潮洲滷 (已結業)

今日下午阿媽話收工無時間買餸, 屋企得返D菜, 叫我去街市附近石水渠街買滷味加餸, 話街坊之前食過話好好食, 佢叫我今晚買黎試下。門面都好整潔, 好乾淨既感覺。掛起一隻隻滷水鴨同鵝, 大大隻, 色水好靚好新鮮, 睇到都流晒口水。一盤盤既滷水, 分門別類, 好乾淨整齊, 唔同傳統既滷水店, 亂糟糟同污糟既感覺。食物種類繁多, 滷水鴨/鵝為主打, 其次仲有必食既滷水豬腸, 豬耳, 鴨翼, 腩肉等等......原來仲有滷水飯盒, 採用金象香米, 如果唔煮飯, 買盒飯就快靚正。我喜歡樣樣都試D, 所以就點左滷水豬腸, 蛋, 。豬腸店員話原來特登刮走晒D肥膏, 咁樣較健康同無咁肥膩, 滷水味道很好食, 豬腸唔韌有口感。點上附送既酸汁或滷水汁, 更滋味!另一盒有滷水鵝腎, 豬耳, 雞翼, 豆腐, 腩肉。豬耳夠爽口, 雞全翼斬件, 豆腐好入味!腩肉脂肪均勻, 滷左入晒味, 肉質嫩, 好味道!第一次食鵝腎, 原來咁好口, 比雞腎大舊, 又無根位, 好好味!附送的酸汁同滷水汁好大包, 味道又好。

到朋友家用膳作客，總不能兩手空空。放工後先到公司附近的潮洲滷買一盒滷水鵝片加餸。石水渠街臨近灣仔街市，人流挺高，街客也絡繹不絕。幸好筆者不算太晚來到，否則連最後一件滷水鵝上樁也售罄。 一份美味的滷水鵝，鵝肉要鬆軟入味，滷水要陳年留香不過鹹。論味道，鵝片不用外點醬材已十分足味，輕蘸酸醋則有助引出鮮香。肉質方面，軟嫩感比預期實了少許，但仍屬可接受範圍內。滷水蛋與滷水豆腐皆是吸汁上味之物，尤其是豆腐，既有豆香，又留有滷水味道，好吃！ 小小一盒滷水直送，大家少吃滋味，不錯呀！

好耐未食過傳統嘅滷水，之前朋友話灣仔有間好味滷水店。因為太想食所以特登由九龍飛過灣仔試試。咁啱個老闆喺嗰度，咁梗係問下佢有咩好食。要咗滷水鵝，兩個滷水腩肉飯，配豆腐紅腸。唔使多講肯定好味到震震　，肉質非常鬆軟，滷水汁並不會太鹹，味道適中。師傅仲俾咗一碗滷水汁俾我地配飯。平時唔喜歡吃飯的，今日食咗成碗都唔覺得飽。 真係好滿足，啲腩肉 唔會太過肥，可以講係半肥瘦，配上香濃滷水汁，點可以停得口，依價相當合理，非常抵食。

今日放工經過灣仔, 想起媽媽說今晚有Date, 晚上只有我和爸爸姐姐吃飯, 所以就決定到灣仔街巿買點什麼回家"加餸" 經過這間叫" 潮洲滷", 門面掛上很多令人流口水的滷味,滷水鵝很肥美! 而且又有生腸, 滷水疍,滷水豆腐其它材料,價錢都很吸引 再加上門面很乾淨, 地下冇垃圾積水, 整體衛生滿意 所以就來這裡買點吃的~ 除了有招牌滷水鵝外, 這裡都有飯盒供應, 可以選喜愛的滷味來伴飯, 價錢都很優惠, 只是三十多四十元, 而且還送一盒盒裝飲品, 不錯~ 看了一會兒後, 點了1/4隻滷水鵝,另外也要了點滷大腸, 滷水旦和豬耳 師傳還會另外加一小袋滷水汁和調味給回家享用~ 滷水鵝皮夠脆又夠薄! 最怕那些滿滿肥膏的鵝, 吃得一口就是油! 這個就不會了！鵝肉嫩滑留有嫩香肉汁, 火喉得宜,而且皮真的很好味, 醬汁亦好味, 是高水準的滷水鵝! 而滷大腸都不錯~~~看來以為肥膏多,但吃下去又不會有油膩感! 有惹味的滷水味道, 而且清潔功夫做得不錯, 皮夠薄亦夠甜, 用來佐飯佐粥都一流! 滷水疍不過不失, 入口鮮香, 不會過咸~ 滷水豬耳同樣好味道! 豬耳夠脆有趙頭, 再加上鮮甜的

是日放工路經灣仔趕住返屋企，見到灣仔街市呢一間滷水店人頭湧湧，我就排隊試吓，加餸返屋企希望媽媽happy！叫咗半隻滷水鵝，肉質好厚又嫩，滷得好入味！唔會太肥！送飯一流！而且份量十足！啖啖肉，有時食家禽好驚會有陣"so"味，呢間絕對無，真係滷得好好！又唔老！另外叫左滷水雜錦，食之前唔記得影相，但食落真係好好味決定要補影！豆腐好滑，豬腸乾淨無異味而且好香！雞翼都好正！全部都令我一家好滿意！返屋企食飯一家人梗係開心，偶爾加送令大家有驚喜就真係錦上添花！

今日放工經過灣仔，媽媽打黎叫我斬料加餸、二話不說走入街市睇睇有咩賣。有間潮洲打冷外賣店，主要賣滷水食物，一於買啲野番屋企。大大個店鋪招牌。門外餐牌，價錢尚算合理。買左一盒滷水鵝。最鐘意鵝肉連肉，比鵝片好味肉味更濃，滷水汁做得好濃咸香突出，鵝肉爽嫩不乾身，入口肉質帶啲爽彈，鵝皮香口不油膩，微微油香更加滋味。底層有豆腐和雞蛋，豆腐吸哂滷水汁，雞蛋滷得入味，又不失蛋香。另外配上一包滷水汁和醋，可以一齊食。

坐叮叮在灣仔站下車，由莊士敦道一轉入石水渠街已經聞到好香的滷水味，每行近多一舖位，香味就愈濃，一定不會迷路。未到放工時間，已經好多街坊排隊買，時傅不停切，店員不停收錢，到我買完離開時，條隊仍然咁長。店外播著金剛小儀介紹這餐廳的節目，原來它們已做了三代的滷水，擁有經歷了三代的陳年滷水汁，証明了滷水真是越鹵越香，香得整條街都帶著滷水味。買了半隻鴨+4雞翼+2鵝翼，足足兩大盒。鴨不太肥，鴨皮下只帶少少肥膏，肉厚，的確滷水味很香，鴨肉很林很滑，反而花椒八角味則不太強。屋企有煮飯，所以只是斬料加餸，如果無煮飯的話，直接買飯盒都抵，而且它們都是用金象米，跟我家一樣是金象粉絲。原來葵芳有分店，不用下下過海了。

潮洲滷呢間外賣滷水鋪之前都有試過 覺得幾好味 但就喺葵芳總店 . 而灣仔呢間好似新開左幾個月 平時經過冇乜點見到如同總店一樣 外賣鹵水食物 食物價錢平靚正 甘啱灣仔走番屋企食野 買鹵味加料求其同老板娘 講120 蚊 求其幫我乜都執d就已經有兩隻鹵水蛋 4 隻鹵水雞翼 4 隻鵝翼一條鹵水大腩肉 其實真係好抵 , 平時120 蚊得 一細盒 , 而家有一大一細塞滿哂 鹵水醃得好入味 雞全翼大大隻 皮好滑 而且肉都幾煙韌彈牙 食落啖啖肉鹵翼食落好有口感 大隻得黎 醃得好入味鹵水蛋 煮到剛剛熟 蛋皇唔會太粉 而蛋白都醃得幾入味 唔錯最正係 鹵水腩肉 險左醃得勁入味同大大件外 佢既肥瘦適中 食落去淡淡豬油又唔會太肥 肉質就幾煙韌 而且仲有少少筋位 食落好有口感 如果想喺灣仔軔料 可以試下呢間潮洲滷！

在灣仔附近做野，早排見到什誌介紹灣仔區內既滷水店，今晚屋企要加餸，即刻諗返起呢間潮州滷！食過後連媽媽都大讚買得好！老師傅手起刀落，隔離靚姐見我未揀好，即刻推介各款食物～除左滷水鵝，仲有好多小食，每樣都係十幾蚊有交易！鵝片，勁靚！因間黎個close up 乜都好吸引既關係，大部分小食都叫了！厚臉皮地問可否每樣執d ! 勁多大腸都係$18， 豬耳已經係細隻（$20），切起上黎勁多件！鴨腎（$18）豆腐同蛋都係$10/2件！ 簡直係時光倒流價！ 酸汁同滷水汁，其實唔駛點汁都好夠味！一大盒啊！好抵食！ 鵝片真係好靚！鵝肉好juicy ! 皮帶少肥，肉好嫩口，滷水味適中！ 比媽媽大讚我加料買得靚！ 豬大腸清潔得好乾淨！ 食落好放心！ 鴨腎大愛！ 完全唔係好乾身好硬個d (早前在紅磡又係出名的滷水店買過，好失望！）難咬個d筋位無晒，唔知係咪師傅切左呢！豆腐好滑好入味啊！！！點埋酸汁食，讚讚！ 滷水蛋亦十分入味！忍唔住食多左碗飯！如果係附近返工就可以成日食佢地既飯盒！ 用金象米架～～原來大有來頭！ 但價錢仍然咁親民！各一包汁已夠！

開工嘅時候，同事提到話灣仔附近有一間好好味嘅潮州鹵水食品店鋪，放工嘅時候喺同事嘅帶領下呢到呢度， 望落去個櫥窗嗰度已經覺得好吸引。叫咗半隻鹵水鵝， 兩隻鹵水蛋 ，老闆話送舊雞腎， 同埋幾嚿豆腐畀我試，真係多謝曬。 返到屋企即時開黎食， 首先鹵水我鵝真係冇得彈， 離遠都聞到陣滷水鄉， 食落口嘅時候濃沃嘅鵝香， 充滿住口腔 ，鵝質鮮嫩 ，唔係太多肥膏 ，點少少附送嘅醋 ，又開胃， 亦都要讚下佢個雞腎煙韌， 唔會太乾， 咬落去啲鹵水鄉香會滲出嚟， 整體嚟到講呢間鹵水鋪都唔錯，下次試下其他食品

在灣仔打算買滷味加餸，就諗到來呢間門面光鮮潔亮的潮洲滷！食物以及整個店面給人感覺衛生非常好，也有讓人好喜出望外的味道！豬耳好爽，有咬口，而大腸洗得好乾淨，兩者滷味適中，切成剛好一口的大小！下次會再試埋其他不同滷味！

今日有親戚嚟我屋企作客媽咪叫我放工去斬料買返屋企成個下晝 我就周圍問同事有咩好推介始終有人嚟屋企食飯都唔想失禮竟然不約而同有兩三位同事推薦「潮洲滷」咁我就相信同事眼光買返屋企宴請親朋戚友啦5點半放工急急腳就走 即刻出發去石水渠街（即係賣玩具右邊嗰條街）間舖頭都好易搵見到櫥窗好多款滷味 花多眼亂 樣樣都想試老闆見我咁惆悵就主動行過嚟問我想食咩就一於問下老闆有咩推介佢好堅定答：滷水鵝 好我就相信老闆推介 要一份滷水鵝、豬耳同滷味必食嘅滷豆腐不過本身仲想要埋媽咪最愛嘅豬大腸但係5點9嚟到已經賣晒師傅三兩下手勢就幫我斬好晒而且排隊買滷味條人龍都愈來愈長我買完都拿拿臨返屋企lu返到屋企一打開個膠袋就聞到好香滷味味而且仲有一包滷水汁同酸汁師傅刀功唔錯 切到啲鵝片一塊塊 無碎骨又斷刀個底仲墊住豬耳同豆腐添滷水鵝 肉嫩無渣，滷得入味，就算唔點任何汁料都好好食豬耳 絕對要一讚 入味又有咬口之餘，仲要完全無毛我好怕食到有毛嘅豬耳架! 用嚟送酒做小食一流滷豆腐 反而係三款入面比較平凡，因為唔太入味，但豆腐無酸味，用嚟送飯都ok嘅媽咪同親戚對依盒滷味都有唔錯嘅評價仲叫我下次要去買埋其他滷味試下添

今日放工經過，諗著買料加餸。買左一盒有鹵水鵝、豬耳同豆腐。間舖d人都幾nice，問佢地有咩推介都好熱心答我😊一盒嘅分量都幾多，d鹵水食落冇咩味精👍🏼👍🏼，唔似其他舖頭咁多味精食到口到乾。間唔中買黎加餸係個唔錯嘅選擇😆

做冬係屋企食飯，為咗唔想媽咪咁辛苦，決定斬料加料，滷水鵝係屋企人一向比較鍾意食嘅外賣，之前亦都買過好多次唔同地方嘅滷水食品返屋企，今次同事介紹話係灣仔有一間小店滷水野性價比好高，決定去試一試收工時間去到，因為佢鋪頭比較細，不過門口有一條長長嘅人龍所以都幾容易搵到，而雖然人好多，但係咁就更加證明我冇黎錯由於太多抽唔到嘅關係，我今次淨係揀左鵝片，豆腐同埋一個招牌雜錦飯，貪佢咩都有唔使諗鵝片份量比我想像中多，而且亦都唔鞋，好入味另外豆腐係我最鍾意嘅一個小食，好入味，雖然買咗返屋企幾個鐘但係佢個皮都仲有小小脆口，要加分最後個雜錦飯，最好食既係個豬腸，好爽，亦都好入味，同埋以佢呢個價錢買到呢個份量嘅雜錦飯，難怪同事介紹係性價比好高嘅一間滷水店，正

灣仔街市附近開咗間專賣滷水食品嘅潮州滷,嗰晚仲有唔少街坊幫襯,睇嚟都幾受歡迎.原本想試滷水豬手再加其他嘢,可惜已經賣晒.所以呢次只係試咗滷水豬耳,腩肉,雞翼同豆腐.拎到返去一打開個盒就已經傳嚟陣陣滷水香味,佢哋另外仲跟咗兩包醬汁.個盒子已經係較大size嘅發泡膠盒,不過仍然塞得滿滿.滷水雞翼,我初初以為只係雞中翼,原來係雞全翼,仲會主動幫人斬埋件.每隻都幾飽滿,食起嚟皮脆肉嫩.滷水腩肉嘅肥肉部份軟腍唔膩,肉質算鬆化唔癡牙.滷水豬耳,都幾爽口同易咀嚼.滷水豆腐質感扎實,外皮煙韌,算有豆香同冇乜渣.呢度嘅滷水以鹹味為主,甜味稍輕,不過食材嘅質素唔錯,當中以豆腐同豬耳嘅表現最突出.