瀛豐放題料理專門店 (已搬遷) 新店位置

係銅鑼瀛搵到間CP值極高既日泰式放題！唔係連鎖店黎家。晚市有3個時段，價錢$179～$239，另外加$98有任食即開美國生蠔、海膽帶子同生啤。先黎個生蠔，真係值回票價！大大隻！仲大隻過buffet果d😳，仲要即開添，唔腥好滑，鮮甜重海水味道，食多幾轉回本。刺身黎到嘩嘩聲，擺盤好靚。有三文魚、油甘魚、巨型赤蝦、 馬刀貝、榮螺、八爪魚、希靈魚、鮑魚片、赤貝、北寄貝，仲有泰式生蝦，刺身新鮮。有驚喜，lee個價錢竟然有巨型赤蝦😍😍😍。除左赤蝦，榮螺同赤貝都好好味。海膽控注意，仲有海膽帶子，帶子肥大海膽鮮甜海膽類有一口海膽、海膽手卷同海膽花之戀。😍熟食都好多款式，小食有八爪魚🐙、螺肉、泰式鳳爪等日式天婦羅炸蝦炸得鬆化，豉汁炒蜆少少辣食唔停，連豬頸肉同豬手都有！

最近屋企兩個小朋友唔使返學 媽媽我每日真係湊女湊到仲chur 過返工 加上少咗好多出shopping放血 心情非常抑壓 而小朋友嘅心情其實都唔係真係好我好多 以前個個星期日 放假爸爸媽媽就會帶佢哋出去玩 但係而家由星期一到星期日都冇得出街 佢哋日日都叫晒救命 佢哋叫救命搞到我都叫埋救命爸爸見到我哋嗰個都悶到頭頂都生曬蘑菇咁 就提議不如一家四口黎個快閃銅鑼灣 去搵間正嘅放題 大食一餐 等我可以釋放下啲負能量 亦等小朋友們可以出個短街 比佢哋開心一下😊.到餐廳之後兩姐妹都非常興奮 第一次食放題嘅佢哋望到啲靚靚食物雙眼都發光曬光 食完壽司🍣 食天婦羅🍤食完天婦羅食下熱食 之後再食埋甜品 兩個食到肚皮漲漲都唔肯停 而媽媽我亦食得好happy 肥美幼滑嘅生蠔食完一隻又一隻 成個人簡直有refresh嘅感覺 好開心 大家都對呢餐好滿意 下次會再黎食過☺.（⭐另外餐廳仲有提供消毒用品添呀 令我哋帶小朋友嚟食都食得好放心）

Search到係黃店所以上去試每位加$118升級食生蠔同海膽帶子，不過感覺好失望，生蠔無開到帶子位，又無提供叉俾客人起帶子位。比較市面$10-$30的生蠔，性價比較低，食左半打都無再叫。海膽帶子都唔夠新鮮，不是日本L級帶子，而海膽的味道極淡，一口帶子夾海膽就食唔到海膽的味道，即刻覺得加錢唔抵食刺身、壽司同炸物幾好，不過其他種類就一般，種類選擇不多，建議加日式熱食，混合泰式料理，但料理太重味、唔夠熱。甜品同雪條口味屬小眾。服務態度唔錯

囡囡好耐冇食過放題啦，佢話想食，我就book咗最近人氣旺盛的瀛豐放題，一家三口擦返餐。餐廳都幾受歡迎，而家呢個時勢，門口都keep住人等位。我鍾意呢度款式夠多，先來一盅燉湯暖胃，好足料，所以味道好鮮甜。之後叫咗生蠔同刺身拼盤，同帶子海膽，賣相好靚，十分吸睛，味道都幾新鮮，而且一啲都唔孤寒，每件刺身厚切大大嚿，連蝦刺身都係用大頭蝦，成隻手掌咁大。試咗一round刺身之後，就食下火炙壽司，當中嘅和牛壽司同埋芝士三文魚壽司都係我嘅推介。餐廳除咗有豐富嘅日本菜式外，仲有唔少泰式食物。我就叫咗一口牛、炒椰菜苗同埋滷水豬手，味道都幾正宗。最後甜品試咗豆腐雪糕，豆味香濃，囡囡就食紫米雪條，大家都捧住肚回家。

黎這間放題，約了同事5人行！好開心一齊食同傾！5:00早到早食，人都可以唔會太多！食物是用手機bar code 落單，環保又方便！有刺身拼盤、刺身單點、壽司（卷物、火炙、手卷等）、炸物/天婦羅、小炒、燒物、沙律/涼拌等等飲品及食物任食任飲，更可加錢升級！音樂播放好輕鬆的環境，地方乾淨又簡單，服務都唔錯又有效率，即叫即製又快手，無乜失單情況壽司刺身卷物刺身新鮮，有泰式生蝦（必食，香口新鮮）、大蝦（必食，又大又爽甜）、螺肉、希靈魚、三文魚、劍魚、北寄貝等，好甜好鮮；壽司細細件好美味，喜歡和牛、鰻魚、甜蛋等等小食/沙律/小炒/涼拌款式唔少，炒嘢入味，喜歡入味軟腍炆豬手、豉椒炒蜆、淮山炒雜菇、麻辣牛脷/拍青瓜/海帶等、鮑片沙律等炸物/天婦羅/燒物香芋丸、芝麻雞翼、炸年糕都即點即炸，天婦羅就普通了點；燒菠蘿、八味豆腐必點甜品在門口位置，不過我們無食

最近日日搵口罩😷抗疫物資真的身心疲累，好想大食一餐發洩下！但係出街食飯又擔心口罩用量同衞生問題，朋友介紹銅鑼灣瀛豐放題，門口提供多款消毒用品同口罩，而且不招待內地遊客，食得安心又放心👍🏻這間放題之前已經想食，因為有我最喜愛的生蠔🦪同海膽帶子😋法國生蠔大隻又吾腥，海膽帶子配合得好鮮味。升級左任食外仲可以任飲1664同Asahi🍺自助啤酒機特別在由下而上出酒，原來斟酒都好好玩😆吾知食咩好可以點刺身拼盤，一次過試晒所有刺身。我就推介鮮甜北海道角螺，珍寶赤蝦🦐同白玉豚👍🏻除左刺身壽司🍣外仲有多款港日泰式熟食，例如麻辣煮花螺，辣椒膏炒蜆，一口蕃薯天婦羅，泰式燒元貝，燒菠蘿等🍍就算吾食生野的朋友都適合😊🍮甜品推介榴槤糯米糍，紫薯杯同黑糯米雪條🥤另外飲品都有多種選擇。總括來講食物種類多，味道吾錯CP值高！除左午市同晚市放題，仲有宵夜時段去到零晨2點，夜左都吾怕冇野食！💰放題價錢$179-$239，另+$98就可以升級海膽帶子刺身，愛爾蘭生蠔，Blanc1664生啤、Asahi生啤，再加多$20可以任食埋法國生蠔🦪

放題的食物種類、質素參差，但依然是是好多年輕人的聚會之選，貪價錢相宜之餘，能夠吃到多款菜式，不局限於日本菜。銅鑼灣的瀛豐放題料理專門店挺有特色，除了一般刺身、壽司、炸物、燒物，更可升級任食生蠔、海膽帶子；早前更曾推出大閘蟹放題，成為港島區又一放題選擇餐廳位於京都廣場，面積較大品牌的放題略小，座位分佈密麻，不過由於近日肺炎肆虐，不少人減少外出用餐，所以即使是假日到訪，枱與枱間仍坐得鬆動，餐廳亦有提供消毒產品，吃得較放心。收費方面，星期一至四7時30分前離座，每位定價$189，限2小時；正價時段收費每位$229，跟大部份放題料理差不多。升級美國太平洋生蠔、海膽帶子、生啤任食只需+$98，眼見幾乎每枱都有升級，不少人視為「回本位」餐廳採用手機點單，食物一目了然，亦環保。到訪當日為平日早場，上菜速度夠快，下單後會陸續上菜；後段客人開始多，則有慢一點。港日泰式放題 $189/位 (+$98升級生蠔、海膽帶子任食)先上一大盤刺身，大多數第一輪刺身擺盤都特別「浮誇」，最適合打卡。刺身基本有齊：三文魚、油甘魚、珍寶赤蝦、馬刀貝、角螺、八爪魚、泰式生蝦、希靈魚、鮑片、白玉豚、赤貝、北寄貝。整體新鮮，並無

🥢銅鑼灣$179起 超高CP值新鮮生蠔刺身日泰放題🥢呢排個個放題都去行山，行完山梗係要慰勞一下自己，瘋狂食返餐放題先夠滿足，今次特登揀了一間黃店放題，除地點位於銅鑼灣夠曬方便，重點有生蠔任食，可以瘋狂食海膽帆立貝刺身，真心抵到爆🥢晚市放題$179-$239 / 位+$118升級任食生蠔，海膽帶子刺身及生啤🥢燉湯：從來都係一個好鐘意飲湯的人，由其是燉湯，呢個燉湯真係夠曬足料，杞子柱圓蟲草花燉雞，夠曬滋潤🥢生蠔：放題店有生蠔任食真心正，今日的是美國蠔，食落海水味重，即開的生蠔口感很鮮甜爽口，食多幾隻好快回本🥢海膽帆立貝：又係另一個回本位，厚厚的原粒帆立貝包裹一片片的海膽，入口即溶的幸福感覺🥢刺身：坐低後店員會先拿刺身拼盤來，呢盤刺身睇個樣就知道新鮮，最正係珍寶赤蝦，超大一隻很甜夠厚肉，而最多人鐘意食的三文魚，油花均勻很肥美，其他的質素都很高真係夠曬新鮮，呢到有個細心位，就係有泰式青醬提供，用來點生蝦特別好食🥢壽司：款式都夠曬多，壽司大小剛剛好，值得一讚的係軍艦紫菜好脆，而且放配料份量都幾多，另外波波形的一口海膽，細細件好易食多幾舊都唔覺🥢串燒：泰式串燒，大大隻魚露燒大蝦，泰式豬牛雞串，最正

服務評價：未試過食過咁垃圾嘅放題，一入到去除咗有時應帶位入去之外，之後就唔會有人理你。同D朋友坐咗一陣，我先見到枱上面有個label係要自己用電話落單。咁都算啦，落完單之後，啲嘢勁遲先黎不突止，落十張單起碼七張單都係漏咗。最離譜嘅係，我哋八點左右入座，食左個幾鐘之後都已經飽，佢啲嘢先開始係咁黎。冇嘢啊？你唔想整俾人食慳返啲材料咁你咪直接skip咗張單囉，啲野食仲要係咁黎，浪費食物。我朋友就比較鍾意食飯，所以就叫咗一碗白飯，再加海南雞加皮蛋（唔好問點解會咁叫），但係好好笑嘅嘢就係嚟咗碗白飯，海南雞同皮蛋過咗成二十幾分鐘先黎，飯都食完，碟餸可以過左成四個字先黎？講出嚟笑大人地個口啦？食物質素：除咗係蝦大隻啲之外，我諗唔到邊一樣食物係叫比較出眾。首先佢啲串燒乾爭爭，硬到石頭咁。雞翼都叫正常嘅，但係唔會係好食囉。另外就係炸物（我哋叫咗天婦羅、雞軟骨、炸蝦餅）所有嘢都可以係無醬，唔明白呢啲咁基本嘅嘢點解可以冇。之後就係刺身，食落去好似都唔係好新鮮（未到發臭），有一種令人唔想食第二舊嘅感覺。仲有一樣就係感覺上係放咗一段時間先拎出嚟俾人食，食落去啲嘢已經變暖咗。餐廳格局：好迫，冷氣好焗，入口好窄，行

強烈推介天婦羅同刺身一流，炸豆腐都好食，刺身好鮮甜，刺身盤上好快，炸品香口脆卜卜，唔會好油，除左基本日式放題既食物都有，同時有泰式熱辣辣有鑊氣！！！野食新鮮，係即點即做即上之前大閘蟹其間都有來過，覺得好好食蟹大，又上得快，所以今次又回頭黎食多次。價錢方面合理唔貴，咁既價錢好抵，每樣食物款式都有質素的，好近地鐵站，去開銅鑼灣好就腳，收工去食宵夜場都得，雖然地方細，但收野好快，環境都乾淨企理嫁。:重點係良心店，大家一定要推爆佢啦，香港人撐香港人！！！

星期六平均一個人約400, 樣樣新鮮, 上菜快!book左7點, 提早左少少到, 已經8成客啦, 唔book就無位, 記得一定要加$119提升任食法國生蠔, 貝柱夾海膽, 生啤任飲, 刺身類都算幾多選擇, 而且樣樣食品都好新鮮, 生蠔都係非常新鮮, 唔係死貨, 有海水味, 熟食有好多泰式食品, 即叫即做好好食!!

以前中學時期尤其熱愛日式放題，但食物款式萬變不離其宗總會容易生厭。在香港，最為人熟悉的放題店定非大喜屋莫屬，往往覺得質素較有保證而甚少嘗試其他餐廳，但這次發現這間位於銅鑼灣的瀛豐放題料理專門店，比起一般放題更具特色。日常港日泰美食放題每位收費由$179至$239不等，正值大閘蟹當造季節更有供應大閘蟹放題，我們選擇平日到訪每位只需$399；另外更可以加$98任飲任食美國太平洋生蠔、海膽帶子、Asahi生啤及Blanc 1664生啤，而加$118更可將美國太平洋生蠔升級至法國皇家生蠔。點餐需以手機掃描桌上QR Code，另外甜品及飲品則可到外面自取，飲品選擇不多但甜品方面有紫糯米雪條、椰汁西米糕及榴槤糯米糍等較少見的款式。大閘蟹即點即蒸，每隻約三両半至四両，蟹膏油潤甘香。生蠔每隻均有手掌之大，肉身飽滿而且鹹鮮味重，值得一提的是服務態度一流而效率亦令人滿意，絕不會拖慢大閘蟹和生蠔這些比較昂貴的食材的上菜速度。刺身方面三文魚腩和白玉豚同樣肥美豐腴，巨型赤蝦肉質亦夠爽彈。海膽帶子將帆立貝切半夾上海膽猶如漢堡一樣，不過略嫌海膽鮮味不足，兩者同吃只能嚐出帆立貝的味道。除了一般日式料理外更有多款港式

其實已經好多人幫襯 大家一定要book定🥰未食過咁好服務 咁有人情味嘅放題🥺🥺雖然係迫啲 但食得好自在 傾得好開心店員不停幫手清碟 又問我地有冇漏野仲要係手足💛💛.大推刺身🍣🍣多款 款款都新鮮肥美 刺身控一定滿意三文魚同蝦係極正 必食🥰咸蛋薯條(左下)非常香脆 咸蛋黃好夾 又唔太咸🍟燒元貝 牛舌 所有燒物都即整 燒功不錯🍢泰式生蝦 酸辣汁好開胃 生蝦又爽滑🍤其他泰式小食都好食 無伏呀😎😎抵加👍🏻任食美國生蠔 海膽火焰帶子 啤酒+$98🦪我同朋友甚少食蠔 但都覺得好好食夠新鮮 有海水嘅咸香 肉質夠滑又唔酶🌊帶子夠厚肉又嫩滑 海膽增加咸香🥟大閘蟹(而家應該過咗時間)🦀人生第一次食大閘蟹 雖然係季未 但蟹黃都甘甜 真係幾上癮🥳.高質放題！

日本野食幾多都唔會厭倦🥰有時候香港都會有好選擇可以聚會～一路食一路傾計😚坐得又舒服 三文魚、八爪魚、大頭甜蝦、鮑魚、螺片、希靈魚、油甘魚等刺身，都係任食！真係十分滿足，再加上其他菜式，一定可以滿足到大家～升級之後仲可以無限量食火焰北海道海膽帶子！鮮甜又大大粒💕非常吸引！生蠔都係任食，隻隻都肥美多汁，而且唔會腥，大大陣海水味～燒菠蘿🍍多汁可口💕再飲多碗蟲草雞湯～同其他放題唔同，呢度仲可以叫埋泰式料理，串燒、泰式鳳爪等都好吸引！到最後甜品🍮選擇都有糯米糍、雪糕、布丁等，推薦榴蓮雪糕～大大陣榴蓮味！最後飲杯熱茶暖胃，同班朋友傾計傾到唔想走❤️一個聚會好地方！

我地7個人去，有三個人食完肚痛要去廁所痾🚽個男廁同女廁各得一格，去廁所多數要等。佢叫野食落單係用手機落單，叫10樣野漏5樣野，追幾次單先黎得齊d野食。依個情況我見其他枱既都係咁😓😓野食既種類唔多，食黎食去都係果幾款，羊架又冇，連每次放題會叫既芝麻雞翼都整得好難食。甜品又冇雪糕，得隻唔知咩牌子既雪條😑未試過食放題食到唔飽咁走，依間真係極品中既極品，唔會再去🤬🤬唔明白點解d人可以係門口等位黎食🤮🤮