瀛豐放題料理專門店 (已搬遷) 新店位置

今次已經是第二次幫襯，上一次食因為第一輪5:30-7:30pm有八折優惠，幾抵食下。今次再食，試左好多上次未試過既野食，叫左刺身併盤，都算新鮮，三文魚加魚子壽司唔錯，手卷及軍艦壽司size係正常size, 食得多好易飽，炒蜆味道唔錯，飛天通菜及炒椰菜苗encore左兩次😋全晚最唔滿意係個冬陰公湯，無咩料同無咩味

今日去咗銅鑼灣呢間餐廳度食放題 ~兩小時晚市，閒日六點鐘開始食到8點。餐廳食物提供刺身 ，熱食 ，飲品 甜品選擇多。餐廳上菜速度都算快，order咗嘅食物都好快 由職員 上枱， 而且是漏單嘅機率小，職員服務態度不錯， 經常會幫你換碟。人均消費250蚊位。可以再黎。

話說好耐冇食放題咁我地就罷食大x喜 順便試試諗住試試新野 點知....原來質素差咁遠一黎個位就好逼 d碟唔乾淨 覺得好唔衛生最基本食放題既原因係我地想食刺身首先d野食黎得超慢！係超級慢！呢度既刺身同大集團果d真係差好遠 d三文魚一睇就知唔靚 冇三文魚味 全部刺身都唔凍既 選擇又少 連甜蝦同甜蛋都冇叫壽司 咁污糟明顯既碟都照上菜算啦 諗住可能熟食好少少 都係一樣難食 我個人就好少浪費食物 但d野係難食到我覺得食落去真係會晒左自己個胃d熱食大部分都係冇乜味 奇奇怪怪咁又有咩口水雞 尖椒皮蛋咁 全部冇味 係真係個樣好似辣 但真係一d味都冇所以我先忍唔住要打個食評好在其他芝士年糕同紫芋波係正常 因為呢d都係訂來貨拎去炸就得我係想有真正既人食完既感受係呢個平台出現

愛爾蘭生蠔:肉厚較Creamy但略帶腥味法國生蠔:重海水味口感比較爽超級甜一點腥味都沒有各有千秋2款都一直叫來吃珍寶蝦:超大隻雖然口感沒了吃蝦的彈彈彈但每一啖的蝦肉塞滿嘴還是很爽的帶子火焰海膽:帶子超厚肉夾著海膽，完全在我意料之外的新鮮天婦羅大蝦:很值得推薦，彈牙之外還要是即炸，粉漿薄之外還要超脆，在吃一堆生蠔有點冰冰的時候來點熱點超讚1664和Asahi啤酒都是任飲，可惜對酒我沒什麼興趣//////////////////////////////一直聽朋友說很好吃連生蠔都很新鮮終於去了吃17:30的時段189/位要加10%服務費Open Rice 訂位更有88折所以我們就去大吃大喝了因為真的很想吃生蠔放題所以還額外加了118/位其實有一個是加98的但只可以吃愛爾蘭生蠔但法國生蠔一直吸引著我所以就加了結果超值唷～生蠔很新鮮

喺今日(11號)呢個區域可謂「風雨飄搖」，餐廳附近好多店舖拉閘提早關門，最近嗰間日式百貨公司亦如是！但係都無損嚟食升級放題嘅心情。😅早鳥優惠五點至七點半，預早已訂位， 入座後就可以選擇升級，98元就食愛爾蘭生蠔加其他升級食材，118元可以食法國生蠔+愛爾蘭生蠔及其他升級食材，差嗰廿蚊食個早餐都唔得啦！卒之揀咗118元升級，值得一提兩款升級價都可以任飲Asahi及1664啤酒。其實佢嘅普通放題唔係太多嘢食…… 每項選項都只係得六至七款揀，首先講刺身唔好期望有吞拿魚，不過牡丹蝦冇得輸，隻隻蝦絕對有中指至手腕位咁長， 食番十隻八隻都可以叫做「回本」。 但係可能亦都唔係太多嘢食選擇嘅關係， 差不多在座九成嘅客人都係選擇升級，揀咗118元升級價任食法國及愛爾蘭生蠔，叫咗三轉總共21隻，當十蚊隻計都食咗二百一十啦！😋 有一款帶子切開一半加海膽，叫咗兩轉12粒，加埋任飲Ashai及1664啤酒(吸隻特製杯落部機度由底升上啤酒) 其實所謂嘅升級價已經又回本…… 甜品不需提，雪條有三款: 紅豆、榴槤、紫米，分唔清楚係泰國或者韓國嘅出品😁 今餐食得好開心好滿足👍價錢: 每位199(八八折) 扣番加一即係九

值得再去，雖然地方小，但吃食物及服務比同區放題好很多。刺生中的蝦、海胆、馬都貝及油金魚都得新鮮；熱食全是熱呼呼。服務員態度絕頂，每一位都很好，對席上小朋友更特別照顧，因為小朋友怕生吃太多，問需要為你特別弄點湯粉。細心得不得了。就是選擇不算太多，尤其飲品甜點，可考慮添加清酒。不過已很滿足，連我家一向有時求的長輩都說好。最後再一大讚他員工們的服務態度。，每一位都值得表揚。

+$118 升級任食生蠔, 海膽帶子, 1664生啤同Asahi生啤, 依個係必點!! 因為佢d生蠔真係超級無敵新鮮同鮮甜! 老實講出面要食到咁既質素的生蠔一d都唔平, 依家只係加$118 就可以任食真係抵到爛, 食多幾隻已經回本。海膽帶子都唔錯, 但係由於我地今次的重點係d生蠔度, 所以只係點左一轉海膽帶子。依度d帶子都好大粒!1664生啤同Asahi生啤依度最唔同的地方係我地可以自助! 想飲幾多就幾多, 同埋係用特別的杯! D啤酒會由杯底Fill上黎, 好好玩!刺身拼盤, 依個係例牌必點的, 佢d蝦大大條! 仲粗過我隻手指, 啖啖肉真係好正!!燒元貝推介!!又係勁大粒!燒菠蘿基本上係見到必點的, 燒得好甜好好食!飛天炒通菜, 估佢唔到放題有炒菜食, 仲要炒得好香好好食, 不過依個菜都有偏辣的, 唔食得辣的朋友就要留意下啦! 而鍾意食辣的朋友絕對會想叫多碟, 因為真係好好食!其實仲食左好多野, 但已經多到唔記得同埋掛住食無影相。一句總結就係, 可以再黎!

我未見過一間放題店係咁多貴價野任食🤤大大粒生蠔，完全係出面食20蚊一粒的質素，每人食返一打已經夠回本。仲有手指咁長的甜蝦同埋即燒扇貝都係必叫之選！我一個人都忍唔住食左8粒。粒粒都超大粒又鮮甜，一食就驚為天人。點解可以咁高質又好食，仲要無限住你落單，你落單就好快比到你。有d放題店好孤寒，高質野只會按人頭每次叫一粒，呢間爽手又好食，服務態度又好，值得讚賞。不得不提係有得任飲生啤，有得自己整黎飲，係1664同asahi😍成大班一齊去食飲住啤酒食燒物就最正。佢都有放題常見的串燒同炸物，送酒一流！鐘意飲啤酒的人就會明白即沖生啤，同罐裝啤酒真係差好遠。

對上一次食日式放題已經係半年前，最近都係食燒肉，火鍋放題，聽朋友講呢間餐廳可以加錢任食即開生蠔而且清啤任飲，啱晒傾計食飯。我哋訂咗早場5:30，餐廳舖仔細細，枱唔算密，坐得算舒適。由於太耐無接觸放題，呢間係用自己客人電話Scan枱上面嘅QR code落單，唔止環保減少紙張，用自己電話唔使拎部pad遞嚟遞去。我哋加咗$98任食美國太平洋生蠔，海膽火焰帶子同任飲Asahi，1664生啤。坐即刻點嘢食，上菜速度算快，食物質素唔錯，熟食普通的，不過刺身，蠔好新鮮。雖然餐廳唔算大，但職員人手好充足，而且有禮貌，收碟快。刺身船樣樣有啲，每件都切得厚身又新鮮，入口好滿足，由其三文魚同珍寶赤蝦。蠔嘅數量嚟足，蠔肉都幾厚身飽滿，肉質肥美，海水味較淡。另外海膽火焰帶子就唔見火焰效果，但就足料，海膽味唔濃。第一次見呢種自助啤酒機，杯下面入啤酒，調教好泡同酒嘅比例，飲幾多自己話事。壽司唔少得，款式都幾多，不過太大件，唔似一般放題細細件。鹹蛋黃薯條見好多客人點我哋又試吓，薯條好脆不過鹹，泰式生蝦朋友話幾好，對我嚟講太辣。左上有啲羊腩外面係炸嘅，如果再肥啲會好啲。豬頸肉同燒三文魚好乾。炒嘅小食鑊氣夠，都幾香。帶子

嗰日放工已經好晏，差唔多12點幾，見到呢間放題開好嘢，所以就嚟咗食。我哋升級加咗$88有帶子海膽，生蠔放題。但係我哋個生蠔好難食，重點係佢入邊有蟹啊！真係多謝晒呀送隻蟹俾我食，生蠔從來都唔係一樣好貴嘅食材，佢嘅貴就係在於處理手法麻煩，需要細心清理同埋檢查，好明顯佢哋出貨出得好求其，冇好仔細咁刮青生蠔嘅前後。如果我哋食咗隻蟹落肚，都唔知會有咩後果……魚生一般，但個海膽帶子真係好難食，難食到我哋食咗一round就冇叫第二round了，好地地一舊帶子都唔知點解可以整得咁難食，佢仲有海膽手卷。，已經冇期望食到好鮮甜嘅帶子，但個海膽少得可憐，仲要溶溶地，食咗一個都唔使食第二個。熟悉還好，但個炒魷魚真係喊到喊，唯一唔錯嘅就係上菜速度快，不過可能因為我哋食嘅時候已經好夜啦。冇下次

今晚5:30pm二人來到瀛豐店面比較少，但尚算寬敞費用是$189+98 加一+98 就是為了任食生蠔海膽帶子先說生蠔，非常出色，性價比極高質素比酒店buffet的生蠔更好隻隻都巨型，而且肥美鮮甜冇腥味應該是即開的，而且溫度夠凍，安全水準不錯海膽帶子，我就建議分開食，因為入口味道不太夾海膽方面，份量足夠，尚算鮮甜，不過香味不足帶子非常厚身，但淡而無味，口感稍為鬆散其他刺身方面，不過不失，一般放題水準就是珍寶赤蝦比較大隻，而及鮑片頗為鮮甜而熟食方面有泰式料理，但本人不太好其實日式熟食都是一般放題水準啤酒方面有驚喜，有1664及Asahi生啤，備有新潮斟酒機，過程有趣總括而言，來這裡食放題可以安心主攻生蠔及海膽帶子番本

野食選擇極少以為是泰日放題但唔知點解有口水雞同尖椒皮蛋 啲中式野點了炸蝦餅但又無酸甜醬叫人點泰式生蝦醬！手卷餡料極少海膽不新鮮飯難食 紫菜淋天婦羅粉皮超厚又勁硬似石頭就連豉椒炒蜆也腥亨亨 無樣野好食 係啲刺身正常啲 ...埋單只收現金不收卡又沒電子付款個收銀個邊自己係到播歌水Bar又播另外啲歌侍應又大聲傾計 粗口夾雜耳仔好辛苦 好頂唔順食左兩輪要埋單走人 以後唔駛再來

兩個人慶祝周年紀念日，想食日本放題但又好想食泰國野，於是上網search下，發現原來呢一間係日泰式放題，完全滿足我地既要求😍早咗幾日打去bk咗平日既7點半，上到餐廳門口無人理我地，之後有個男職員望到但都扮睇唔到🙄坐低咗好耐都無人理，反而去招呼遲過我地入黎既人，枱上無order紙，亦無人理，過咗一陣先問到要用app點餐🤷🏽‍♀️🙄早段算未太多人，野食好快就上枱。刺身好多選擇，蝦好大隻，三文魚都厚切，新鮮好味😋而且呢度有泰式生蝦，一樣好好味👍🏽熟食方面有泰式同日式，特別推薦辣椒膏炒蜆，同埋飛天通菜都好好味既👍🏽雖然服務態度需要再提升，但係食物都滿意既👍🏽

今次又同朋友去食放題啦❤️❤️❤️👍🏼不過今次呢間餐廳同以往食嘅放題有啲唔同。首先講吓餐廳環境，都係寬敞舒適嘅。而且落單嘅形式都好方便，用qr code就可以直接喺電話度選擇自己鍾意嘅菜式。菜式方面，佢有好多款嘅泰式小食、川菜小食，例如冬陰公湯、炒通菜、拍青瓜等等。如果額外加98就可以升級任食蠔，我今次都叫咗幾隻蠔食，質素都唔錯。至於點解話佢同以往嘅放題唔同呢，因為呢度嘅放題比較重質不重量。以往嘅放題一般都係包括各式各樣嘅小食或者炸物，呢度嘅小食款式就會比較集中。

我不是大胃王，但應朋友邀請，偶爾也會去吃放題，這次約了在銅鑼灣的瀛豐。朋友喜歡吃生蠔，我喜歡海膽帶子，升級好像吃得更爽。採用電話下單，不用再浪漫點餐紙，又可以看清楚自己點了什麼。生蠔我不太懂，但兩款蠔都算新鮮不會腥，一款味道較濃，一款味道較淡，連我不太好生蠔也不會抗拒。一口吃下海膽加帶子，而海膽和帶子又夠新鮮，真的很爽。海膽口感creamy ，帶子爽口，當然要點多幾轉。放題真的少不了刺身，有大胃王朋友的好處就是可以每樣都點，刺身整體質素ok，最喜歡三文魚腩和希靈魚。刺身後是一輪壽司、卷物和手卷，款式不少，用料亦算新鮮。意想不到的是這裡有不少泰式食品，正合我意。還有中式食品，真的很多元化，椒鹽豆腐一口一粒剛剛好。其實還有不少食物想點，但已經太飽吃不下了。最後當然要甜品雪條作結，另外這裡的飲品選擇也不少呢。這一餐真的太瘋狂，飽到幾乎走不動，多謝朋友的請客。