影片
更多
2019-04-08
164 瀏覽
定時定候都會無啦啦想食放題，搵呀搵～比我更想食放題嘅fd就發掘到呢間，竟然有任食生蠔，任食海膽，任飲生啤！！！聽到個陣容都覺得正。我地食假期前夕夜晚要239一個人，另加88就有任食生蠔/海膽帶子/生啤。一黎就order咗半打生蠔同半打海膽帶子先呢度嘅生蠔都有分兩款，好可惜法國生蠔sold out 我地就凈係試到美國蠔，生蠔係即開即食，入口時夠凍，食落creamy帶點鮮味，吃完一隻可再encore!帶子海膽原來係咁，大大隻刺身帶子中間夾住加拿大海膽。一啖擺晒兩款正野入口，軟綿綿嘅質感中間係海膽嘅creamy，帶子同海膽嘅甜同甘味都好夾！我覺得呢個反而有驚喜過生蠔，海膽比想像中高質！快快口搞掂完呢一堆之後就到刺身，其實係我地仲食緊生蠔個陣就已經上齊一round 上得勁快，多野到差啲冇位放，好彩店員keep住幫手清走啲碟先。刺身裡面個人覺得赤蝦係最正，超級巨形，蝦肉厚身有彈性，鮮甜味美！同樣都係生蝦，相比起泰式生蝦就差少少，泰式醬汁唔夠多唔夠辣。熟食類最惹味嘅兩款：蒜蓉帆立貝，鼓椒炒蜆。色香味俱全，帆立貝燒完都仲好juicy，蜆肉大粒又無沙，自己食食下都好快清晒成碟，好味！天婦羅都唔錯，剛炸
我地食假期前夕夜晚要239一個人，另加88就有任食生蠔/海膽帶子/生啤。
一黎就order咗半打生蠔同半打海膽帶子先
呢度嘅生蠔都有分兩款，好可惜法國生蠔sold out 我地就凈係試到美國蠔，生蠔係即開即食，入口時夠凍，食落creamy帶點鮮味，吃完一隻可再encore!
帶子海膽原來係咁，大大隻刺身帶子中間夾住加拿大海膽。
一啖擺晒兩款正野入口，軟綿綿嘅質感中間係海膽嘅creamy，帶子同海膽嘅甜同甘味都好夾！我覺得呢個反而有驚喜過生蠔，海膽比想像中高質！
快快口搞掂完呢一堆之後就到刺身，其實係我地仲食緊生蠔個陣就已經上齊一round 上得勁快，多野到差啲冇位放，好彩店員keep住幫手清走啲碟先。
刺身裡面個人覺得赤蝦係最正，超級巨形，蝦肉厚身有彈性，鮮甜味美！
同樣都係生蝦，相比起泰式生蝦就差少少，泰式醬汁唔夠多唔夠辣。
熟食類最惹味嘅兩款：蒜蓉帆立貝，鼓椒炒蜆。色香味俱全，帆立貝燒完都仲好juicy，蜆肉大粒又無沙，自己食食下都好快清晒成碟，好味！
天婦羅都唔錯，剛炸起好香脆，瘋狂追加蕃薯仔。
熟食好多泰式野可選，好似燒豬頸肉/炸蝦餅個類，飛天通菜好出色，個汁辣得好惹味！差啲以為自已食緊泰國野lol
飽緊都要啪兩舊芝士年糕，煙韌年糕皮中間夾流心芝士，有芝士年糕嘅放題就係好放題！
飲品甜品都好多選擇，加咗88仲可以任隊生啤，不過我地太廢飲就冇飲到，飲返韓國果汁都夠了。整體都食好爽，雖然冇晒法國生蠔但凈係影相個下都好開心😂普通嘅食物質素都唔錯，我地嗌咗個啲野食都冇野係伏，可以再戰的一間放題！
張貼
