炊豕店 (加路連山道) (已結業)

約咗人銅鑼灣打波，早到咗，見有時間，不如食個快飯。行下加路連山道同希雲街，見到茶仔都要45蚊一個晚餐。行過呢間，決定試下。呢間鋪仔細細，座位唔多。啲枱都full晒，所以我坐咗上吧枱。睇完點餐紙，諗緊食餐旦飯定炸豬扒飯，最後決定後者。由於鋪頭細細間，好快已經有人幫你落單。坐吧枱一路睇住佢炸豬扒，佢都冇停手。又堂食，又外賣，仲做埋網上外賣平台飯到，好香，即炸，豬扒夠大塊，成個碗咁大，炸得剛剛好，好味。下面既肉燥飯都好味。

午餐經過去搵食，發現這間台式餐廳，午餐叫咗炸豬扒配台式滷肉飯，豬扒炸出來都算乾身，並沒有油油的，炸粉都算薄，但係當你咬下去的時候發現有五份一塊都係肥膏（在豬扒的頭頭尾尾），滷肉飯的味道一般，嘗試過一次就夠了。

去銅鑼灣食野成日食唔飽！好彩而家有大大碗同大大塊既豬扒食！一入到去就見到師傅整緊豬扒！仲可以坐係吧臺位睇住食！佢既豬扒通常可以跟肉燥或者咖哩汁！但我見佢既期間限定的蔥油豬扒好似好正！就決定食個蔥油豬扒啦！豬扒超巨形啊！成塊面咁大！飯量都足夠！本身見到個蔥油有d心驚驚！怕會搞到個豬扒好油！但原來又唔會！食到蔥油個種油油地既香但又唔油膩！豬扒真係超好食！又係厚切！又炸得好脆！放左係度一陣仲係好脆！個豬扒又唔會乾哂！有汁！好味道！另外仲叫左個炸魷魚鬚！炸到好香脆！個魷魚好彈牙！個醬汁係酸酸地少少咸！好清新！

中意食肉既各位，去開銅鑼灣真係要去食呢間豬排店😍🔥秘製豬排（肉躁汁）hkd54💰上到店個下不禁係心入面哇左聲😂舊豬排大到好似個碗咁大😂完全係full姐晒啲飯😀豬排炸到岩岩好，十分香脆，唔會炸到燶晒黑炆炆～而且佢入面仲好juicy 雖然係炸，但絕對唔會乾真真👍🏿好欣賞佢啲豬排係肥瘦都有，肥得黎又唔會好似五花腩個啲咁，係真係岩岩好，多層次口感✨除左豬排正，我更中意佢既肉躁汁💕我覺得係好味過阿元來了，甜甜的，開正我口味😆重點係啲肉又係肥瘦適中！勁中意食到佢啲肥膏，好林好入味😭真心正呀價錢又合理！唔係唔食呀🤤

以前在舊店時都光顧子好幾次，的確，那塊大豬扒係多麼的吸引。新店開張後都未曾食過，一嚟到銅鑼灣就諗起佢。週末午飯時段嚟到，啱啱有位，正，唔洗等！菜單貴精不貴多，照舊，照牌肉燥汁豬扒撈粗。因為人流多，豬扒都係密密炸，唔洗等太耐就有得開餐。豬扒一如以往，大得誇張，外層十分酥脆。豬扒比出面食嘅更厚切，口感滿分。賣相，份量同口感都無變。味道，有一點失望，豬扒醃得不夠入味。肉燥大多都是肥肉，是正宗的。味道是港式那款，不是台灣甜味重的那款。撈粗係無得輸嘅，偷佢掛汁強，又不失咬口。肉燥汁係油的，食嘅時候要忘記咩係卡路里。夥伴叫嘅係咖哩汁豬扒飯加炒滑蛋。咖哩汁另上，唔會食都一半就索哂d汁。味道係港式茶記味道，撈飯又係無得輸。炒滑蛋可以唔洗試。蛋炒得不夠滑，熟左d, 而且無蛋香。雖然今次食返有少少失望，但會俾多次機會佢，希望塊豬扒味道會更好。限定嘅蔥油豬扒，其實係豬扒上加左平時食白切雞嘅蔥油，對佢興趣不大。哩間食店都係銅鑼灣推介嘅飯堂之一。份量，味道同價錢都係中上水平。裝潢都好時尚，吧枱，open kitchen, 食物係港式風味，fusion就係溝埋一齊又好夾嘅意思！見到牆上寫住我'我們都是吃豬長大的'

話說同肥妹女友屎忽痕走左去報堂返學，今日第一日返學，成日流流長無咗，梗係揾間好野食，一見呢間食豬扒，啲staff著件衫寫住:我們都是食豬大的。再望一望肥妹女友，心諗係你啦！今晚食豬扒！餐牌簡單用外賣紙，一人剔一碗，我叫左秘製豬扒肉燥汁飯，肥妹女友就揀左沖繩豬軟骨撈粗，另外又叫左麻辣炸魚蛋同酥炸鳳尾蝦WoW豬扒勁大塊又厚肉，唔會因爲炸而令入面啲肉唔熟，炸粉有小小咬口，應該加左啲特別材料，但就略為油膩，因為大多人叫，廚房都應接不暇，但好彩都不致太差，肉燥汁跟飯係絕配，肥妹女友都大叫好味呢個就係肥妹女友叫嘅沖繩豬軟骨撈粗豬軟骨嘅軟骨位煮到稔晒入晒味，大大件，毫不吝嗇，加上有蘿白同蓮藕片，好豐富撈粗汁濃而不淡，加左隻滷水蛋，真係食到lam lam 脷呢個麻辣炸魚蛋我揀嘅，醬汁略為咸，但麻辣十足，反而如果用喺其他食材可能會突出啲酥炸鳳尾蝦係肥妹女友叫嘅，唔肥唔叫，係幾酥脆，但無咩驚喜，果然呢度係食豬出名嘅

​ 香港人好多都好鍾意食牛，所以有好多系食牛嘅專門店， 食豬專門店應該好少人有聽過， 所以喺銅鑼灣開咗一間又好新又好抵食嘅餐廳，好多人幫襯。 我哋其中一個叫做吉列豬扒飯，另外一個就叫左豬手飯。 吉列豬扒飯嘅外皮非常香脆，好好味，金黃色而且好清新。 仲有啲飯係珍珠米，食落好鬆軟但係都有啲彈性。再加埋超級香嘅咖喱汁，調味足夠又唔會好辣。 仲加左炒蛋，香滑無比，時間火候都控制得好好。 豬手已經整到冇咩毛，好乾淨，外皮非常有彈性但係又唔會太硬。而且有少少汁非常好味。 仲可以食埋滷水雞翼，每隻都夠肥美又入味，好食過自己整。 最得意係可以加錢飲果汁，不妨一試。

同朋友行完銅鑼灣時代廣場，肚餓想搵間店舖坐低食下野。得知附近有一間台灣美食嘅店舖，於是就行去試吓當中嘅美食。未入到去已經見到有唔少嘅顧客喺門口排隊等候入座，服務員嘅態度好好盡快安排好位置俾我哋。入到去梗係即刻睇吓餐牌有啲咩好食啦！見到佢嘅招牌雞扒肉操飯就想即刻叫黎食下啦，我仲加左塊特大午餐肉黎試吓添淨係一碗飯點夠啊，當然唔少得一啲台灣嘅小食啦。我就點左海蜇同雞翼而朋友呢就點左炸蝦。啲嘢食嚟到喇！上菜速度都幾快，睇到雞扒大大塊食落仲鮮嫩多汁添份量都幾多下，加埋佢招牌嘅肉燥汁簡直係完美無瑕！而且雞翼佢仲有得揀可以走辣添適合返一啲食得辣或者唔識得辣嘅人士。雞翼都係肉汁鮮嫩，果然今日係冇黎錯地方！最後最令人抵讚嘅係佢有好多唔同嘅選擇例如可以多飯、小飯、走辣或者係走蔥添。俾人一個彈性嘅選擇，以配合返每人唔同嘅口味

難得出港島..梗係要搵間多既黎食下~鋪頭好細小,但裝修唔錯幾舒服餐牌先黎個蘋果汁, 應該係外地黎既, 酸酸地~唔似果汁X生咁得個甜字～唔錯咖哩炸豬扒飯炸到好脆好香口唔錯唔錯豬軟骨炒蛋粗麵味道都唔錯加多客炸雞翼夠熱～好香口總結：其實味道唔錯！不過麵份量偏細～環境細小，但時間尚早人流唔算多～位置又偏僻～但係最後行行下ＳＯＧＯ我地都絞肚了除左呢餐我地都無食過其他野了懷疑呢間餐廳有D不潔!因為衛生最緊要, 幾好食都唔會再食...

貓貓係呢間復古既餐廳仔order左個豬軟骨飯。好復古既裝飾，似貓貓細細個老豆帶貓貓黎食，同埋好熱既年代。但呢度係有冷氣，而且好舒服既復古年代裝飾。好靚。貓貓見到豬軟骨飯o左貓嘴。因為勁大份，豬軟骨好豪咁俾好多貓貓。而且用舊時陶瓷碗裝住，真係乜嘢童年回憶都浮現曬出黎。豬軟骨好軟滑，味道濃，口感好好。豬軟骨既汁同飯撈埋，令飯更香同濕。汁唔會太多，搭配得好好。貓貓食左個蘿蔔都覺得好有水份，看似普通，但好味既一碗充滿童年回憶既飯。貓貓要左個香港道地飲品，維他奶。覺得間餐廳俾食物既份量真係好好爽，貓貓今日真係食到舊時既味道。

閑時出街框框找嘢食，想起銅鑼灣加路連山道附近有很多小型食肆，行過這間專門吃豬扒的小店，門外有很多人等位，好在我只得一個人，好快就有位，立即那張叫嘢食的紙落單我叫了一碗咖喱豬扒撈撈幼麵，咖喱汁真的好像在日本吃的咖喱汁一樣，不會太辣而帶點甜味，也很香濃，豬扒外皮炸得酥脆，豬扒肉質嫩滑，又有汁水看見每枱人都會叫豬扒，好明顯這裏的豬扒是特別好食，豬扒也十分大件，夠晒份量，一個大男人也吃得飽飽的，看見小食，也叫了炸鳳尾蝦，可算是OK之選，加埋嘢飲啱啱好食客與食客之間，坐得比較親密，因飯店面積比較少，但食物好這不是一個問題

每逢星期一都會在銅鑼灣上瑜伽堂，上堂前必定約阿囡到附近吃東西，今次是他上網看，很多人說好吃，就去找找看飯店內的枱小小的，空間比較小，但也有很多人等位，如果人數不齊，是不能進來，在銅鑼灣寸金尺土的地方，也須如此店內還有很多懷舊的擺設，也很值得欣賞秘製豬扒飯加勁厚午餐肉，每人畫一張單，我們只叫了一碗飯和加兩個小食，豬扒勁大塊，香脆肉質鮮美，非常軟霖，午餐肉超厚，咬下去質感豐富芝麻雞翼，有少少芝麻味，煎雞翼的感覺，雞翼夠晒味椒鹽魷魚鬚，看落乾乾的，吃下去不乾，有燒魷魚香味，味道配合恰當看到吧枱上，師傅剛剛擺了兩盤滷水蛋，隻隻顏色足夠，聞到好香滷水味，但已吃得很飽了，下次來再試套餐＋五元還包一杯飲品

52蚊炸豬排飯！呢間食完係會番轉頭，但只係炸豬排好食個人覺得！我有食過焗豬同豬軟骨都麻麻！但炸豬排飯配咖哩汁或滷肉汁都正！仲可以選少飯又或者配麵，麵都不錯喔！大家要去試

朋友在附近返工…就到時間齊齊食個lunch朋友說這間店豬扒很出名，奈何我今日心情不想食豬扒XD雖然主菜的選擇不多…但就想試試叉粒豆角葱花炒滑蛋。叉粒豆角葱花炒滑蛋: 有驚喜！首先份量對女孩子的lunch來説已經很足夠，叉燒雖然切粒…但還食到叉燒的蜜糖味道；豆角爽口；滑蛋未食已經望到是真⚫滑蛋…仍然見到有蛋漿；飯的底部有豉油…每啖飯都食到3樣配料，正！秘製豬扒(肉燥汁)撈粗麵：朋友點的當然要偷食一下，外型望落似台灣的做法，炸粉唔厚而豬扒外脆內有肉汁…味道帶少少甜，的確不俗！另外亦點了2樣小食：涼拌大豆芽涼拌首先要夠凍…很多餐廳都做不到，幸好這間夠凍之餘還味道香濃！大豆芽爽口加上麻油味，夏天必食！炸芝麻雞翼： 雞翼炸得很脆…雞翼尖脆到可以連骨食，不過芝麻味不突出…味道比較單調。整體價錢還可以接受…值得再試。

今天中午和同事在公司附近覓食，發現了這間跑馬地小巷內的驚喜台灣菜。這小巷認真偏僻，這台灣菜餐廳在小巷的盡頭猶其偏僻。不過門面沒有因為偏僻而隨便，看下非常大氣呢！中午時分抵食的餐廳難免要排一下隊。不過可以邊排隊邊選菜。它用的是一人一張選菜紙。餐廳內的排位挺擠擁的，但行走亦算方便。相信店主已經盡可能地用所有可以的空間排位了。牆上的掛畫很有趣呢！另外，餐廳是開放式廚房的，所以吃起來會覺得很熱。同事點的橙汁和我點的柚子蜜，算是不過不失啦。我點了招牌的豬排飯。很大很大的豬排。外層香脆非常，但略多粉。豬肉很嫩滑，腌製得很入味。底下是滷肉飯，飯粒是飽滿的珍珠米。這碗的份量絕對不是一個女生可以完成的。細食的女生亦可選擇麵底，份量會少很多哦～同事點的豬軟骨麵。份量剛剛好，亦多了兩片蓮藕呢！我試了一件豬軟骨，很好吃。煮得非常軟熟。清楚可以看見內裏的軟骨！每一件都很大件，但不會有太多肥膏！我們點了椒鹽魷魚小食。上菜才發現原來只有魷魚蘇......而且炸得太過火，有點過硬。但整體而言，這餐廳的台灣主食都很讚，而且價格相當宜人，值得一試！