瀛豐放題料理專門店 (已搬遷) 新店位置

很久沒有吃過放題，難得今天跟朋友於銅鑼灣做完運動，決定好好獎勵一下。星期五晚上九點半，店內依然坐無虛席，幸好友人一早訂了位，否則就要白走一趟。晚市放題$229，加$88還有生蠔任食生啤任飲🍺店內採用手機下單，於這個注重環保的時代絕對一讚，另外就是減少下錯單的機會。豬肺燉湯像我這種很少回家吃飯的人，這碗湯無疑是一碗恩物，用料十足，非常清甜，半點味精也沒有👍🏼刺身拼盆有厚切三文魚、珍寶赤蝦、馬刀貝、油甘魚...生蠔尺寸也不錯，非常新鮮👅熟食方面，選擇也十分多，燒菠蘿、炒什菇、炒通菜...即使其中一位朋友是素食者也大飽口福最令我驚喜的是乾炒泰式金邊粉，穫氣十足，配料充足，味道跟泰國的不相伯仲。

今日試咗呢間都幾local嘅放題叫瀛豐 點解有本地感覺？因為放題嚟講算平 而且又有日本菜又有泰國菜 見牆身貼住連烤魚 燉湯同膏蟹都有得食😂 落單係scan QR code再用電話order 環保♻️之餘又唔會漏單 介面都幾user friendly我哋見咁平加咗$118食極上套餐 可以點埋法國皇家生蠔 海膽火焰帶子 同生啤任飲 like Facebook仲送燉湯 但我哋今日都唔係飲湯嘅心情就無要我呢排腸胃麻麻 無食生蠔 睇落唔錯 朋友都話放題嚟講算係咁 唔腥 微甜海膽火焰帶子人頭份量嘅刺身拼盤一個 當然可以另外再叫 擺盤幾靚 連青瓜都切心型😂 圖中所見都算厚切 色水都幾好 唔會好似有啲放題嘅刺身咁薄過紙同勁暗色 我呢排腸胃真係真係麻麻 食得少少 都無伏仲叫咗太多嘢食 唔一一盡錄 隨便影幾張俾大家望下大約質素😂壽司 一口嘅份量 唔使食幾嚿就食飯食飽泰式燒元貝 無沙 幾好味串燒薯餅同泰式鳳爪除咗甜品櫃 當然唔少得雪糕 有成4-5款味任君選擇 又熟食又雪糕 食到捧住個肚走

假日同男友訂左5:30 食晚市放題，早食避人潮。入座計起兩小時任食，落單唔需要order紙，用手機掃掃QR code，網上落單，唔怕溜單又環保。經過手機一輪爭先落單，總括餐單有16款之多選擇： 刺身、手握壽司、火炙壽司、卷物、軍艦、泰式粉麵飯、泰式料理、天婦羅、炸物、湯、手卷、燒物、沙律/涼菜、小食、甜品，飲品。先加了$88 ，任食主打生蠔同帶子同blanc 1664 Asahi。 網上落單快之餘，店員上餐也快捷。即開法國生蠔到啦，大隻新鮮，任食無難度。另一主打的海膽火焰帶子，賣相非常精巧創意，厚肉爽滑帶子，夾著爆滿海膽，一個字：鮮！必食主打，無令人失望。例牌刺身盤，三文魚、珍寶赤蝦、北海道角螺、鮑片、象拔蚌、馬刀貝。慣常食完一盤再encore。點的壽司也陸續送上，海膽醬火炙三文魚，鰻魚火炙和象拔蚌，一口份量，可食更多款式。想食天婦羅過口癮，男友便點上茄子大蝦。食完日式，轉口味攻一下泰式。先上泰式燒物，有泰式燒元貝，蒜味燶入味爽口； 再有沙嗲串燒牛同雞，放題食沙嗲串，還真第一次啊～泰式料理的甘葉香蒜炒墨魚鬚和泰式炒菜，有誠意的廚力，惹味之餘，份量十足。日泰放題，太飽關係，飲唔到個冬陰功

定時定候都會無啦啦想食放題，搵呀搵～比我更想食放題嘅fd就發掘到呢間，竟然有任食生蠔，任食海膽，任飲生啤！！！聽到個陣容都覺得正。我地食假期前夕夜晚要239一個人，另加88就有任食生蠔/海膽帶子/生啤。一黎就order咗半打生蠔同半打海膽帶子先呢度嘅生蠔都有分兩款，好可惜法國生蠔sold out 我地就凈係試到美國蠔，生蠔係即開即食，入口時夠凍，食落creamy帶點鮮味，吃完一隻可再encore!帶子海膽原來係咁，大大隻刺身帶子中間夾住加拿大海膽。一啖擺晒兩款正野入口，軟綿綿嘅質感中間係海膽嘅creamy，帶子同海膽嘅甜同甘味都好夾！我覺得呢個反而有驚喜過生蠔，海膽比想像中高質！快快口搞掂完呢一堆之後就到刺身，其實係我地仲食緊生蠔個陣就已經上齊一round 上得勁快，多野到差啲冇位放，好彩店員keep住幫手清走啲碟先。刺身裡面個人覺得赤蝦係最正，超級巨形，蝦肉厚身有彈性，鮮甜味美！同樣都係生蝦，相比起泰式生蝦就差少少，泰式醬汁唔夠多唔夠辣。熟食類最惹味嘅兩款：蒜蓉帆立貝，鼓椒炒蜆。色香味俱全，帆立貝燒完都仲好juicy，蜆肉大粒又無沙，自己食食下都好快清晒成碟，好味！天婦羅都唔錯，剛炸

朋友生日，大家經research後就揀了這間瀛豐，主要是選擇比較多，亦可加錢選擇升級任食生蠔及生啤等。一行四人都是好蠔之人，一致決定升級，生蠔海水味濃郁，質感較爽口，色澤略欠點光澤。另一款海膽火炙帶子不及生蠔吸引，帶子味道鮮甜，海膽就略久點鮮。不過最抵都是任飲Asahi及1664，飲多兩杯都可以回本，當然還有很多其他款式的飲品。刺身是有驚喜，三文魚腩肥美厚切，油甘魚油脂豐富，牡丹蝦大隻爽口，其他刺身都不俗。炸雞翼、天婦羅等即叫即做，上枱時還冒煙，炸得香脆但又不油膩。燒三文魚肉嫩且滑，又是另一個不同口味。沙律細細碟可以解膩，清新開胃。其他壽司及熱食多不勝數，味道都不俗。最後食埋個甜品，十分滿足的一餐。

早前在網上看到有人推薦這店的放題料理，剛好我正尋找放題餐廳，前兩日打電話訂位，是慶祝家人的生日，所以我們一於享受下這裡多款的美食啦！入到店內環境濶落，裝修簡約樸實的風格，枱與枱之間，不擠迫，不會有壓迫感，感覺舒服。這𥚃不是用紙點食物，只需打開手機 QR Code 再 scan 枱上的 QR Code 就可以進入點餐。港、日、泰 180款美食放題，款式選擇很多，刺身、壽司、軍艦、卷物、炸物、天婦羅、一品料理、燒物、泰式料理、甜點、飲品等，太吸引！晚市放題入座兩小時，星期一至四 - 19:30 前離座 $189、18:00 後入座 $229，星期五、六、日及公眾假期前夕 - 19:30 前離座 $199、18:00 後入座 $239  ;  可另加 $88 及 $118 升級任食優惠，選擇指定高級食材。入座後，我立即點了 +$118 升級任食的法國皇家生蠔，生蠔大大隻，蠔肉肥美，鮮甜嫩滑，散發淡淡的海水味，不太鹹，超級新鮮，我覺得好吃過酒店 buffet 的生蠔  ;  只是另加 $118 就可以任食靚生蠔，簡直超值優惠，真的不可錯過呀！還有 +$88 的任食任飲升級版的海膽火焰帶子，冰火

同男朋友在銅鑼灣行完街，男朋友急然話想食放題。就無意之中找到一間又食放題又可以食生蠔的瀛豐放題餐廳。店員先主動安排一盤刺身拼盤，，賣相一流，三文魚腩，油甘魚，白玉豚，珍寶赤蝦，樣樣都好新鮮肥美，刺身的魚油充足，個赤蝦大大隻，膠質充沛。放題可以加118元就有升級優惠，生蠔，帶子海膽及生啤任飲。生蠔即開，食返半打就回本啦。仲有帶子夾海膽食，第一次咁樣食，雖然我覺得分開食開心D。再encore 刺身，一樣厚切。熱食方面，呢間放題的特點就是泰式食品比較多，不少得泰式燒帶子，帶子大大隻。炒魷魚，夠惹味。呢個香葉包雞，都值得一試。要再介紹下個泰式炒椰菜苗，入味得來個菜都好嫩。我們還試了一些日式創意壽司及天婦羅，天婦羅不錯，炸粉夠薄。燒左口魚邊就較嬌小。總結：放題除了日本菜，還多了泰國風味菜，118升級優惠不錯呀，任食生蠔帶子海膽，還可以試試個生啤，有Asahi 同1664兩種，用特製的杯，由杯底下面勘上去，夠特別。

屋企人想食放題，就帶了大家去這間有生蠔食的日本放題，我們食早段，五點幾去到都唔算太多人，但到了差不多七點，幾乎全場爆滿。我們另外加了升級了任食生蠔及海膽火焰帶子，另外還有任飲生啤。食物方面，第一轉的生蠔比較肥美，入口鮮甜爽口，之後的就比較薄肉。海膽火焰帶子味道鮮甜帶點creamy。刺身第一輪會樣樣都有一點，三文魚腩肥美，充滿油脂甘香，其他刺身味道都不錯，而且款式很多，一盤至少十款。另外like fb仲送碗菜乾豬肺湯，都幾足料。其他的還有壽司，火炙和牛及鵝肝帶子是必點，兩者入口溶化。炸物香脆，豆腐外皮香脆，天婦羅蝦粉漿都很落。配埋杯1664，一啖啤酒一舊刺身，真係人生一大享受，連甜品都食唔落。

今晚約左幾個朋友去銅鑼灣慶祝生日飯，生日飯指定環節一定是日式放題，但是朋友說銅鑼灣有一間特式日式放題，除了基本日式食品，還有泰式菜、生蠔、啤酒任飲等....見好像不錯就決定訂檯試試，可惜星期五晚上很滿，只能訂到9:30pm，侍應還就說店鋪營業時間到零晨，不怕餐廳關門。我們9:30來到已經全場爆滿，人山人海，幸好我們有訂檯，侍應安排我們坐窗口位，點餐是掃描二維碼經手機落單，非常方便。侍應推介我可加錢升級任吃生蠔、海膽帶子，任飲1664啤酒，來到當然加，另每人點了一碗白菜豬肺湯。白菜豬肺湯 - 很足料，放題前先清熱潤燥接著就是海膽帶子 - 海膽夾著帶子賣相吸引，帶子非常鮮甜。刺身 - 個人極力推介珍寶赤蝦、油甘魚，這價錢可食到珍寶赤蝦確實難得，油甘魚油份充足👍🏽。愛爾蘭生蠔 - 不會太腥，大隻，不錯燒大蝦 - 大隻、三個字形容，鮮甜爽炒蜆 - 吃得多生冷食物，吃熱食惹味開胃總評：上菜速度快，無漏單，食物種類多

今日同朋友話好耐冇食放題所以就即刻上網睇吓邊間近期最Hit見到原來瀛豐放題好受歡迎所以就去咗食一上到去 店員就問我地加唔加升級任食原來加$118 就可以有生蠔 同埋帶子包海膽任食 勁吸引 所以我哋都唔執輸一嚟到店員已經將日本刺身拼盤 好快咁樣送上 全部都好新鮮而升級嘅生蠔同埋帶子包海膽都好鮮甜喺呢度食放題發覺原來佢唔止有日式嘅食物仲發覺原來佢泰國嘅嘢食都有好多款例如有炒金邊粉 青木瓜沙律等等全部都好唔錯真係唔錯嘅選擇 唔使淨係食和食咁悶

D蝦大大隻好鬼正 魚生通通都好新鮮🐟🐙🦐呢間放題最特別嘅就係有好多唔同款嘅泰式料理🤤🤤🤤😍😍😍😍😍😍😍😍😍😍😍😍平時成日食日式放題呢個泰式放題都幾特別試咗幾款泰式嘅熱食👍🏻👍🏻👍🏻👍🏻👍🏻👍🏻👍🏻👍🏻👍🏻個羊腩幾好食 ❤️😍😋 ❤️😍😋 ❤️😍😋 ❤️😍😋 ❤️😍😋呢個仲可以自己斟啤酒好有型😎😎😎😎😎😎😎

好朋友推介，話呢度嘅甜蝦超大隻，超甜，超好味，於是我哋就約埋嚟呢度食，果然冇令我失望，嘢食種類選擇非常多，而且新鮮，除咗一般放題有嘅嘢之外，佢仲有泰式食物，環境坐得舒服，員工嘅服務態度非常好先來一客刺身拼盤，新鮮肥美泰式生蝦珍寶帶子海膽生蠔好鮮甜咁高質，當然要再encore啦壽司做得好精緻，唔會比一大舊飯你炸軟殼蟹手卷燒帆立貝一口和牛粒炸物泰式炒蜆，好惹味絕對值得推介下次再約埋三五知己嚟呢度食多次

同事Last Day，因開會而趕不及吃中午Farewell飯，最後決定找日放工後一起到銅鑼灣食放題。瀛豐與平常放題一樣，有刺身、壽司、炸物、燒物、主食及甜品等。但重點重點是它的+HKD118升級版放題，除了有海膽火焰帶子、美國太平洋生蠔，還有法國皇家生蠔！海膽火焰帶子帶子整件大而厚肉飽滿，肉質柔順細嫩，咬下軟糯，入口鮮甜甘香。帶子夾住滿滿的海膽，濃滑而香稠，入口軟滑細緻，融化在嘴間。法國皇家生蠔法國生蠔個頭完整，每件色澤奶白新鮮，每隻偏扁身。入口清新天然海水味，肉質爽甜。自定義刺身拼盤刺身每件厚切肥美飽滿有彈性，肉質鮮甜香嫩不腥。款式選擇眾多，包括珍寶赤蝦、三文魚、油甘魚、希靈魚等。壽司壽司海鮮質素不錯，但飯的比例略多，吃太多容易飽肚，只能一嚐即止。泰式炒通菜泰式醬香辣惹味，通菜咬下爽脆但超入味。通菜與醬汁相融還保留爽脆鮮甜口感，惹味非常。整體來說，款式選擇多，服務超快速，特別一讚是升級版料理，每款也新鮮豪華好味。

因為想食生蠔所以特登搵左間只加$88就有生蠔任食既放題，要狂擦一番🤣美國生蠔因為我地比較夜先到，所以法國生蠔已經售罄啦😭於是就揀左美國生蠔，點知原來都超肥美，好厚肉😍 生蠔係新鮮原殻，而且嗌幾多黎幾多，無漏單海膽火焰帶子帶子勁大隻，海膽塞到滿瀉😛刺身放題就緊係咩刺身都嗌黎試下啦，三文魚係腩位，肥美到不得了。整體刺身質素都夠新鮮👍🏿泰式燒元貝呢度係sell日泰放題，泰菜一樣幾好食，元貝勁大粒，蒜味香濃😍除左任食，呢度仲會包任飲，係有啤酒同生啤既，幾抵食😙

餐廳位於銅鑼灣既黃金地段，位置非常接近地鐵站，大約2-3分鐘就會到達。一踏入店鋪，雖然麻雀雖小，但勝在五臟俱全，飲品啤酒甜品任飲任食。店鋪係要用手機掃描QR Code落單，款式齊全又特別，環保得黎又可以知有無漏到單。餐廳主打既生蠔有2款，美國生蠔同法國皇家生蠔，新鮮原殼即開即食，只需要加$118就可以升級任食！生蠔一食落口，完全唔腥，鮮甜肥美得黎又有海水味，加少少檸檬汁就Perfect啦！至於刺身，平時食開放題都需要逐款揀 但呢開餐廳就唔洗啦！佢會好貼心咁俾你揀拼盤，岩哂我呢啲懶人。刺身拼盤黎講 佢份量足得黎又新鮮，完全無雪味，啲魚生仲要係厚切添，仲要有足足1款咁多，食到完全停唔到口！食完啲凍野，就緊係要飲返個熱辣辣既湯啦！我地就似左2個海螺煲雞既燉湯，個湯甜得黎又唔油膩，飲完全個人都暖笠笠。至於小食方面，餐廳提供既款式大部份都係泰式料理同天婦羅。蝦餅同雞軟骨香脆好食，分量唔大，可以俾我地試多幾款。天婦羅脆漿較薄，食落夠熱夠脆，完全唔會有滲油既感覺。另外，我地仲叫左好多款壽司，好多款壽司都比較特別，連花之戀都會有三款俾你選擇。大部份壽司都有海膽，岩哂啲好鍾意食海膽既人。如果唔鍾意食生野