潮洲滷 (已結業)

今日出開灣仔，午飯時間周圍都咁多人，吾想等位， 行去街市睇下邊度買飯盒食。 附近有幾間外賣店 ，燒味成日食， 蒸飯又唔靚仔， 見到 呢間潮州鹵嘅滷味好吸引， 就買咗個什錦飯食。 三十幾蚊盒飯仲有檸檬茶送。返到去一打開， 😲嘩， 大盒到呢!有成隻雞蛋，幾片紅腸，鴨腎，雞全翼斬件， 大堆豬腸，滷豆腐，油菜，仲有飯底。👨🏼‍🍳 好闊佬， 平時段秤嗰啲鹵味店，呢度 起碼 要五六十蚊呀!d 滷味咪唔會太鹹， 豬腸洗得好乾淨， 冇異味。👍菜都俾一大堆， 另外跟咗一包鹵水汁， 用嚟點油菜啱曬。😋食到一半先記得影相😅

到了這裏打算點一些滷水食物帶回家和家人分享, 為晚餐加點豐富的配菜。我點了一整隻雞, 還有滷水雞翼。這家是專賣滷水食物的外賣店, 店員的服務很好, 很有禮貌。買雞還會送滷水豆腐或滷水蛋, 很棒哦！我就選擇了滷水蛋。滷水雞還會跟上醬汁。這些用來配白飯吃是不錯的。雞隻的肉質鮮嫩, 油油的, 帶滷水汁的咸香, 很入味。就算是雞胸肉, 肉質也不乾身的呢！滷水蛋的滷水味幾香, 我們每人半隻。滷水雞翼的滷水味也很入味, 一點也不乾身, 肉質很嫩。

灣仔的潮洲滷，只有外賣，鋪頭細細，但街坊總是源源不絕。晏晝三點幾經過，就斬料返公司同大家一齊開心share。 招牌一斤滷水鵝再加滷水蛋，滷水豬耳，滷水鵝腸，🤤🤤。。。。但我其實最鍾意食係滷水豆腐。。。。點知已經賣曬(甘搶手😱)無緣食😢。老闆我會提示滷水鵝，滷得入味不在話下，皮薄脂肪少，肉質嫩，不嚡口👍🏻滷水豬耳，口感爽脆又入夠味，送🍺一流，可惜返工時間，唯有送汽水😂滷水鵝腸，洗得乾淨，好爽口，食落{索索}聲，好好咬口🤓滷水蛋，表面滷成淺啡色，蛋味香濃，用來送飯簡直是一流😋，但可惜無白飯😅下次經過希望可以買到豆腐，試埋就好了。😌

今晚同男朋友飲下啤酒🍻當然要d小食架啦我地就去左e間 潮州滷啦🤪🤪我地叫左👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻鵝腸....滷水鴨...滷水鵝翼...滷水蛋...滷水豆腐...鵝肝...無論係送啤酒🍻同晚飯加餸一流🥰🥰🥳🥳🥳好香濃滷水味~非常入味樣樣都好出色👍👍👍最最最好食既係鵝腸同滷水鴨🤤🤤🤤下次一定會再來食呀！正！

在灣仔街市一帶買左菜同魚，再去潮洲滷加餸先，梗係要潮州滷水鵝啦～小店門口不搶眼，但看見人龍就來到了地方。掛著各樣滷水食品，好吸引呀～價錢公度斬料過程乾淨衞生，個盒都無油冧冧。買完梗係打開黎偷食下先，鵝件好正呀，仲有滷水蛋，大腸，鵝腎，同豆腐，睇見都流哂口水！煮好飯開餐啦，今晚有炒菜心，蒸鯇魚腩，同埋主角潮州滷水！附上滷水汁同醋，怕破壞原味，都係分開放想點先點啦。鵝件甘軟香滑滷得入味，鹹鮮味美，皮下肥膏不多，勁正，食到停唔到口。鵝腎爽口，吸盡滷水汁的芳香。幾正！豆腐同滷蛋都好正，小朋友鍾意食。哈哈，發覺唔見得影大腸就食哂添，大腸滷得剛剛好，有咬口又入味，腸內清洗乾淨無異味，又係好正。一家人食得好滿足，正正正！

今日一家人去野餐，唔知食咩嘢好，有人建議不如食滷味，話說每次經過灣仔這間潮州滷味經常都人頭湧湧，今天也不例外，那就排一排隊試試看！排了大約十分鐘，終於到我了，原來此小店亦有不少明星曾光顧，還上了飲食雜誌。那麼我便可大膽多叫幾款滷味一吃！除了招牌滷水鵝之外，我還叫了滷水大腸、豬耳、滷豆腐及滷蛋 。非常大大盒，而且滷水鵝份量好大份，非常抵吃。滷水鵝果真係招牌菜，滷得好入味，又不失了鵝香味，而且真的皮很薄，肉很厚，肉質還非常嫩，每一口都有滷水及鵝肉的肉香味。除了招牌滷水外一我本人覺得滷水豬耳都非常之可口，好爽口外，還煙煙韌韌的，做下酒菜一流😋！終於都明白為什麼每天都會大排長龍。

不嬲都好鐘意食滷味😍呢日屋企多人食飯，就試下呢間潮州滷店面小小的，但選擇好多，賣相好吸引。是一家有故事的店。我咩都揀左d，拎番屋企加餸。我最喜愛係...豬腩肉！！好鬆化好入味，個咸香好得！豬耳好爽口，都好正。鵝片就唔駛講，清得最快，一樣好入味，唔肥，啖啖肉又唔韌。腎片都幾好食，口感很爽，一樣很入味。而蛋同豆腐、雞翼就相對無咩特別，不過我食親滷味都一定要食蛋同豆腐😂在全盤肉食中擔任重要的平衡角色。

經開灣仔做啲嘢，見到賣潮洲鹵水，打算買少少入西灣河探朋友班，我大約五點半去到，最想食嘅滷水豬手已經賣光光了，可見此店有一定的受歡迎程度。咁就要咗啖啖肉嘅鹵水鵝片老闆非常親切， 還會附上鹵水汁及醋，貼心提醒我先試咗夠唔夠味，唔夠先再加。但附上的滷水汁我完全冇用過，因為完全夠味，鹵水汁又香又入味，鵝片軟身多汁仲要咗份鹵水豆腐墊底添。仲要咗少少鵝肝畀朋友送酒價錢一啲都唔貴，希望下次可以試到佢嘅滷水豬手亦有明星幫襯過店面衛生十分乾淨，令客人買得很放心。

有一日我去灣仔路過，要為屋企加送，我這些沒有太多時間買餸嘅家庭主婦，買燒味加餸食到有啲厭啦，喺灣仔街市嘅範圍裏邊竟然比我搵到一間超級便宜又好味嘅滷水店，今日要推介俾大家！我揀呢間滷水店嘅原因係因為行歌嘅時候見到竟然有$23嘅雞髀飯仲要連嘢飲，在哪裏可以找到呢，真係便宜到不得了！如果我喺度返工嘅話一定會經常幫襯啦！不過我今日食嘅係佢嘅滷水鴨，因為滷水鴨比鵝冇咁毒，比較適合小朋友食，而且比起燒鴨亦都冇咁熱氣，我買咗半邊嘅滷水鴨價值$70 ！當然另外梗係加返少少嘢啦作為配搭！我唔記得咗買鵝腸，下次有機會要試吓先！我係一個超級鍾意食鵝肝嘅人，老闆介紹我買一隻貴啲嘅，佢話大隻啲又好味啲，於是我就信他一次買咗啦，果然係好軟綿綿，入口即溶，超好味！其實其他配料嘅價錢亦都非常之超值，因為我買開其他區域嘅滷水店，稍為少少出名嘅俾佢貴三分之二！但係我又覺得味道唔相差得太遠啦！老闆好細心，因為我工人係唔吃🐷的，佢幫我分開另外一盒，豬耳好爽脆，而且亦滷水味好豐富又入味！當然主角就係滷水鴨呢，佢哋係滷水汁唔會好鹹，老闆教我唔好將啲滷水汁倒入去浸住呀，因為會好鹹，呢度嘅滷水鴨有口感、入味之餘又好有鴨香，呢個價錢喺

呢間外賣店朋友介紹話好鬼好食，我放工即刻去買黎加料，係灣仔地鐵站a出口過條馬路係街市果邊好近5分鐘就到去到都有幾個人等緊，差唔多都賣哂 ，我黎到緊係食最好食既燒鵝啦 125一斤，再加d滷水蛋，紅腸，豆腐，鵝腸，老闆好好人最意食肥既或瘦既或半肥瘦既部位都會問我，我決定左食肥小小，肉唔肥邊好食！搭緊車果陣都好香滷水味，一開盒好香鵝味，肉又岩岩好有肥有瘦，同埋都好蛋肉，滷水汁好入味應該係自己整，真係阿爸阿媽都讚不絕口，我下次加料一定黎返呢間

今晚個fd來我屋企食飯順便打機，我立即諗到快靚正的［潮州滷］呢間滷水店，之前食過滷水鴨，好鬼正。就算自己係銅鑼灣附近反工，都要行去灣仔街市買來食滷水豨手飯$39係我必叫之選，價錢又抵，份量足，個豬手不同出面豬手一係只得骨頭，一係得肥肉，呢間豬外皮滷到皮嫩肉滑，而且咬落去好爽口彈牙，另外配菜有豆腐，蛋，菜，真是我最愛。滷水鵝腎，鵝腸，豬大腸，紅腸，豬耳，蛋，勁豐富，雖然滷色水不夠靚，但都己入味，重口味的朋友就要點佢另外附送滷水汁，埋單一百蚊左右兼送飲料

滷是常見的中國烹調方式之一，而在香港，滷味以潮州滷味店為主，有滷水製的鴨、鵝（包括其內臟）、肉類及豆腐等。將食材如鴨、鵝、掌翼、鵝頭頸、腩肉、鵝腎、豬大腸、豬手、豬耳、豬頭肉、豆腐、雞蛋等等，放入鍋內用滷汁滷完撈起放涼供客人選取。「滷」水主要由多種香料（例如；桂皮、八角、肉桂、草果、丁香、陳皮、甘草、花椒、荳蔻、小茴香）調製而成，至於香料種類及份量多少，則各師各法，各式其式。今日路過灣仔石水渠街，被一間潮洲滷味外賣店廚窗上的大大隻肥美滷水鵝吸引，就外賣了一斤肥美滷水鵝再加滷水雞蛋試試。這間小店在石水渠街近莊士敦道口，店名叫潮洲滷，祗有外賣，不設座位。潮洲滷味選擇豐富，除了滷水鵝、滷水鴨之外，還有掌翼、鵝頭頸、腩肉、鵝腎、豬大腸、豬手、豬耳、豬頭肉、豆腐、雞蛋等等。外賣滷水鵝放在大飯盒內，滷水鵝件排得整整齊齊，份量十足。鵝肉肥美嫩滑，肉汁充沛味鮮，連骨部位尤其入味，盡顯自家製滷水汁功夫。墊底滷水豆腐，亦夠香滑，滿滿滷水香味。至於滷水雞蛋，蛋身滷水入味，蛋黃夠軟綿，質地嫩滑。另外賣附有酸汁和滷水汁各一包，可因應個人喜好，為滷水鵝自行調味。

$23頹飯都可以好好食👍🏻...今日無意間黎左條橫街搵野食見到呎間棟左個牌出黎話$23原隻雞脾飯咁抵就試試佢結果真係好意外滷水汁甜甜地雞脾入晒滷水味而且雞肉都好嫩唔會鞋仲送埋檸茶無限番兜之選😂...另外間舖都有其他滷水選擇下次都可以試下其他

今日諗著簡簡單單，買碗粉面就算，點知經過石水渠街，見到呢間舖頭$22一盒雞肶飯仲送維他檸檬茶，就被吸引行埋去睇，仲以為係燒味店，原來係滷味店。嘩，豬腸，腎，豬耳樣樣都想食，俾我睇到餐牌有雜錦飯，就叫呢個。師父加呢樣加果樣，非常闊綽。好心急想返去食。一打開，不得了。個盒爆滿，種類又多。要推開先睇得晒。1. 雞蛋全隻2. 紅腸4片3. 鵝定鴨腎半個4. 雞全亦斬上5. 豬腸一大堆6. 豆腐7. 菜當然吾少得飯底。再加上檸檬茶，仲要係$37，係咪太誇張啦! 仲要幾好食，吾會太咸，其實師父好細心，無落汁，另外跟一包汁。👍

「妳幾耐無番過屋企食飯？」食住家飯是前菜，一家人共聚才是主菜❤️中國人表達愛的方法很含蓄，尤其對家人的愛，甚少用身體和言語表達，沒有相擁互抱更沒有親嘴說愛你「斬料」，大概是我們表達愛和感恩的方法☺️----滷水鵝 $118/斤每件鵝都切得非常靚仔，厚薄平均，盡顯師傅刀功👍🏻鵝肉香，滷得入味又不過咸也不濁，肉嫩不起渣，值得一提皮下脂肪很少，大可放心大口大口食，相信係經挑選過的優質鵝👍🏻附送滷水汁和酸醋汁，讓食客按個人喜好加味，夠哂貼心👍🏻.除了滷水鵝，其他配樣都不錯！滷水鵝肝好味，非常甘香、鵝腸清洗乾淨，爽脆入味、鵝腎同樣入味，硬韌有𡁻勁，其他就不過不失啦！-----整體來說，小店裝潢簡潔又開明包裝都乾淨，給人放心食用的感覺！食物出品有質素，價錢公道👍🏻良心的人情小店，唔怪得咁多人支持！😋