潮洲滷 (已結業)

講起滷水野，潮洲的美味煮法是最令人垂涎欲滴的，讓人一食難忘。今日下午經過灣仔，見到街市依間賣相吸引的潮洲滷，當然想買返盒美味滷水鵝食下啦。餐廳係做外賣滷味的，有各類滷味小食同美食，雞翼，鵝翼，等，仲可以叫飯盒，由$30至$78一盒不等。望到掛在櫥窗的各款滷水美食就食指大動，滷水鵝，滷水雞都好飽满大隻，肉多，色澤鮮明。醋汁同魚露，點滷味佳品。我買咗一斤滷水滷，斬件有满满一盒，下庄的份量都好大。佢的滷水汁是獨家配製的，味道真的一流，充滿香味，十分濃郁，鵝好厚肉，嫩滑新鮮，鵝脾肉更是滑身結實，好入味，咬落仲好多肉汁，清甜美味，加上豆腐煮得清甜，食飽一盒超满足呀，是得值得再試。

今日公司好忙，諗住叫同事求其落去買個雙拼飯算數啦，誰知佢去左呢間潮洲鹵度買外賣，買到返黎真係嘩幾聲!!!又大又多又抵又好味!!原來鋪頭係一家人開既，仲有雜誌訪問佢地，而且2個仔都唔想浪費左BABA既心血，子承父業，最搞笑係阿仔好潮咁幫鋪頭開埋FB，我都係第一次見到燒味鋪有FB!! XDXD明明得2丁友，都唔知我同事做咩買咁多返黎，第二日可以帶白飯返工再食!!認真!!我地叫左 滷水鴨 $78/半隻，滷水豬手飯 $38，滷水蛋 $10/2隻，同埋滷水豬耳 $20/隻 (中)。個滷水豬手飯諗住SHARE 飯食，開頭唔知道原來個飯已經有滷水蛋，仲另外叫左滷水蛋，所以最後勁多蛋，我最中意個豬手!!雖然有小小偏咸，(唔使再沾汁)，但送飯真係一流，豬手皮都唔算太肥，膠原滿滿既感覺。好出名既滷水鴨滷得好入味，鴨肉頗嫩，而且價錢同份量不成正比，半隻鴨但係真係勁大隻!!如果放工買返屋企加餸一定好岩!!MAMA會好開心添!!滷水豬耳又係勁大盒!!!豬耳好爽口，又係膠原滿滿既感覺，今日真係好補!! XDXD 最後真係食淨好多，真係留左第二日帶飯加餸!! 啲豬耳叮完仲好味!!!YUMMY!!同事仲影相返黎比我睇

至愛潮洲鹵味本人一直好鐘意食潮洲野，黎到灣仔都吾放過呢個機會，去左食鹵味，呢間水準真係好好，我叫左幾樣，價錢又合理，值得再食！ 鵝腸係必叫之選，今次叫左兩份都吾夠食，哈！原因係真係好爽，食落去加埋啲鹵味汁，正呀！脂肪比例又適中，吾會冇，又或者太多，我最鐘意就係呢道菜！仲有今次有特別驚喜嘅係鵝腎，食落去原來吾硬，入面係淋淋地，咁先好味呀，吾使下下要咬到牙都軟，鵝腎仲好多本身香味，吾係只係得鹵水味，出色！鵝翼當然不能錯過，好大隻翼呀，鹵得剛剛好，吾會咸，吾會太老，骨頭入面啲骨髓先係最正！最後仲有豬耳，肉質幾煙 “銀” 。直得一提係老板娘好熱情，哈。。。呢餐太滿足了！

中午買埋飯盒先返學，本身想再食手撕雞，不過行過又見到依間鹵水飯幾抵食，仲要人都幾多下😗就決定試下🍛飯都幾抵食，仲送埋野飲😋裝好既鹵汁同醋都唔小氣，大大包😗嗌左個什錦飯，有豆腐、紅腸、雞翼、大腸、蛋、菜同腎，應有盡有，份量都唔少😋雞蛋好入味，豆腐又夠滑，外脆內軟，雞翼比鎚既位嫩滑，大腸好好食，唔肥，乾淨又好夠味🤤切左盒鴨比同學加餸，鴨肉好食又嫩滑，個皮唔算肥，又香。一盒勁多足料，以灣仔黎講算係價廉物美😌

講到斬料，斬大舊叉燒係常態，但今日嚟到灣仔街市，見到掛哂一隻隻滷水鵝喺度嘅潮州滷，又見有唔少街坊行過幫襯，好似好正咁，唔斬燒味斬滷味喇不如！呢度除咗滷水鵝，亦都有滷水鴨賣，想經濟少少都得。當然仲有翼、掌、腸、腎、豬大腸、豬頭肉、豬耳……就連雞肶都有，真係講得出嘅滷味都搵到咁滯，選擇困難咗一輪之後，都係要斤滷水鵝啦！都有成四分一隻鵝架，大大份，上下裝任揀。今次揀咗下裝，因為鍾意啖啖肉嘅肶位！佢哋仲好好咁一包滷汁，一包醋咁包得好骨緻，店長仲勁貼心地提醒食嗰時先淋啲滷水汁落去，真係想立即跑返屋企開餐。滷水好唔好食，個汁好重要。呢度嘅滷汁好香，唔會一味死鹹，食落仲有少少甘甜，讚！鵝肉滷得啱啱好，入哂味，軟滑得嚟又唔韌。最緊要係唔會太肥，最怕嗰啲塊皮同肥膏厚過舊肉嘅滷水鵝，好彩呢個皮同肉嘅比例啱啱好，食埋塊皮全無罪疚感之餘，亦感受到滿口鵝肉香。滷水鵝仲要咗豆腐底！吸收哂滷汁同鵝油嘅精華！真係食到舐舐脷！正！又搵到個買滷水鵝斬料嘅好地方喇！

前兩日放工經過見幾多人排隊 8掛望賣咩嘅 原來係賣潮洲滷味😂😂😂聞落又幾香 突然之間好想食滷水鴨豬耳雞翼😍😍😍於是決定左跟人排隊 會下呢間潮洲滷（灣仔）先 等嘅途中打返屋企講定斬料加送先 😆估唔到呢間潮洲滷麻雀雖小 五臟俱全 又好多種滷水比我揀 心大心細唔知食咩好 決定跟前面個呀姐買 樣樣要啲 潮洲滷水鴨 滷水雞 滷水雞翼 豬耳 大腸 仲有滷水蛋 我今次就冇叫滷水鵝豬手果啲 驚買太多食唔哂 叫叫下原來我都叫左兩大盒 好有滷水味 唔太咸 送飯岩岩好 啲豬耳大腸又夠爽口 唔會un 雞 雞翼同鴨點埋佢地嘅醬 食過番尋味👍🏻

潮洲滷 灣仔石水渠街1-13號其發大廈地下8號舗 今日去灣仔上堂，回家前屋企人叫我買燒味瀂味返去加餸，就行左去街市度搵啦！半隻瀂水鵝先係$70，雞半隻就$50 ，每樣要半隻試下先,成屋都係食肉獸吸曬八角花椒架瀂水香係肉度，有肉味同埋有包酸酸甜甜架白醋汁用來點鵝肉片食架，因連皮食食到咁上下，油脂開始有點滯，醋架酸味可以平衡，半隻比想像中多，70蚊大抵啦！個雞就好似豉油雞，都好滑架，仲有蔥油同送隻蛋，隻蛋又入味唔會老。個餸同汁令我晚飯吃了兩大碗飯呀，120分飽，屋企人讚做得唔錯，叫我下次行開灣仔記住再買，屋企飯同家人食係最幸福架！

突然又凍幾日，買了潮州滷味，準備宅在家中凍眠。潮州滷總店在葵芳，灣仔店是其分店。不像總店設有堂食，這兒只有外賣。隔著玻璃也被那些五花八門的滷味吸引著，有滷鵝、滷鴨、滷蛋、鵝掌、鵝腸、滷豆腐、滷水豬耳、滷水腩肉、滷腎……目標是鵝掌，可以邊啃骨頭邊煲劇其他滷味都好吸引每間滷味鋪都有自家秘製的滷水汁。師傅話這盆滷水汁由總店帶過黎，有好多年歷史。除左滷水汁好重要之外，其實滷製過程都好煩覆，要滷晾滷晾滷晾滷，不停重複以上步驟才可以入味，真係一點兒也不能馬虎。 這兒還可以買滷味飯食。忍不住買了兩大盒，好像有點誇張滷蛋好入味，褐色的蛋白吃起來香氣濃郁，口感Ｑ彈。豬腸很腍，有種入口即溶的感覺。而且沒有豬膻味，也不算太肥膩。最愛滷豆腐，吸滿了滷水汁的精華，份外好吃。還有豬耳，很爽口，很有口感，吃到慾罷不能，下次要買多些少。鵝掌，啃骨一流。鵝肉，肉質嫩滑，非常入味，滷汁均勻分佈鵝肉中，滿口都是鵝香，滷味。跟埋這兩包醬汁，醮了它更是錦上添花。

去到店舖可能晏咗少少，燒味已賣得七七八八，好彩仲見到有靚靚嘅燒鵝係到，我就即刻叫師傅斬番份畀我，順便加埋鹵水豆腐、豬大腸、雞蛋同紅腸，全部都係我家人對這間燒味舖既favourite。燒鵝真係好入味，而且絕冇鵝/鴨怪味，而且師父刀功好好，切得每件都好薄，非常啱屋企大大細細慢慢享受，好易食，唔使大大嚿咁放入口，可以斯斯文文咁樣去歎燒鵝第二最鍾意食嘅就係佢嘅豆腐，平、靚、正又滑嘟嘟; 跟住就係佢嘅豬大腸，完全唔覺有肥膏，入口剛剛林好入味; 紅腸同蛋就不得不買，因為屋企嘅小朋友次次都搶住食另外好重要既係個鹵水汁，師父話要均勻咁淋落去，唔好點黎食，否則唔均勻就味道過重。聽師父話試咗，又講得好啱喎，唔係一味鹹，只係用黎吊味。

店鋪好近灣仔地鐵站出口， 我下午五點鐘嚟買，已經好多嘢得番少量，啲食物種類都多，再遲啲來買就應該冇。好再趕到。來到都要排隊，都有好多街坊來幫襯。我就叫咗個滷水豬手，滷水雞翼，滷水蛋，滷水豆腐，滷水鴨腎，滷水豬腸。好豐富，仲好多餸。個豬手好爽口， 啲肉好軟唔會好韌， 過滷水豬腸， 好乾淨， 好味道 ，個蛋都入味，好實， 個滷水鴨腎，好好食，都好爽口， 個鹵水雞翼 ，都入味。全部食物都好爽口，好入味， 好有鹵水味，又唔會話好濃，好適中， 仲有兩包配料跟。有酸汁同鹵水汁跟埋，老闆娘話食先至倒上去 ，用嚟點都好好味 。老闆娘好好人

I love Chiu Chow marinaded food. There is something about the lo sui that they use that makes it different from the rest.  It's the mix of various spices with soy sauce that makes this salty yet fragrant  sauce that attracts me. Dip it in a mixture of white vinegar with chili peppers makes it completely stand out. They say the marinade also gets better with age so some of the best just keep reusing it over and over again. Just replenishing it from the master source.Recently, I was in Wanchai doi

有次在灣仔區聽完講座後, 家人急call 我叫我回家前, 斬料加餸, 那朝向石水渠街近街市方向找尋。 路經發現一間小舖,望落燈火光猛, 名叫潮洲滷,睇到都知是賣乜, 就是一間潮式滷水外賣店。** 店有透明玻璃窗,看到裏面掛了多隻滷水鵝及鴨, 仲有放滿其他款滷水食物 。* 門口有貼有清楚列明所有食品及價錢表 。* 因乜都想食,所以外賣兩大盒滷水。*仲附送醬料。* 回到家,家人急不及待開盒。* 兩盒都滿滿的, 約百多元真係好抵食。**滷水鵝肝質地實得來柔嫩口感,鵝肝濃厚,滷水香味亦充斥口腔內。滷水鵝片油脂不算多,入口仲好嫩滑,沒鞋及硬口感,唔會鞋同硬。滷水雞冀嫩滑入味,口感美極。當然以上三款都好入味,滲出八角桂皮的香甜鹵水味,簡直回味無窮。** 滷水豬腸口感甘香,沒肥膩感; 滷水鵝腸內沒有肥油,有柔軟爽口感; 滷水鵝腎有爽口咀嚼口感; 滷水豬耳切得幼身,入口爽脆口; 當然以上幾款好入味,滷水不會過咸恰好。** 另外,雞蛋,紅腸及豆腐,也是好好味, 而盒底仲有滷水花生呢!** 關鍵店滷水汁味道鹹甜適中醇厚,自然滷水食物好味, 令人吃得開懷,絕對送酒小食或斬料,是不錯選擇。*

今晚得十四度，凍到唔想濕手煮晩飯，經過灣仔條巷仔，見有間光猛整潔嘅潮州滷，斬啲滷味食下，唔使開鑊，乾手淨腳。佢哋都好多款滷水，見價錢大眾化，收錢姐姐話D滷水日日新鮮做，所以就叫左四分一隻滷水鴨，及樣樣拾D咁囉，叫下呢樣攞下嗰樣，都有兩盒，埋單姐姐齊頭收我一百二十蚊，好抵啊⋯⋯呵呵呵等斬緊俾我時，啱啱有位太太埋嚟問仲有冇鴨掌，收錢姐姐話賣哂啦，我多口問句，乜鴨掌好好賣㗎，未夠六點就賣哂，姐姐講我知因爲好平，十蚊五隻，好多人買嚟餸電視，係喎💡下次我都買廿蚊咬下先。買到返屋企，好多都好味，如果要我揀至好食，就莫過于滷水鴨，淡淡鹵水味帶出個鴨香，空口食一流。另外想一提，我見佢哋有飯盒賣，D米係用金象牌香米㗎，向米度都咁用心，抵佢多人幫襯👍🏼

食親滷水鵝片就會諗起好貴，同好少，就算嗰時過節都多數幫襯大牌子連鎖店，買外賣滷味回家吃。今年冬至做節，去灣仔街市買餸，經過石水渠街見有滷水鵝舖頭，啊！不如買來加餸都好，開頭都有友誼，因為未試過。但看到門口有電視播住明星訪問片段，知道這一家都是出名的，而且大件夾抵食，所以我便買了上裝，師傅話送埋豆腐，嘩！咁筍嘅？！回家打開見到真係好大盒，鵝片多，豆腐滑身，全部共＄120，極之抵食。下次我要試吓滷水豬手、豬大腸和豬耳。

朋友介紹落灣仔， 本身諗住買啲嘢返屋企加餸，都係啲例牌燒肉叉燒，朋友就話試下潮州嘢，話過鹵水汁做得幾好， 本身自己有間幫襯開喺黃大仙， 不過我朋友話灣仔呢檔好食啲，一於試一試。估唔到店舖細細， 入面都可以五花八門， 一般要嘅滷水佢都有， 今日最可惜嘅係叫唔到大鵝翼。咁就一於叫番啲普通嘢， 我就叫咗豆腐， 豬耳，豬腸， 腎，鹵水蛋同紅腸。估唔到佢個鹵水汁都做得唔錯， 又唔會太過鹹， 味道啱啱好。最重要係鹵得夠入味， 入味之餘，豬耳有唔會太淋， 一樣係咁爽脆，另一值得讚嘅， 就係佢個豬腸 ，清潔得好乾淨，完全冇臭味，食豬腸最怕嘅就係有一陣陣嘅臭味。下次一定要再來買 其實都係揸車所以地點冇咩大分別，yeah!