今次去咗中環嘅 「喜多嬉牡蠣屋」食生蠔放題，店舖細細間但舒適整潔，2人枱同4人枱各有3張，可以選擇60/90分鐘嘅牡蠣放題！ 我哋揀咗90分鐘放題，包括可以任食生蠔、燒蠔、帆立貝、串燒、茶漬飯/烏冬等。 放題一開始會送上叫「喜多嬉九品」嘅前菜，擺盤好精緻啱晒打卡！有象拔邦刺身、秋葵天婦羅、婦羅紫蘇葉吞拿魚蓉，燒鰻魚、月見燒鳥丸、牡蠣茶漬飯等！ 生蠔都算大隻，係爽爽哋嗰款蠔而唔係Creamy嘅，生蠔上面有土佐酢啫喱、蘿蔔蓉、蔥，又或者可以整檸檬汁都得，海水味就無乜嘅同唔算好甜。 其他烤物同串燒都正正常常，枱面配有蒜蓉、辣椒醬同類似沙茶醬嘅醬可以點，個人覺得秋葵串燒係最好味😆

今日同朋友喺深水埗附近搵晚餐食，試咗呢間「漁初·魚丼」，裝修以木為主，有日本居酒屋嘅感覺🏮除咗有普通座位之外亦都有Bar枱可以選擇！我哋坐咗喺吧枱前面可以見到師傅一路整唔同嘅食物😆 食物選擇都很全面，有齊海鮮丼、刺身、壽司、壽司、小食等等！今日去到仲有新開張優惠啤酒買一送一🍻 好鍾意佢串燒係一燒完就即刻俾你，所以一上枱就熱辣辣😋 鰻魚豆腐天婦羅亦都好有特色，外脆內軟好有口感！海鮮丼同刺身亦都很新鮮！ 人均消費大約$250，性價比都算唔錯！唯一美中不足嘅係，佢嘅蟹膏蟹肉甲羅燒入面加咗蟹柳😂 個人覺得唔加蟹柳會好啲～ 漁初·魚丼
地址: 長沙灣營盤街147號天悅廣場地下B2 (長沙灣同深水埗中間)

今次已經係第N次嚟，但一直都唔記得up食評😆😆😆 佢哋嘅湯日日都唔同，最正係無味精、老火湯、仲要好Q足料同超大碗！🥺👍🏻👍🏻 今次叫咗燒賣同埋湯😋😋😋 講咗燒賣先！ 係元貝燒賣，佢哋人手自己包嘅，我自己就好鍾意食，因為足料得嚟又夠大粒！已經食過幾次！😛😛 今日係度飲埋碗湯，「不」一「不」嘅時候竟然見到佢俾咗嚿鮑魚我！😱😱😱 仲有紅蘿蔔、老黃瓜、魷魚！太足料啦！ 雖然只係湯，但因為大碗，所以lunch 叫個燒賣同湯都飽（以一個女仔嘅胃口嚟講） 知道佢哋會免費俾湯學生飲，佢哋仲問我係咪學生想請我飲！但我唔係學生只係睇落後生嘻嘻😚

每人平均消費$320，有法國生蠔同海膽帶子任叫，幾好幾好😋 掛住食無影到好多～ 法國生蠔好味🤤肥大 Juicy 🎉 海膽帶子任食～ 都幾大隻！ 個人比較中意食燒🍍🍍 餐廳好多其他野食，泰式通菜、炸雞軟骨等等～可以一試

放工後永遠都係肚餓～ 所以就同咗幾個朋友食晚餐，試咗呢間食西式野嘅Parkview 😳 店舖都幾大幾有空間感，坐得舒服，服務員態度亦都好Nice好有禮貌👍🏻 🔸巴馬火腿牛油果沙律配無花果🔸 🔹價錢：148🔹 我同朋友都好中意呢個沙律😋本身巴馬火腿都咸所以加埋沙律食就啱啱好，火腿好正！呢個沙律好開胃！ 🔸龍蝦酥皮湯🔸 🔹價錢：跟餐加$35🔹 因為我哋叫咗2日餐，所以有2個湯同有餐包，餐包同湯嚟嘅時候係熱辣辣嘅！唔錯！而一個湯係蘑菇薯仔湯，正正常常，另一個湯我哋加咗$35做龍蝦酥皮湯，都幾好味，飲落佢就應該無乜落cream嘅😋 🔸法式焗洋蔥湯🔸 🔹價錢：68🔹 我哋另外叫多咗個法式焗洋蔥湯，應該因為係焗完所以嚟嘅時候超熱😂 湯面頭有個法包同芝士！🤩𥚃面亦都勁多洋蔥好足料！ 🔸黑松露野菌意大利飯🔸 一嚟就好香黑松露味🤤 熱辣辣食就最正！ 🔸香煎鵝肝燴意大利飯🔸 🔹價錢：138🔹 呢個香煎鵝肝燴意大利飯比我想像中好味！好濃郁好Creamy 啲汁好好味🥺👍🏻 鵝肝都算大嚿～ 🔸M5和牛肉眼（12安士）🔸 🔹價錢：598🔹 我哋叫咗5成熟～ 塊排好似手掌咁大！肉質亦都唔錯，有2種汁比你點！薯仔都好味😂 Movenpick 雪糕 朱古力味正！🤤

放工後同埋朋友去 香港仔周記點心·茶餐廳 飲茶😂我哋總共7個人，大家都係第一次嚟所以滿心期待🤩 店內環境都算舒適唔會好迫，有洗手間提供👍🏻老闆（應該係）亦都好Nice好講得笑，我哋問佢啲野食點整佢都會好認真又有趣咁答🤣😂 🔸周記蝦餃皇🔸 🔹價值：$40🔹 蝦餃係大粒嘅，佢寫明3粒足3兩，餡嘅蝦亦都真係足料，皮唔會好厚同唔會易爛，無伏😋 🔸蟹籽燒賣皇🔸 🔹價值：$38🔹 燒賣皇都係3粒足3兩，亦都係大大粒好足料，平時嚟飲茶幾好，係有質素嘅燒賣。 🔸和風脆皮海鮮腸🔸 🔹價值：$44🔹 我自己就好中意食呢個，賣相同原理就好似炸兩，裡面嘅蝦炸到脆卜卜，再比腸粉包住🤤點醬嚟食真係好好味🤤 🔸鮮蝦菜苗餃🔸 🔹價值：$40🔹 我發現無影近鏡所以嚟張大，大家應該見到菜苗餃都大舊，蝦都至少有2嚿，餡嘅密度都高😂 🔸麻辣燒賣皇🔸 🔹價值：$40🔹 呢個就朋友叫嘅，因為我唔食辣，但我見一放枱面10秒都無就比我啲friends 清哂... 乜都無講keep住食，所以我諗應該係好味嘅😂 🔸京式灌湯小籠包🔸 🔹價值：$40🔹 小籠包要小心夾，因為入面嘅湯都有至少一半匙羹嘅份量，皮嘅厚度適中，當然可以再簿啲就好啦！😋 🔸黑白芝麻蝦多士🔸 🔹價值：$44🔹 呢一個非常值得一試，首先多士一面係金黃色脆卜卜，另一面係滿有黑白芝麻，而重點係，個餡好好味😭👍🏻超多蝦好足料，食每一啖都好幸福，真係唔係講笑，要試！ 🔸老干媽醬炒腸粉🔸 🔹價值：$49🔹 🔸老干媽醬炒銀針粉🔸 🔹價值：$52🔹 呢2個老干媽炒腸粉/銀針粉係用炸好嘅皮做碗，好似春卷嘅脆卜卜皮咁，但人覺得腸粉好味啲，有少少辣嘅，但好入味😋 🔸黃金流心西多士🔸 🔹價值：$44🔹 呢一個黃金流心西多士，一定要試！！切咗一半都無啲流心已經多到係咁流，𥚃面係滿滿嘅奶黃同咸蛋黃粒😭👍🏻 食到好感動😂 不過一個人食就可能會有啲「漏」，同埋朋友share就最啱，我都一定會再翻嚟食呢個西多士！ 🔸原味馬拉糕🔸 🔹價值：$28🔹 朋友叫嘅馬拉糕😂 好味嘅。 🔸特色紅頭冰（奶茶味）🔸 🔹價值：$26🔹 味道比想像中夾，其實係奶茶加紅豆冰，幾有創意，仲有阿華田、好立克、咖啡、鴛鴦嗰啲揀👍🏻 枱面亦都有提供3種辣粉同一樽辣醬，啲friend 話辣醬好辣😂我就無試啦～

見到上環新咗呢間叫V court 嘅餐廳，入到去裝修都幾靚，感覺似係高級嘅Food court🤔🤔。 選擇都幾多由沙津、正餐甜品飲品都有齊。☺️👍🏻店裡面都好大，有齊長枱、圓枱同Bar枱，就咁望一望應該至少有200個位。價值就大約係60-120，視乎你叫啲咩😂 🔸日式咖哩滑蛋鰻魚飯🔸 呢個鰻魚飯真心有驚喜，無諗過係咁大條，而滑蛋嘅生熟度好適合我口味，唔會炒得太熟，咖哩就唔辣嘅，啲咖哩汁係哂個蛋嘅下面，睇落好少但食落就好夠汁，呢個真心推薦😋😋 🔸無骨海南雞飯🔸 呢個就朋友叫嘅， 有埋功夫湯，雞油飯，油菜等等。 🔸越南火車頭牛骨湯河🔸 呢個都係朋友叫嘅😂😂，睇落都幾足料。 呢間餐間都幾適合中上環返工嘅人嚟食，走嘅時候見佢有下午茶Menu

尖沙咀新開嘅 K11 MUSEA 終於都開咗了，難得週末當然要去行吓參觀吓💛💛 成個商場都好新好乾淨，尖東站 J 出口嗰邊一出就係，都好方便，好多餐廳、化妝品店等等嘅商店都開咗，咁當然價錢上就係偏貴啦！🤪🤪🤪 行過見到 Agnès b 門口好靚就比佢吸引咗，行咗入去就忍唔住買咗杯朱古力飲🤦🏻‍♀️😂 🔸玫瑰朱古力（熱）🔸 🌹價錢：$48🌹 唔知大家有無飲過 Agnès b 嘅朱古力，個人嚟講覺得佢嘅朱古力產品都好味，不過就一定會係甜，鍾意朱古力嘅人就千其唔好錯過！💛 雖然話係熱，但其實係暖嘅，所以好易入口，女仔嗰幾日飲返杯熱嘅朱古力真係好適合🥺🥺🌹

今次係我第二次嚟Loving Nature ☺️對上一次嚟完就好想再嚟，因為環境好舒服，無論自己嚟定同朋友一齊都好適合，不過位置就離我屋企有啲遠，所以都係要星期六放假先嚟～💛💛 🔸芝竹「蛋」漢堡🔸 ▪️價錢：$59▪️ 今次試嘅芝竹蛋漢堡，第一眼真係似為啲蛋係真嘅😂因爲個邊煎得好似真蛋，但唔好忘記呢度係純素餐廳嚟咖😂 啲蛋應該係用腐皮做（無估錯嘅話），食落又幾香幾好味，我諗個蛋應該有調過味，而芝士當然都係純素，入面仲有菜啊、蕃茄等等。 而同我上一次嚟一樣，都係覺得個薯仔仲好味😂 🔸抹茶豆奶🔸 之後我就跟餐叫咗杯抹茶豆奶，大豆味好香亦都較重，抹茶味就帶少少苦，甜味就唔多不過我諗可以自己再落糖嘅（我無落）🍵🍵

相信唔少香港人都一定有試過大喜屋，我同家人都嚟過2,3次☺️☺️ 選擇算係多，價錢同質素個人亦都覺得係相符嘅，由刺身、壽司、串燒、各種熱食、甜品等等都多選擇，係同家人朋友相聚食吓野嘅好地方😋😋😋 我哋就習慣咗會叫佢嘅蟹粥暖一暖個胃先食其他嘢，佢嘅蟹粥都唔錯幾清甜，同埋點都會有蟹比你🦀🦀🦀 雪糕會因應唔同季節有唔同嘅味，不過食到Häagen-Dazs 嘅雪糕就當然開心啦😚😚 不過雖然係放題，大家食得哂先好叫啊～