炊豕店 (加路連山道) (已結業)

去左呢間朋友介紹話食豬扒飯好正嘅食店，叫炊豕店，係銅鑼灣，今晚去銅鑼灣，特登去試。經過門口就已經好多客人等緊入去，我就知我朋友冇介紹錯，一定好好食嘅， 鋪頭裝修以木為主，有少少好似日本嘅感覺，地方唔算大，但係好整齊乾淨。我同朋友分別點左兩個飯， 我嗌咗蔥油豬扒加煎蛋飯， 我朋友就嗌咗咖哩豬扒飯，吾洗好耐就送上。勁大碗飯，豬扒份量都好多，放滿了個碗，豬扒真係勁好食，豬扒好厚身但一d都吾un，仲好嫩林，但又係新鮮爽口嘅，出面又炸到卜卜脆，好好食丫。 蔥油豬扒係期間限定嘅，幾香，原本驚會好咸，不過冇問題丫，岩岩好，加隻煎蛋好正，我朋友嘅咖哩佢話都好正，我地旁邊那枱看到我朋友嘅咖哩都加錢要了一碗，哈哈厲害，朋友話係少少辣嘅，我諗加落飯應該好惹味。佢仲有小食嘅，我要了三隻鹵水雞翼，大大隻， 鹵水好入味，好好食，整體感覺都好好，下次帶埋另一個朋友嚟食先，佢好喜歡食豬扒實岩晒佢。

星期五晚同朋友響銅鑼灣行街行到八點幾，餓到爆嘅我地決定響美食臨立嘅希雲街一帶揾食朋友想食台灣野，於是我地就黎左依間唔太起眼嘅小店食啦睇個名都知係專賣豬肉嘅餐廳，原來signature 係炸豬扒！朋友二話不說就點左肉燥豬扒撈幼麵，我雖然好想叫下，不過近來太熱氣，廢事食煎炸野，於是我就選擇左沖繩豬軟骨撈粗麵，另外再加左個辣味海哲同涼拌大豆芽兩碗麵一黎到就令我地o哂咀塊豬扒仲大過我塊面，個size 可以媲美豪xx雞扒咁大！而沾滿哂肉燥汁嘅麵份量都好大，一睇就知我個細食friend無可能食得哂！豬扒除左份量十足之外亦都炸得好酥脆，咬落好滿足至於豬軟骨撈麵都好大碗，最抵讚嘅係用料上乘，啲豬軟骨嘅質地好好，真係嚿嚿都好軟熟，唔會好似出面啲豬軟骨咁咬落太硬而兩個小菜都夠凍又夠味，整體嘅食物質素幾好，值得下次再黎

炊豕店（銅鑼灣）早幾日培朋友起銅鑼灣學車，之後佢介紹有間台灣小食幾好食於是去試下，行到去門口見到幾個人起門口等位，等左10幾分鐘就有位見到裏面好多人都係食豬扒飯，入到去裝修都幾特別6.7張細枱起边，中間廚房有bar枱，裏面都可以容納20人到。坐底左睇下餐牌，好似出面食車仔麵咁填飛仔好得意，我聽朋友介紹叫左個咖哩豬扒飯同炸雞翼加汽水，因為我想食多d其他野所以叫左少飯仲可以平1蚊店主都幾好諗頭，而佢就叫左個豬軟骨粗麵同魷魚鬚加汽水。等左幾分鐘野食就到，我一見到佢碗豬軟骨粗麵我就忍唔住夾左佢一舊黎試下，食落入口即容，又夠味，粗麵又適中真係好正到我碗豬扒飯上枱，店主都幾細心，咖哩汁分開上，避免咖哩汁搞到豬扒無咁脆，於是我就即刻夾件黎試下，食落香口又唔鞋颯颯，唔怪得咁多人黎排隊食啦跟住小食到，細細碟炸雞翼同魷魚鬚，掂主都適心擺伴菜黎襯托，唔食得都睇得，更何況食落仲好食呢😊雞翼食落夠味，又有少少辣，好彩有叫左汽水，而魷魚鬚比出面食果d好唔同，較乾身d，食落好似食薯片咁唔想停，好特別。

幾經波折終於嚟到試，大約7點嚟到，等位只需5分鐘，小店地方淺窄，有開放式廚房，令香氣四溢，見到店員烹調，更加口水直流，上菜快，所以好快食完交枱下一round😁秘製豬扒飯(肉燥汁）$54+$2加大 呢款係招牌菜，差唔多每枱都會叫，豬扒超厚超大塊帶點肥，但炸得又香又脆，好難招架，肉燥汁係一個點綴，令成碗飯變得完美😋蔥油豬扒飯(期間限定) $58唔明點解係期間限定呢🤔？唔覺蔥油好味，反而覺得蔥太生，無用滾油，食完會好口臭，豬扒同上口味，酥炸類，真係有得返轉頭👍🏻沖繩豬軟骨飯 $56+$2加大 豬軟骨又腍又入味，但只可以用普通嚟形容，飯又係加大只因4人進餐一盒麥精一支好味蘋果汁4人共消費：$184

好耐之前朋友帶過我黎食，家姐原來一直想試就同佢唱完k之後過黎食大約6點半黎到，唔洗等位，但去7點幾就full house呢度落單快，上菜都算快，一晚應該做到幾輪呢度既炸豬扒真係勁勁勁正，厚肉，炸粉夠薄，食完冇咩熱氣感覺呢樣野好緊要我就叫左個肉燥豬扒撈粗，炸豬扒味道依然，又夠大塊。肉燥份量都幾多，肥瘦分明，撈埋粗麵食又唔會咸家姐叫左蔥油豬扒撈粗加煎蛋，蔥油好重口味，同撈粗好夾！前蛋脆邊同有加小小豉油，前蛋加豉油是定律！仲叫咗個辣味海蜇，分量唔算多，但好爽口亦唔會太辣飲品要左蘋果汁同熱柚子蜜價錢唔算貴幾gur 不得不提，呢度落單係每人一張，咁同朋友一齊食就唔使自己計過自己個份幾錢

最近在ig一直看到炊豕店的廣告，看得都口水直流了，是日出開銅鑼灣，就來一試吧。六點多來到已是滿滿的食客，好在bar枱還有位置，快快入座選食物，店內只賣豬肉食品，如不食豬的食客就不要來啦，哈哈。店內充滿炸豬扒的香味，基乎枱枱都係食蔥油豬扒呢，十分吸引呀～三心兩意下還是選了厚切午餐肉，豬扒還是留待下次吧。一個人獨食，坐在bar枱，可以睇住廚房運作，見店員不停炸豬扒，塊塊都大過手掌，兩三下手勢就搞掂，熱騰騰嘅豬扒飯就出爐啦，下次一定要試豬扒飯，哈哈。選了要蘋果汁，跟餐加（$7），是玻璃樽裝200ml的100%蘋果汁，清甜好飲枱上有靚豉油同辣醬，可自行添加。厚餐肉煎蛋飯（$50），賣相勁吸引呀～兩大塊超級厚午餐肉同一隻煎到蛋邊有焦香的半熟蛋，好正呀。流心蛋黃，蛋醬撈飯係最好味的。厚厚的餐肉，炸得香口，咬落超大口感大滿足。大大碗飯加上絕不吝嗇的餐肉，而加自己買一罐午餐肉都唔平㗎，哈哈，好味又夠飽，抵食

同朋友打完波就行到嚟呢頭食夜晚，一直都想試下呢間出名嘅豬扒飯，今晚終於食到！舖頭比較細，所以夜晚基本上要排隊，但10令分鐘就得，入到去自己填紙仔寫低要食咩，好似車仔麵咁👐🏻👐🏻首先嗌左個限定嘅蔥油豬扒撈粗($58),滿滿嘅蔥油同花生芝麻撈埋粗麵真心惹味😻 豬扒比面更大塊，炸得好香脆🙆🏻‍♂️粉皮好薄，啖啖肉😝另外叫左焗豬扒飯($80)❤️ 索價$80其實有d貴，但味道實在高質！首先豬扒一樣夠大夠鬆軟多汁，而番茄比例剛好，唔會太濕咁！上面再舖上太陽蛋同芝士，邪惡得嚟食到停唔到🙌🏻 而佢飯底撈左pepper,令個飯口感更豐富！海墊好好咬，細細碟幾好送飯蘋果汁($7),好有細個bb飲個隻味💁🏻

炊豕店是一間以炸豬扒作招徠的台式料理，店內整裝成大排擋的格局，配合一些古舊掛飾，予人一種復古的味道。 造訪一間豕肉專門店，當然不會錯過招牌蔥油豬扒飯。豬扒選材大塊厚身，賣相金黃。起箸品嚐，口感外脆內軟。特別是那金黃外衣，竟然酥脆至「索索聲」，令人驚喜！蔥油是香口搶味之物，不計健康因素，亦是增分亮點！ 至於另一飯品沖繩豬軟骨飯，沒有考究是否選用沖繩 Agu 豬，只覺得軟骨份量不多，失了脆爽的食感，豬肉的鬆軟感亦不及預期，評分不及招牌蔥油豬扒飯。 炸芝麻雞翼是外加的散點小吃，雖然仍不及豬扒做得出色，但也不失可口的酥脆感。 小編第一次造訪炊豕店，吃過招牌蔥油豬扒飯，感覺驚喜，值得推介！

同朋友去南華會上堂，順路見到呢間就走入去一試，好野食就係咁樣發現。店面有懷舊feel, 入去既時候留意到好多人食豬扒飯，所以跟風點左肉燥豬扒飯同豬軟骨飯。野食上得好快，豬扒真係好正，炸到熱辣辣香噴噴，最難得係d肉幼嫩得黎又唔厚粉，好鬼juicy! 必食！我鐘意重口味所以加左d肉燥汁tim。豬軟骨都不錯，幾香口但又唔會太咸，雖然冇豬扒咁突出，但勝在冇咁熱氣。我地仲點左雞翼同蘋果汁，雞翼就一般，有小小咸，但個蘋果汁又ok好飲，佢隻牌子係香港唔多見有。埋單大約70蚊位，絕對會再去。

餐廳鋪面唔大，當晚坐無虛席，好彩同友人行快人一步，剛剛得到最後兩個空位。餐廳設計用上校園風，飯枱、櫈都係中、小學上堂嘅枱櫈，配合掛牆上嘅校園漫畫，令食客有種重返校園嘅感覺。飲品我選擇了橙汁，唔太甜，岩我口味。友人點了中國茶，是香片，解膩之餘又唔怕飲完訓唔著。係咪來自沖繩就唔知啦，但豬軟骨實在整得幾好食，入味，腍，連埋乾蒜食，正比手掌更大嘅雞扒，連埋d 肉燥，帶好多腩肉粒，係裡面，油脂連埋飯，係口內混合一齊食，實在罪惡啊吉列蝦炸得外脆內軟，$24 有3 條，算幾抵食。另外海哲爽口，味道唔錯，係濃味左D，淡返D 就PERFECT 啦

難得獨樂樂，到銅鑼灣的炊豕店整番個lunch alone. 餐廳位於丹麥餅店直入的加路連山道，門前裝修簡單、樸實。 細心看，原來左邊擺了食物display，還有懷舊茶壺作裝飾。 餐廳不算很大，幸好枱不多，有足夠空間感，不會覺得迫夾。 menu兼落單紙，既方便又簡單直接。 豬，全部都係豬。主菜除了招牌豬扒，還有豬軟骨、豬手、厚餐肉⋯⋯ 還可選麵或飯。跟餐還可加$5要凍飲，價錢合理。 秘製豬扒配肉燥汁 $54 第一次吃，當然先試試招牌炸豬扒。 粉漿夠薄，雖然沾肉燥汁後腍了一點，但外層仍蠻香脆、可口。豬扒厚薄適中，非常軟腍，一點也不黏牙，但我那塊肥肉有點多。 以為豬扒才是主角，但肉燥飯更令我驚喜。 首先醬汁夠多，不用加錢要多汁，已經夠撈飯。肉燥味道甜甜，油香四溢，非常惹味。最喜歡就是那些豬肉粒。以五花腩手切而成，粒粒層次明白，超有口感，為肉燥飯畫龍點睛。 在惹味的肉燥撈飯之下，吃完一整碗絕不是問題。

手掌咁大🤚🏻炸豬扒今日同朋友仔行街街，行到附近見好多人排隊，望一望原來係炊豕店，之前喺網上見到有好多人講好食，都心思思想黎試下，咁擇日不如撞日啦，一於排除試下😋，等位的時間傳來一陣陣既香炸豬排味，未有位就開始口水直流，等了大概15分鐘，就輪到我們了🐷餐牌主菜選擇不多，但範圍好廣泛，有蔥油豬扒、肉燥汁豬扒、咖啡汁豬扒、沖繩豬扒、肉操滷蛋、話梅豬手、厚餐肉煎蛋、叉粒豆角蔥花炒滑蛋、煎蛋焗豬扒飯，亦可以按自己食量自由配加其他配料👍🏻👍🏻👍🏻選擇困難症的我諗左一陣，決定叫期間限定👉🏻蔥油豬扒另加小食椒鹽魷魚鬚真係手掌咁大架😁😁😁😁😋蔥油夠香，呢個醬汁係全個飯既靈魂，俾多兩碗飯都食到呀😋豬扒只可3個字形容👉🏻香、酥、脆，入面仲好Juice，炸的程度剛好，食完了不會一口都是油，抵贊總括來說值得再去，下次會試下肉燥汁豬扒，超期待啊，👍🏻👍🏻👍🏻

🐷我們都是食豬大的🐷顧名思義呢度最出名嘅一定係豬扒啦秘制豬扒肉燥飯 $52一上枱就見到大大塊豬扒啦😻超級厚切 肉質好嫩又鬆化 一咬就開炸粉又簿又脆 正👍🏻🤤肉燥飯就不過不失啦 夠送唒碗飯呀我朋友仲加左炒蛋 炒得好靚仔 大食嘅可以考慮加多隻蛋🤔食完發現超多人排隊😎

小妹回來必有因😤以前係附近學車 基本上，一個星期食一次🤤自從考車成功之後就少左黎😭事隔半年！終於再返黎食♥️♥️一黎到！門口已經有人排隊😱😱😱好彩等左十分鐘左右已經有位啦✌🏻咁耐無食梗係要食返小妹最掛住嘅豬排飯啦🙈🙈🙈餐單亦都係落單紙簡單而明✨首先黎到嘅係小妹掛住好耐嘅秘製豬扒(肉燥汁)  加煎蛋🤤🤤🤤水準依舊保持到👍🏻豬排炸到脆卜卜仲好juice!♥️煎蛋係必加嘅！撈飯真係不得了👍🏻小妹男朋友今次就試期間限定蔥油豬排加炒滑蛋✨ 蔥油味好香🤤 煎蛋同炒滑蛋比 小妹愛煎蛋多d 但男朋友就愛滑蛋多d🤷🏻‍♀️同場仲加左個小食同飲品辣味海蜇小妹覺得可以再辣多少少不過海蜇好爽👍🏻👍🏻飲品跟飯叫只係加$5 果汁就加$7 相當抵👍🏻👍🏻

我呢就喺銅鑼灣返工，平時收工同女朋友都會喺銅鑼灣食埋晚飯😂諗住食完晚飯喺希雲街個邊食埋甜品，所以就索性喺個邊食埋飯唔洗行嚟行去。呢間炊豕店喺網上都有人介紹過，見價錢又唔貴就入咗去。我地分別叫咗一個飯一個撈麵，仲叫咗兩個小菜，二百蚊有找，喺銅鑼灣食晚飯呢個已經好好。小菜送到啦~個海哲幾爽口，雞翼好香口，咬落仲有肉汁㗎！不過就要小心熱親口~另外個撈麵都好出色，而塊豬排成個碗咁大，奄得好入味又煎到脆脆地，好！正！阿！食到女朋友狂話下次要再食。