瀛豐放題料理專門店 (已搬遷) 新店位置

Tastes: 4 /5Service: 4 /5Environment: 3 /5又黎到食放題既季節啦 天氣熱就會想瘋狂食壽司或者一啲涼伴！涼下個胃咁 今次就黎到銅鑼灣 灜豐食放題 呢度嘅設施都幾先進 如果想order嘢食就可以掃一掃QR code order食物 嘢食方面都幾多選擇 有壽司、手卷、刺身、熟食等 壽司都幾的骰 但壽司呢就加咗太多沙律醬 令到有少少膩 不過熟食就會好啲啦 秋刀魚都唔錯架 唔會有腥味 嗌咗碟通菜黎試 食落都幾有火力

最近朋友激烈推薦介紹一間銅鑼灣放題—-灜豐 佢講個度好吸引咁 於是我就把心一橫 去試試 有幾咁好食 一入到去店鋪唔算太大 麻雀雖小 但似乎五臟俱全 甜品 飲料 樣樣齊 真係唔可以睇少 一坐底之後就開始掃QR code落order 用落都相當方便 飲食方面最抵食既會係生蠔同刺身拼盤 oyster食落都幾新鮮 而且睇落都幾有光澤 口感滑嘟嘟 都幾爽口架 刺身拼盤 都幾足料 有三文魚、蝦、鮑魚片、蠔仔等等 食落都幾fresh 味道唔錯另外熟食方面 天婦羅 炸得都幾脆 咬落去都仲係熱辣辣 似係啱啱炸起 脆卜卜 亦唔會太油太膩 油度適中

放題食得多，真係一間所有食物質素都滿意嘅都真係比較難搵，呢一間性價比高之餘所有食材都好高級好新鮮真係一試再試！甜品同埋飲品嘅選擇都好多，尤其是佢呢個啤酒杯非常之特別! 佢啲啤酒唔係好似平時咁由上而下到出嚟然後由下而上，結構都係第一次見好神奇!!食物質素方面我要比10個讚，睇相都知道非常新鮮，海膽帶子啖啖肉，而且冇腥味魚生拼盤都係，種類非常多，而且非常新鮮!!生蠔都係冇得頂，好少有放題有咁高水準嘅生蠔食！我同我男朋友每人三隻都唔係好夠喉

推加$118升級任食！法國皇家生蠔~真係估和朋友到了銅鑼灣食放題，今次這間放題很不錯！價錢唔貴還有好多款式可以order.有黃金薯條即係用上咸蛋黃 toping, 非常惹味，辣田嫘都幾正，夠哂入味都好鮮，各款刺身壽司，呢度都做得好好，新鮮無雪氣味！可以稱得上好味再追加$118,估唔到竟然可以用咁既價錢食到咁正咁鮮既質數！大大隻肉厚仲要係即開架之後又可以自己添生啤飲~岩哂我囉！仲有帶子海膽，帶子厚切！口感綿密好豐富既口感，配埋有海膽，好鮮味！真係無得輸架囉~係我近期食過最高質既放題，沒有之一還有榴槤雪條

又到月尾ot時候， ot完梗係要豪食一餐， 同事search OpenRice 找到這間在銅鑼灣京都廣場10樓的瀛豐放題料理專門店。 收工後拖著疲累的身軀去試試這間放題。鋪面面積較細， 因為放了很多枱， 比較密密麻麻。剛好有一張在牆邊的2人枱，一坐低， 正準備看一看如何使用電子餐牌，服務員就送咗一個蟲草花瘦肉燉雞湯。 原來惠顧晚市就會送一個燉湯。 雖然是贈送的但是這個燉雞湯非常足料， 先湯後放題！一個加118蚊任食任飲升級版， 包括有法國皇家生蠔，美國太平洋生蠔 ，海膽火焰帶子，1664 法國可倫堡啤酒。 最啱大胃王又好生蠔的我們。生蠔每一隻都有手掌咁大， 淡淡的海水味加上即叫即開， 配上特色蕃茄醬， 非常之好味， 平時單食一隻都要40蚊， 而家只係加118就可以任食真係非常之抵食。 法國生蠔又大又肥美， 海水味十足， 最適合喜歡食好的我。 再來一round， 唔該曬！刺身拼盤， 希靈魚三文魚， 赤貝，八爪魚片， 刺身新鮮之餘， 厚度適中，啖啖肉， 單是刺身拼盤已經值回票價，有好多平時食放題食不到的刺身，馬刀貝，白玉豚， 象拔蚌，珍寶赤蝦。餐前小食，涼拌青瓜， 口水雞，尖椒皮蛋，

同男友兩個出銅鑼灣行街街，順便周圍揾野食沿途收到好多食市傳單，當中比一間放題吸引。加$98 可任食生蠔，海膽鮮帶子同啤酒，天氣悶熱，行到有點累，就上去 walkin可能1730 算早，所以還可比到枱我們但就1930前要結脹，其實2小時夠晒時間啦。坐低後先去飲杯生啤先，新鮮又夠冰涼，飲一口透心涼，唔知以為賣廣告，但真係爽嘛！生蠔超肥美，鮮甜爽口，兩個人食左1打都唔算過份啦！ 食完要再 Encore實在好好味，帶子鮮有點膠口軟滑，內餡夾著海膽，兩樣食材都是我最愛，一次過滿足我好開胃。壽司選擇都多但我地都口淺嘗，想食多 d唔同種類，原來一口一件啱晒我地所想，正呀！炸物選擇我會推介虾餅，細細件，熱辣辣剛炸起彈牙又惹味！甦炸豆腐粒送生啤一流呀還有牛油蒜香雞翼同年糕。炸雞軟骨，一份都唔少，有咬口。另外還有泰國食品，炒椰菜苗，不過覺得 d椰菜已經係成年了木瓜絲 salad就較接近泰國的風味！ 總括嚟講性價比高，下次可約大班人去 Happy Gathering

今日約咗個friend去咗銅鑼灣晚飯， 佢揀咗《豐瀛》放題， 因為想試嗰個升級$118任食生蠔， 生啤和特色刺身。餐廳係京都廣場10樓， 座位都有啲迫。 不過預早book可以有啲靚啲窗口位， 路邊就較為狹窄迫夾。手機落單，清晰方便。先嚟嘅係生蠔， 主打係法國即開生蠔。 比較細隻嗰款就係， 肉質都算爽脆帶少少肥美。 但食到有少少碎殼。 個人唔太敢食生蠔， 即使係酒店嘅生蠔都好容易會中招。 今日食咗半打， ok喎返到屋企都冇肚痛。既然揀咗升級當然斟番杯生啤配生蠔～～🍺🍺開始試佢嘅刺身， 比較驚喜嘅係巨型赤蝦刺身。 堅大隻，肉質夠甜， 食返一兩隻都回本喇， 而且真係啖啖肉勁易飽。仲揀咗其他貝類：馬刀貝，赤貝，榮螺片，鮑片。 ok正常新鮮👍升級項目還有： 海膽帶子刺身。 海膽和帶子也鮮甜， 海膽难得一瓣瓣颇完整。壽司就比較遜色， 饭仲係暖的。。咁當然啦有咁靚嘅刺身作比較，除非好想食壽司飯。。反而火炙壽司較好吃， 芝士魚生船以腐皮包著， 芝士醬非常美味。熟食方面水準亦唔錯。 咸魚炒芥蘭好有鑊氣，仲keep住翠綠！ 味道唔錯。 炒雜菇淮山亦夠鑊氣， 不過就較油。另一推介係辣炒魷魚鬚， 非常惹味魷魚

突然掛起阿嫂，想一想，原來已有大半年沒有見面，不知她的生活好嗎？兩個姪仔有令她生氣嗎？既然掛心，那便馬上相約一聚。今晚她選了放題，一來她喜歡任點任食，二來貪佢可坐耐啲，傾耐啲。餐店地方不大，間了一區區，設二至六人枱，亦間了一個獨立房，枱與枱之間較密，大家要坐得親密一點。晚巿放題分四個時段，可任飲任食2小時，而星期一至四和五六日公眾假期前夕的收費都是不同。阿嫂一向是慳家之人，選了19:30前離座時段($199+10%)，另外+$118有升級任食優惠，有法國生蠔和海膽火焰帶子，真係難以抗拒。咦！？為何枱上一張下點菜紙仔都沒有呢? 原來餐店又先進又環保，客人只要用自己手機scan枱上QR code 就可下單點菜，以取代一疊疊的點菜紙，既方便又環保，而且並沒有漏單，讚！**********************先準備飲品，選擇不多。飲品凍櫃有多款韓式罐裝凍飲，包括啤酒、汽水、果汁等等；而熱飲就只有煎茶。我倆就要熱煎茶，可消膩解滯。*******************第一時間點了6隻法國皇室生蠔，隻隻都又大又肥美，挺有份量。蠔味濃郁，海水味重，肉質嫩滑creamy，優質！同時亦點了6件海膽火

同好姊妹去銅鑼灣行街，行到好肚餓，發現有呢間放題唔至得日本野，重有泰國野！第一次見日式x泰式放題😍😍啱晒我！我地見19:30離座平啲，17:30就去到🤣$189一位咋！我見到加錢有得升級任食海膽火焰帶子同蠔，就加左$118🤪法國皇家生蠔食幾隻就已經回本！佢重有得飲任asani同blanc 1664生啤～如果我地飲埋重抵！😂可惜我地唔飲，唯有靠食蠔同海膽火焰帶子回本😈一坐低waiter介紹返呢度係用QR code scan完落order，非常欣賞呢個做法！平日剔紙太唔環保喇！正當好姊妹揀緊食乜時，我發現原來like fb page就有蟲草花燉雞湯！正呀！非常足料，不過略嫌鹹左少少。我地第一樣點既梗係刺身！加埋乾冰一齊上好架勢！有三文魚、油甘魚、馬刀貝、北海道角螺、象拔蚌、白玉豚、希靈魚同珍寶赤蝦。最驚喜係珍寶赤蝦🦐大隻到呢！長過我隻手板😍😍😍好鮮甜爽口彈牙👍🏻👍🏻👍🏻三文魚厚切好有質感，馬刀貝、北海道角螺同象拔蚌亦都好鮮甜爽脆！海膽火焰帶子用左大大粒鮮甜既刺身級帶子夾住海膽，海膽一啲都唔苦澀，帶點甜味👍🏻👍🏻👍🏻法國皇室生蠔肉質肥美厚實，食落好脆口，有海水既鹹鮮味但唔會勁鹹，帶啲礦石味。

雖然放題何其多，但鐘意他們好多泰國食品，但我同老公都幾鐘意呢間，尤其是可以加$98 就可升級生蠔，海膽帶子，生啤任飲任食，今次一行四人目的係任食生蠔同海膽帶子，先黎一打即開新鮮生蠔，望到口水流，超肥美又鮮甜爽口，只需加幾滴檸汁便鮮味。帶子海膽更加係我極推介之一，刺身LL帶子夠厚身又甜味，還釀著海膽甘甜香滑，一口一啖 絕對帶奢侈感，我食左5件，這實在係回本之一。刺身拼盤亦是必叫項目，實在太多選擇更有一樣啱的，牡丹蝦膠著口甜美，象拔蚌片彈牙，魚生都鮮肥美，螺片爽脆可口。每位送上一碗蟲草花煲雞燉湯，熱辣辣香濃足料，成個人暖翻晒，胃口即刻可以大開。天婦羅香脆，除虾還有蟹棒，蕃薯，南瓜，每樣都叫，不要一次落太多，要熱辣脆卜卜先好味。新出品章茶鴨，估唔到咁出色，鹹香帶煙薰味，每口肉都夠入未還肉嫩。鹹魚炒芥蘭芥蘭無喳，炒得夠鑊氣，鹹香帶出味什麼也不用加，惹味非常。炒蜆需要細細隻但粒粒肉都漲卜卜的，好滋味送啤酒一流！甜品選擇多，係甜品櫃自助，實在太飽所以甜品也只能食一點點。

比個朋友稱為放題達人既真係試過好多間唔同既放題而瀛豐都算係我既放題LIST入面會返轉頭食既放題我第一次食瀛豐係因為佢既大閘蟹放題, 而上次食大閘蟹既時候見到可以升級任食生蠔, 海膽同任飲生啤同朋友都講下次一定要黎試下, 所以今次就同佢再戰瀛豐上到餐廳已經FULL哂, 幸好我地一早BOOK左位WALK IN既話就可能要等一陣啦由於我地早到左, 就要等一陣先可以安排到座位而餐廳既員工都好好人, 叫我地隨便攞住野飲先冇幾耐就安排左座位比我地, 落單係 SCAN QR CODE電話落單方便又環保, 又減少漏單既情況出現任飲生啤係1664同埋ASAHI, 係自助生啤機放個杯係機上面就會自動FILL個杯, 仲有變色既燈效添坐低左冇耐，店員就上左個燉湯，蟲草花燉雞湯，岩哂呢排缺少湯水既我，個湯好㥤火喉，味道唔錯！首輪緊係要食刺身啦，刺身既選擇都幾多，仲有白玉腩丫，唔係好多地方有，全部刺身都好新鮮！食完刺身就緊係食生蠔，生蠔全部勁大隻，即叫叫開，喺其他地方食呢個size嘅生蠔最少要$40左右，反本絕對冇難度另一個返本位就係海膽火焰帶子，大粒帶子切開中間包住滿滿海膽肉，帶子嘅鮮味加埋海膽又真係幾夾！壽司

想同老公食放題，老公又想食生蠔，就去咗銅鑼灣放題加生蠔海膽任食！食放題有勁多刺身，加咗$100就可以任食生蠔海膽帶子見到啲圖好吸引即刻加！上得好快，好新鮮。先來個生蠔先，即叫即開大大隻感覺超新鮮，食落勁有海水味，係海洋嘅味道！睇吓啲海膽爆曬出嚟㗎!!刺身有三文魚、油甘魚、北寄貝、赤蝦、鮑魚片、希靈魚等。我就最最中意係蝦, 超甜超大隻！其他刺身亦都超厚切食極都食唔晒咁！壽司都好多種類，又有好多軍艦花之卷手卷等乜都有，應有盡有，一定有你喜歡。炸物又點會冇天婦羅，質素都好高。估唔到連泰式生蝦鳳爪都有！任食甜品。飲品方面有好多罐裝飲品，盒裝既都有。最正係有部1664生啤機，自己斟，幾好玩！每位400$有找。

同屋企人出銅鑼灣行街，行到夜晚，又係時候搵野食。一家人最好就係食放題，任食又任飲，正呀。我地去左一間叫瀛豐放題，嘩，一出電梯，好旺場，爆滿晒，好在咁岩有人離坐，等左一陣就有位啦😂個場都算大，重有一間獨立私人房，所以可以坐好多客👍🏻一坐底，緊係攞野飲，天氣熱吖嗎😂😂 選擇算多，而且重有一部1664啤酒機，酒會由杯底注入酒杯，過程中重有閃燈，好睇又好飲👍🏻一路飲一路睇有咩食，佢地都係用手機落單，非常方便。首先上既菜係燉湯，好足料，有虫草花同埋瘦肉雞肉，好飲又好味😍之後到生蠔，係任食，無錯，係任食😂而且質素都吾差，好鮮甜。第一round 既刺身上菜啦，排得好靚，而且好新鮮，件件都厚切嫁😍佢地有好多野食，介紹吾晒，但有啲真係要介紹下，例如炒蜆😂好鮮甜，啖啖肉，而且辣度岩岩好👍🏻重有好多好野食，去相😂😂大家都可以去試下真係抵食，好味指數⭐️⭐️⭐️⭐️

今日收工，朋友介紹我去銅鑼灣瀛豐食放題，超多人排隊，有這麼受歡迎？怪不得多人啦， 星期一至四，晚上六點後入座，每位$229, 銅鑼灣來說，食放題不算貴，見到門口有個宣傳，可以加$118升級任食法國生蠔，這就很划算了！ 除了升級任食法國生蠔，這裏的食物有日式和泰式，平時食放題，通常日式加火鍋，這裡有泰式配搭，比較少見呢！下單和上菜都超快，用手機掃描QR code 下單的，刺身拼盤不消一會兒送上。排隊這麼久，飢腸轆轆，這麼快便可以開動，服務超好！升級任食，包括了海膽火焰帶子， 是以加拿大海膽，夾在新鮮帶子裏面。這個必吃！帶子超厚身，爽滑鮮甜；海膽除了香甜味道，還有海水味，質感creamy, 含在口裏慢慢融化，感覺實在太治癒了！最期待的法國生蠔， 是新鮮原殼，即開即食的！ 每枱客人都吃完再吃，真的沒有不升級的理由(除了不吃生蠔的人) 。肉質爽口，最喜歡海水的鮮味！我喜歡加檸檬汁，微微酸味，更襯托出生蠔的鮮甜。滑嘟嘟的一口吃下去，真的是人間美食！如果像我一樣喜歡吃生蠔，又吃得多的話，加$118真的超值！升級優惠，還包括生啤任飲，這裏有asahi和 1664,都是高質素的啤酒呢！可惜1664很早

一坐底職員話加$118 升級任食既優惠係生蠔，我哋即刻確定加碼！加左錢之後必推薦食物就緊係法國皇家生蠔 啦！原隻新鮮原殼即開即食，仲有生啤任飲！另外一打打咁 order 既海膽火焰帶子 ，係加拿大海膽+ 新鮮帶子黎咖。完全係走飯之選👍🏼👍🏼佢係用QR code 黎order 的，又環保又慳人手，真係好完善。成盤生蠔作前菜，係另類放題的享受！大大隻帶子，海膽份量都唔少！刺身都無令人失望，三文魚腩超新鮮的！其他既都好鮮甜、爽脆!真係不斷encore !壽司種類都好多元化的！上至生蠔、海膽、壽司到川菜、泰式、口水雞、炸羊腩，都應有盡有！日串燒都滿有驚喜！汁醬既調配值得一讚！仲有黃金薯條同芝麻雞翼都好香膽，食完係超飽的！最正係落足味既炒椰菜苗同飛天通菜、不可不試！連唔好食菜既友伴都全碟清😂話明有泰式料理，冬蔭公同金邊粉就更加唔少得啦