潮洲滷 (已結業)

I was at Wanchai street market looking to buy some food stuffs back home for dinner. While walking around, i saw this duck stall and there were few people queuing up. Since i have not yet bought any meat, I decided to give it a try. They only catered for take-away and specialized in chiu chow marinated food. They do sell goose, duck, pork and chicken parts.    The layout of the stall was very neat and tidy, with whole goose and duck hanging and those meat parts placing at the metal plate. Marina

有時食飯行過灣仔街市時，都見到依間潮洲野，今日行過就買幾款滷水野過下口癮，買下買下，款款都好想食，最後買左三樣野，多到今晚仲可以拎番屋企加餸。首先Lunch緊係要食飯，食飽先有力氣做野我就買左個鵝片飯，$70 左右，份量好多，仲有一隻滷水蛋，鵝片d肉好滑，味道濃郁，食過番尋味，食完一塊又一塊，貼埋d汁，酸酸甜甜，好開胃，早知少飯啦。然後我再叫左$20 豬耳，好有口感，爽脆，分左d比同事食，佢地都話正啊。最後，鐘意豬腸嘅你，千其唔好錯過依間舖嘅滷水豬腸，我買左$25。好多人驚豬腸有陣味，今次我買依間就無嘅，而且滷水汁味道濃郁，好滿足啊！係灣仔買滷水野真係第一次，但都會有下次啊。

講到潮州野，我第一時間會唸起滷水！今日收到通知，朋友要突擊到訪我家，成班人，緊係執料回家最經濟實惠！朋友之前介紹過潮州滷，唔想唸咁多，就試下！鋪面都好新淨, 比起我家附近的滷水店，好似五星級咁！出面賣滷水，鋪內自仲製作緊，環境都好干淨！滷水鴨（半隻$70）：師傅刀工好好，件件分明，滷水味好夠，鴨肉彈牙，口感豐富，不會太肥，連皮食都冇罪惡感！仲附埋滷水汁及酸醋汁獨立包裝，好細心！好食滷水蛋（2隻$10）： 是我最愛！滷得入味而不會太咸，就咁食或送飯都一流！滷水鵝腎 （$18一隻): 我叫左2隻, 原來份量咁多!! 鵝腎偏林, 醃得好夠味, 又香滷水又香腎味!鵝腸超入味, 但不會過咸! 腸清潔得好干淨, 完全冇腸的臭味, 而且好爽脆! 讚!

屋企無啖好食，難得黎到灣仔，順便過黎斬件加餸。灣仔地鐵站一出，街市附近就係，鋪頭掛滿滷水，店鋪雖小，但比人感覺乾淨企理。師傅仔熱情洋溢，傾左幾句，原來係家族店，師傅仔既爸爸係葵芳老店注守，滷汁都係代代相傳，師傅仔亦係潮州人😄。一講完想要d乜，師傅仔即手起刀落，瞬間斬好哂兩大盒食物。仲叮囑我最好將外賣盒打開，唔好焗住，可保持肉質鮮美。提示我食既時候，滷水汁分開上，因為驚會太咸。🦆鴨半隻 相比鵝媽媽更鐘意食鴨肉，因較鵝肉削身軟腍，皮下脂肪少，感覺健康一點。肉入味得來唔會太鹹太實。🍴鵝腸 處理得好乾淨，而且爽而不韌，必食之選。🍴鵝翼 鵝翼好淋入味，媽媽最愛。🍴鵝肝平時西餐廳既鵝肝就食得多，滷水都係第一次，比想像中好食。🐖豬大腸軟硬適中，好滑，味道濃郁。🍴豆腐最入味就係豆腐，唔沾汁已經好夠味。🥚雞蛋皮脆，蛋入味。

成日係灣仔見到D間滷水野成日都有唔少人, 但次次唔係約左人出街食, 就係趕住唔知去邊度, 都冇機會試今次終於有機會買返去請屋企人食做下孝女了D間潮洲滷雖然係開係近街市度, 但絕對比其他燒味店乾淨整齊之前經過潮洲滷開口係有塊玻璃間開左廚房但今次變左塊大膠布, 細問之下原來係塊玻璃爆左, 其他外賣店出現咁既情況通常就咁就算, 但潮州滷會係顧及衛生有塊大膠布食得放心好多滷水野價錢相宜, 好多都好想食呀!今次買左半隻滷水鴨, $30豬腸同埋$20腎 滷水鴨超入味, 但又唔會死咸咁, 而且肉質鮮嫩, 食落有肉汁, 咁既質料都係$70半隻, 真係邊度揾呀而豬腸就中間無咩肥膏, 係略略留少少少少膏係豬腸度增加有肥膏既香味, 岩晒依架香港人又想KEEP FIT又唔想介口既心態, 整到咁既水平真係唔容易, 睇得出D間小店對食物既用心而腎睇個色真就知滷得超入味, 而且滷得幾淋下, 唔會好似出面咁食石頭咁, 食得出係用左好多時間整, 好味 總結黎講今次食三樣野都好高質, 而且唔貴, 食咁多野先$120, 夠晒全家人食, 屋企人已經講定下次想試下D咩新野了....

今日早放工，就去到灣仔這一間滷水專門店，買了一些滷水嘢回家，加料同屋企人一齊吃！一去到這間「潮洲滷」舖頭門口，未入到去就已經聞到很香嘅滷水食物！看到入面牆上有很多明星相，原來有很多明星都已經來過光顧過，我心諗今次一定可以食到好嘢🤤, so yummy!鵝腸只是＄18一份，很超值！外賣餐牌有各式各樣的滷味食品！我就點了一客必食嘅滷水鵝，肉質食落很鮮嫩，滷水味很香和很濃，十分回味，我太太都話好味！我個細仔食完一件又一件，食過不停。連埋所提供嘅醋一起吃，就更能夠突出鵝嘅鮮味！滷水鵝片：

又係要一個人見麻煩客的日子🙈，一個人見客，有好有壞，好在可以唔返公司，自制提早收工的一天😏！yeah ! 提早半小時收工，決定返阿媽屋企，飲返碗靚湯！經過灣仔街市，見到間幾唔錯嘅滷水鵝，不如加送啦！仲要見到街坊廚神訪問過，應該無伏掛🤣🤣！抱著一試無妨的心態，全因價錢都係街坊價，小店一間，支持一下！滷水櫃都有幾多選擇，仲有鵝肝😍😍，唔準同我講唔健康！係到買野，除左多左塊玻璃，保持乾淨，都幾似細過拉著媽媽衫尾去街市買野的情況。拿到回家，媽媽見到外賣滷水鵝都不知幾開心，百多元的加料，氹回家人，不錯！而且滷水味道好好，香料配搭好唔錯，好有細個食的感覺；用料新鮮，有用心處理，因為一食內臟就知龍與鳳！總宜家好少街市有專賣滷水的檔口，有的又不一定好食，有時要解鄉愁⋯⋯那份家鄉口味，就要去著名的潮州菜館！下次，可以有一個經濟點的選擇，當然你要是一個不怕走入街市的人！

雖然不是住在灣仔但間中經過灣仔時總會想起那誘人的滷味今日決定與同事分享這滋味潮洲滷已經忘記它在灣仔有多少年了店面貼著的這篇報道，記得當時我也看過呢由一家人傳承的滷味在店內的正是大哥想不到的差不多三時還是這麼多人買外賣Greedy me 每樣都叫了一點滷水鴨肉（1/4只）豆腐蛋鴨翼鴨腎大腸鵝肝滿滿的一盒師傅不會把滷水汁直接淋在上面(出面不少地方都是直接淋）而是另外用小袋子裝起就不會把食物浸得死咸比起一般的滷味潮洲滷更有香料的味道那鴨肉的啖啖肉、滷水蛋的入味、大腸的肥美、腎片的爽脆...大家都很like ~~還追問我在那兒買呢

朋友介紹過呢間滷水店，今日難得過海去灣仔，順便買兩盒滷水，外賣返屋企加餸。灣仔地鐵站一出，行入石水渠街就係。鋪頭掛滿滷水鵝鴨，好易搵到。見佢$70半隻滷水鴨，幾抵食買左半隻試下。今晚五個人食，所以再叫左啲腸，鴨翼，滷水豆腐，滷水蛋。加加埋埋都係百多蚊，兩大盒，好抵食。搭緊地鐵已經聞住陣陣滷水味，搞到好肚餓返屋企，未開飯，已經忍唔住偷食。滷得好入味，好正，每樣都好出色，真係食唔停口，開埋罐啤酒，一路飲一路食鴨翼鴨件好正。老闆仲好溫馨，提示我啲滷水汁分開上，唔好直接倒落去，驚會太咸。又話好食就介紹人去，又吹左陣水，最後仲遞埋卡片比我。依家已經好少地方仲會咁有人情味咁熱情招待客人。斬鴨嗰位師傅都充滿笑容，好nice。真係再去要試下佢既滷水鵝

有日放工行開石水渠街附近，個位置雖然在A3出口對面，但滷水店自成一角不容易察覺。我見到有個伯伯買滷水鵝外賣做晚餐幾大盒，我就諗不如今晚加餸，家中二老一定開心。放工時間都有好多office lady 排隊買滷味。一見到門口滷水鵝就垂涎三尺。有酸汁同滷水汁佢話食先加上滷水鵝上面。有好多報章介紹過佢地鹵水鵝。佢外賣飯盒大多數三十幾元一盒，對灣仔一帶好抵。佢個飯底用金象牌泰國香米，我相信幾好食，下次試試。一盒120元好大一盒，有鵝片及豆腐、豬腩肉、豬耳、鵝腎、滷水雞翼。份量好足又不油膩。最好食一定要叫他們滷水鵝片，滷水香料很豐富，清香不濁，鵝身一些都唔肥膩，又淋又厚肉，一些鞋口感覺沒有，相信是店家澄海來的優質鵝所致。我最愛滷水腩肉，薄薄的切片看得出刀功。一層肥再加一層瘦肉，食落口不會覺得太肥，有大量骨膠原好有益。送啤酒是一道很好佳餚。滷水腳翼相當唔錯。媽媽最愛鵝腎，大大片又淋又有咬口。再加上鹵水汁料是上等美食🤗

今日媽媽打黎叫我放工去買啲野食番屋企，因為外國有親戚黎左我地屋企。我就去左灣仔間潮洲滷水店買外賣，早早試過一次一直念念不忘當中味道，今日我再去回味一次。人客非常多呀。鵝頸頭和紅腸。媽媽鐘意食多骨的，我就買左鵝頸頭番屋企啦。滷水汁非常入味，鵝頸骨多肉少，滷得非常滋味，紅腸爽口味道唔算咸。鴨肶、滷豆腐和雞蛋。鴨肶肉質爽口唔算太乾，豆腐吸哂滷水汁，入口豆味清香，雞蛋滷得咸香甜甜。最愛鴨肶皮夠哂有咬口，肉質嫩嫩的。

今天忽然興之所至想食滷水鵝片， 於是到附近滷水店斬料作晚飯加餸。這間滷水食店-潮州滷略有名氣，買其滷水食品的人都很多，主要原因是價錢平、食物好食。這店滷水汁超過十年以上，由葵芳總店沿用至今，味道入味， 調味香料的味道有花椒，八角，桂皮等等,所以特別香濃。我分別點了必食的鵝片、鵝掌翼、 豆腐，滷水蛋、腎和鵝腸。食過之後，不得不讚，這店滷水汁非常濃郁香濃入味，鵝片比一般滷水食店切得厚少少，啖啖肉非常滿足。而鵝腸勁爽，完全入味。我覺得腎至有驚喜，入味之餘更口感嫩滑，完全不韌，仲好juicy,佐酒一流。價錢方面，咁大盒咁豐富都不過HK$150,認真低。

今日去左灣仔返工，放工時行經街市附近，有條小龍排緊隊，原來係賣滷味！剛剛佢又放左幾隻鹵水鵝出來，看上去很新鮮，於是外賣回家加餸！叫左半隻鹵水鵝，仲有雞旦、雞腎、鵝腸、大腸等等。係等候師父斬料期間，同店員傾開滷味，佢好雀躍咁介紹應該點樣食鹵水鵝先最正，因為佢會送一包鹵水同一包醋俾客人，店員話千其唔好倒包鹵水汁落去浸住啲鹵水鵝肉，因為咁樣鵝就會太咸！同埋呢度好既係師父會將大腸切開，將入面啲肥羔清走，因此唔會食到一啖啖肥羔了。返到屋企都急不及待攞出黎食，鵝肉真係好正，好有鵝香，同鴨真係兩樣野黎，加埋鹵水的香味，真係勁好食。另外鵝腸亦係一流，好爽口，鵝腸好乾淨，咬落去索索聲。食物質素真的不錯！下次要去試佢其他鵝至得!

這個星期一我負責晚餐！我沒有烹飪才華，所以決家買點滷水回家，然後再烚菜同煲飯，得過且過完成任務。有很多不同款式的滷水選擇，而且每款都好吸引，所以我問師傅，可唔可以幫我咩都執少少，百二、三蚊啦搭車回家的途中一直聞到好香的味道，好想偷食，又好想知有什麼美食，十分期待。我少食內臟，但我無法忍口唔食整得這樣好味的滷水腎同滷水鵝腸。鵝腸脆嫩，爽口，完全不覺得臊。腎的同樣是爽脆，有彈性。腎及鵝腸可以輕鬆咬開，而且夠入味。其實其他食物，例如鵝、鵝翼、豆腐及雞蛋整體味道均不錯，以後會再光顧！

今晚同媽媽兩個人食，唔想煮飯，但落雨又唔想出街同人迫，媽媽鍾意食潮州滷水，所以我就喺公司附近買左盒滷水返嚟試吓啦。睇天氣報告依兩日都落雨，我索性買大盒D, 又可以試多啲，又搞掂埋聽日嗰餐😁😁😁咁等老細斬料嘅時候，老闆都好Nice，提我豆腐要即日食，免得天氣熱容易變質，而啲滷肉更係隔多日仲入味😋😋。夜晚返去同媽媽食，媽媽都話好好味，媽媽就好鍾意啲豬耳好入味好爽口，我就最鍾意啲豬手又入味又口腔內骨膠原溶化嘅感覺😍😍。