瀛豐放題料理專門店 (已搬遷) 新店位置

瀛豐日本料理其實都食過好幾次，記得第一次係因為有大閘蟹放題，所以俾佢吸引左黎，仲好記得當日店員教我地食大閘蟹嘅畫面今日就同左一班靚女嚟再encore，好可惜已經過咗大閘蟹嘅季節，但係都唔緊要，我哋今次食生蠔補返數我哋加錢升級任食生蠔，火焰海膽帶子，同埋任飲1664同Asahi生啤！大大隻新鮮帶子包住滿瀉嘅海膽，夠晒鮮味生蠔全部都大大隻，蠔肉夠厚身，好新鮮，鍾意食蠔既朋友一定唔可以錯過每位仲會送當日燉湯，今日係蟲草花燉雞，真材實料之後就到刺身拼盤出場，刺身種類多，新鮮又高質！天婦羅都即叫即炸，最愛蕃薯🍠天婦羅，甜甜的好好味燒元貝都係必點之一，加埋蒜蓉好惹味！仲有自助飲品櫃，甜品櫃，非常多野食！

環境差，又細又逼食物種類奇少，刺身搞十年都未上到，坐低後起碼15分鐘先上到第一個刺身盤，之後不停塞d垃圾食物上黎，什麼汁燒和牛，食曬d牛後d翠肉瓜仲可以成碟滿，什麼燒豬頸肉仲乾過你阿嫲，點左既野食又不停漏單，佢個app比你揀點幾多份，又要入人數，咁佢就會exactly 比人數既份量你。整體食物質素中下，得d蝦刺身size見得下人，不過都係唔新鮮，蝦膏開始臭臭地。到飲品，普通可樂都冇，得sugar free，當中既道地荔枝茶去到中間冇曬又唔補。未食過放題咁差，可以話廢過兆萬入面最後一句，黃店大X曬咩？

近來朋友聚會，多咗光顧日式放題，因為食物可以送到枱上，不阻朋友傾計。從online booking至光顧，都有新經驗。跟其他餐廳唔同，在Open rice booking後，會收到瀛豐SMS，介紹餐牌及價錢。光顧前一日，再會收到SMS提醒及confirm booking，好方便。放題定價已包括魚生，大大隻蝦，三文魚，吞拿魚，好新鮮。大大盤魚生併，大滿足喔。前菜方面，有日式，又有泰式，不同選擇，比較特別。原本2小時放題，我哋早到，還可以早點開始。用餐時候，有職員回收用完既碟子，服務不錯喔。

見到d廣告賣相咁好，食評又多好評，雜誌又推介，就專登去試下。坐電梯去到，一開門入店已經聞到有陣陣臭腥味，再望環境，真係嚇一跳。三百幾蚊一位既放題，環境可以咁差，其他二百幾蚊既放題環境仲靚好多。加左118升級食法國生蠔，完全唔掂，比酒店自助餐既生蠔再差一半，朋友食完即時肚屙。帶子海胆，無咩味，海胆有d臭味，唔甜。其他刺身都係無乜味道，唔新鮮，除左鮑片，螺肉有味，其他真係只有口感，沒有味道。泰式炒蜆有沙，味道一般，食物種類不多，熱鍋，一品料理，羊架，炸蠔都無，連最基本既雪糕都無，唔好比相呃，唔會再黎，唔抵食都算，仲要唔好食。唯一安慰係食早場，平幾大蚊，蝕少d.

上次係第一次來食，其實我會來食喺因為，其一，由於呢間候黃店la；其二，交通上亦都算方便；其三，係因為放題，而且又有酒飲又有生蠔首先要讚，服務態度好好但冇得用信用卡真心好唔方便其次到食物方面，事先聲明，我係生蠔狂，可以話係勁鍾意食生蠔嗰種，所以只要生蠔ok，就算其他嘢d質素唔得，我幾乎都忍到但呢次真係唔掂，唔知係唔係我唔好彩la，冇記錯的話，我叫咗一打，但上來得好似七隻左右，調味得檸檬，冇其他選擇而且冇工具，我唯有用筷子，更加上唔知係佢揀個種唔啱我口味，定係佢d貨，又或者係個廚師嘅手法嘅問題，總之係超難食，勁腥勁咸因為唔想浪費食物，所以我夾硬食曬，難頂到會令人發惡夢嘅程度其他嘢都ok，大閘蟹好味，可惜第一次食，暫時仲未習慣嗰口感，反而浪費咗d嘢食BTW上次來冇啤酒機用，有d冇癮Anyway今日自己一個食晚餐，考慮緊來唔來呢間，有d怕自己會失望多一次，而且唔知部信用卡機整返好未

我們晚上11點後才入座，不用排隊就有位子。餐廳是掃描台上的QR code去下單，十分方便並環保。食物大多都有到，只是烤物有點耐，耐到我們以為漏了單。食物方面，我認為泰式料理比起日本料理更好吃，我點了所有的泰式料理都很好吃，反而日本刺身就令我失望。炒通菜，炒蜆，冬陰功湯都很好味，相反刺身就還好，除了珍寶蝦很彈牙之外，三文魚湯更是難飲。烤物也不錯，特別是烤海蝦和帆立貝，帆立貝我還點了兩輪，不過烤物等很久。雖然是黃店，但是我希望都要保持相對應的質素先可以有更多人推薦和支持。

上菜進度何其慢，吾係食到飽而係等到飽，5分鐘上一道，再5分鐘上道，慢慢食未到第10款已經夠飽，係商業策略全場爆滿加上咁慢既上菜速度，所以每款菜都係即做即炒即炸即上枱，係好味，不過就要預返要夠枱數碟數先會幫你整，所以漏單比率係有一半，但千祈唔好以為漏左就再叫就解決到，因為1個半鐘之後你第一次既單會出現係個一刻你會一次過收到3轉同樣落既食物而仲有半個鐘就要交枱個職員會同時溫馨提示一下你地方非常細每個人都坐到好親密，伸直小小進手已經夾到隔離枱既餸

本來前一晚在OpenRice 已預約了晚上7:30，今日我打去改8:00，員工跟我說要改時間要早d通知，沒辦法改，我都明白的，收完線，你們再立即call我已取消我預約，原因因爲是你們系統有問題，已滿，我不明白是你們為何不預早通知，要我打來才通知，隔離4小時內什麼找第二間預約，實在太失望了，嚴重影響我安排，我和朋友不會再次幫襯了😡最後系統壞了，到現在還是壞了嗎，員工跟我說11:00才有位，我剛還看到今天還可預約9:30😡😡😡😡😡

難得有秋涼感覺，等於吃螃蟹的季節到了～ 食蟹都要食得有骨氣，我揀放題黃店瀛風。本來打算今年不吃，始終激素很多，對身體不好。可是看到身邊的朋友陸陸續續開始吃，我便按耐不住了！！！期待了這天很久，竟然還夢到螃蟹在夢裏的天空飄浮⋯⋯ 瀛風特別在於季節限定的大閘蟹放題！雖然無陽澄湖大閘蟹咁大同多肉，不過勝在多膏，每啖都充斥著黏黏的口感。其他食物不過不失，沒太大驚喜。弱弱的表示，每次放題我最喜歡的是燒菠蘿，哈哈哈。

好耐無食過放題，前排突然深夜肚餓睇Openrice ，見到呢個銅鑼灣放題竟然未涉獵過，又可以網上訂座，就book黎同屋企人試試。首先上到去位置好逼，平日既夜晚都全場爆滿，但樓面既叔叔好服務，等左陣執枱先入到座佢都一直講唔好意思，仲幫我地快快手整左第一round生蠔同帶子，等我地坐低就可以食！ 老老實實岩開始對生蠔並無信心，覺得正正常常入到口都當賺左，點知！係幾鮮甜架喎肉質仲好彈，用海水沖左有點咸但無損佢本身既鮮味，一d都唔腥！呢個真係出乎意料之外，翻兜左N次！帶子夾海膽都好食，唔腥又好甜，雖然海膽味唔夠濃但一定好過d連鎖元X壽司店囉正價系列入面既海膽一口壽司都好食，手卷特別推薦，紫菜脆卜卜，料好多；刺身系列都幾新鮮，係虎蝦需要挑挑蝦腸咁解另外一個估佢唔到既係泰式生蝦！！爽、脆、辣！又係翻兜之選**仲有老媽子都有讚既炒菜系列！鑊氣好夠，就算係普通菜都係好甜同好嫩，一d菜渣都無！有一刻懷疑大廚係大排檔師傅！唯一美中不足係位置窄，同埋佢雖然唔會漏單但有時好耐先黎，搞到我地以為無點，點知又突然黎到要食埋佢（好彩都食得落既）。性價比高，升左級後都可以值回票價

升級大閘蟹放題兩小時任食，食番夠本！吃放題最大的好處是可以在同一間餐廳內試不同款式的食物, 每份食物的份量都不會太多, 所以可以點多些不同款式的食物來吃, 這個份量亦能夠避免客人浪費食物。這裏的服務員服務態度很好, 收碟速度很快。點餐是用QR code, scan 一 scan QR code 便可以看到一系列的食物, 有刺身、壽司、燒物、泰式菜式等等, 食物款式也算多。我點了蘆筍火炙三文魚壽司、刺身、大閘蟹、炒菜、燒菠蘿等等。刺身很新鮮, 我最喜歡的是三文魚腩, 三文魚非常肥美, 充滿油香, 正！北海道大元貝 - 鮮甜肥美火炙三文魚壽司 - 很充滿油脂香, 壽司飯夠軟熟。推薦 👍🏻 - 燒菠蘿, 非常鮮甜多汁。

約左成個月 終於約到朋友一齊食大閘蟹啦朋友話呢間放題都有任食大閘蟹 一於黎試試佢我地都已經好早book位 但我地5個人佢張4人枱我地其中一個位係個路口位黎 所有人行過都要側身行不論肥瘦 行過都會撞到張凳 仲試過比人撞到凳都郁埋唔知可以點樣好好地咁食一餐 最終都係頂唔順 唯有三個人坐埋一邊 寧願迫少少 都唔想瘋狂比人撞呢樣真係要改善 坐得唔舒服 啲野幾好食都冇用 講返野食 刺身都唔錯 叫咁多比咁多 一啲都唔姑寒 甜蝦夠哂大隻 另外其他熟食都好好 夠熱咁上菜 而且速度唔算慢但就有出錯單嘅情況 我地明明冇點 但又比我地大閘蟹方便 第一輪大約叫左30分鐘就有啦 熱辣辣上菜 而且仲要唔係好細隻 膏都好多仲有一個職員專係負責倒蟹殼 真係食多幾隻都唔怕食到咁上下 就叫第二輪 呢轉好快 5分鐘就有佢應該係一路蒸一路出 都係熱辣辣上嘅最後每人食左6隻 好滿足而且仲有薑茶提供 雖然唔係好夠味 但叫做可以暖下胃啦最後埋單 只可以現金或者轉數快如果可以碌卡就更好啦

星期日食午市，佢係平價日式放題，比出黎嘅質素好對得住個價錢。我地一行4位，日式放題，加錢升級。升級生蠔，係唔好食嘅不過咁平升級真係唔好諗咁美好，想食靚靚生蠔嘅，出去間好嘅食啦～佢呢個唔可能就咁整檸檬就食呢個我本身唔鍾意海膽個口感味道，呢個可以。有叫手卷嘅，食到最底得舊飯，可以拎呢d海膽刺身啦，d蝦冇味馬刀貝好好食好香，好脆，好邪惡，好好食！中年老豆老母都係咁覺得炸蝦餅好食，其他都麻麻升級啤酒，大大杯，任飲。佢其他任飲飲品來貨牌子，係大陸野，康師傅啊個d呢個我見到好難揀得落，有冇得搞搞...入多少少泰國野，其他東南亞產地，平平地都好過....啦佢仲有泰式野都好好食，我地有食鳳爪，好夠味。我覺得佢d熟食真係唔差，包住食熟食嘅心態去會好d，唔好幻想咁多呢個價錢嘅生野會靚到去邊，佢只會比番應有嘅質素出黎。差少少漏咗甜品...甜品櫃嘅款得好少，雪榚櫃d雪榚屋企人食覺得麻麻地...我食榴連雪條，幾好食。服務係ok的，男經理好明顯就係主持人

13/12 晚食。爆場到不得了。雖然有booking 但都遲左入。但服務員呀豪態度超級好。解釋點解會遲左。野食方面...雖然唔會超級多種類。但好好食。刺身新鮮...鹹蛋薯條🍟正。一定會再黎食過。

同朋友仔慶生，喺網上見好多人都食生蠔同埋帶子海膽🤤即刻book 位試試。刺身拼盤有8款，全部夠凍夠新鮮，唔錯😊加$118升級任食生蠔海膽帶子，生蠔前後叫咗3 round，隻蠔唔算好大隻屬正常size，第一round 嘅蠔比較有蠔味同埋鹹，落啲檸檬汁食已經好鮮味。到第2、3round 應該係另一個品種，雖然大細差不多，但好明顯蠔肉係鮮甜好多，蠔味同埋海水鹹味都少啲，如果每人食到8隻以上都值嘅。帶子海膽就令人失望，兩樣都無乜味，到底我食緊乜野？ 😢炸物做得唔錯由其係雞軟骨、炸蝦餅，炸得金黃香脆，火喉掌握得幾好。叫咗個泰式炒通菜不過味道一般，鼓椒炒蜆味道唔錯但係好多沙😭用app落單方便又環保無漏單，而且上菜都算快👍 不過2小時唔係好夠時間食。留意返埋單只限現金/pfs無得碌卡儲分，加錢食蠔同埋帶子海膽人頭連加一$3xx/人