瀛豐放題料理專門店 (已搬遷) 新店位置

呢排天氣轉涼，真係凍左好多，而同時11月開始亦係蟹既季節，大閘蟹尤其受歡迎。喺網上得知道銅鑼灣呢間瀛豐放題料理專門店最近有大閘蟹放題，我同朋友都好鍾意食大閘蟹，所以嚟到試下先。好彩我一早book定位，因為如果遲book位或者只係walk-in既客人未必有得即時食到。呢間放題位於駱克道491號，位置便利，如果搭港鐵去銅鑼灣站，C出口斜對面就係，而如果搭巴士或者小巴，行落一個街口就到，真係好方便。掃瞄QR Code 落單，都幾方便，又可以慳紙。價錢方面普通放題就$179起，而兩小時任食大閘蟹以及其他食物就係$399一個人，我覺得算合理，始終喺其他餐廳叫幾隻已經可能超過呢個價錢。飲品方面都有不同既罐裝飲品選擇，亦可以加錢飲Asahi或者1664啤酒。Desserts有唔少甜品同埋雪糕雪條，適合唔同客人。放題必不可少既刺身同壽司選擇唔少，刺身有三文魚，希靈魚，馬刀貝，八爪魚，象拔蚌，油甘魚等。壽司就有軍艦亦有卷物等，同時都有火焰三文魚壽司，海膽壽司，帶子，花之戀等。所有刺身都夠新鮮，三文魚都幾肥美。花之戀，可以配龍蝦沙律，蟹肉沙律，或者海膽親子花之戀。加錢升級仲有海膽火灸帶子以及法國生蠔。帶子

伏到要寫食評環境：空間比較細，較迫 ，枱與枱之間距離好近食物選擇：揀左食普通放題，泰式居多，選擇不多，都幾失望，食泰菜可能會更好食物質素：味道不過不失既，但食完比較渴服務：雖然侍應幾多，但帶完位就冇人理，點單都冇解釋，都係自己睇到張枱有QR code黎落單上菜時間：放題得2個鍾，但啲野上得好慢，當中好多時間係等待中浪費左，離完場仲有十五分鍾左右就開始催你走漏單：放題漏單都常有，但沙律咁簡單落左幾次都冇上過，仲有唔少都係冇上，再落多次又驚黎多，但最後係真係冇黎既總結：咁伏既放題，冇下次

話說都好一陣子沒有吃過日式放題了!? 因為有時千篇一律的食物實在難以提起興趣不過最近就找到一間不止主打日式料理，還有泰菜的耶而且剛好來到大閘蟹的季節！沒想到這裡竟然有(加錢)任食大閘蟹本來的食物種類已經很多，但喜歡吃生蠔、海膽帶子的話也是可以加錢升級任食的環境來說，桌子與桌子之間十分貼近~雖說不至於一起身就撞到，但還是頗迫點單方法則是掃瞄桌子上的QR Code去到一個網站直接下單便可所以如果電話螢幕大點或是有帶iPad就會方便得多囉飲品是自助形式的，在雪櫃拿自己想飲的～有汽或是沒汽的罐裝飲品也有如果想飲熱飲的話則需要點單囉～不過我點的熱茶完全沒來到沒想到有 鹹蛋黃薯條，不過鹹蛋黃味不算太濃 ... 炸物來說，整體屬於一般而已 個人覺得雞翼和八味黃金豆腐還不錯，很嫩滑另外 紫心香芋丸 的香芋味道很濃郁，還很有口感。但相比之下，我更推薦 - 芝士年糕 ~ 鹹香的芝士和煙韌口感都是我喜歡的呢放題的話，刺身當然不會漏點囉！比較少有的希靈魚和白玉豚也有整體來說都很新鮮～連平時不太會點的三文魚亦覺得不錯，脂肪均勻不過最吸引的倒是珍寶赤蝦～好大一隻！還鮮甜彈牙另外這裡還有 - 泰式生蝦 ~同樣都是很

兩年無食大閘蟹，facebook唔知係咪聽到我既心聲popup呢間大閘蟹放題，睇相好似唔錯，即刻約朋友去試Book咗7:30大家都準時到。lift門一開，成個門口都係人。就算book咗位都要等，再加上目測d枱勁迫，而且門口雪櫃甜品既樣一d都唔吸引，個心即時涼咗一半等咗15分鐘，終於有枱。同大喜屋一樣，手機落單，大家即時order各自想食既先嚟魚生，樣樣新鮮。蝦好似手掌咁大，好爽好新鮮，未食完大家已經話要再encore。美食當前，頭先門口既擔心即刻一掃而空再嚟今晚既主菜，大閘蟹。一嚟大家已經大叫，好似山咁高，而家差唔多隻隻都爆膏。雖然唔係話好大隻，但以4百蚊既價錢，我覺得係抵既。而且除咗蟹好味外，其他魚生，串燒，泰式炒菜都好好味。只係我地當時太專注於大閘蟹，其他既都係淺嘗另外要讚一下既係佢地既waiter服務，個個都好勤力好nice.成晚不停幫我地換碟。真心抵讚👍🏻👍🏻👍🏻

一日一黃店 任食大閘蟹日式放題呢間大閘蟹呢間都幾易回本平時街市細細隻都買都要$80大閘蟹殺手 可以抄低呢間啦.呢日中午黎到 都幾爆場呢間蟹大概3-4兩 即叫即蒸👍🏻蟹入面都幾多黃 而且爆汁.除此之外👍🏻生蠔都好夠肥美 唔腥（可睇圖）👍🏻刺身 種類都多而我比較鐘意 三文魚 好夠油香甜蝦大隻 最重要係有開蝦取腸（加分）.簡單講講呢間食物種類多 質素唔錯飲品量一般 但有生啤機甜品量都ok.小部份 例如 串燒 燒得比較乾同埋 鹹蛋薯條 外層勁足鹹蛋 炸到薯條入面都脆埋.呢間平時都有罷工 同ig出post 小黃店整體主打貴價海鮮都高質 回本容易大閘蟹放題$399 普通放題$179起網上不時可以搵到唔同優惠 可以平d建議去之前可以打去訂位先：96901733.#瀛豐放題料理專門店 (銅鑼灣)地址：銅鑼灣駱克道491-499號京都廣場10樓.⭐️評分：味道：4/5環境：4/5服務：4.5/5 抵食：5/5

26-11-2019打電話預約左28-11-2019 9:30pm 兩位當晚準時9:30到店鋪，一打開𨋢門，已經見到擠滿人，等左大約10分鐘左右先能夠接觸到店員，報到後按門口職員指示到店內等。由9:30等到10:15，等候時間長得離譜。期間只提供過一張在𨋢口，完全貼近排隊入座嘅人嘅枱，請問坐呢個位可以點樣進食？你會想貼住一大堆人食飯嗎？期間入左2-3張2人枱，3張6人枱，甚至有一張14人枱都入左，甚至有一啲遲過我到嘅多人枱都入左座。我完全唔明白門口職員如何分配座位，難道多人就有先入座權？少人就要等剩餘嘅座位？最後，在10:15，所有等位客人已入座，只有我未有座位，門口職員提出為我加一張枱在啤酒櫃前，先行進食，到有位再轉位，但我認為完全不可接受，因為該位置一來係其他客人攞野飲嘅位置，另外該位置亦較窄，根本不可能在該位置加一張枱。所以我拒絕接受該位置入座。對於是次經歷，我認為考慮訂瀛豐前，請考慮你是否有足夠時間去等位？今日並非「大時大節」，位置安排情況亦如此混亂，難以想像「大時大節」時的情況。（我諗除非你一大班人去，如果兩個人就等下啦，因為我有問過附近同樣有訂座在等位的顧客，大家大概都等左

每人平均消費$320，有法國生蠔同海膽帶子任叫，幾好幾好😋掛住食無影到好多～法國生蠔好味🤤肥大 Juicy 🎉海膽帶子任食～ 都幾大隻！個人比較中意食燒🍍🍍餐廳好多其他野食，泰式通菜、炸雞軟骨等等～可以一試

呢間放題，絕對係地上最強呀💛日式放題最平$179❣️大閘蟹刺身放題，最平每人都係$399咋🦀想再食得豪d，可以+$98升級任食美國生蠔、海膽&任飲生啤喔😋😋😋🍣刺身及壽司超過10款刺身、過20款壽司卷物，夠哂多選擇！港女我心多多，一嚟就咗個刺身拼盤試吓先🤤刺身全部都係厚切，好新鮮呢！私心推介必食...珍寶赤蝦，超大隻，肉質札實🦐三文魚肥美，魚脂味超香溢🐟象拔蚌爽口鮮甜👍🏻🦀大閘蟹手掌咗大隻✋🏻拆開都幾多蟹膏🤤🤤🤤就快食到膽固醇爆燈了🙈🍴海膽帶子好難得放題會有海膽喔😍😍😍帶子開邊夾上海膽，非常鮮甜好味！💯🐚生蠔質素超高🤤蠔味濃郁唔會腥，口感幾creamy生蠔迷必定要升級喔（+$118法國生蠔🇫🇷）🍗🍟🍤熟食有串燒、天婦羅、沙律...當中泰式料理最吸睛👀港女我食咗有炸蝦餅、飛天通菜、冬陰公湯...全部水準都拍得住泰式餐廳呀👍🏻👍🏻👍🏻推介同樣係辣控嘅朋友仔必試🌶冬陰公湯酸辣層次豐富，用料十足！🍰甜品有多款小巧甜品& 雪糕雪條推介榴連控必食榴槤糯米糍！！糯米皮口感軟綿，入面榴連餡十足，超濃榴連味！🥤飲品有多款罐裝啤酒汽水，飲到飲飽😂

👍🏻- 大閘蟹上得快，幾新鮮可接受，但唔大隻- 刺身新鮮好食- 其他食物質素好- 冬陰功細細碗 size啱啱好 有驚喜- 燒菠蘿好甜- staff好好禮貌，又勤力👎🏻 環境逼，隔離檯出入都好影響總結 放題嚟講係幾好食😋

繼續支持黃色經濟圈💪🏻食放題都有黃店選擇 仲好高質添💕-🔹刺身塊塊都厚切🤤口感十足三文魚好肥美必食推介珍寶蝦‼️足足成隻手掌咁長✋🏻-🔹壽司壽司飯酸味夠 越食越開胃仲有黑洞中意既鴨胸壽司🤪-🔹大閘蟹即叫即整熱辣辣🤩蟹肉新鮮 仲有超多蟹膏😍食到成手都係黃油不過黑洞港女怕煩 食兩隻就收手🤣-🔹生蠔隻隻都夠大又鮮甜🙁黑洞最鍾意加檸汁生蠔控一定好滿足😉-🔹熟食有多款泰式熱食辣炒蜆辣得好爽皮😚入口無沙清潔得好乾淨黃金薯條炸到超脆口有鹹蛋味得來唔算太咸⭕️-🔹甜品有甜品櫃自取超推介榴槤糯米糍⚠️皮薄饀軟仲有豆腐gelato好清香😋

這大廈的構造令電梯到店面的空間比較窄，小心不要把整個門口堵住了。掃瞄QR code之後電子點餐，一般的放題食品都應有盡有，感覺這次只試了極少品種料理，更多時候是上了菜沒認出是什麼。刺身比較少見白玉豚，我就比較喜歡珍寶赤蝦，這拼盤可說是份量十足。可惜沒加錢的話想食帶子就需要連飯食，推薦(火炙)鵝肝帶子壽司，真的很香濃。比較特別就是泰式菜式，像是辣椒膏炒蜆還有泰式生蝦!!!個人覺得這個比刺身蝦更鮮甜，脆脆的口感更是好。炸物還可以，以上兩款食起來很奇妙，除了八味黃金豆腐外，避免食太多留空間給會更好。最喜歡就是燒菠蘿，必食的其中一項，泰式生蝦我覺得能食辣的話也是必食。最後就是同樣要食的是香港本地製GELATO，分別有抹茶、蜜糖牛奶和薑味，只試過後兩款，蜜糖偏甜那種，反而有薑絲很濃味還有點辣。基本上即使人很多，上菜速度也算非常快，總之為了不給未入座的人盯上，吃飽就別佔桌子太長時間了。

呢排大家都興懲罰店舖，我就覺得佢懲罰自己懲罰食客啦。同事生日，兩星期前預早Book 定今日7：00，由4位加到7位都係比面佢既馬刀貝同泰式金邊粉，依間野有幾樣好1. 加人用Whatapps 覆得快，又有禮貌2. 話唔收切餅費(不過食放題我都食唔落蛋糕，最後無買到蛋糕啦)3. 食野當日會用手機短訊要你網確認黎唔黎(不過確認完仲有店員再打比你)3：00 幾收到電話，話今日好Full (其實我預左，所以先甘早Book，佢問本來Book 7:00 既我，介唔介意7：30先入坐。我話我放6：15，唔想等甘耐，佢話甘照Mark 我7：20入坐，我心諗爭幾個字就算數)同事比我早到，6：50上到去人山人海，真係多人到連企都無位等，不少都係book 左7：00，去到竟然比人話改左7：30梗係乍型啦，個個都話唔肯改7：30，老細都好禮貌地話明白，知道，盡早Set。早到同事安排左坐係入面，仲有三個位其他朋友未食完，我地要落樓等，都算，支持下又好咩都好。7：30同事話有位叫我地上去，繼續叫我地最愛既馬刀貝，不過可能太多人食同等，出野慢左少少，甩左一兩張單(電子入)，但都足料，新鮮，即炒野都係熱既，係好多人等緊

🇭🇰#香港捐窿捐罅記 instagram: foodkiller_dk大閘蟹放題🦀 瘋狂食蟹食足兩個鐘🙋🏻‍♂️秋飛起，又係食大閘蟹嘅季節,對上三年因為係外國，所以一直都冇食到😭所以特登搵咗間任食嘅，將三年來的怨氣一次過發洩😂 食晒佢啲蟹😂雖然佢哋剩係得蟹公食🦀，但係體型都有3兩半至4兩重🤤 而且上菜速度都幾快，唔會拖你時間，不過環境就真係好迫，仲有記得訂位😂佢其他食物就真係好普通，比放題仲差🤮，所以淨係食佢個大閘蟹就得㗎啦😂-🦀大閘蟹放題🦀（$399）全部大閘蟹都係新鮮即蒸即上，每次每人有三隻🤤我識嘅每一隻大閘蟹🦀都有膏，食落甘香，你好彩嘅話仲有機會爆膏😂老實講如果你要同出面散叫嗰啲比，就一定係差少少，但係都唔差嘅，起碼會好滿足😂我哋兩個人食咗28隻，每人14隻😂 食完之後飽左兩日🐖總結來說 大閘蟹愛好者必去😂-🎈 銅鑼灣駱克道491-499號京都廣場10樓平均傷害：$440好味值：7.5/10.

偶然隨機揀呢間鋪頭店舖啲員工招呼幾好食物選擇唔係話好多，但係上枱嘅食物味道正正常常，唔會話特別難食如果想食刺身嘅話，選擇唔算多，偏向熟食多。我唔好刺身，所以無乜影響。

真係食到目不暇給，熱辣辣的大閘蟹，一盤接一盤，場面盛大，我自己咁大個女未試過，蟹羔多到槳了咀巴，知道怎麼是滿足。二小時放題，略嫌時間不足，雪條好味，食完大閘蟹，薑雪糕一定要試呀！