影片
更多
2019-12-06
962 瀏覽
呢排天氣轉涼，真係凍左好多，而同時11月開始亦係蟹既季節，大閘蟹尤其受歡迎。喺網上得知道銅鑼灣呢間瀛豐放題料理專門店最近有大閘蟹放題，我同朋友都好鍾意食大閘蟹，所以嚟到試下先。好彩我一早book定位，因為如果遲book位或者只係walk-in既客人未必有得即時食到。呢間放題位於駱克道491號，位置便利，如果搭港鐵去銅鑼灣站，C出口斜對面就係，而如果搭巴士或者小巴，行落一個街口就到，真係好方便。掃瞄QR Code 落單，都幾方便，又可以慳紙。價錢方面普通放題就$179起，而兩小時任食大閘蟹以及其他食物就係$399一個人，我覺得算合理，始終喺其他餐廳叫幾隻已經可能超過呢個價錢。飲品方面都有不同既罐裝飲品選擇，亦可以加錢飲Asahi或者1664啤酒。Desserts有唔少甜品同埋雪糕雪條，適合唔同客人。放題必不可少既刺身同壽司選擇唔少，刺身有三文魚，希靈魚，馬刀貝，八爪魚，象拔蚌，油甘魚等。壽司就有軍艦亦有卷物等，同時都有火焰三文魚壽司，海膽壽司，帶子，花之戀等。所有刺身都夠新鮮，三文魚都幾肥美。花之戀，可以配龍蝦沙律，蟹肉沙律，或者海膽親子花之戀。加錢升級仲有海膽火灸帶子以及法國生蠔。帶子
呢間放題位於駱克道491號，位置便利，如果搭港鐵去銅鑼灣站，C出口斜對面就係，而如果搭巴士或者小巴，行落一個街口就到，真係好方便。掃瞄QR Code 落單，都幾方便，又可以慳紙。價錢方面普通放題就$179起，而兩小時任食大閘蟹以及其他食物就係$399一個人，我覺得算合理，始終喺其他餐廳叫幾隻已經可能超過呢個價錢。
飲品方面都有不同既罐裝飲品選擇，亦可以加錢飲Asahi或者1664啤酒。
Desserts有唔少甜品同埋雪糕雪條，適合唔同客人。
放題必不可少既刺身同壽司選擇唔少，刺身有三文魚，希靈魚，馬刀貝，八爪魚，象拔蚌，油甘魚等。壽司就有軍艦亦有卷物等，同時都有火焰三文魚壽司，海膽壽司，帶子，花之戀等。所有刺身都夠新鮮，三文魚都幾肥美。
花之戀，可以配龍蝦沙律，蟹肉沙律，或者海膽親子花之戀。
加錢升級仲有海膽火灸帶子以及法國生蠔。帶子夠滑而生蠔新鮮。
生蠔嚟自法國，肥美唔腥。
炸物有炸蝦餅，天婦羅，鹹蛋黃薯條等唔同食物，亦有其他熟食同熱食等。
咁凍既天氣當然要叫碗冬蔭公湯啦，有隻蝦喺入面，而冬蔭公湯酸酸辣辣咁，幾暖胃。
主角嚟喇！！
見到其他枱既客人叫大閘蟹係十幾隻咁叫，當然啦，食得晒先好嗌，唔好浪費食物，所以我同朋友總共叫左6隻啫。拆開蟹殼之後，發現好多蟹膏。
睇相都見到好多蟹膏，望落都已經好吸引，食落都算甘香，今晚呢餐食得好飽。
張貼
