瀛豐放題料理專門店 (已搬遷) 新店位置

我未見過一間放題店係咁多貴價野任食🤤大大粒生蠔，完全係出面食20蚊一粒的質素，每人食返一打已經夠回本。仲有手指咁長的甜蝦同埋即燒扇貝都係必叫之選！我一個人都忍唔住食左8粒。粒粒都超大粒又鮮甜，一食就驚為天人。點解可以咁高質又好食，仲要無限住你落單，你落單就好快比到你。有d放題店好孤寒，高質野只會按人頭每次叫一粒，呢間爽手又好食，服務態度又好，值得讚賞。不得不提係有得任飲生啤，有得自己整黎飲，係1664同asahi😍成大班一齊去食飲住啤酒食燒物就最正。佢都有放題常見的串燒同炸物，送酒一流！鐘意飲啤酒的人就會明白即沖生啤，同罐裝啤酒真係差好遠。