活一鮮

營業中

休息中

同朋友一齊試左環呢間外賣壽司專門店，雖然係主打外賣，但店主仍然安排左幾張bar枱seat位比人客~好細心呢~! 我哋亦都好好彩可以坐响舖入面食左一餐豐富又好味的dinner~!食物比想像中更好味、更新鮮、更 juicy ~ 正~~ i love it ~!!

已經光顧了幾次,本身熱愛刺身魚生日本菜,加上呢間小店甚合我口味, 服務殷勤,師傅又好客,所以一次比一次食得豪店子很小,只有五個位, 我其他朋友黎試過FULL晒冇位坐。今次收工同最疼錫個妹黎吃番餐好既,原本打算吃魚生飯既細妹見到個刺身雪櫃,便改變主意主攻手卷同壽司。此店雖小,但有多款特別的壽司選擇。紅酒三文魚壽司係必食既, ,好味到唔識形容, 只知一啖放入口即溶, 感覺太美妙,自此之後每次光顧必點一客(緊記唔好點豉油)黎之前睇過下面有人讚玉子壽司,加上細妹一向鍾意呢款壽司,所以ORDER試試。呢度既玉子壽司係蛋長過個飯,好似成件帆立貝撻係舊飯度咁,絕對唔係超市見到果D流水作業既質素,又係好好味,果然係冇介紹錯。手卷:有兩款我最鍾意,分別係海膽魷魚同蔥吞拿魚。一啖咬落去第一感覺係好鮮味, 前幾次仲食到好脆既紫菜,包埋D飯簡直一絕。山葵甜蝦,又係另一推介。唔好以為係一隻甜蝦舖係面,其實係砌碎左混山葵。但依然爽口,甚有口感。牡丹蝦刺身: 細妹同我講笑話唔大隻唔食,師傅唔知係咪聽到,隻大牡丹蝦拎埋黎真係比我平時係第二度食既大隻少少。師傅話個蝦頭仲可以拎去煲湯,享受完個蝦身後,再試埋個湯,估唔到連

知道呢間舖都開左幾耐, 但冇去食過今日得閒就行去試試!要左個紅酒三文魚飯!(冇影相)飯既醋度幾適中, 不過我可以重味d主菜紅酒三文魚(熟食), 好食, 肉身好滑(一般熟左既三文魚都好難食)味帶少少甜, 入口既溶........另外又要左個麵豉湯, 同出面有d大舖有分別味濃但唔咸, 有落魚骨去煲....下次會帶我女人去試試, 因為佢成日話香港冇魚生飯食

黎到西環, 同女朋友唔知食咩好, 逛到黎"活一鮮". 見價錢都幾抵, 所以就黎試一試 三文魚壽司, 好鮮! 蛋壽司, 個蛋真係要試! 北寄背沙津軍艦, 正! 魚生飯, 好足料, 都只係$58, 抵!!特別推介: 紅酒三文魚, 蔥吞拿魚腩(好食得好過份)同埋有一樣野係好特別, 鋪頭雖然細, 但同師傅好近, 即叫即整, 感覺幾好!!

3.12.2009 6pm出左第一份全職工作的人工,同媽子吃餐好的知道石塘咀新開左呢間壽司鋪,就book位(雖然只係得幾個位)去到坐壽司吧,可以近距離同師傅交流,問佢是日有甚麼是新鮮的云云…活北寄見刺身($45),師傅掂下佢d肉等佢郁下郁下俾我地睇有幾新鮮,很爽口三文魚刺身($35五切), 切得細所以有六切,一樣新鮮貨油甘魚刺身($45五切), 很肥美彩虹卷($50 6件), 紫菜好脆,連埋沙律醬係好夾嫁粒粒魚生飯($48), 又新鮮又多,媽子話佢塊子姜幾好味、唔同出面果d,同師傅傾~話佢專登響日本試左好多間先至訂貨海膽手卷($25 ×2), 食彩虹卷食倒紫菜好脆,以為手卷紫菜都係,點知第一個叫既手卷紫菜係淋哂,媽子吃的就這樣反映,海膽新鮮;到我叫第二個個師傅專登用火炙個火燒脆塊紫菜黎包俾我食,所以我食既手卷超好味玉子壽司($9 2件),見佢既玉子個樣幾特別,問落師傅先知係自家製的,愛吃玉子的我必叫之選,很厚身同好味,推介食完師傅仲好好人請我地一人一球雪糕,綠茶/曲奇味,味道較普通坐呢d鋪頭仔好在可以同師傅交流,有傾有講,原來師傅以前係板X集團做左好耐,宜家就自己開鋪有自己既生意做

有朋友介紹話西環開左間舖頭細細的日本野, 上OR睇完上一手的食評, 都驚驚地…不過, 我信得過我朋友既taste, 所以一於去trytry!舖頭門口已經貼左好多刺身飯, 刺身拼盤咁! D相影得好靚, 好似假咁!唔好講咁多啦, 入去試試先~入內坐低, 一眼睇晒成間舖! 得6個位!! 可以同師傅有近距離接觸!Good~!壽司吧抬就係前面, 可以睇見成個製作過程, 感覺好新鮮! 真係應佢地既招牌:「活一鮮」喎~LUNCH食個魚生飯,見到佢都有好多款, 想食個雜錦魚生飯, 因為佢貼O係門口玻璃張相真係好靚~ 而且又唔貴, 都係58蚊, 正想ORDER之濟.... 且慢!又個三色丼, 即係咩呀? 一問師傅之下, 先知道係有海膽, 吞拿魚腩, 三文魚子! 如果係呢D 料, 又真係唔怕試下, 就試下佢全舖最貴既魚生飯! (都98蚊架=_=)等緊師傅製作既時候, 店員還遞上今期雜誌一本,話可以睇住等! 夠晒細心, 加分!三色丼:海膽唔錯, 幾鮮甜~加埋吞拿魚腩, 三文魚子. 全部都係新鮮之作!真係幾ok喎~食到一半, 師傅話午市既魚生飯有湯送!如果咁樣98蚊都算ok既~ 食到尾聲, 對門口張相既牡丹蝦

見西環開左間日本野, 每次行過都冇試, 今次就會一會佢.行到門口叫外賣回家吃, 價錢跟元綠差不多, 都ok抵既, 但食物既choice唔多.叫左三文魚刺身, $3x都ok, 味道不過不失;吞拿魚壽司完全唔掂, 唔新鮮, 一入口就好想吐出來, 仲要成$2x至於海膽手卷, 係塊紫菜好難撕得開, 係淋既....其他野就好一般,兩個人食左$190,總之就好麻麻啦...

公司係西環，附近食晏的選擇真係唔太多，好食的更加少，以前日本餐廳只有一間但勁唔好食，烏冬似上海麵。自從同事兩個幾月前帶我去了新開的「活一鮮」後，我就多了一個固定飯堂。店舖細細，但很喜歡那種坐吧枱近距離欣賞師傅做食物的感覺。因為即order即切，壽司上的刺身及其他素材都保持著很新鮮，食落好有鮮味，有啲魚腩類仲有入口溶的感覺。食咁多次，最喜歡係活赤貝、海膽、帶子同天使蝦壽司，仲有暖笠笠的火炙芝士鰻魚壽司。以前係其他壽司店我唔會order玉子壽司、腐皮壽司呢類，但「活一鮮」的玉子係師傳自家製，出奇地又好好味喎，仲有自家製的湯，好味冬天又暖胃。而除了壽司刺身有水準外，我覺得「活一鮮」最令我感覺良好的是那一份親切的人情味，師傅真係好好人又健談，依家去「活一鮮」就有一種回家食飯的感覺，每次去到，我都係信任師傅，叫師傅自己揸主意做壽司俾我食，有時師傅會做新創作壽司俾我試，好開心架！！總括而言，「活一鮮」壽司新鮮好味，價錢又比其他鋪頭便宜，又有一份人情味，最後記得食埋曲奇或紅豆雪糕，咁就perfect師傅，記得創作多啲新壽司呀！！

去完數碼港睇完戲...又唔想係個度食....坐友人駕車週圍去~~結果去左西環睇下有咩好食....泊埋一邊週圍行下...結果黎左呢間"骨子"得黎又有d 日本feel 的壽司刺身店間鋪的的式式...都有幾個位俾人坐下...我估佢主力做外賣生意居多~壽司的種類以一間咁的規模的小店...已經算多~~一d 大路的壽司刺身都有....都已經滿足到我~~每次光顧壽司店必試items...三文魚+油甘魚+玉子壽司~~~真係十分新鮮!~~同埋個蛋都好好味~!之後再encore 油甘魚 加多份tuna壽司~~師傅仲話條油甘魚今日晏晝先劏~~~~~ 個口感同埋個味道真係十分難忘!以一個超近距離睇住師傅佢手起刀落~再手握壽司~~再遞埋上枱~到食埋落口....覺得成個過程好complete.....hahaa試埋劍魚腩..赤貝....油甘腩刺身~~冇令我失望...有水準!之後發現左一個item叫彩虹卷....睇下佢係點整~~因為板長都有彩虹卷~自己本身都鐘意食我仲偷影師傅一張相添~~原來佢係卷上面鋪左魚生!靚得黎又好味!!!50蚊6 件實在太抵!食完好滿足!呢個價錢有呢個質素真的可以比味大型連鎖壽司店下次再試下

黎呢度食左幾次頭兩次外賣，整得好快手，都係叫海膽魚生飯，海膽好鮮甜，油甘魚都好好味，價錢係４８蚊之後帶朋友黎食我都係叫魚生飯，不過今次係親子魚生飯，三文魚係厚切，３８蚊呢個價錢可以食到０甘新鮮足料既魚生飯，真係好抵，就算０係大家樂食一餐閒閒地都三十蚊啦，加少少錢就可以食到好好味既魚生，滿足我日日食既慾望。

今朝一早開完會,辛苦到爆!個死人老細d野改完又改...我決定對自己好d,約埋其他同事一齊叫外賣, 食餐豪既獎勵自己!點解叫豪?因為我地平時都係食茶記飯盒,廿幾蚊個架之!之前有同事話公司附近開左間壽司舖,本來打算叫佢送上黎,但我又想落街抖下氣...於是我為人民服務去拎!先打電話落去落order,隔15mins就落去拎!入到去,見到有2個客係度堂食,心諗都唔知要等幾耐先做好我個order, 點知原來落到去,arm arm 睇佢整埋最後兩件...woo!無諗過叫外賣都可以好似堂食咁睇住佢整~睇落都好新鮮喇,拿拿林返公司開餐!我叫左個什錦魚生飯($58~幾豪), 原來話6點前送汽水~正,當然係我最愛既可樂啦!飲完條氣順返d!其實望返個魚生飯,$58佢真係值回票價,勁足料!!!另外,同事們叫左勁多sushi! 有6件係我架!有帶子,油甘同吞拿魚 (呢d唔多記得幾錢,好似都係$1x 兩件)呢餐雖然豪左d,但食完開心返晒呀!仲有15mins先開工, 我決定讚一讚呢間餐廳,因為咁豐富既一餐,又好味,又抵! 我又可以乘機係呢度鬧臭個xyz老細,以洩我心頭之憤

是日宮心計大結局...想足不出戶好好享受大結局,決定試試新開的小小壽司店~~記得佢地話有送外賣~~即卡搵番張外賣紙,打電話去佢地話六點前先有得送,咁算啦,橫掂未開始播(其實間鋪只係屋企附近), 自己拎都無所謂~問下佢幾時先有得拎~佢話十五分鐘就得~~~落到去....間鋪細細但係勁多人等囉真係! 問下有無我個張單, 店員話仲整緊 (又話十五分鐘>_<!)店員話唔好意思話因為太多order, 所以慢左喎不過算啦, 佢無呃我, 因為我真係睇住佢整完之後放入袋俾我叫左啲壽司手卷同兩個魚生飯作我同老公的煲刻晚餐!三文魚壽司同街外無大分別~價錢合理! 但出乎意料十分新鮮! 可能係即切的關係!同埋壽司飯都幾特別,同街外有少少分別其次就係北寄貝沙律軍艦都唔錯, 好味道!不過d 紫菜lum左可能俾啲沙律汁搞成咁魚生飯方面, 38蚊的價錢真係無要求了粒粒魚生飯十分足料!不過, 飯方面的份量少左啲ps. 臨走個陣, 個師傅同其他客講話壽司飯賣曬!唔係呱!夜晚八點半都未到就無飯賣??真係好彩

是日由於要開會，中間有１個鐘的break,行行下經過, 就決定入去嘆個早早的晚餐。入到去得2個人, 一個係壽司吧師傅, 一個係店務員。由於係新開張口既關係, 環境裝修都未係完成口既階段,所以店子有dd混亂。不過對我黎講都唔係好大口既問題, 我都只係想take個short break relax下不太餓, 只係叫左3碟sushi同一碟玉子。食物都算上得快(以得一個人製作食物黎計), 賣相ok, 我亦唔客氣開動了~食物質素唔算係好高, d壽司飯其實有少少散...記得我叫左一碟"火炙芝士三文魚壽司", 上枱口既時候唔見有cheese, 就擺入口試下睇下有冇芝士味, 點知都係冇...於是我就問問師傅係咪錯左單, 而師傅亦好誠實咁話係佢自己睇錯單, 仲話會整過一碟俾我,錯左口個碟唔收$請我食~淨係呢點都加晒分~~~!!!(就係咁令我本來8成飽, 提昇至10成飽~~~)總體黎講雖然食物只算係不過不失, 環境都唔算十分好, 價錢同一般迴轉相約, 但勝在係人手即叫即製~另外，店員的服務質素好好! 如果想一個人靜靜地relax下都係一個可考慮口既選擇*

因工作關係經過西環, 剛巧是晚飯, 便去左這間新開日本餐館.坐下便急不及待點菜.我先點了刺身, 有三文魚, 三文魚楠, 甜蝦等, 各樣都十分新鮮, 特別是三文魚楠, 十分鮮甜好味, 是必然推介.之後, 點了他們的魚生飯, 豐富材料, 加上白飯, 十分滿足, 而且價錢不貴.大家可以一試這間餐館地方不是太大, 但勝在服務好,而且材料新鮮, 好有日本風味~特別提示: 餐館有外賣服務, 見到不少人外帶回家, 慢慢享用~

今日同同事打完羽毛球周圍揾嘢食，我地又唔想食返平時食開lunch果d地方喎，又見得兩個人人少少咁，記得有同事講過附近開咗間新壽司鋪，咁咪嚟試吓囉。去到間餐廳，見到佢鋪頭細細，裡面只係得4至5個位，全部位置都係同師傅有近距離嘅接觸，可以見到佢係到手握壽司，都幾有日本壽司小店feel。 是晚我地就點咗三文魚壽司、劍魚腩壽司 、帆立貝壽司 、活赤貝壽司 、立魚壽司、甜蝦軍艦 同花之戀壽司，全部都係師傅新鮮握出嚟，其中活赤貝最yummy ，師傅話d赤貝係新鮮開出嚟去整壽司，所以好鮮甜，另外其他嘅魚生亦都食得出好新鮮，唔會話只係得d雪味，軍艦紫菜好脆好脆，正呀!!! 唯一我覺得可再改善吓的就係d飯再握緊多dd就prefect啦。特別一提，此店d店員同師傅都好nice，同埋價錢都好合理，所以值得一試，我相信自己都會再嚟幫襯再試吓其他嘢，店員話佢地只係開咗10日，咁真係希望佢地可以keep住d quality繼續咁做落下啦。