瀛豐放題料理專門店 (已搬遷) 新店位置

平時啲放題好似間間都差唔多咁上下🤔不過哩間就比較特別，因為除左壽司刺身🍣佢地仲有多款泰式料理🇹🇭晚市兩個鐘任食(7-9pm)加埋一都係$252/1👅佢地都幾先進係scan QR code用手機落單，所以並無漏單出錯嘅情況👍🏻最推薦嘅係軟殼蟹手卷、蘆筍火炙三文魚壽司同埋海膽花之戀❤️另外都幾欣賞佢地嘅一口壽司真係細細舊飯，唔洗食飯食到飽☺️而且佢地啲蝦仲大過手掌✋🏻甜品櫃都算幾多選擇但味道就麻麻🙈

（上）見到Instagram度有幾個foodie page都有推介呢間嘢，話咩海膽帶子同生蠔都好正😋，就決定係2月13號夜晚去食，當係慶祝情人節。早個幾禮拜同男朋友已經係度極期待果個海膽帶子😍，因為我哋都唔好生蠔，所以諗住專攻海膽帶子，而男朋友就攻埋1664啤酒（我哋只係升級88蚊）。期待咗成個幾禮拜，當然餓咗幾個鐘先上去。點知撞啱果日整親條頸，硬到好似搽咗印度神油唔郁得不得只，仲要痛到個頭要側去右邊先舒服少少🙄。一於咪理，為咗食一於頂硬上，點知食物質素...🥴🥴我哋同店員講咗升級88蚊，佢就話幫我哋人手落咗半打海膽帶子同生蠔先，如是者我哋就scan枱面個QR Code去點嘢食，題外話：之前係荃灣漁屋都係scan code點嘢食，舖頭有WiFi提供，所以我呢d數據過咗4G就變非洲上網嘅人都唔怕🙉🙉不過呢間冇呢個服務，每次點嘢食都有祈求數據給下力...今次講住咁多，遲d繼續講埋落去。

喺銅鑼灣行街行後，一早訂左呢度食咗個晚市放題之前食過幾間都係位於銅鑼灣嘅放題水準都係差唔多但反而呢間有驚喜點餐月用QR code飲品種類食品種類都係比其他幾多而且佢雪糕種類有六至七款真係任君選擇，喇刺身嘅擺盤呢亦都係十分之唔馬虎味道都係好新鮮好味嘅但唯一缺點嘅就係枱太細張如果要坐六七個人嘅話就唔會比我迫大部份位置都係卡位好難容納到多人不過間中一兩次都係可以接受嘅晚膳輪候時間都唔算長去到就有位所以喺銅鑼灣來講唔使等位嘅餐廳真係百年一遇

📍銅鑼灣📍放題必食‼️珍寶帶子海膽🤤任食美國、法國皇家生蠔💙前幾日趁新年同親戚食飯🧧就揀咗去食放題😍睇完呢間係做日、泰式放題好似幾正🤤就去試下💕多人嘅話仲可以坐房😚啱曬一大班親戚嚟🤣------------------------------最鐘意佢啲刺身😍尤其係珍寶赤蝦🦐勁大隻‼️仲有北海道角螺、馬刀貝、象拔蚌、鮑片、希靈魚、白玉豚❤️都係放題比較少有😏😏壽司都有超過三十款🤩特別想試下鵝肝帶子壽司、海膽醬火炙三文魚壽司、龍蝦沙律花之戀😝------------------------------升級加$88仲可以任食美國太平洋生蠔🤩又可以食埋珍寶帶子海膽😻個帶子好鮮😎😎啲海膽多到漏曬出嚟❤️同時加$118可以食埋法國皇家生蠔🤪一次過食曬美國🇺🇸法國🇫🇷生蠔🥳真係大滿足😍蠔友必去😝食翻幾打都回本🤣------------------------------泰式嘅選擇都好多😏除咗泰式生蝦，仲有泰式燒元貝🤩都好惹味💕同泰式魚露燒蝦、燒羊腩都幾正😎辣椒膏炒蜆encore咗幾次😚好有鑊氣🔥麻辣煮田螺夠曬辣😚回味辣海蝦都好濃味😍仲會送老火靚湯❤️係天麻燉魚皇🤩啱曬冬天飲💕真係食到好飽🙈🙈不過新年就係要放縱

星期日原本book左6:30，6點左右早左去到即時可以入座，個場比想像中細，無咩人。一坐低就每人加左$88有任食生蠔同帶子夾海膽同啤酒，食放題當然係食刺身先啦，每樣都叫左幾年，望落算新鮮，但食落無咩鮮味，基本上食左一兩件已經唔想食。到重點嘅生蠔同帶子夾海膽，生蠔無沙但無咩味，帶子夾海膽係完全無味，要點好多豉油先叫好啲，總括嚟講，生野真係一啲都唔好食，最好食係炒通菜同雪條😑 呢間放題真係無下次，想嚟食任食生蠔嘅，可以去第2間，第一次食放題，食完刺身已經唔想再食野，無哂胃口🤢

今次又黎到瀛豐放題(日式+泰式)， 海鮮方面今次好似無上次咁正（6分）但火炙壽司好好食（8分），仲有個火灸海膽帶子都唔錯（7分），款式唔算勁多，服務唔錯👍，人均約$300#好食推介 #食物遺照 #食物殺手 #food #foodie #foodiehk #zaki食評 #hongkongfoodie #hongkongfood #hkfoodie #hkfoodblogger #hkfoodstagram #hkfoodlover #instafood #hkig #ighk #hkigers #yummy #eat #tasty #瀛豐 *瀛豐放題料理專門店🍣*地址：銅鑼灣駱克道491-499號京都廣場10樓

放題就食得多，日泰放題真係第一次聽，銅鑼灣廣場10樓就有間。由於叫咗太多嘢食，所以我都只係揀幾款嚟點評吓。食放題當然要食刺身拼盤，除咗大路嘢之外，呢到有得叫白玉豚同埋馬刀貝，整體嚟講，啲刺身唔難食，但全部都唔夠鮮😖質素嚟講，剛好合格吧！壽司都試咗好幾款，印象不深，因為無咩特別好食🤦🏻‍♀️最好食竟然係佢嘅蟹羔炒蜆，好惹味。作為日泰放題，最主打嘅刺身都只係剛剛好合格，其它食物都係一般，只係得啲泰式小食拉高返個水平，雖然服務ok，但應該唔會再食呢間...

All you can eat Jap, Thai and Chinese cuisine for 2 hours. Sashimi are fresh and plump especially the Spot Prawn ぼたんえび【牡丹海老】. Oysters are surprisingly briny and iodine. Plus $118 can upgrade the oyster to French Royal, and unlimited Hokkaido Scallops with Canadian Uni. Any reservation during Mon to Thur, every 2 persons can enjoy the Double-Boiling Soup【天麻燉魚皇 original price $68】, every 4 persons can enjoy a special hot dish【麻辣烤魚盆/酸菜烤魚盆/番茄烤魚盆/羊腩煲 original price $198】. Value for money’s choice.

今日同朋友，行完花市之後諗住食放題做宵夜。跟住咁啱見到話百幾蚊起就膽粗粗試下呢間，結果真系完全吾掂。無論系刺身壽司，或是熟食，根本冇一樣嘢系見得人，先吾講賣相咁高要求嘅事，連味道都完全令人不能接受，令我完全覺得自己真系好似食緊豬餿咁，刺身冇鮮味就算，仲有䶢味，炸雞軟骨就用千年油，飛天通菜又似草咁，咁大個人都未試過咁難食嘅嘢，倒多過食，連最心愛嘅甜品真系望多眼都嫌多，廁所仲要污糟到不得了，臨尾仲要加價加到要俾二百幾蚊，年尾流流，真係覺得對自己完全唔住。

難得入到去銅鑼灣諗住試食新嘅放題點知好失望首先 餐廳環境好逼椅背貼椅背 好彩個日人唔多唔洗同唔識嘅人背對背貼住咁坐然後 放題選擇唔多 餐牌上嘅款式只係得返8成可以揀想食嘅咩都冇 好失望食物方面刺身：吞拿魚唔鯹比想像中好海膽還可以，同葵廣食嘅手卷質素差不多其他一般般甜蝦個d普通，好似食緊爭鮮熟食方面：超難食！！麻辣田螺好似變壞左咁！未試過食咁難食嘅田螺跟住芝麻雞翼夠脆，但係頭一round嘅雞翼冇芝麻係上面牛肉係冇牛味 得個咸字最過份係叫左個泰式炒䙺粒粒都有沙唔緊要 仲要有一大舊石頭係入面以為叫人氣最高嘅泰式魚餅會好食點知入面得粉🤣🤣甜品方面：我揀左椰汁糕 不過冇椰汁味Tiramisu 🤣係冇咖啡味最後埋單$263 大家可以諗下性價比值唔值得俾

我們加了錢吃升級版的，有生蠔和帶子海膽任吃。生蠔質量很好，夠鮮甜，但海膽真係麻麻，一大夠帶子包住少少海膽，完全破壞左海膽的口感同鮮美。其他食物種類少，同價位的日式放題好多間都好過他。所以我應該唔會有下次

因為我食之前有做research 知道邊啲嘢好食邊啲嘢 最好唔好嗌 所以時間都好充裕 用手機落食物好方便 野食都唔差 種類唔係好多 不過有泰式嘢可以食 有炒蜆 炒菜 味道重左啲 有食帶子海膽 巨型蟹柳 壽司 刺身 雞翼 燒菠蘿 又食泰式生蝦 好好食 燒帆立貝 但味道唔係太濃 落蒜蓉真係好蓉 唔多夠味 但可以任嗌 仲有飲冬陰公湯 不過佢加隻生蝦落去 我唔知佢咩事 但個湯都ok嘅因為我叫一個好細好細嘅湯兩份飲 如果唔加錢食 生蠔海膽帶子 性價比會高好多 埋單180蚊為出面而家食唔到 呢個價

成日都想食放題今次見喺港島區就搵咗呢間多數訂枱都要一日前點知呢度可以即日訂仲要可以任食生蠔加埋有八折就即刻迫不及待訂個靚枱！Book咗五點半四點半左右就有人打嚟confirm因為友人唔食生蠔所以問過可唔可以剩係加一位電話覆可以去到都順利剩係加一位$88環境雖然有啲細 但唔會要你撘枱坐兩個人可以坐四人位都算鬆動落單要上網禁上菜時間就時快時慢叫生蠔就可能要等耐啲喇但質素嚟講唔差既刺身帶子鮮甜 海膽唔腥生蠔都甜又洗得乾淨仲要有齊檸檬同sauce 唔會問到先有 抵讚任飲Asahi同1664 有特製杯可以比你放落去啲酒自動上沖入杯入面 都幾特別又有得玩都夠凍又夠泡 唔錯！普通既野食就一般刺身都新鮮既 但選擇唔多小食例如芝士波同炒蜆都唔錯係海草同啲甜品就差啲 唔建議試喇整體嚟講 $2百幾蚊食到飽一飽比起依家連鎖嗰啲放題舖平啲但質素唔差可以再戰！

其實我都好耐無食過放題 人大左重質多過重量 試一試銅仔呢間 比常見放題多左幾個特色一係做到凌晨兩點 只要你夠本事肯定回本! 二係手機點餐 大陸見得多香港就少見 三係供應同類餐廳未見有既生蠔海膽烤魚1664同Asash 單件/份/杯計又得 加$88任食任飲又得!以下係試過各類食物既速評 俾大家參考下生蠔 - 生蠔絶對重點 +$88任食既係美國蠔 size唔大隻 唔腥易入口 非常適合生蠔初級愛好者 另外仲有+$118任食既法國蠔 鍾意生蠔既朋友無理由叫得兩三隻 索性升級無限叫好過!刺身 - 是次食左唔少刺身 當然唔係唔食魚生既我而係同行友人食哂 刺身當中三文魚件件都好肥美 仲有珍寶赤蝦大得幾誇張下 呢兩者必食!口水雞 - 雖然有啲意外竟然有得叫口水雞 不過近期食得川菜多眼角高左 呢碟雞唔夠汁太過dry 辣度又唔夠 過下口癮就算七味雞軟骨 - 普通炸物 話七味但係又無辣味 可以試下跟醬食 枱面有款應該係泰式醬壽司 - 種類包括有一般手握軍艦火炙卷物同手卷 今次我重點食火炙 好難得放題有咁多款火炙選擇 三文魚蟹棒等火炙有海膽醬 口感厚實同creamy 和牛唔係入口即溶 不過都值得一試 鵝肝帶

銅鑼灣區仲食到179全包放題已非常少有。 食物水準一流。唔止有刺身，壽司，手卷。最驚喜係有生蝦，田螺，泰式食物，四川食物等。樣樣都質素好評。落落亦非常方便，只需qr落。亦可知自己叫左d乜嘢。最好係刺身，炸物，好多類都係每件計。唔會食唔晒。至於飲品方面，亦唔少種類。加錢仲有酒任飲同生蠔食。最正係仲可加錢叫大閘蟹。上食物時間快，漏單次數冇。服務亦好好。雖然地方唔大，但唔會坐到好迫，我2人去都俾4人枱我地。絕對值得一去再去