炊豕店 (加路連山道) (已結業)

同朋友去南華會上堂，順路見到呢間就走入去一試，好野食就係咁樣發現。店面有懷舊feel, 入去既時候留意到好多人食豬扒飯，所以跟風點左肉燥豬扒飯同豬軟骨飯。野食上得好快，豬扒真係好正，炸到熱辣辣香噴噴，最難得係d肉幼嫩得黎又唔厚粉，好鬼juicy! 必食！我鐘意重口味所以加左d肉燥汁tim。豬軟骨都不錯，幾香口但又唔會太咸，雖然冇豬扒咁突出，但勝在冇咁熱氣。我地仲點左雞翼同蘋果汁，雞翼就一般，有小小咸，但個蘋果汁又ok好飲，佢隻牌子係香港唔多見有。埋單大約70蚊位，絕對會再去。