潮洲滷 (已結業)

在港島區做完野當然又睇周圍有咩好食來買比同事食，今次就見到有間滷水店門口排晒隊，見同事又鐘意食就去買返一盒比佢地食，選擇都吾少，而收銀仲講如果今日吾食可明天蒸黎食，之後返到公司一開滿晒勁足料，最後我地仲分左2盒滷水，叮左十幾秒就食啦。今次我買幾款，有：滷水鵝，蛋，豆腐，豬耳...熱返少少十分香而仲有醬汁一齊食，鵝肉好嫰滑又入味，蛋和豆腐滷水可以吾太咸，豬耳勁脆而有少少膏好彈牙又入味，整體味道吾錯而且價錢吾貴幾抵食，同事仲話下次做野係灣仔可以買其他野食返黎添。一路切味道已經十分之香了。。勁期待食切完一大拿盒拿返去公司食。分2包吾同醬汁，返去到滷水汁放入去再配酸汁食，正！門口已掛了和放吾同滷味，十分吸引，怪不得要排隊啦

今日放工夜左買唔切餸煮飯，於是諗住買d滷味加餸，本來一心想買滷水鵝片，來到店鋪時只是6:45pm,點知滷水鵝及滷水鴨都賣晒，好失望，好心嘅店員見到我咁既樣，就好努力咁幫我搵到賣剩少少既鵝片鵝片果然好好味，唔怪之得咁搶手，厚肉得來唔鞋，滷水好入味，在配埋送既醋，真係好正。因為得好少鵝片，而店舖內其他野都賣得七七八八，所以我唯有樣樣執d，實行來個滷水拼盤。滷水豬肚好入味，好稔。紅腸小朋友好鍾意食。滷水雞翼都入味，都唔錯。但整體最好食都係鵝片，下次一定會早d幫襯，買多d鵝片食

放工行過潮洲滷，見到D鵝又大，肉地又有光澤就行入去看看，另外一邊掛了滷水雞、鴨，排得整整齊齊，清清潔潔，舖滿2邊玻璃，另外红腸，鵝什，翼，腳都放得侅整齊，店子雖小但品種豐富，由於只做外買關係，我只好每樣都挑選了一些，買回家品嚐一下。返到家企立刻打開試試味道，鵝肉又新鮮又滑，連埋D滷水汁或蒜頭白醋點來吃，口感味道又是另一種層次，嘩好味呀，另外红腸，豬耳，翼，腳，什味道也剛剛恰到好處，飲吓红酒，吃吓滷水什，人身一樂也。

潮洲滷呢期晚上睇波，咁先去買定薯片汽水啤酒，今日有朋友上門，加料買d滷味打冷先。呢間舖只做外賣，平日都好多附近打工仔買滷水飯盒。因為多人預足數量，一盒要了滷水鴨，70蚊半隻好大眾化。鴨先切好一件件，肉咬開一絲絲，有肉甜外更有香料架味道，肉又多肉汁，成班fd都搶住食話好味，就咁用手拿起張口大快朵頤。仲有雞全翼呀！拎上手食骨都啜埋唔好浪費個精華加滷水雞蛋$10元2件。蛋都吸收了滷汁，味道變得豐富起來，單獨食都唔會覺太重味，用來加食送一流。因間野收6點，平日要買屋企都會lunch time買定。潮洲滷味架好處係冷食都唔影響風味，加熱食就更一流。

難得假日同媽媽黎到灣仔周圍遊下，去街市行行下見到呢間滷水店就諗起好耐都無食滷水鵝，一於買返屋企做晚飯加料！滷水店細細間，店鋪乾淨企理，位於石水渠街小巷內，滷味排得整齊比客人係玻璃窗外選擇，每款滷味充滿光澤，中午時間已經要排隊。滷水款式太多，同媽媽諗左陣最後決定點1/4份滷水鵝，再拼滷水鵝腎，腩肉，滷蛋，紅腸，滷豬大腸，滷水豆腐。滷水鵝色澤光鮮唔暗啞，証明新鮮。鵝肉油份充帶有濃厚鵝油香味，肉質厚，嫩滑之餘又不會過淋失去肉應有的嚼口，肥瘦均勻咬落口唔會太油膩，滷水味香而且調味恰到好處又唔會過咸，鵝肉吸盡滷水汁👍🏻滷水鵝腎爽脆，滷水十分入味，入口有嚼口結實又唔會過靭，沾上小小滷水汁更香。滷肉腩肉肥瘦分明，一層肥肉一層瘦肉，每片切得均勻，食落口濃厚又唔會覺得成口肥油。滷水豬大腸處理得乾淨清潔，放心食，平日最怕豬大腸膻味過濃，但潮洲滷既豬大腸唔膻而且又唔會太肥膩，豬大腸柔軟入味。滷水蛋同豆腐吸盡滷水汁精華，豆腐豆味香而且結實唔鬆散，入口軟綿。老闆好客，親切，下次經過一定會再買返去加餸！

貓頭鷹在很多大文豪的作品裏面，都被描繪成 充滿智慧的動物。那天忽發奇想 ，打算買一些潮州滷味，來跟新入貨的 三瓶 貓頭鷹手工啤酒 ，來一個 深秋crossover ，便立即想起了這家 曾經在雜誌看過 。。。笑聲笑聲滿載溫馨。。。 的家庭式滷水小店。其實每次幫阿媽買餸經過， 都會見到很多人在排隊 ，買鹵水鵝。。。鹵蛋 。。鵝翼 。。鵝腸。。 豆腐。。腩肉。。。各式其式，應有盡有。來到店面 首先想到要買的， 就是 Chinese foie gras。。。 中式 鵝肝， 這種增加膽固醇恩物 。。。不是人人都吃得起的 。但是 這是 店家有名的鎮店寶之一， 還是買一個吧 !鹵水鵝的顏色 濃淡得宜 ，胖嘟嘟的身型， 看起來肥美可口， 令人垂涎欲滴 ，好一於帶你隻左脾返屋企。順便叫師傅斬了 。。。冇毛有翼 。。。的鵝翼。 連同滷蛋 ，鵝腸 ， 鵝掌 ，鹵水豆腐 一起放到外賣盒裏打道回府。其實從小到大 。。。我也想: 會否有一天我也能當一個 藍帶 大廚 ? 看到師傅的刀工甚為了得， 便偷偷的 拍了他的英姿數張 ， 看他怎樣 選好吃的部位 ，怎樣斬 ，怎樣切， 一於靜靜地偷師起革命。剛回到家， 便急

今晚番阿媽屋企食飯，專登落灣仔「潮州滷」買隻滷水鵝孝敬老人家。之前睇雜誌有介紹這間滷水店，由全家總動員一起齊心經營，好有愛回家feel。又有明星食過，讚不絕口（這裏不開名是什麼明星，費事幫人買廣告）。所以專程去試一試。位置好近灣仔港鐵站出口，門面相當光鮮，好容易就找到了。以往幫襯過的滷水店，都給我肥淋淋嘅感覺。這間滷水店特別不同，周圍都好乾淨，不論滷水食物嘅擺放，還是其他用具嘅擺放，都十分整齊、有序。除咗買滷水鵝，仲有試埋佢哋嘅滷水豆腐，以及滷水蛋。正如雜誌介紹，滷水鵝好入味，鹹、濃味適中，沒有坊間其他滷水店嘅滷水鵝只有一個「鹹」字。滷水豆腐及滷水蛋，味道一樣好味。購買時，收銀小姐千叮萬囑我，不要將醬汁直接塗到滷水鵝上，進食是將醬汁另放就可。好專業！除咗我之外，當時仲有三個街坊幫襯，見師傅及收銀小姐與街坊們嘅對話，強烈感受到濃濃嘅人情味。這類街坊小店，已經買少見少，小妹會繼續支持！

今日媽咪請左公司同事番屋企食飯，叫我放工去外賣斬料番屋企，今日早收工就去公司附近街市睇下有咩買。經過見到一間潮洲滷水店，見到有人排隊我都去趁下熱鬧。門口已經有陣陣好香既滷水汁味道。原來仲有飯餅買，中午可以試下。滷水鵝翼。媽媽好鐘意食鵝翼，鐘意多骨。鵝翼滷得入味濃香，入口滷水味極濃極重，咬落煙韌有咬口。滷水鴨和豆腐雞蛋。鴨肉唔會好乾，同樣有濃濃滷水味道，鴨肉連皮完全唔會好肥，好鐘意食滷水豆腐，入口軟綿綿。

心滿意足的加餸選擇星期日晚睇咗電視節目, 介紹潮洲滷味; 咁吸引, 決定今日收工就去買來加餸.行入石水渠街, 見到呢間門口貼咗藝人相, 又有雜誌介紹.再睇真D, 滷水料已經賣得七七八八. 望下時間,只係5點幾, 已經快收工, 應該深得附近街坊愛戴.價錢唔貴, 經濟實惠. 我分別order咗滷水鵝片, 腩肉, 鵝腎, 同豆腐. 附上醋及滷水醬汁. 老細話滷水醬汁係自家調制, 記得要另上碟來食. 都未上到巴士, 因為太香, 已經急不及先偷食咗兩件腩肉! 最好食的一定係滷水鵝, 鵝片肥瘦適中, 嫩滑又厚肉, 入口唔肥膩, 鮮味十足!另外, 我都好鍾意滷水腩肉, 一層瘦一層肥, 又香口又夠味, 送啤酒一流. 送啤酒仲有一絕的, 係鵝腎! 結實入味, 蘸點醋更好! 滷水豆腐亦非常吸引, 豆味亦十足. 大家爭來食, 所以相機都無得食. 

今日係中秋節 約咗班姊妹食大食會晚餐（其實係大家準備一些一齊食的聚餐）我地今日好豐富 有牛有魚有菜 我就打算買滷味加餸由銅鑼灣行去灣仔 這間在灣仔街市內的滷味店好多人排隊買👩‍👩‍👧👩‍👩‍👧‍👦👨‍👨‍👧‍👦👨‍👨‍👧👩‍👧‍👦咁我就試一試啦唔知是否中秋佳節 好多都賣光 無雞無豆腐無豬 鴨要等最少30分鐘 咁所以我買咗1/4 下莊鵝 都好多人要 好彩我早少少 唔無又要等鵝🦆切得好薄 又唔會好咸 好入味顏色好靚 肉我腍好有口感 我叫佢取了2包白色酸汁 加埋一齊食就最好味啦😝😝

想好去野餐，所以又買壽司又買滷味，這一盒滷味，才$120。足夠幾個人食。因為相約了朋友在灣仔，發現這間賣滷味的店，好久沒吃過滷味了，心血來潮就決定買來吃。窗內的滷味放置得乾淨企理，好吸引，望見都流口水！潮州滷水食物多不勝數：滷水鵝、滷水鴨、掌翼、鵝頭頸、腩肉、鵝腎、豬大腸、豬耳、豬頭肉、豆腐等等等等！每樣都想試，最終叫師傅幫我隨量各要了一些。有滷水汁和醋提供，食時才蘸，可自行調味。有幾個外地客買完即開來食。店員教他們蘸醋吃，他們邊吃邊讚口不絕呢。我和朋友都很喜歡滷水豬大腸，因為咬落柔軟有嚼勁又沒有過多肥膏，而且無膻味，看落又乾靜，吃多也不會有罪惡感。師傅刀功很好，每件滷水鵝片都差不多厚度。鵝肉鮮嫩有口感又有鵝香，清香不濁又不油膩。這個鵝腎也很好味。口感creamy，又稔又有咬口。另外滷水豆腐也很好味，軟硬適中，滑嫩有豆味，蘸滷水汁一流。因為被我們搶吃了才沒有影相。其他食物都大大件。即使沒蘸滷水汁和醋，本身的味道已經好香濃。最後因為朋友有事不能去野餐改在她家開大食會。要是在郊外吃著這盒滷味一定很有風味。最慘就是我家附近沒有分店，要不然我每次去西九野餐都會買一盒來吃！

今日又試下新店，不過係懷舊味道，就係滷水舖，細細個間中晚餐外賣加料，唔係燒味，就實係滷味，滷水鵝&掌翼，正！今日就外賣做午餐懷舊下，之前番學路過呢間滷水舖一次，掛住十多隻肥鵝，仲掛住老板同金剛&小儀既合照😬，所以記住咗佢。我買咗1/4隻滷水肥鵝，同一盒豬耳拼鵝腸、鵝腎，滷水夠濃味，肥鵝入晒滷水味，又有鵝香味👍🏾👍🏾，滷水豬耳係賣飛佛，鵝腎我就第一次食，原來係咁好味，我字典又加多樣美食✌🏽

今晚同朋友入海洋公園玩夜場哈佬喂，下午入去之前咁岩經過潮洲滷，朋友提議買個滷水外帶入去當小食都好喎。由於是日都係海洋公園戶外地方，食野的時候都天黑了，所以影的相都比較暗。我哋點了1斤滷水鵝，幾隻鵝翼、幾條豬大腸和1隻豬耳。店員給我送了一包醋和滷水，食滷味我最愛蘸醋酸酸甜甜的很開胃。滷水鵝色澤幾好，肉質都軟滑嫩嫩。鵝肉唔太肥，但都頗有油香。我地一班人都係豬大腸fans，呢度啲豬大腸好乾潔淨，滷過都沒有豬膻味。 豬腸比較厚身，但雖然脂肪唔多，但都好腍好軟滑好香。滷水鵝翼厚皮好好咬口，送酒一流，可惜我哋今晚欠緊支啤酒。豬耳入味爽口!下次再來，或者經過葵芳主店買來加餸或者當小食送酒都唔錯!

 今日同呀爸行開水渠街，見到間滷水店，佢停左一停望左一陣，話不如今晚加料食滷味😂😂。做仔既，呀爸想食，就點都要聽話要買既！望下望下，揀下揀下，揀左二百幾蚊。有半邊滷水鵝，幾條滷水大腸、豬耳、滷水鵝亦，算平啦！不過買完先記得，呀爸係用假牙😂😂。開餐時間到，諗住呀爸咬唔到，點知食得最多係佢。佢話今日見到d滷水鵝肥又滷得上色，應該幾好味，老人家就真係家中之寶，經驗老到，睇個樣就知好唔好食，不過都要間嘢有料到！滷水鵝片同鵝亦好夠淋，夠入味，大腸都唔錯，比起打冷有過之而無不及。豬耳仔入味得黎又爽口。諗唔到食乜餸?加返個滷味都唔錯！

放工去踢波，經過石水渠街附近，見到滷味店，見有啲時間就買咗盒滷水去球場同班老死踢波前醫一醫肚細細一間鋪頭竟然有咁多明星去幫襯，而且都有人排隊我淨係講咗啲我唔識嘅部位，其他由老闆娘話事，130蚊就有咁多✌🏻有鵝片，豆腐，紅腸，滷水蛋，鵝腸，鵝腎等等滷水鴨好柔軟食落好香濃，齒頰留香，但係又唔會覺得佢好肥膩鵝腸好爽口，又係勁入味豆腐都好正，吸晒滷水汁嘅味道，食落又唔會覺得佢好老，因為豆腐中心仲係好嫩滑