瀛豐放題料理專門店 (已搬遷) 新店位置

如果一大班朋友一d鍾意食刺身一d鍾意食熟食可以考慮呢間㗎除左日本料理刺身海鮮大隻蟹等等....仲有好多小炒揀㗎....仲有好多款泰式串燒選擇嘢飲都好多選擇仲有甜品雪糕供應

香港人飯局聚會都離不開日式放題，韓燒，自助餐，今晚我地既聚會就黎左呢間食泰，日式放題店。在Facebook訂座，方便簡單，一入到餐廳，食物落order需要自己動手，先scan佢哋嘅QR code, 按指示點菜就可以 刺身拼盤，一上檯我‘嘩’😳左一聲，好有氣勢，賣相一流，刺身新鮮燒蝦，炒蜆，沙爹串燒，蒜蓉燒元貝，泰式炒椰菜苗

全港咁多間放題選擇，其實食黎食去都係嗰啲嘢，唔做得特別啲，特色啲都好難突圍而出，令人記得你，而呢間又幾outstanding，幾令人記得。😂最新推出係呢度做緊大閘蟹放題！我見周圍上蟹係一盤一盤咁上，10隻8隻咁拆黎食，豪氣就一定架啦，勢估唔到佢仲有啲更豪氣嘅係後面！你只要加多少少錢，佢就有埋帶子夾海膽同生蠔任食，見到白色厚肉嘅帶子中間夾住一舊金黃色的海膽，真係未食都流哂口水。放入口啖啖肉，鮮味爆哂出黎呀！仲有生蠔都唔係差野，食落一啲都唔腥，仲有海水味添，不過唔食得太多生蠔得話就要量力而為啦😉

一年一度既大閘蟹放題時間又到啦，今年已經係第二年係度食大閘蟹啦。一入到去坐位稍迫，呢度係用電話嘟QR code落單，不過今次坐得太角落電話訊號收得唔好有d難落單，不過漏單情況就好似無乜。除左大閘蟹之外，其他都係d例牌放題款啦，食物質素都唔錯，不過為左留肚食蟹，叫既款式唔多，刺身質素唔錯都新鮮鹹蛋黃薯條encore左2次，好香口食左陣主角就登場啦蟹既大細唔錯，唔會太細無膏無肉，3個女仔總共都食左40幾隻，好滿足，膽固醇超哂標甜品種類唔算多，仲有2-3款雪條。任飲飲品種類都算多整體黎講，下年再有大閘蟹放題我都會繼續黎食

一家11大人+ 3位小朋友，共14人，店舖位置方便，到舖店員很有禮貌，可能因為早已經預約，店舖安排左比較靜少少的區域給我們入座，雖然係前後排座位，分兩張8人枱，都不錯，店舖是用I Pad點食物，食物種類不算多，主要刺身唯主，我們等齊人比預訂的時間遲了30分鐘，雖然放題限時2個半小時食用時間，但店員細心講如果到時沒有大量人walkin我們可以食耐啲，雖然另加＄任食的法國生蠔已經沽清，有點失望,但埋單後店員送上一個迷你蛋糕俾我哋影合照有點小開心的🎂！

一班朋友出黎食晚餐最好就係食放題，因為可以鍾意食咩就叫咩，唔洗就住就住咁食😂 今次試咗銅鑼灣嘅依間放題， 入到去其實係一間日式同泰式嘅放題，除左機本嘅刺身之外，重有沙津、炸物、串燒等等其中以刺身最得我地歡心, 款式多之外仲好新鮮添， 完全滿足曬鍾意食刺身嘅我，淨係刺身拼盤都order咗幾次~朋友勁搞笑咁嗌咗好多款壽司🍣，雖然好飽但係好好食， 最近餐廳仲有得升級變大閘蟹🦀放題同埋生蠔放題添~ 下次要同朋友嚟食大閘蟹先得

每年都會與家人吃大閘蟹，鴻X、紫X軒都吃過，今年見友人facebook post分享這間瀛豐，於是一試。經openrice訂座，另有致電訂大閘蟹。坐低無耐就放低一盆蟹，三人行，大約十隻。翻一翻，全都是蟹公，再問店員，她表示不會有蟹乸供應。算吧，蟹公也有膏，可惜蟹肉有點梅，比起以往食過的，的確稱唔上好食。一次過上太多隻，很快放涼了。餐廳主要做放題，用app點了刺身壽司炸物燒物小食等，質素一般，數量不一致，也有漏單。牆上海報話有盅湯送，問店員才會送上，三盅湯的色水和味道也有出入，有碗更有酸味。甜品有雪櫃糕點和冰櫃雪條，8點鐘時melona雪條只剩2條，其餘都是榴連雪糕雪條。拿了個椰汁糕，有藥水苦味。浪費了今年食蟹quota，大閘蟹還是選別的餐廳好。即使放題，也不太好食。

今日難得約齊朋友，於是同朋友訂位，食傳說中嘅大閘蟹放題我哋全部都係蟹怪獸級別人物八個人食咗一百幾十隻大閘蟹簡直就係大滿足因為自己費事在屋企蒸蟹所以就出咗嚟食呢間盈豐啲蟹夠爆膏刺身夠新鮮泰式料理夠鑊氣服務態度夠好唯一不足就係位置不是太舒服不過有得食就咩都得啦俾你地睇一睇啲蟹價錢差唔多$450一位已計加ten呢個質素非常之抵食佢哋仲會有生蠔海膽任食升級版不過一次食唔晒咁多嘢所以我哋今次沒有升級已大閘蟹為主要目標下次再嚟試吓佢哋嘅生蠔🥰

本來約左10月5號再去，你知依加出面甘亂，忍痛取消，我會再返黎。已經係食第三次，都係因為佢既馬刀貝，加埋泰國野，依個泰日放題，我可以。因為實在太好味，所以只係影到刺身，一入坐就送隻船比你，我同同事即刻話要自己叫，有誠意，不過我地梗係鐘意執自己野。先黎一隻自選船，甘既價錢(好似加埋一唔洗$300)，你鐘意富貴可以加錢食海膽帶子，蠔同任飲啤酒，我地就算啦，但係叫左幾轉馬刀貝，一啪十幾隻甜蝦，係味正先。食完凍野，其它一般，但熱野真係嚇死你。我食個金邊粉，好正，仲有個東風螺，泰式熱野真係好好味呀。

呢間放題成日都見到有廣告出嚟😂某日又見到，咁啱男友又問我生日想食咩，卒之忍唔住叫佢訂位試試😆生日食好啲，加咗$98食生蠔同海膽帶子，仲有得任飲Asahi‼️呢間用電話落單，同男友各自努力揀嘢食💯我成餐喪啪蠔🤤全晚食左廿隻倒🤣大大隻，食到好膩😆飽到上心口😍海膽帶子食半打就停手了⋯無味嘅⋯其他嘢都冇咩可取之處⋯總結呢間如果唔加錢任食蠔同海膽帶子嘅話，真係冇咩好食🤣但加埋就三百幾蚊一位，食自助餐都得了🙈🤣瀛豐放題料理專門店📍: 銅鑼灣駱克道491-499號京都廣場10樓#有了你開心啲#生日蠔一次#之後食樹皮等去旅行#生日願望日日爆數#做sales係咁市儈#下下都講錢#快啲搵夠收山#六合彩又中唔到

十月 又系大閘蟹既日子市面上其實都好多食店有大閘蟹食點解今次揀試一試呢到因為呢到可以一次過食哂日泰放題同大閘蟹放題簡直滿足哂兩個願望先講重點大閘蟹 每隻大約3兩半至4兩Size唔算話好大 但勝在任食夠哂屈機嘛而且剪開左都幾多膏仲要一坐低就會每人會先上左3隻蟹先一坐低就有得食蟹 真系好爽真系可以做到瘋狂食蟹 我地4個加埋食左45隻蟹

今次又去試新嘢，壽星話事試呢間放題，呢度最大賣點係加$98升級任食生蠔、海膽帶子同任飲兩款生啤，聽落好似好抵，但唔嗜酒嘅我就覺得一d都唔抵，因為升級嘅食物質素認真麻麻，所以唔加好過加！而且呢度食物選擇係多但唔吸引，同區都有差不多價格嘅放題，所以試過就算了。加$98升級：海膽帶子 – 海膽無味、帶子唔似帶子又無味，難食愛爾蘭生蠔 – 似急凍生蠔，全部都甩晒殼，咬落去好腥又出水，平時响酒店至少食一打嘅我都只係硬梗咗2隻，難食刺身 – 三文魚、珍寶赤蝦、油甘魚食得過，其他如白玉豚、螺、象拔蚌、鮑片、希靈魚、泰式生蝦就麻麻壽司 – 唔多吸引，所以只試咗一口海膽壽司，尚算OK，要嚟填下胃涼菜 – 泰式酸辣鳳爪OK，但尖椒皮蛋唔掂炸物 – 蝦天婦羅、南瓜天婦羅、紫心香芋丸、芝士年糕、七味雞軟骨都OK燒物 – 燒蝦、串燒OK，但燒菠蘿同燒羊腩都好乾唔掂泰式料理 - 鹹蛋黃炒薯條極力推介，飛天通菜、炒翠肉瓜、炒蜆、冬蔭公都OK5人共消費：$1800

只可以講，服務質數唔錯，但正常人無可能會再去第二次，刺身望落似係放佐好耐咁，唔夠冰鮮，真心唔敢擺落口，升級至$399食大閘蟹，但發現完全唔好食，壽司一般，賣相都係極度求其，爭鮮好食過距好多，試完幾樣已經無曬胃口，即時埋單走人👋🏻

我同朋友去銅鑼灣行完街，之後見好肚餓，去左試呢間主打泰國同日本料理既放題！由於我地都比較胃食，所以升級左部份食物！刺身，好新鮮，三文魚好厚身，蝦亦都好肥美！海膽帶子，我本身好中意食帶子，再配合埋海膽，呢個配搭真係好吸引！我一個人食晒成碟，哈哈！生蠔！我本身唔太食生蠔，不過同行既朋友覺得唔錯！蟲草花燉雞湯，入面份量都好足料，值得一試！燒帶子，不過我比較推薦食海膽帶子！蛋黃薯條，蛋黃味都幾濃，薯條都算幾脆！天婦羅，不過不失！

先說個人評價再分享一下其他如果你們所有人都喜歡狂吃生蠔，海膽，飲asahi .1664生啤絕對值得黎升級試一下原價放題大約$200@+另加100@就滿足了你的味蕾因為300元的價錢我相信除了甚麼限時優惠你絕對找不到任飲任食上述的東西咁我都有留意了一些評價但作為普通市民中肯一點評價現在300元的價錢總不會用高級西餐日本餐酒吧的環境比較不過不是指將貨就價老實說我認為上述4款的絕對比起某些高級的還優秀，生蠔不用排隊輪流2隻2隻又不用續隻收費海膽新鮮生啤不用說酒吧多少錢一杯呢？所以300元我絕對有天心癮起必定會再試一番。現在放題大部分都屬幾間大集團旗下相對性好悶只需選擇地區而已今餐原本是希望去酒店吃自助餐但有即開生蠔的晚餐可能太遲預約已經滿位之後就發現了這間有生蠔提供的放題仔細望一輪評價和照片就決定試一下想不到有放題可以咁的骰坐位真的是眼見這樣子不過2人都會通通安排4人坐位可能幾台2人都是早輪時候也不一定不過現在實況雖然坐位有限但都不會將大家迫在一起絕對可以讚美相反那些大xx.就哈哈原本的放題包的任飲，和平常的差不多這部自助生啤機係需要升級才可以任飲不過呢我第一回用還嘔泡到周圍🙈🙈🙈不過其他人