影片
更多
2019-07-02
140 瀏覽
同好姊妹去銅鑼灣行街，行到好肚餓，發現有呢間放題唔至得日本野，重有泰國野！第一次見日式x泰式放題😍😍啱晒我！我地見19:30離座平啲，17:30就去到🤣$189一位咋！我見到加錢有得升級任食海膽火焰帶子同蠔，就加左$118🤪法國皇家生蠔食幾隻就已經回本！佢重有得飲任asani同blanc 1664生啤～如果我地飲埋重抵！😂可惜我地唔飲，唯有靠食蠔同海膽火焰帶子回本😈一坐低waiter介紹返呢度係用QR code scan完落order，非常欣賞呢個做法！平日剔紙太唔環保喇！正當好姊妹揀緊食乜時，我發現原來like fb page就有蟲草花燉雞湯！正呀！非常足料，不過略嫌鹹左少少。我地第一樣點既梗係刺身！加埋乾冰一齊上好架勢！有三文魚、油甘魚、馬刀貝、北海道角螺、象拔蚌、白玉豚、希靈魚同珍寶赤蝦。最驚喜係珍寶赤蝦🦐大隻到呢！長過我隻手板😍😍😍好鮮甜爽口彈牙👍🏻👍🏻👍🏻三文魚厚切好有質感，馬刀貝、北海道角螺同象拔蚌亦都好鮮甜爽脆！海膽火焰帶子用左大大粒鮮甜既刺身級帶子夾住海膽，海膽一啲都唔苦澀，帶點甜味👍🏻👍🏻👍🏻法國皇室生蠔肉質肥美厚實，食落好脆口，有海水既鹹鮮味但唔會勁鹹，帶啲礦石味。
一坐低waiter介紹返呢度係用QR code scan完落order，非常欣賞呢個做法！平日剔紙太唔環保喇！正當好姊妹揀緊食乜時，我發現原來like fb page就有蟲草花燉雞湯！正呀！非常足料，不過略嫌鹹左少少。
我地第一樣點既梗係刺身！加埋乾冰一齊上好架勢！有三文魚、油甘魚、馬刀貝、北海道角螺、象拔蚌、白玉豚、希靈魚同珍寶赤蝦。
最驚喜係珍寶赤蝦🦐大隻到呢！長過我隻手板😍😍😍好鮮甜爽口彈牙👍🏻👍🏻👍🏻
三文魚厚切好有質感，馬刀貝、北海道角螺同象拔蚌亦都好鮮甜爽脆！海膽火焰帶子用左大大粒鮮甜既刺身級帶子夾住海膽，海膽一啲都唔苦澀，帶點甜味👍🏻👍🏻👍🏻
法國皇室生蠔肉質肥美厚實，食落好脆口，有海水既鹹鮮味但唔會勁鹹，帶啲礦石味。食三隻就已經夠回本！
泰式魚露燒蝦個殼散得太多鹽，好鹹😖咬左啖即刻用返手摵，肉質一般，未算好爽彈，但起碼無梅。
估唔到有泰式炒椰菜苗！平日係泰國餐廳食炒椰菜苗都偏貴，放題竟然可以任食！正呀！爽脆鮮嫩！不過油左啲～
泰式燒元貝燒完重大大隻，加埋蒜蓉一齊燒好香！肉質嫩，一啲都唔韌。
呢度咁多樣泰式野入面我最鍾意甘葉香蒜炒墨魚鬚！因為有我至愛九層塔🌿墨魚鬚又爽脆，除左九層塔重有香芹一齊炒，炒得好好味！同椰菜苗一樣非常有鑊氣！係出面邊食邊聽到廚房啲師傅炒野既聲，就知即點即炒好有鑊氣！正！
壽司最愛火炙三文魚腩，超肥美！入口即溶😍😍😍和牛火炙壽司未去到入口即溶但非常腍👍🏻海膽玻璃蝦火炙壽司同赤貝壽司爽甜。
辣椒膏炒蜆同樣有鑊氣，蜆細細粒但就無沙👍🏻
青木瓜沙律雖然唔係好colourful，好似無味咁，但係非常入味，酸酸地～
天婦羅🍤同日本番薯仔🍠即炸熱辣辣，外層脆卜卜，蝦就爽彈，番薯仔腍甜。
野飲自己出去雪櫃拎，有汽水、茶、忌廉溝鮮奶、竹蔗茅根、蜂蜜雪梨等⋯⋯⋯
最後重有甜品同雪條食，爽呀😆😆😆
張貼
