影片
港鐵銅鑼灣站 C 出口
繼續閱讀
電話號碼
28916928
96901733 (WhatsApp)
開飯介紹
以放題形式供應多款日、泰料理，而主打的日本菜餐單分為冬、夏兩季，並以時令食材入饌；裝修則糅合西日元素，簡約時尚。
繼續閱讀
營業時間
今日營業
12:00 - 15:00
16:00 - 00:00
星期一至日
12:00 - 15:00
16:00 - 00:00
以上資料只供參考, 請與餐廳確認詳情
有關獎賞計劃
相關文章
數得出名嘅日式放題基本都食過曬，今次又試下新野，位於銅鑼灣京都廣場嘅「瀛豐放題料理專門店」，係銅鑼灣站C出口斜對面，位置非常就腳。閒日晚市正價時段$259，今次仲加左$148升級放題，除左可任飲生啤及任食海膽帶子，最重要係升級海鮮拼盤仲有魚子醬，今次真係學劉德華話齋，一人一罐啊!自取嘅前菜有十多款，麻辣魚皮爽脆香辣，海蜇爽口彈牙，等緊刺身嘅同時食少少都唔錯。基本嘅刺身都有十餘款，每款嗌左四件試下，普遍都幾新鮮：厚切三文魚腩魚油豐富，非常香滑；油甘魚同樣厚切，油花甘香，魚肉爽滑；珍寶赤蝦勁大隻，肉質爽彈，味道鮮甜；其他刺身仲有馬刀貝、赤貝、北寄貝、八爪魚等等。再黎一個升級刺身海鮮拼盤，除左高貴嘅魚子醬外，仲有磯煮鮑魚、松葉蟹腳、象拔蚌及翡翠螺等等。魚子醬帶咸香，口感香滑，除左鮮味外，仲有種Creamy嘅奶油味道，非常獨特，好食！磯煮鮑魚爽口彈牙之餘，其實都夠軟腍入味；松葉蟹腳鮮甜多汁，肉質夠結實，足夠新鮮。松葉蟹肉、蟹味噌及蟹子壽司飯，味道鮮甜，有啲甲羅燒嘅感覺。升級Menu仲有海膽帶子，原粒帶子夾住鮮甜海膽，大滿足!其他料理仲有泰式串燒、燒蠔、一品料理、辣酒花螺等等，淨係食刺身我都食到半飽，其他野我都只係食左少少。
繼續閱讀
🥢刺身拼盤，嚟到嘅時候仲有乾冰嘅效果！非常適合打卡！我哋叫咗幾種唔同嘅魚類，再加埋赤蝦！三文魚腩非常好食，而且食得出非常新鮮，亦都冇腥味！希靈魚亦都唔錯！我同朋友都非常鍾意食佢嘅赤蝦，好新鮮大大隻. 食落去嘅時候覺得非常鮮味，淨係食呢一樣都回本！真係好！🥢我哋仲加咗升級刺身！有另一個海鮮嘅拼盤！有譏笑鮑魚長腳蟹馬刀貝仲有魚子醬.！魚子醬都非常好食，鹹鹹地我幾鍾意呢一個口感！馬刀貝亦都非常爽脆加埋少少芥辣嘅效果，令到佢嘅味道更加突出！鮑魚就非常大隻，而且厚身非常有口感！鍾意食鮑魚嘅朋友不能夠錯過！長腳蟹亦都非常好食，肉身非常好！唔會話好腥！整體刺身嘅質素非常好，淨係食頭盤都好飽！正！🍺加咗呢一個升級之後仲可以任飲出邊嘅啤酒！有兩款唔同嘅生啤酒我就選擇咗1664！充滿果香甜甜地非常好飲！🥘熟食方面餐廳係屬於偏向泰式嘅方向！鍾意食佢嘅燒羊腩！第一次係識到呢一個方法烹調嘅羊腩！外身脆脆地幾好食！忍唔住叫多咗幾次！🥘另外都有叫佢嘅串燒，燒帶子亦都非常好食，由於係即刻叫即刻做嘅關係，所以都係熱辣辣！再加埋少少蒜蓉同埋香蔥，令到成個口感更加好食！我都叫咗炒大硯，非常有鑊氣同埋有風味，大大隻硯，非常好味！🥤除咗啤酒之外，亦都有好多種唔同款式嘅飲品，我就應該飲咗韓國嘅芒果汁！都覺得唔錯！🍦雪糕就主打香港品牌有好多種唔同嘅味道，亦都有韓國榴槤雪條
繼續閱讀
今次試咗🪭瀛豐放題🪭，好有驚喜🉐！餐廳喺銅鑼灣京都廣場，好方便。而且環境寬敞，坐得好舒服。餐廳用QR code點餐且無限量供應的模式，選擇範圍廣泛，包括刺身、壽司、泰式美食、炸物、燒物、天婦羅及多款熱食👅。🍣刺身選擇好多，包括大隻肉厚的珍寶🦐赤蝦、北寄貝、馬刀貝、北海道角螺、赤貝、三文魚、吞拿魚、油甘魚、八爪魚及鮑片。燒物部分特別推介🦪燒生蠔同燒元貝，風味十足。串燒同🦀鹽焗蟹真係好正！自助區仲有各種🥤飲品🧃甜品，包括🍨雪糕、乳酪雪條、🍮布甸、啫喱、豆腐花等多種選擇，真係超滿足😌。細食既朋友可以試吓午市套餐，都好抵食👍🏻
繼續閱讀
🔹️瀛豐放題料理專門店🔹️ 係銅鑼灣諗唔到食咩，又咩都想食啲，不如嘿朋友去食放題啦，星期一至四，6:00-8:00都只係$259，款式選擇又多 以家店舖有個升級優惠，以$148既價格，可以享有極品海鮮拼盤、海膽帶子、清蒸/牛油焗奄仔蟹，咁咁引又點可以唔加呢 🦀奄仔蟹真係無得輸，爆多既膏蟹香軟不膩，而蟹肉都好食呀！極品海鮮拼盤則有魚子醬、鮑魚、長腳蟹、凍蝦，鮑魚肉質好彈牙，醃得好入味 食得放題點可以少得刺身呀，擺盤真係好打卡👍三文魚腩真係出色，雖然係比較油潤但不膩，食出鮮甜味，仲要叫埋三文魚、油甘魚、牡丹蝦等等既刺身 原來升級之後仲有生啤可以飲，有1664同SAPPORO，真係好爽呀！即刻要同朋友飲翻杯 仲有好多壽司、卷物、炸物任君選擇，必點燒鰻魚濃郁既醬油香仍好Juicy，燒菠蘿能保持水分之餘亦都好甜 食完所有野，記得要出去揀返個雪糕同埋甜品呀
繼續閱讀
話說我前排同朋友去咗銅鑼灣嘅瀛豐放題料理專門店眾會，呢間主打港日泰料理嘅放題真係選擇多到眼花繚亂！餐廳位於京都廣場3樓，環境寬敞乾淨，燈光柔和，坐得舒服。價錢親民，食物質素都唔錯！😋首先講講刺身拼盤，一上枱就見到色彩繽紛嘅擺盤，包括三文魚、油甘魚、珍寶赤蝦、馬刀貝同八爪魚。三文魚厚切，入口滑嫩，油甘魚帶點油香，赤蝦就鮮甜彈牙，肉質結實。刺身選擇多，而且每款都好新鮮，沾少少醬油同芥末，味道好鮮甜。🍣「海膽帶子」好驚喜，帶子厚肉彈牙，中間夾住咗鮮甜嘅海膽，兩者一齊食好有層次感。海膽入口即化，配上帶子嘅鮮味，食完真想再encore！🦪泰式燒元貝帶點泰式風味，元貝好大粒，燒得外層微焦，內裏保持juicy。泰式醬汁帶點酸辣，配上元貝嘅鮮甜，味道好夾。火候控制得啱啱好，食落好香口，係熟食嘅亮點之一！🦞火炙腐皮三文魚係壽司區嘅推介。三文魚用火炙過，帶陣炭燒香，上面鋪咗甜甜嘅腐皮同少少醬汁。三文魚厚身，入口軟滑，腐皮嘅甜味同三文魚好match，食完一件即刻想再拎多件！🍣芝士年糕係炸物嘅心頭好。年糕炸到外脆內軟，咬落去有濃濃嘅芝士香，口感QQ又有咬口。熱辣辣食最好，放題食少少真係好過癮！🧀馬拉盞通菜炒得有鑊氣，通菜爽脆，馬拉盞嘅鹹香味好入味，唔會太辣。呢款泰式小食同日式菜式放一齊好有新鮮感，好開胃！🥬甜品櫃選擇多，有Tiramisu、泡芙同榴槤糯米糍。Tiramisu咖啡味濃，入口軟滑；泡芙外皮香脆，內裏卡士達醬甜而不膩；榴槤糯米糍就係榴槤控嘅最愛，榴槤香好突出，糯米皮軟韌！🍰
繼續閱讀