潮洲滷 (已結業)

有時食飯行過灣仔街市時，都見到依間潮洲野，今日行過就買幾款滷水野過下口癮，買下買下，款款都好想食，最後買左三樣野，多到今晚仲可以拎番屋企加餸。首先Lunch緊係要食飯，食飽先有力氣做野我就買左個鵝片飯，$70 左右，份量好多，仲有一隻滷水蛋，鵝片d肉好滑，味道濃郁，食過番尋味，食完一塊又一塊，貼埋d汁，酸酸甜甜，好開胃，早知少飯啦。然後我再叫左$20 豬耳，好有口感，爽脆，分左d比同事食，佢地都話正啊。最後，鐘意豬腸嘅你，千其唔好錯過依間舖嘅滷水豬腸，我買左$25。好多人驚豬腸有陣味，今次我買依間就無嘅，而且滷水汁味道濃郁，好滿足啊！係灣仔買滷水野真係第一次，但都會有下次啊。