永華麵家 (已結業)

這間老牌麵店可能比我的年紀還要大，多年來質素都保持得不錯，只要略嫌貴了一點，但總算比那些麥乜記要好。放工見有點肚餓，興之所致去了那兒食碗麵。上次食醬爆麵冷不防佢真係咁貨真價實，一咬粒丸便被裡面的醬汁濺滿一身，真的好不尷尬。因此今次再叫便食得份外小心，麵地依然彈牙，只是份量真的太少，於是加多碗桑寄生蛋茶。他們附有鐵叉以供食蛋時用，都算幾週到。儘管唔算抵食，但偶而入去懷下舊食碗麵或者飲碗糖水都還是可以的。

男人食一定唔夠飽，要食多碗至夠喉，D麵有我最憎梘水味，麵質亦唔夠爽，唔覺得食家推崇的那樣好

無論如何，廿多元一碗小小的雲吞麵的確是物非所值，就算是落足材料也是暴利，怎樣計，成本也不超過五元，請看鮮蝦多少錢一斤，何況只是雪蝦，一斤多少隻，豬肉多少錢一斤，一斤豬肉可以包超過一百隻雲吞，賣貴幾元的水餃，也只多少許不值錢的木耳和筍絲．湯底只是用最低價的豬骨和蝦殼和味精煮成．成本不高，麵粉也只是數元一斤．所以廿多元有超過廿元是去了租金，人工和利潤．眾所周知，十元店也可以大賺特賺，越開越多，可知利錢多重．但是要食好東西和過往傳統的美食，就要暗啞抵．最多久不久才去幫襯好了．

食物一般, 名氣過太, 價錢太貴. 以前去完麥奀記, 食完雲吞麵, 都會覺得「唔錯喎!」去永華時, 食完馳名un un 麵, 感覺只覺得好一般. 食一碗通常唔夠飽, 只好食夠兩碗, 但咁細碗麵, 咁既裝修, 咁既位置, 真係唔覺要畀50 幾蚊去食囉. 佢地老闆可唔可以改善一下空調系統呢? 每次入去, 都覺得非常焗促, 唔係好舒服。

雖然差不多每天坐巴士回家時都會經過,但還是到今天才終於試到了傳說中的竹昇麵.我要了一碗雲吞麵加一碟腩汁菜心.那碗麵把我原有對雲吞麵的觀念都改過來了.麵真的是爽口彈牙,一丁點的鹼水味都沒有!以往一直很抗拒雲吞麵或撈麵之類的麵食而偏向陽春麵等白麵,就是怕那鹼水.現在不怕了!而且那碗湯實在精彩.平常吃到的雲吞麵的湯都不知道是甚麼味精水+鹼水,通常都不會喝.喝了之後肯定會口乾.但永華的那碗麵湯與別不同.清清的,喝下去也不會覺得口渴.(好像也沒有韭黃在飄.)雲吞剛好是一口一個,肉蝦比例剛好,誰也搶不了誰的鋒頭.雖然主角是雲吞麵,但題卻是那腩汁菜心.如題,腩汁濃度剛好,又帶有輕輕的牛肉裏那種油油的香味.可想而知,筋腩麵將會是多精采.不過唯一的敗筆就是那些菜心.菜是好菜,可沒洗清楚,一口咬下去就是沙沙聲.一次、兩次算是我倒楣,但第三次和之後的每一次?!

放學時經開永華，見口淡淡就入來一試傳說中的招牌紅豆沙；坐下落單，不夠三分鐘紅豆沙已呈現眼前。老實講，望住碗顏色曖昧的紅豆沙，似苦茶多過似糖水，再用匙羹一翻，內裡壓根兒一點紅豆都沒有，如題一樣，忐忑不安的心馬上出現，當然，這碗招牌紅豆沙應不會浪得虛名的，應是將紅豆煲至熔化，而更需將豆殼從中分離才有這效果，這點心思，坊間小見。嚐了一口，紅豆香味這裡不算太濃，其實跟其他食肆的紅豆沙差不多，反而較甜的就不合意。見其他食客都是以麵食為主，下次將會一會這裡的竹昇全蛋麵。

佢d根腩面非常好食, 雖然好細碗, 但好入味d面冇簡水味, 好爽好香面粉的味道我覺得佢好食過九記, 同民園各有千秋~

This noodle stall is near the Empire Hotel where I stayed in Hong Kong last week. On our first visit, I ordered the normal wanton mee which costed HKD24 and quite small bowl. My friend ordered the wanton mee with char siew which is much more in quantity and costed HKD33.1. The soup was sweet. Yum yum.2. Noodle was very Q and 彈牙. Very well done. Yummy.3. Wanton was just ok though. They mixed a bit of flour or fish paste with the prawns. I would personally prefer the wanton at Chee Kee at Mongkok

二人都將近十點才收工好多舖都收晒試試未收舖的雲吞麵吧好多人都話永華好出名竹昇麵呢類傳統手藝的確要試下唔試分分鐘好快消失不過傳統手藝係有代價既廿五蚊得果細細碗絕對唔係講笑兩個人都肚餓結果總共叫左四碗先收到工只能夠講麵係專家棄掉了其他麵的確幼細彈牙湯底也不俗鹼水味都算接受到可是料方面就炸醬麵多菇多肉但醬淡了少許雲吞麵雲吞是比較傳統的多肉少蝦皮也一般不是我杯茶可能是手製所以粒粒品質不同掛牛丸麵牛丸異常爽口但稍欠牛味湯丸紅豆沙最特別紅豆沙像水般淡也不見紅豆反是三粒芝麻湯丸甜得搶吃完湯丸回頭再試紅豆水便連原本僅有的甜味也消失了總括而言個人喜歡隔離舖富城多一點起碼平尐又乾淨尐

同女朋友過開黎灣仔區食飯，見門口佢地又話推介又有好多食評家一齊影相諗都唔會好差啦咁就入左黎坐低就叫左個炸醫同根腩面成$26一個個面黎左個時見個size 已經嚇左一下，算，灣仔食野都好難講，咁就食面啦好好好重皀水味，真情同我係百佳買10蚊一大包個d面冇分別，d面又唔係想像中咁彈牙...好快(其實係兩啖)就已經消化左佢，俾左錢出門口到而家都好似俾人騙左錢咁>.<

吃完飯，同太座打道回府，路經此地，心諗吃碗紅豆沙都好。但坐低才知，雖然只是九時許，但紅豆沙已經賣清。唯有就叫了湯丸及桑寄生蛋茶各一碗。湯丸一碗六粒，麻蓉餡。湯丸雖然滑，但不煙韌，一吃便知不是外面交來，就是雪了很耐，麻麻地。薑湯熱得過份，又是一喝便知是微波爐的製品，廿蚊一碗，物非所值；桑寄生蛋茶好一點，但香味遠不及西環源記，那裡的桑寄生茶，是又香又夠味的。雞蛋也算是浸在蛋茶內熟的，15蚊一碗，算交了功課。如再想吃甜品的話，如果再沒有紅豆沙，就不會再來了，因為實在物非所值。

來這裡不下廿次，感覺由期待到無奈，愈做愈差，尤其是麵質及雲吞，前者苦味依然，亦較從前腍身，鹼水味未能去清，應該是即做即賣，未放過夜。食完榮興未飽，就獨自來吃個麵點，麵比午市賣的好，可能人少，即煮即上，唔會過腍，可惜麵質及不上從前，這是事實，是造麵的問題；雲吞非鳳尾，浸湯無奈即散，蝦、肉分離，豬肉死實實，無味，絕對是失準之作。來，是為了吃一碗心機麵，可惜希望愈大，失望愈大，看來竹昇麵大概後繼無人已．．．．．．

在港島吃雲吞麵,灣仔修頓對面的永華,吃了好幾年,依然喜歡.大碌竹壓麵,永遠是麵店之無敵必殺技.等如細細個去打街霸,一招無影撻,屈機之外,同時亦冒住比人撻之危險.日前再來,例牌雲吞麵,雲吞蝦豬比例適中,麵身質感仲係彈牙,但係鹼水味比以前濃烈得多.不是嘛?無來一陣子,為何變成如此田地?連街邊十皮貨色都仲好過佢.本來好一隊英超列強,闊別三數年已直插英甲,令人痛心疾首.粗俗都要爆句唔_係呀?)蝦子芥蘭反而比雲吞麵來得更好聲譽,蝦子很咸香.雖然不及已逝去的車品品,不過已接近頂級.芥蘭全部揀手貨,鮮甜到吃到索索聲.上湯竹笙,亦是此店之招牌之一.下次再來的時候,大可唔吃麵.淨雲吞,芥蘭,竹笙,同埋免費任食的醃蘿蔔.已經算對此名店的支持.PS:此修頓不同彼修頓,果個修頓回憶中,最好吃的,只係Harry Ramsen的Fish & Chips.

四月十七號星期二開會搞搞吓搞到點半. Y小姐同D經理就落大家樂買飯唉, 唔好啦.. 辛苦得o黎至在食. 都快快腳揾野食好快地叮叮落灣仔去左一直未踏足過o既永華. 坐低,叫o左碗細蓉. 食完之後, 好似唔夠喉, 行o左過隔o黎富城粥麵試埋佢地碗細蓉永華麵家VS 富城粥麵1. 湯底永華- 清, 唔會太油, 好有蝦/大地魚味, 飲晒都得富城- 好油, 好重胡椒味戰果: 永華勝2. 麵質永華- 竹昇麵. 好感真係唔錯, 有的似新鮮pasta質地, 無鹼水味富城- 全蛋麵, 好一般戰果: 永華勝3. 雲吞永華- 五粒. 細細粒. 蝦同肉比例剛好. 似傳統雲吞. 豬肉入味而鮮,亦無會太鹹富城- 四粒, 蝦好爽. 肥豬肉比較多戰果: 永華勝4. 價錢永華- 二十四蚊富城- 十五蚊戰果: 富城勝總括:永華傳統竹昇麵始終優勝

知道這裡的麵是竹昇麵，所以試一試，不過我個人覺得不太特別，當然鹼水味不太濃，但麵也不是特別爽。雲吞我覺得比一般較好，不過好似不是新鮮的蝦肉包的。最好味是那個湯，又鮮又濃。我見到別人食豬手，下次我也想試下。