重重的茶味，味道很濃郁，不會太苦澀，帶回甘味，

好好味既冒菜小館我呢個小辣妹一向都好鍾意食四川野呀冒菜咁，不過香港好少食到好味既，成日幫襯不同餐廳都好失望。咁岩朋友介紹烏繩館，就一定要去試下！一入去見到裝修好靚，放滿茶葉同茶具，我諗佢啲茶應該好正！之後叫法就有啲似車仔麵，可以選擇不同既餸。我同朋友叫左一人一個8餸一人套餐，不過好飽就冇叫主食了。首先飲品，有蝶豆花茶同桂花烏龍茶，蝶豆花加左檸檬變左紫色好神奇呀，而烏龍茶都好香好清，果然佢啲茶係正既！麵黎啦！辣妹當然要食麻辣湯底，麻同辣比例好好，一啲都唔會太辣同唔會太油脂膩。而餸方面，我叫左個寬火鍋粉做底，係正完四川麵喎，好正！另外果啲，每款都睇得出店主有特別分別處理，唔會一式一樣同唔入味，最推介係貢菜同豬耳絲，豬耳入味，貢菜爽口有特色！一定要試呀！另外朋友唔食辣所以叫左清湯，濃而清又健康，唔食辣既朋友都要黎試呀！呢碗麵都算係我係香港食過最正既冒菜，果然冇介紹錯！

假日去左尖沙咀行個靚街，朋友仔想食辣野，但唔想又去譚仔，就 search到呢間新開既餐廳，見裝修幾文青，又坐得幾舒服，岩哂想休息一下既我地冒菜都係第一次食，怕太辣就揀左麻辣小辣我地係叫左雙人D餐可以任選8款，再額外配千層肚、黃喉，鴨腸不過店員通知我地無鴨腸，就換左墨魚仔平時食譚仔最多都係叫3款餸，突然可以叫咁多款，真係要用啲時間諗諗好啦，決定好，就要左豬耳絲、龍蝦丸、魚腐、海膽丸、肥牛、金菇菜、鵪鶉蛋模式有啲似內地既麻辣燙，自己揀款揀辣度再上，只係呢到係連埋湯底，麻辣燙就乾上所以套餐仲包2款主食，我就揀左飯，朋友仔就係米線鵪鶉蛋香港地比較難搵到，見到就立即點左，蛋黃吸滿辣辣的湯底，都幾過惹肥牛同丸類質素都唔錯，夠彈牙雙人套餐會額外配千層肚同黃喉，呢2樣反而好有驚喜千層肚即係牛栢葉，切得較為幼身，好爽又吸味而黃喉第一次食，一片片卷起，都係食落爽身，有口感既材料而食辣就一定要飲野，檸檬蝶豆花顏色唯美，味道微甜，夠清新健康

第一次吃冒菜，大開眼界，一吃便愛上了！這間主打冒菜的餐廳質素甚高！無論食物、環境、服務都令人相當滿意，好有誠意和驚喜。這間樓上餐廳的裝潢以木色為主，設計簡約脫俗，給人寧靜悠閒的感覺。還有不少茶具和圓圓的茶餅作為擺設，具特色又增添中國風的味道，古色古香。座位寬敞舒適，環境亦十分整潔企理。這裡的麵食像港式車仔麵般可以自由配搭，他們的配料選擇超多，除了各款丸類、蔬菜類、肉類外，竟然連鵪鶉蛋、鴨血、鮮准山、生根、豬耳絲等等的車仔麵稀客都有，還可選6-8款，對於有選擇困難的我來說簡直是褔音，幾乎可點盡自己喜愛的配料。套餐還附送飲品，更有多款自家製特色飲品選擇，而且好有質素，真材實料，絕不是交行貨。粉紅色的玫瑰蜂蜜有不少花瓣，每一啖都有清幽的玫瑰花香，配上甜甜的蜂蜜味道一流，個人非常喜歡。茉莉蜂蜜也有水準，茉莉味極香濃，與蜂蜜是絕佳組合，清甜又滋潤。我們的麵好快送上，材料滿滿的，賣相不俗，令人食指大動。清湯是意想不到的濃郁，好有驚喜，湯中有杞子、紅棗、芝麻、蒜蓉等，啖啖藥材、香料和蒜香味，味道極佳，又不會有油膩感。連清湯都如此美味，下次一定要嚐嚐其雞湯湯底。四川鍋麵好特別，幼身的麵條好索湯，吸盡湯

又到食午飯時間跟左同事去亞士厘道34號，「烏蠅館」食午餐， 食店主打冒菜、火鍋、車仔麵， 有麻辣、清湯同雞湯任揀 ，如揀雙人D餐都係$128相當抵食。地方裝修簡樸但光猛寬敞，坐得好舒服。每日推出不同款式的健康飲品。火鍋寬粉好煙韌再加上豬大腸、魚皮餃、豬紅等吸埋個湯底好夠味。單人b餐$56可以揀8款餸 ，啲餸就比較少啲，但係加咗生蒜撈，芫茜撈埋食又幾醒胃。午市套餐已包健康飲品，紅色嗰杯玫瑰蜂蜜，好香玫瑰花味再加蜜糖好清新及健康。

尖沙咀亞士厘道的食店有很多，基本上乜國家地區嘅菜都有得食！零零舍舍見到一個banner寫住「冒菜」兩個大字，聽都未聽過，究竟係咩國家咩地區嘅菜式呢？好奇心驅使之下，就走左入烏蠅館。原來冒菜係四川菜既一種；而店名烏蠅館並唔係因為多烏蠅而命名，原來美味得令人融化人心，才會被食客稱為烏蠅館！又學到嘢我地六點幾未夠就去食晚飯，人流唔算多。烏蠅館裝修雅緻，感覺很溫暖。落單一人一張order紙，選擇非常豐富，感覺有啲似order車仔麵，店員也為我地細心講解餐牌，非常體貼。8餸1主食連埋特飲係$70。特飲檸檬蝶豆花。最近蝶豆花好hit，一定要試一試！顏色非常特別，用黎影相呃Like一流，仲含有豐富維他命A、C、同埋E，可降血壓同埋增強免疫力，內外兼備既飲品，正！（注意：孕婦忌飲用）好大碗四川火鍋麵！湯底香噴噴，齋睇顏色以為佢小辣都勁度十足！入口原來冇想像中咁辣，微辣且香，麻得過癮，而且油而不膩。蒜蓉和香䓤伴後令湯底味道更濃郁，四川火鍋麵爽口，各樣配料都很出色，完全喜出望外！老公order的桂花蜂蜜，微甜帶桂花香，非常清新之餘，仲係解辣良品！老公揀左配飯，d飯真係煲得唔錯，撈少少麻辣湯真係開胃非常！咁

冒菜係四川特色嘅傳統小食，由肉類、豆制品、青菜、海鮮、菌類作為主要食材嘅。同朋友兩個人share「雙人D餐」，自選八款餸揀咗豬大腸、雞中翼、墨魚丸、魚腐、豆皮、海帶結、海白菜、鵪鶉蛋。上菜嘅時候仲有好多生蒜、葱、芫茜係面，蒜fans留意啊🤪🤤。當中嘅海帶夾、同埋海白菜都係店員推介嘅，仲有貢菜同埋海帶片等都係推介嘅特色配料。除咗自選八款餸之外，跟餐仲會有千層肚等，另外包兩份主食，分別揀咗火鍋寬麵，同埋四川火鍋麵。呢個四川火鍋麵，表面好似普通公仔麵咁，但係唔會好似公仔麵咁樣浸耐左會發脹，而且食落比較彈牙嘅。仲Order左兩杯特飲，分別有：「檸檬碟豆花」 顏色特別，酸酸甜甜，重檸檬味，但留意番店員話唔啱就嚟嚟M嘅女仔飲「桂花烏龍茶」淡淡嘅桂花同埋烏龍味

佢哋叫烏蠅館唔係冇原因㗎，喺四川d野食要做到頂級先會俾人叫俾人烏蠅館。 就等我見識下頂級嘅四川菜先😁一出𨋢就見到佢哋餐廳嘅專長❤️❤️呢一餅餅茶餅都係可以買走嫁❤️一個個富有中國特色嘅擺設，令人賞心悅目😗 而且佢哋嘅座位設計都坐得非常舒服😎店員嘅服務真係非常之好，提醒我哋如果女士週期不適，都唔好叫呢杯蝶豆花。大家要留意喇😁我哋今次叫咗雙人b餐，可以任選一人任選8款食材。 店員好貼心咁框起右邊兩款麵，教我哋可以先揀麵再揀配料❤️左邊係桂花蜜糖右邊係桂花烏龍茶佢哋嘅桂花都係真材實料，非常之香，桂花蜜糖岩哂中意清甜味道嘅你。桂花烏龍茶，淡淡嘅烏龍茶香，冇任何糖份，夾埋桂花香味就更清新😋飲完杯凍嘅桂花烏龍茶，店員教我哋可以加熱水，令到烏龍茶香更加突出，更加香😗 初初都唔信，諗住飲完一次就唔會再有啲咩味道，點知店員加咗熱水之後，茶色更濃，更香。原來佢哋嘅茶唔係沖定一大樽，係真係用茶葉一杯杯咁沖出嚟畀你😯😯清湯湯底，有魚皮餃，雞中翼，豬大腸，魚腐，海膽丸，山根，雲耳 鮮冬菇，麵就係 土豆粉。土豆粉，有啲似粗身米線，但外層好似啫喱咁包圍住。口感相對地冇火鍋寬粉咁q彈，但都好有咬口😗😗清湯湯底，魚皮餃，雞中翼

之前在一些飲食推介睇到，鍾意食辣的我梗係唔會錯過，於是趁今日難得放假一於去試下係唔係真係好食。間舖係屬於樓上舖，位於街道得尾側樓上，老實講唔係好起眼，於是我哋就搭lift上，去到門口有日風門簾好特別，一入裡面感覺好舒服，店面裝修簡樸不失傳統風。我哋兩個人叫咗個二人六餸（木耳絲，豆卜，鴨血，豬皮，金菇）的套餐土豆粉，首先上的係凍飲，在出面熱辣辣入到飲返杯健康的桂花蜂蜜真心成個人都涼嗮。起初我哋都驚份量太大對於我哋食唔多的人來講。點知粉餸到時，好滿意，份量岩岩好，d配菜裝飾好靚，見到都好開胃，我哋叫的套餐上法好特別，兩碗淨土豆粉，一碗餸兩個人share，味道好香。於是我哋急不及待食，味道真係正我哋叫小辣，辣度岩岩好，湯幾香，d粉煮得適中，好岩我食，最抵讚係d餸，千層肚，黃喉，木耳絲，豬皮好爽，鴨血好滑，好好味仲有大量芫茜，芝麻，蒜蓉完美搭配，食完仲想再食。鍾意食辣的你唔好錯過，當然唔喜歡食辣都可以選清湯或雞湯，你哋都可以試下

夜晚同大少去尖沙咀覓食見到呢間新開張既四川店一於去試下店鋪位置比較隱蔽，大廈1樓去到大概8點15分，得反幾枱客人店員話營業時間去到晚上8點佢好好話如果想食麵就仲可以煮俾我地但某d配料同火鍋就無提供，最後我同大少一人叫左一碗麵。呢到似車仔麵咁，任選幾款配料我地簡左 自選6款配料 $48木耳絲、雲耳、龍蝦丸、豬潤、肥牛、土豆片另加($4)配四川火鍋麵 麻辣湯底 小辣 走蒜麵質吾系我想像中咁煙煙un un，而系似粗身既公仔麵我見其他人叫左土豆粉同闊麵，下次要試下我平時都有食辣但吾算系好食得辣，呢碗對我泥講系可以接受既辣，少少麻大少都叫左6款配料，但我吾記得佢叫左咩店員有提醒將芫茜同蒜拌混會更香玫瑰蜂蜜水 桂花蜂蜜水 （跟餐每杯$10）桂花蜂蜜水味道偏淡，加多一次蜜糖都系偏淡，但桂花味幾香，適合吾中意飲太甜飲品既人，夏天飲都幾解渴相反玫瑰蜂蜜水好香玫瑰味，甜度我覺得岩岩好另外有檸檬蝶豆花，下次去可以試下。最後店有準備薄荷糖俾我地食去去口氣今次太晏去試吾到佢個火鍋，大家想食下次記得早d泥。

I was captivated by the noodles so came here.At the entrance, I was not sure what to make of it because there was hotpots, yumcha etc.Inside the restaurant, you will see lots of Chinese Teaware and Tea pets because the owner used to sell tea.The menu is simple, you just tick what you want and the drink of your choice.You can choose either noodles or rice.For the rice, chose the non spicy broth which is loaded with healthy red dates and wolfberries.The spicy one would also go well with rice as it

講起食辣麵食米線，大家都係會諗起個幾間連鎖店。食到都食到厭哂。成日都想發掘下另類麵館食下！最近有一間食冒菜既麵館係尖沙咀 成為左上班族lunch都去食既人氣飯堂。今日我同朋友經過又去試一試先！餐廳位置比較穩藏，係大厦裡面。樓下只有一個昜拉架賣廣告。以為會無咩人知，但下午茶時段上到去，都坐了不少人！果然厲害。餐廳既裝潢俾我既感覺好文青，有dd中國文化藝術既風格，令人坐得舒服，不會覺得很逼，同好乾淨企理。lunch 有兩款麵餐選擇：1人或2人餐自選6-8款。2人餐的分別在於：包埋千層肚，黃喉，鴨腸。由於朋友想食清湯，我想吃辣湯。所以每人一碗，揀自己想食既野喇！😀😀第一次食麵可以揀咁夠餸，好正！！平時揀得個2-3款，要諗好耐先選擇到。而家想食咩都可以試！😊而每個麵餐都包一杯野飲。野飲都好特別，好健康的飲品！我揀左茉莉蜜糖 🏵🍹第一次飲，很喜歡。杯野好清新，好香既茉莉花味道再帶點甜味！😋好解渴。朋友揀左桂花蜜糖🐝🍯我都試過飲下。都係好清甜。 都幾好味！桂花會較茉莉花甜少少。👍等左無幾耐，我地既麵黎喇！😍😍我叫左辣湯底，睇見都流哂口水。嗅到紅紅橙橙既辣湯，刺激我既胃口大增！以為會好辣，點知個程度