潮洲滷 (已結業)

潮洲滷早排睇到 @lemonmediahk 報導話「潮州滷」店舖即將做到5月31號就結業，睇完就馬上衝去買嚟試下，始終傳到第三代都唔易，一定好味到爆炸！我一路買，一路同佢哋吹水，原來第一間鋪係開喺葵芳智芳街依家賣緊生果附近，傳到第三代僅餘最後一間灣仔店就因為加租就捱唔住，老闆話會捲土重來，一有消息就會馬上公佈！臨走就買咗兩盒滷水拼盤拎走，一盒請朋友食，另一盒買比屋企人食，大家如果未食過就快d去買啦！😭😭😭1.滷水拼盤（滷水鴨4分1隻、豬耳同豆腐）$88（10/10）我買咗兩盒一樣，老闆每盒送滷水蛋比我，每盒分量都勁多，每盒入面有2隻蛋（切開一半）、豬耳大約有30條、滷水鴨大約有16件同滷水豆腐有6件。滷水汁好入味，唔會死咸，好香！P.S：希望快d搵到新鋪，好野唔好失傳！總共價錢$176個人口味總評分：10/10地址：灣仔石水渠街1-13號其發大廈地下8號舗Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#潮洲滷 #灣仔美食 #灣仔好去處 #灣仔 #滷味 #香港探店

今日唔想煮晚飯，突然醒起公司附近有間幾出名既滷水店，可以外賣返屋企食，啱晒我呢D懶人(哈哈)門口既滷水鵝好吸引$68有半隻鴨好吸引!!!不過個人本身唔鐘意食太多肉，所以放棄左。睇完餐牌後，決定買個自由搭配set，點了四份一隻鴨+豬耳+豬大腸，另外加了$10一件滷水豆腐。 最後$98有咁大碟，仲有咁多款式，滷水夠入味，不會太鹹，鴨肉不會滷到好老，豬耳爽脆，豬大腸夠晒邪惡，豆腐大份又好食，真心推介!下次要約定一大班朋友試試佢既招牌滷水鵝!

這間潮洲滷位於灣仔石水渠街其發大廈地下舗，係一間在灣仔都出名嘅賣滷水專門店舖，而款式都好多選擇🤔，我覺得價格一般食物質素都幾好，當我去到已經有好幾款我鍾意食冇得賣😔，尤其是滷水鵝、鵝掌係我至喜歡食!.滷水蛋 $10/2隻呢款滷水蛋望著都幾好🤔，食入口味道都好香口😙，外腍軟又夠味內恰恰好😋，味道都好正!.滷水雞翼 $24/4隻這一款雞翼賣相色香味都有🤔，外皮嫩滑味道十足😙，肉質嫩腍入哂味😋，我覺得都好好食!.滷水豬耳 $20/隻呢一款豬耳賣相色澤睇得吓🤔，食到入口爽口彈牙滷汁味道好濃厚😙😋，嘆番杯啤酒食吓豬耳冇得定👍!.滷水鴨 $68/半隻呢一款滷水鴨賣相我覺得好有以往年代的風味🤔，望著都好想試吓🤤，口感味道整款都好有水準，整隻滷水鴨口感味道完全入哂味😋，肉質腍身又有咬口原完唔覺得韌，配埋店家自製醬汁更加正!.滷水豆腐 $10/件呢一款滷水豆腐每一件沾滿汁液，令到滷水豆腐味道香味😙，而帶點軟綿綿口感🤔，完全都唔會鬆散夾得住，我覺得都幾好食唔錯😋!.

Mami 突然間打電話今日無買餸，我就梗係買啲嘢返去加餸，就咁炒兩個菜就OK。😆尋尋覓覓，見到呢間滷水店❤️一定啱屋企人心水。店家好nice，見我好迷惘，就推介我幾款～滷水鴨半隻$68滷水鵝翼$50三隻豬耳 大$25屋企人都大讚滷水汁好香八角味呀！味道回甘，好高質👍🏻鴨肉肉質細嫩紮實，咬落有汁，煮得啱啱好。鵝翼又淋又入味，送酒一流。豬耳香脆無雪味，令人忍唔住食多幾條。最尾店主仲送咗啲豆腐俾我添！🥰感覺好溫馨！

經過附近見到都有幾個人排隊，所以我都跟咗佢排隊買滷味。黎到又心大心細，所以每樣都要咗少少。我叫左紅腸，豆腐，豬耳，滷水鵝同埋蛋。豬耳比我想像中大份，咬落好爽脆，攞黎送酒就一流阿！滷水鵝啲肉好嫩滑，而且仲好入味。雖然睇落好似好鬼瘦咁，不過食落又ok，啲肉一啲都唔鞋！滷水豆腐，係我每次食滷味都必食嫁！豆腐就比較硬身，不過佢勝在面頭有滷水味，入面就超濃豆味！總括嚟講食物都ok，而且價錢都幾實惠，有機會我會再嚟幫襯！

今日放工係灣仔附近，諗住去街巿買餸，煮個飯仔。估唔到灣仔街市都有好多野買，見到間滷水店，個價錢又唔貴，賣相又好睇，咁就比佢吸引左。叫左隻滷水豬手，都幾大隻，切埋骨起埋肉。食落個皮唔會好硬，而且個滷水好入味，肥瘦適中，唔會乾柴，配埋醋同滷水汁咁好開胃。豬手有度好就係啖啖肉，送飯都正。試下佢既滷水鵝翼，size岩岩好，唔係好巨大。好夠滷水味，但又唔會得個咸字，係有滷水料既香味，重點真係唔咸，十分岩食。仲叫左一粒滷水鵝腎試下，都幾爽口，滷水味都夠。上網見到話平時要排隊買，但收工時見到唔洗排，但就得番好小滷味款，我隻豬手都最後一隻。相信都係受歡迎同出名，番到屋企食完都完全感受到。滷水鵝腎 $16滷水鵝翼 $50/3隻滷水豬手 $75/斤

平時喺灣仔街市經過已經見到很多人排隊，由於今日放假有機會，喺呢非繁忙時間嚟品嚐一次，於是決定整兩盒滷味，返去屋企同老媽二人世界。今次點了這裏最有名的鹵水鵝片鵝腸及雞蛋，價錢非常抵，只需要百五蚊已經有兩大盒，足夠四人分享，所以今次都食淨不少。除咗份量多之外,質量非常之高,肉質軟淋，除咗師傅切功非常好色翼之外，亦都切得非常薄，食得出係潮州正宗獅頭鵝，齒頰留香，食完再令人想再食。鹵水味很平均，食咗花椒百角味之外，亦都有回甘嘅味道，坊間要大師傅才可以煮到呢個味道,顯示出師傅功力深厚非。鵝腸滷得很入味，肉質爽，出去食得出係新鮮貨色，大家嚟到呢度一定要必試。

呢間潮州滷水店位於灣仔街市,人流好多,只做外賣而價錢相宜,係街坊斬料加餸既好選擇!滷水鵝翼($32/大)同滷水鵝掌($23/隻)係必試,鵝皮煙韌口感,而肉質鮮嫩👍🏻滷水豬手 ($75/斤)食出正宗潮汕風味,豬手外層聞落帶點淡淡既香料芳香,食落味道濃郁,肉嫩Q彈,仲保留本身的鮮甜!😍另外,幫襯得滷水店一定會試埋最基本既配搭-滷水雞蛋同滷水豆腐,無諗過$10一件既豆腐竟然咁大件,仲要超入味,超級抵食!而$10兩隻雞蛋既顏色漂亮味道可口🤤

近著灣仔站的石水渠街一帶有很多小店，其中這間「潮洲滷」主打潮洲滷水，價錢划算又大份。眼利的我一眼便認得是葵芳的老鋪，原來搬到灣仔！經過門外已經聞到陣陣滷水味，平常午市很多打工仔買外賣，旁晚亦有很多街坊加餸斬料。店內有超過十款的滷水選擇，櫥窗能觀賞到師傅斬料的手勢，更能看到掛滿的新鮮滷味，還推出不同不定時的優惠。滷水鵝招牌滷水鵝製作不容易，以秘製滷水汁浸泡再懸吊掛乾，鵝皮變得光鮮，鵝肉遠比鴨肉鬆軟入味，入口留香不鹹，更附上滷水汁及醋。值得一讚，滷汁包裝好乾淨不油膩，明顯下過功夫隔走雜質。滷水鵝腎大大片的鵝腎明顯比常吃的雞腎大塊，肉質爽脆之餘帶點柔軟，更有口感。滷水豬肚一條條豬肚外面脆嫩，裡面卻很綿軟，帶微微嚼勁。滷水豆腐綿韌的豆腐質感偏硬，豆味頗濃郁。滷水蛋香滑的滷水蛋滷水超入味。

香港嘅滷水店幾多，但係令人一再回頭嘅就真係唔多。呢一間黎屋企都幾遠嘅滷水店，令我一再回頭嘅原因，除咗因為食物質素外，亦都因為佢哋嘅人情味。每次嚟到，雖然我唔係啲成日幫襯嘅街坊客，店員都非常熱情，每次都同我好好介紹今日有咩靚嘢。.左諗右諗之後今次就買咗：（我三心兩意諗咗好耐，店員都冇唔耐煩，服務態度好好）滷水鴨半隻$68滷水豬耳大$25 一隻滷水鵝翼中 $50三隻滷水豆腐 $10 1件.佢哋嘅滷水鴨望落好瘦冇咩肥膏，但係食落去就有脂香，肉質結實而且好濕潤，感覺好味得黎亦都健康，令人唔會食得好Guilty，屋企人都好鍾意，而且佢哋仲俾咗大大包滷水汁，如果嫌唔夠鹹或者返到屋企想返熱嘅話，都可以自己再加汁落去，貼心。豬耳非常爽脆，滷水味啱啱好，大豬耳份量都幾多，佐酒好適合。鵝翼就係我個人嘅飛佛，件件肥大肉厚，水質深入每一寸鵝皮，喺啜手指級嘅好食，加埋佢哋自製嘅醋汁，同韓劇簡直絕配。

刚开始看到有猪手饭的时候好激动！因为很怀念在深圳吃到的隆江猪脚饭。猪手和猪脚是一个东西吧应该，但在这里的猪手饭瘦肉很多，吃起来不香。和我之前吃的很软糯的猪脚饭不同。如果这两个东西本身不同的话，请指正，仅供大家参考。老板态度很好！分量很大！一个男人吃都会觉得撑，而且还送饮料，十分划算！I feel thrilled to see the set "pork knuckle rice(source from google translation)" at first.Because I miss the similar set eaten in Shenzhen so much. 啊 凑够字数了 不翻译了...

嚟到灣仔見到一間食潮州滷水嘅外賣舖頭 係一間小店 望落去好有誠意 好多人等緊外賣 應該都唔會差得去邊 店裡見到有唔同種類嘅滷水食物 而且睇落顏色好靚 師父不停斬緊食物 唔係滷咗好耐而變得好深色 而且款式多元化 最後叫咗滷水鵝 滷水豆腐 滷水蛋 滷水雞髀同埋滷水豬大腸 分量十足 價錢化算 疫情關係外賣拎返屋企食 但係都依然好好食 特別一讚滷水鵝 好入味但唔會過龍 好嫩滑入味 另外個滷水雞髀都相當唔錯 啖啖肉 好滋味 一家人加料好選擇 大家都好滿意！

依架基本上冇得出去堂食, 所以我都係食外賣多所以近排既興趣係週圍去搵下有咩小店既外賣正今日行開去灣仔, 就搵返之前食過好正既潮洲滷位於石水渠街, 地鐵站A4行幾步就到, 位置方便主要係做滷水野, 樣樣睇落都咁好味, 我都揀左好耐!價錢係灣仔區黎講都仲係咁親民, 我叫好多樣野都係百幾就OK滷水鴨-$65/半隻D滷水好入味, 而且D質好好, 有鴨味, 唔會有好重既雪味, 鮮而不咸, 富有潮州風味雞翼-$30/6隻注雞, 雞翼係重翼既雞翼, 所以我覺得真係好抵食, 滷 完就保持到有肉汁, 而且每啖都食到有濃濃既滷水味, 真心好味滷水豬腸, 腎, &蛋 腸有少少肥帶出個香味出黎, 一定要有少少脂肪先好味既; 而腎質感幾爽彈, 有咬口得黎唔會死實實; 而蛋則係滷 水味既進攻下, 蛋仲係保持到自己既味道, 滷 水反而令到蛋味更加突出, 有D驚喜喎!滷水豆腐-$10/件滷水豆腐大大舊, 好抵食, 而且外皮有咬口, 內面好軟滑, 有人話試下間潮州店既滷水得唔得就一定要試下佢既豆腐總結樣樣都好好味, 老闆們都好好禮貌, 咁好既小店一定支持!

滷水店位於灣仔街市，見到唔少街坊都會黎排隊幫襯，頗受歡迎！雖然店舖唔大，但售買既種類都好多，而且師傅斬件非常爽手，自己揀下邊件靚先要都得👍🏻👍🏻整體滷水都做得好入味，用上其獨家配方滷製，比較清香不油膩，非常下飯！而老闆另外有比多一包滷水汁去拈，實在係平價高質!滷水鴨 （$65/半隻）- 肉質細嫩而脂肪均勻地分佈，食落口既鴨香同滷水汁相互平衡，味道鮮香，令人齒頰留香😋滷水雞翼@4 $26 - 經滷水浸過既雞翼更加嫩滑💯滷水豆腐@4 $40 - 豆腐超大件，素食朋友都可以一嘗滷水滋味👍🏻

高性價比滷味店，滷水汁味道剛剛好，唔太鹹唔太甜～～～自從疫情之後少咗好多去街市，成日都嗌外賣返屋企食，週末去到灣仔附近辦事，回家之前就新到過嚟呢一間滷味店斬少少燒味返屋企，之後返到屋企洽個菜煮個白飯就可以食晚餐～～～是日得我同家姐兩個食飯，但係由於三心兩意咩都想叫，就樣樣嘢都叫咗少少，包括有滷水鵝腸、滷水鴨腎、滷水豬耳、滷水鵝肝、滷水雞蛋等等～～～基本上每一樣滷水，質素都好滿意，佢哋嘅滷水汁唔會太咸又唔會太甜，調味啱啱好，亦都好下飯～～～當中最值得一讚嘅就係肥得黎又唔會太肥 瘦得黎又唔會太瘦嘅微胖嘅鵝腸 食落爽口脆身 鵝腸味濃～～～而滷水鵝肝嘅鵝肝香氣亦突出，個人覺得呢種中式嘅整法，比西式嘅煎鵝肝更加健康，食多幾件都唔會覺得好漏～～～滷水豬耳就脆卜卜，個人非常鍾意，用黎做下酒小菜一流。～～～最後滷水鴨腎則彈實又不過韌，帶微微粉色，一樣高質，而且$16就有一隻，都幾抵食。～～～潮洲滷 (灣仔)灣仔石水渠街1-13號其發大廈地下8號舗