活一鮮

營業中

休息中

上次去食唔到.呢次又去.嘩!一星期前去有野送...唔制啊!講笑.我都好欣賞呢間店.多數周年紀念日.有贈品送的食店.大部份係名店.呢間只係坐到7個人客的小店咁有心思.值得加許..如果我上星期去呢間店,我一定好開心.有2個斯文又靚仔的店員送禮物俾我,我一定暈低...哈....認真的,希望呢間店2周年時.我仲可以光顧.或許明年今日.呢間店變了一間大店....人生每一刻都有變數的.因為呢間係小店.我去到門口等左10分鍾先可以入座...我好鍾意呢個版..有壽司個樣睇.仲有壽司模型玩,我鍾意....哈哈....我一路食一路摸壽司模型.....都好衛生...魚生的賣相..覺得合眼緣先點.立刻叫立刻做...壽司,我不會逐個評,只是講整體的水準..的魚生不要奢望有貴價壽司店的質素.賣相似剛剛海撈上來,味道要有海水味一定無...坦白講我反而覺得魚生的味道偏淡,幸好魚生的大細同飯的大細比例正確,夾上來不會散.而魚生不會有雪味.呢盤壽司.以呢個價錢.一定合格.我有少少誤會.例如三文魚12元我估係一件.點知有二件.在門口我心想..好貴...上枱時我先知有誤會....反而珍寶牡丹蝦..我唔知有無記錯個名.好高質素

我同我男朋友平日都有食開 , 每次食親都係咁ok.果日lunch同我男朋友去食 , 咁食完咁我地打算結帳走人 , 突然送上用毛巾整成既既壽司 , 話佢地琴日係一周年,所以整左壽司毛巾仔.細細間舖都有D特別野送.

即叫即製, 十分新鮮~師傅及徒弟仔都好親切, 令人食得很舒服開心!!!!比起好多連鎖壽司店有過之而無不及!!!時不時有新品種推出, 增加新鮮感~無論係魚生飯定係壽司都絕無失場~次次都令人滿意~希望遲d會轉轉大d既鋪位..因為太受歡迎!!!唔book位多數都無得食!今日試左個"秋季限定"既北海道新鮮到港既生粟米, 好fresh好清甜, 不妨試下~但聽講九月尾就無啦!!!

開張幫襯到依家, 因為住得近, 我又喜歡食魚生, 平均每星期都去3-4晚,講番d食品先, 當然good啦, 我最常係食(海膽魚生飯&三文魚親子飯), 有時會加(食送), 就係海膽魷魚軍艦/小食, 海膽味突濃, 因為師父話另外多加海膽去撈過...係真唔係自己試啦!! 近日有秋刀魚刺身, 食左1客, 肥美...正! 不過都係好小食呢種魚仲有仲有, 空運到港北海道粟米, 0下??生食??好甜,都好味, 當飯後甜品會好d係時侯彈0下啦...地方太細, 如果大d, 有個長bar檯位就Good啦!!

由於要等人的關係，自己去找晚飯。有好幾次想吃這一間店，但由於常滿座 (只有五個座位)，所以還沒有機會嚐試。這晚約七時，看到店裡還有一個座位，便走了進去。一進去，師傅和服務員忙於幫我掛袋子 ... 旁邊坐著兩個男的，師傅落力地推薦他們嚐這嚐那，滿桌子也是食物。點了$1x 三文魚壽司(挺好，起碼有味道)，$15 火炙三文魚腩壽司(入口即溶)，$30 海膽軍艦(一件紫菜十分脆，另一件不知道是否放久了才吃，很軟身。雖然不是十分鮮甜，但沒有苦味)，還有$1x 甜蝦壽司(有點鮮甜)。平時吃 x長壽司吃8件已經飽得吃不下去，但這裡吃了 8件也只是剛剛好。本想多叫麵豉湯的，但由於旁邊那兩個男的已經有一碗被師傅加了蝦頭的麵豉湯(那個男的還吹噓自己煲的加了很多蝦殼，比你的還鮮甜多很多倍)，所以沒叫了。整體來說，是一間挺好的店！

其實個日無諗住食呢呢間，因為我本身唔食魚生，但朋友又好鍾意食，咁就行左入去。我地叫左:火灸三文魚壽司: 我唔食三文魚，但朋友話好好食，見佢都有燒過下，食左一啖忍唔住食晒成舊。因為好肥美，個面仲燒得岩岩好，香香地。正!三文魚手卷︰紫菜卜卜脆，而且好抵食。朋友比4.5個正!山葵蝦軍艦 - 軍艦最同手卷都係最緊要紫菜夠脆，好多大型壽司店都做唔到，拎到上台就"林"晒，但佢都比到我地! 而且上面既filling夠飽滿,好味道。甜蝦壽司 - 非常新鮮既蝦!食左兩件唔多夠，最後叫多左一碟。火焰芝士鰻魚 - 呢個好好好好食! 因為好多芝士係面，鰻魚都算幾肥美同厚身，以呢個價錢黎講算係咁。甜蛋小食 - 幾好，如果個甜蛋再切厚dddddd更好。最後值得一讚既係佢雖然舖仔細細，不過可能做慣街坊生意，招呼真係非常好，唔洗叫都識加茶，侍應成日笑笑口，唔會好似出面個d舖成日黑人面。非常好!

同女友黎食lunch，一人一個飯女友點三文魚親子飯，三文魚子一樣的新鮮可口 ($38)我本來想點帶子魚生飯，問侍應可否將所有魚生轉三文魚，他說無問題 ($48)帶子很新鮮，我一般在外面吃帶子只會叫火灸帶子，因為怕生帶子不新鮮有腥味又無texture好怪，點知呢個真係好好食!!可能是我點的飯貴一點，三文魚很多片而且很厚，新鮮西環沒什麼地方的魚生飯好味希望這間小店繼續維持水準!

買外賣返屋企食魚生飯 43元:三文魚腩 48元魚生飯的海膽不錯, 至少無腥味飯, 其他魚生, 都屬於supermarket魚生的水準三文魚腩只屬肥美一點的三文魚, 但不香也無味海膽令佢比supermarket的魚生飯好少少. 唔好期望太高, 說到尾他只是一間街坊魚生店. 記住: 一分錢一分貨

tea time先食飯，唔想食黎食去都係茶餐廳既炸野，女友說新開了一間壽司店很多人排隊，就來試試看店裡只有4個位，應該沒什麼人tea會食日本野，跟女友坐下，服務很貼心我們點了︰親子三文魚飯︰三文魚子大大粒，好好味，刺身片而唔係一粒粒的，很新鮮火灸三文魚壽司︰好好味-v-入口即溶三文魚腩壽司︰肥美新鮮，值得一讚壽司飯不是一夾即散的，又不會太硬，剛剛好三文魚手卷︰紫菜卜卜脆，12元一個魚生親子飯六點前order送雪糕/汽水/湯，我們叫了dreyers 的cookies and cream，好好味(今日咁好彩有呢隻味可能係)服務滿貼心的滿好的，外賣壽司又多一個選擇了，哈哈~兩個人買單95元

好朋友生日，指定呢間。原來佢之前食過呢間外賣話好惦所以要試堂食。五點多入到去，發現好小座位但都坐得舒服。我吔點了：三文魚腩壽司 ($15)三文魚腩夠油香，肥美和有厚感，啖啖都係滿足感甜蝦 ($15)夠爽甜，幾好。油甘魚腩 ($25)好新鮮，鮮味很出，入口可溶化，而且完全唔腥。忌廉芝士三文魚 ($15)第一次食忌廉芝士三文魚，一試難忘。芝士香濃，入口非常香滑，芝士跟三文魚兩者溶為一體十分match，兩者停留在口中有種幸福感覺，極力推介給喜歡芝士的人。帆立貝 ($15) 極鮮甜，有兩大隻，好抵食！厚厚的簡直係食完想再食啊！海膽魷魚軍艦 ($12)師傅包得好好，入面又足料，紫菜夠香脆。海膽魷魚無腥無海水味只有鮮味，無得頂鱆紅魚 ($12)厚切有光澤，肉質鮮甜，滑溜、豐厚，口感實在吸引火炙三文魚 ($15)本身三文魚質素好，火炙過的也肥美。三文魚唔會炙得過火，肉嫩juicy，好好味。做得有水準。入口即溶簡直極品,。好甘香油潤，要趁熱食。火炙芝士蟹棒 ($15)蟹棒燒得剛好，芝士處於半溶狀態。可能我同朋友都鍾意食芝士啦， 加芝士去燒，咬開後芝士和蟹棒流入口中，正。玉子小食 ($12)我是蛋癡，

今日都係七點到到。去到，話因為有人訂左檯，不過未到。所以留左電話，話十分鐘後，訂檯的人無黎就打比我地。都算好彩呀，十分鐘後真係有位。一入到坐低，覺後個冷氣直吹個頭，諗住過多陣，太凍先出聲。點知我都未開口，個師傅已經叫人調番高個風口，嘩，真係好細心，無時無刻都留意住客人ge需要。今次叫左同上次完全唔一樣ge食物，有帶子魚生飯，山葵蝦軍艦，火炙帆立貝壽司，加洲卷，海膽墨魚，甜蛋小食同紅酒三文魚。十分唔錯，特別一提係個軍艦，放到最後先食，但佢d紫菜一咬就斷，d蝦仲好爽喎，好正呀。因為我d牙本身唔整齊，所以食親軍艦都咬唔斷。第一次感受到，可以完完整整咁咬斷一半舊軍艦。原本係諗住叫粒粒魚生飯，但咁岩賣曬，所以改叫帶子魚生飯。因為諗住一塊塊的話，驚d刺身得好少。但又唔會喎，食到尾，變左只係食刺身。唔錯紅酒三文魚好特別，我幾鍾意。不過火炙帆立貝同無火炙個個無咩分別，同埋今次甜蛋唔夠甜。服務態度依然咁好，真係會再去。

七點到去到，岩岩好有兩個位。我地兩個人，叫左一個粒粒魚生飯，彩虹卷，三文魚壽司，帆立貝壽司，甜蝦壽司，仲有蟹棒壽司。個粒粒魚生飯，好正，好好味。d魚生好多呀，食到尾都仲有魚生送飯，唔會得番d飯。師傅好細心呀，主動問我地要唔要碗分黎食。壽司方面，order左個d都好好味，好鮮味。特別一提，個蟹棒大個舊飯好多。正~wasabi係磨出黎個種，唔同出面個種好實個d。服務態度十分好，好有禮貌，好細心。咁好的服務態度，又唔洗加一，哈，抵~

終於來到假期的最後一天啦! 所以都沒有出旺區消費, 因為明天要上班了... 同男朋友返西環食個飯算啦~ 男友話想食返果間新開既日本野, 我地食過一次, 淨係知道佢得幾個位.... 唔想等呀麻.... 不過, 男友話想, 唔通我say no 咩…由於我地兩個都怕等位, 所以早少少到 (6:30!) 叫左兩個魚生飯, (帶子魚生飯+紅酒三文魚飯) 同埋要左2 客火燒3文魚腩壽司...上一次同男朋友黎食, 見到師傅好cool掛住做order. 今次竟然主動聊我地傾計, 仲話上次唔好意思, 要我地等咁耐! 所以今次送兩碗湯比我地飲~ 好味~師傅真係勁, 咁都記得我地!! 而且, 佢仲好細心, 知道個帶子魚生飯係我食, 主動問我要唔要少d飯... 感動.~~ 所以我要表揚一下佢d 魚生飯啦~魚生飯帶子魚生飯 帶子鮮甜~ 抵食! 紅酒三文魚飯 男友favourite, 3文魚有陣陣紅酒味 (紅酒3文魚應該係佢地的招牌菜)壽司火燒3文魚腩壽司 本身魚腩都係多油, 再用火燒, 更加惹味!麵鼓湯都ok, 可能我飲慣濃味的, 如果可以再濃少少就好啦~ ~食物質素, 小妹覺得ok架~ keep住呀!

見佢咁高分, 諗住趁最後一日假期去試下.. 點知..我地一行二人去到都要等一陣位, 仲越等越多人, 諗住冇死啦,於是店員俾張紙我地點菜先, 我地就係咁點, 係咁點, 呢d咪叫"lai"野囉!1. 香蔥吞拿魚腩蓉飯: 賣相不佳, d色有d假, 兼冇魚味, 冇油分, 同Doraya差好多皮, 唔該阿大廚去試下人地果d參詳一下啦. 2. 雜 錦魚生飯: 又係冇味.. 唔係, d蛋有少少屁味, 同埋好甜, 甜得滯, 其餘海鮮類一概冇味3. 壽司(三文魚腩+劍魚腩+帆立貝+三文魚子+火炙鰻魚): 唔明d飯點解可以同屋企食d飯一樣, 少少醋味都冇, 除咗鰻魚比較似番d樣之外, 其餘都唔掂, 三文魚d皮去唔淨, 帆立貝"林""bed""bed", 三文魚子勁稀疏.. 最勁嘅就係連Wasabi都係冇味嘅, 手指公咁大舊攞黎撈飯都完全冇料到, 真係吹脹4. 彩虹卷: 成半呎長的彩虹卷, 竟然可以只有三種魚o係面, 我食咁耐彩虹卷都冇見過咁嘅樣, 通常都有d牛油果, 起碼o係度整色整水先o丫, 得果三隻色都夠膽叫做彩虹喎, 真係問你死未..當然, 呢個咁嘅卷又係冇味架啦, 除咗d沙律醬之外, 都唔知食咗d

經常搭車經過活一鮮，見到門面不錯，又不慎看了其他頗爲正面的食評，決定今晚搭 3 個站叮叮試下叫外賣... 點知賴野!(回來再看食評，先發覺原來大部分“食客”都只寫過一篇食評... )今晚到了活一鮮，拿菜單一看，發覺不算便宜。但一場來到，點了一板海膽，原隻北寄貝，油甘魚刺身，牡丹蝦，帶子，一點點壽司。店裏不算多人，以爲等一下就好。點知等了又等，等了又等，先知道有無數人打電話落 order，我地其實排到好後。（可能因爲西環冇其他好味壽司點以供比較，所以大家一窩蜂湧過來）好，到我地，牡丹蝦剛從冰櫃取出，要等多15分鐘... 唯有放棄。返到屋企，食落口覺得唔對路。海膽 - 味道一般，而且碎濕濕（叫做有 heart 跟左 D 包裝紫菜，但已經淋哂)魚生 - 全部一般過一般，帶子細細粒之餘，夾左檸檬搞到檸檬味太重，好似食緊一夠檸檬味既白色凍肉。壽司 - 算係全餐最正常。（紫菜淋哂係正常現象，畢竟係外賣）乘興而來，敗興而返。一頓晚餐 303 蚊。同一價錢我會選銅鑼灣的“隨你鐘意”。同時感受到，睇食評，下次要小心 D.